Legegintzaldi honetan, herriz herri parte hartzearen aldeko dinamika pizten hasi dira. Eta sarean adibide asko dago horretarako.
Hemen eta han zer egiten dan ikusteko aukera daukagu.
Larrabetzun antzeko herria dogu Eskoriatza, Debagoiena eskualdeko herritxoa.
Bertatik ekarri dogu bideo hau, baina udalgintzan, komunikazioa zelan hartu duten aztertzea be interesgarria da.
Sare sozialetan, webgunearen erabilera, jendearen partehartzea, dinamikotasuna, koloreen erabilera… eredugarri.
Herriko alkate Beñat Hercek, bideo bidez be deitzen ditu herritarrak batzarretan parte hartzen.
Garmitxa elkartearen aldeko lana abiatu da herrian. Eskolan, kalean, familietan kontzientzia zabaltzeagaz batera, elkartasun ekonomikoa eta ostantzekoa be lantzeko ekimenak gero eta gehiago.
Abenduaren 31ko herri krossa, horren adibide polita izan zan.
Larrabetzuko udalaren balorazioa
Abenduaren 31ean, herrian antolatu zen Urieri Buelta 1. Lasterketa dela eta, Udalak balantze oso positiboa egiten du.
Guztira 161 korrikalarik parte hartu zuten, honako kategorietan banatuta:
0-7 urte: 34 partaide.
8-10 urte: 15 partaide.
11-14 urte: 7 partaide.
15 urtetik aurrera: 105 partaide.
Ikusita zelako parte hartzea eta zelako giro ederra bizi izan gendun, Udalak bere esker ona agertu nahi die Garmitxa Elkarteari eta Hori Bairi egindako antolakuntzagatik, lan egin zuten bolondres guztiei eta bertaratu zen jendeari.
Lasterketan batu den irabazi garbia 380 eurokoa izan da, bere osotasunean Garmitxa Elkarteari zuzendua.
Larrabetzuko elkarte eta eragileen artean, kultur eta kirol agenda txukun bat osatzea dugu helburu.
Kordinatuta, automatikoa, parte hartzailea, sarean eta paperean.
Beta fasean -frogak egiten- ari gara blog hauetan:
Orain, frogak egin ostean, elkarteen artean aurkeztuko dogu, zelan erabili erakutsi eta herritarren artean zabalduko dogu. Modu berean, Larrabetzuko udalaren webgunean be, agendako informazio guztia zelan agertu asmatu behar dogu.
Aurrera begira, mugikorretarako, panel elektronikoan, paperean… zelan egin ere pentsatzen joan beharko dogu.
Zuen blogean kartelaren irudia jarri eta mundu guztia parte hartzera gonbidatzea eskertuko genuke.
Izan be, Interneten, zein batzarrean zein eguneroko bizitzan parte hartzea bultzatzea da gure asmoa.
Sarean asko ikasi dogu. Urteak dira herri mailako proiektuak sortzen hasi ginela, eta geroztik Larrabetzu eta sarea asko aberastu dira. Larrabetzu sarean dago, eta gure herriko berri topatzeko modu asko eta anitzak dauz sarean.
Horrek asko pozten gaitu. Eta gaur egun, Larrabetzuko barri sarean egon badago. Bideoak, argazkiak, albisteak, eztabaidak, informazio praktikoa… danetarik dago sarean.
Berrikuntza soziala eta informazioa eskutik doaz gurean, eta horretarako asmo barriak zabaldu gura ditugu sarean bertan. Apurka apurka.
Gazte Eguna be prest.
Eta gero Andra Mariak, ostean Emeteriak… Larrabetzuk barriro be, eten txiki baten ostean, eszenatokien sasoiari helduko dio. Txoznak, herri giroa, umorea, jatorduak, edana, jantzak… eta batzuk, lan eta lan.
disko jartzaileak gaztetxean
Aurten be disko jartzaileak eta reggae abeslariak (souns system jaia) izango dira Hori Bai gaztetxean.
Revolutionary brothers donostiarrak King Konsul reggae abeslari zarauztarrarekin egongo dira Hori Bai gaztetxea girotzen.
Eurekin batera Italiatik etorritako Zizzapawaposse disko jartzaile eta abeslari kolektiboa izango da.
