Gaindegiari eskatu beharko diogu, azken urteotako datu soziologikoak -Euskal Herri osokoak, hori bai- eskainiz ikerketa bat eskatu diezaiokegu; baina bitartean, ene begiek, aspaldi honetan ikusi eta bizi izan dutenari erreparatuta, joera bat badago, azken asteotan areagotu egin dena -neure inguruan, behinik behin- euskal ezkontza zibilen -ezkerreko, abertzale, euskaltzale….- bikoteen artean.

Ezkontzak areagotzen ari ez ote diren susmoa daukat. Zer diozue zuek?

• ezkontza abertzaleak

Euskal Herriko ohitura zaharrei erreparatuz, idi parea alokatu, trikitilariak kontratatu, diren euskal jantzirik garestienak erosi -mozorrotu- eta euskal ezkontzak areagotu egin dira Euskal Herriko mapan. Badira abadeekin egiten direnak -joera jeltzalea- baina badira ilegalizazioa gainditu duten ezker abertzaleko alkate berriekin -Bildu joera- egiten dituztenak.

• murrizketen kontrako ezkontzak

Azken aldi honetan, Wert hezkuntza ministroak, Celaa hezkuntza sailburuak eta enparauek daramaten joera ikusita. Ezkon egunak galduko dituzten beldurrez, asko dira epaitegietara jo duten bikoteak. Opor egun hoiek galtzearen beldurrez, bidai agentzietara jo dute, udaletxeetan ezkondu dira, eta aste santuko zein aste santu osteko oporrak luzatu dituzte.

Datu gehiago biltzen saiatuko gara, jatetxeak, soziedadeak, dj-en kontratazioak, bidai agentziak… ekonomiari buelta emateko modu alternatiboa izan daiteke. Kontsumoan oinarritutako gizarte kapitalista amaitu daitekelako beldurrez… zeozer egiteko hautua. Bitartean, munduak bueltaka darrai.

Gora ezkon berriak!

Zelan edo halan, izan zaitez zoriontsu!