53R61-ren bloga

Minecraft (Sistema anitzetarako)

Eraiki buruan duzun hori! Minecraft honetan munduak sor ditzakezu oso-osorik; bakarrik edo lagunekin, bideokontsolaren, ordenagailuaren zein mugikorraren bitartez. Esploratu, eraiki eta konkistatu! Munstroak gauez ateratzen dira, hobe duzu babesleku on bat altxatzea. Hemendik aurrera, zure imajinazioari erantzugo dio zuk zeuk sortutako munduak. Minecraften, orduek minutuak dirudite.

Rayman Origins (PS3, Wii, Xbox 360)

Rayman bere erroetara itzuliko da bi dimentsiotako plataforma abentura honetan. Baina ez dator bakarrik, hiru lagunekin batera modu kooperatiboan jokatuta, partida bakoitza izugarri dibertigarria izan daiteke. 60 mundutan barrena elementu zati solteak bilatuz, Raymanen historia ezagutuko dugu eta sekretu berriak ezagutuko ditugu kolorez beteriko joko eder honetan.

Super Mario 3D Land (Nintendo 3DS)

Hau da Super Marioren lehen abentura hiru dimentsiotan jokatzea ahalbidetzen duen Nintendo kontsola eramangarrirako. Jokalariek benetako esperientzia zirraragarria biziko dute; abiadura eta distantzia sentsazioak antzemango dituzte maila ezberdinetan zehar lasterka dabiltzan bitartean. Askotariko baliabideak ez ezik, hainbat jantzi ere izango ditu Mariok eskura bere abentura gauzatzeko, horien artean zaleek hain gustoko duten Mapatxearena.

Gaztezulo aldizkarirako egin dudan kolaborazioa.

Moderm Warfare 3 (Xbox 360, PS3, PC)

“Infinity Ward” “SledgeHammer Games”-ekin elkarlanean garatu dute Modern Warfare-ren hirugarren atala. Suntsipenera bideratuta dagoen mundu batean girotuta dago non Makarov eta bere gaizkile taldeak kaosa zabaltzen ari dira leku guztietatik. Guk Operazio berezietako soldadu bat izango gara, Unitateko beste kideekin batera Makarov arrapatu beharko duguna. Aurreko ataletan bezala sarearen bidezko multijokalari modua, Interneten jokatuenetakoa izaten ari da.

The Legend Of Zelda: Skyward Sword (Wii)

Lurretik bizi diren abentura handiak eta Zeruan zehar egiten diren bidaia zirraragarriak bateratzen dituen jokoa da. Irudi ederrekin marrazki bizidun itxurakoak eta soinu banda are ederragoarekin aurkezten da Sagaren 25. urteurrenean. Airean hegan egin dezakegu hegazti erraldoi batekin hodeietatik zehar hauen azpian aurkitzen den kontinente bateraino. Urteurrena dela eta merezi du joko hone edizio bereziarekin egitea, soinu banda orkestatu duen musika Cda eta Wii motion plus teknologia darabilen agintea dakarrelako diseinu bereziarekin.

Sonic Generations (PC, 3DS, Xbox 360)

Urteurrenekin jarraituz aurten 20 urte betetzen ditu Sonic Kirikolatz urdinak. Lehen eta oraingo garaietako zaletuen gustura sortu dute Sonic Generations hau, kontsola zaharren eta berrien jokabilidadea bateratuz. Denboran zehar bidaiatu ahal izateko zuloak sortzeko botere bat agertu da eta hemen hasiko da Sonic bere abentura berria. Iraganera joango da, lagun eta arerio zaharrekin aurkituko da eta plataformetan zehar abiadura bizian ibiliko zaigu.

Gaztezulo aldizkarirako idatzi dudan artikulua

Gears of War 3 (Xbox 360)

Historian izan den sagarik garrantzitsuetakoaren amaiera dugu hau. Epic games garatzaileak sortua, itxaropenez, anaitasunez, biziraupenez eta momentu epikoz betea dator. Hemezortzi hilabete pasatu dira gizakien azken hiria erori zenetik eta oraindik Locust-en aurkako guda dirau. Bien bitartean, beste espezie baten mehatxua planeta kutsatzen ari da barnetik, lur azpitik. Marcusek eta bere kideek erlojuz kontra salbatu beharko dute giza arraza.

Forza MotorSport 4 (Xbox 360)

Gidatzeko joko bilduma goraipatuena dugu Forza Motorsport, eta laugarren atal hau berrikuntza iraultzaileekin dator. Inoiz ikusitako irudi harrigarriak, kinect periferikoaren erabilera, multijokalari eta giza sare aukerak, auto katalogo luzea eta jokatzeko nahi beste modu. Forza Motorsport 4 honek gidatzeko esperientziarik errealena dakarkigu.

Rage (PS3, Xbox 360, PC)

Wolfenstein, Doom, Quake eta beste hainbat tiroketa joko ezagun sotu dituen taldeak titulu berri bat dakar. Joko honek mundu postapokaliptiko batera garamatza non gelditzen diren gizakiek gaizkileen bandetatik eta mutanteengandik biziraun beharko duten, basamortu bilakatutako munduan. Akzioa eta auto lasterketak nahastuta, hor barrena ibili beharko dugu ezkutuko misterioak deskubritzen.

Gaztezulo Aldizkarirako idatzi dudan artikulua.

Battlefield 3 (Xbox 360, PC, PS3)

Akzio belikoz josiriko titulu hau pauso bat haratago doa mota honetako beste jokoekin alderatuta. Frostbite 2 izeneko motore grafiko berriak sentsazio errealistagoak biziaraziko dizkigu. Berriz ere marine estatubatuar baten azalean sartuko gara eta munduko gudu zelai ezberdinetan ariko gara: Europa, Ekialde Hurbila, Ipar Amerika… Lur, aire eta itsaso. Auto, tanke, hegazkin eta itsasontzi. Urri amaieran izango dugu dendetan eskuragai.

Deus Ex: Human Revolution (Xbox 360, PC, PS3)

Etorkizuneko hiri batean girotu dute jokoa. Adam Jensen izango gara, Swat ohia eta orain bioteknologia konpainia indartsu bateko burua. Enpresari eraso egin diote eta Adam larriki zauriturik suertatu da. Bio-inplanteek salbatuko diote bizia eta, izugarrizko boterea eta indarra emango diote. Gertatutakoa ikertzen hasiko da Adam, eta mundu mailako konspirazio sare batean sartuko da. Blade Runner eta Robocop filmak ekarriko dizkigu gogora.

Batman Arkham City (Xbox 360, PC, PS3)

Zaldun beltza bueltan da abentura berri batekin. Batman Arkham Asylumen arrakastatik sorturiko titulu honetan ere Batmanen unibertsoko pertsonaia klasikoak eta arerio maltzurrak aurkituko ditugu. Arkham hiria da eszenatokia, aurrekoa baino bost aldiz handiagoa. Saguzahar gizonaren zaleek biziki gozatuko dute, ziur.

Gaztezulo aldizkarirako idatzi dudan artikulua.