{"id":2191,"date":"2013-09-09T15:02:36","date_gmt":"2013-09-09T13:02:36","guid":{"rendered":"http:\/\/www.larrabetzu.org\/gaztelumendi\/?p=2191"},"modified":"2013-09-09T16:49:40","modified_gmt":"2013-09-09T14:49:40","slug":"kazetari-independentista","status":"publish","type":"post","link":"https:\/\/www.larrabetzu.org\/gaztelumendi\/?p=2191","title":{"rendered":"kazetari independentista"},"content":{"rendered":"

Kazetaritza, informazioa eta komunikazioari lotuta bizi naiz, bizi dut.
\nIrratian, telebistan, prentsan eta Interneten aritu naiz luzez. Ari naiz.
\nIndependentista naizela esango nuke, txiki txikitatik. Banaiz oraindik.
\nNazioarteko berriak jarritzen ditut, munduari so nago, leihoak irekita.<\/p>\n

Eta Internetek aukera ederra ematen digu, kazetari izan, informatzeko, independentista jarraitu eta munduari begirik ez kentzeko. Ametsok bizi naute, izarrik ere.<\/p>\n

Mundua begiratzeko modu bat da idaztea eta komunikatzea. Modu aktiboan esan nahi dut. Kontatuz bizi duguna, ikusten duguna idatziz, azalduz sentitzen dena. Irrati uhinetatik, pantailetatik edo aurrez aurre.
\n\"komunikazio
\nInformazio kanal independienteak maite ditut horregatik. We the media<\/em> liburua irakurri nuenean (2005 urtean edo…. ) argi ikusi nuen grassroot journalism<\/em> mota honek ainguratuko ninduela komunikazio mundura luzaz… eta horretan jarraitzen dugu, batean eta bestean.<\/p>\n

Orain albistea zer, non… horretaz ari gara sarean, paperean, irratietan, telebistetan. Bizi dugu. Zenbat eta hurbilagotik, zenbat eta aktiboago orduan eta hobeto. Eta horretan jarraitzen dugu. Eta bizitza eder honek, aukera asko ematen digu horrelako okasioetarako… beti nahi dugu scoop bat edo elkarrizketa bikain bat egin, baina gero konturatzen gara jendea maite dugula, edozein txoko, gertaera bitxiak…. eta albistea elkarrizketa xume batetik sortzen dela, notizia bilakatzen dela edozein lerdokeri, batzuen esanek besteen ekintzek baino gehiago balio dezakete agian…. baina informazioaren munduan jarraitzen dugu, oharkabean.<\/p>\n

Montenegrotik Kataluniara
\n\"montenegrON<\/a><\/h2>\n

Gauza on asko gogoratzen ditut kazetaritza esperientzietatik. Baina egunotan duela 7 urte Montenegron bizitakoa dut akorduan. Autodeterminazio erreferenduma bizi izan genuen, zuzenean, han bertan. I\u00c3\u00b1aki Sotok gonbidatuta -gaur GARAko zuzendari dena- erreferenduma jarraitzera joan ginen lau lagun Euskal Herritik. Argazkiak, iritzi artikuluak, kronikak eta harremanak egitera. Hegazkina hartu eta alokatutako autoa biziz, ezagun berrien etxeak eta bertako bizipenak izan ziren gure egunerokoa aste erdi labur batez. Eta independentzia prozesu baten eztanda bizi izan genuen. Eta zuzenean kontatu hemengo medioetan.<\/p>\n

Orain begiratuta, poz itzela nabari da gugan letra haiek irakurtzean. GARAko artxiboan daude egun haietako kronikak eta bizipenak.<\/p>\n