Kategoriak
agit/prop

Karl Marx kalea

Gaur bezalako egun batez, 1883ko martxoaren 14an hil zen Karl Marx. Pentsalaria, filosofoa, marxismoa eta komunismoaren aitzindaria.

Gaur bezalako edozein egunetan, oraindik Euskal Herriko udalerri batean, gutunazaletan egunero egunero Karl Marx kalea agertzen da. Idatzi eta jaso egiten da.

Euskal Herrian izan dira une gorri eta gorriagoak. Ezkerra proiektu politikoa izan da, garai bat baino jarrera bat izan da ezkerrekoena. Eta kaleak horrelako izenarekin jarraitzen badu, arrazoiren bat egongo da oraindik. Munduan iraultzaileen estatua asko erori eta bota dituztenean…

karl marx kalea

Eta oraindik Karl Marx kalerik badago gurean. Badakizue non?

Asmatu ezkero, ardo gorri bat ordainduko dizut ondoko taberna gorri batean. Ezin gorriago.

Manifestu Komunista 

Manifestu komunistaBere lanik ezagunena Kapitala –Das Kapital jatorrizkoan- izan zen, baina mundua aldatzen hasteko egin zuen lanik iraunkorrena Engelsekin batera idatzitako Manifestu komunista izan zen. Gurean aspaldi itzuli zen euskarara -ez zuen ba Xabier Kintanak euskaratu?- eta gaur egun ere, Interneten eskuragai dago osorik eta euskaraz, Marxisten gune batean.

erantzun itzazu 154 “Karl Marx kalea&rdquo-(e)an

Aupa,

Erandion da ezta? Ia ba noiz hartzen dogun trago hori.

Aurrera eta ondo segi

Baina poseetatik haratago, badugu Marx aldarrikatzeko gogorik-asmorik?

Badu zentzurik, gaurko egunean?

Nik uste baietz. Zuk, Patxi?

p.s. Marxists.org-eko euskarazko ataleko testu gehienak, 20 urteko gazte gasteiztar batek itzuli ditu: Trostsky, Lenin…
Ondo ezagutzen dut tipoa, benetan inteligentea da, baina independentista izan
arren, ez dio ezker abertzaleari bozkarik emango.

Katixa, Alex, Luistxo, Josuok.. gura duzuenean geratuko gara Astrabuduako Herriko Tabernan. Ardo gorria, vodka, garagardoa.. gura dugun beste irakurri dezakegu, Manifestu Komunistaren euskarazko itzulpena edaten dugun bitartean… Kasualitatea? Ba bertan euskaratu zuten Marxen obra hori ere.

Astrabudua izango da Eraindiko auzorik gorriena, ziurrenik.

Mila esker, lotsaz apur bat gorritu nazen arren.

Josu, Telebistan zabiltzanetik… gorriarena posea iruditzen zaizu ala? Lasai, denborarekin konturatuko zara, aberats izatea ez dela zoriontsu izateko biderik errezena… ez horixe.

Besteoi marrubizko muxuak!

Iruzkin-atala itxita dago.