Ezetz esan genion gerra hau

Ezetz esateko!

Mundua gobernatzen duen lehendakariak, jainkoaren eta demokrazioaren izenean krimen berri bat iragarri du. Horrela jainkoa bera iraintzen du, demokrazia iraintzen du

Bushen gobernuak -gobernua baino gehiago oleoduktoa- munduko erretserbarik handienetakoaren jabe izan gura du, Iraken lurrazpian dagoen petroleoaren jabe. Horrez gain, Estatu Batuek gerrarako materialetan xahutzen duen dirutza arrazoitu behar du, eta jendaurrean gerrarako industriaren azken modeloak erakutsi beharra dauka.

Hori da afera. Gainerakoak, aitzakiak dira. Eta egin gura duen sarraskiaren aitzakiek inteligentzia bera iraintzen dute. Munduan arma nuklearrak erabili dituen herrialde bakarrak, Hiroshima eta Nagasakiren gainera bonba atomikoa botatzeko gauza izan zenak, Irak gizateriarentzat arriskua dela ohartarazi nahi digu. Bushek gizateria horrenbeste maite badu, eta gizateriak gainean duen mehatxua ekidin gura badu, zergatik ez du bere burua bonbardeatzen? Horrela errurik gabeko herrien exterminioa planifikatu beharrik ere ez luke izango.

Otsailaren 15rekin munduko kaleak manifestazio handi bilakatuko dira. Gizateria nazkatu da bere izenean hiltzen dutenetaz. Gizateriak ez dio gehiago negarrik egin nahi gerra bukatutakoan hildakoari. Gizateriak hilko duen gerra ekidin gura du.

postdata: Hitzok bilatzen aritu naiz Indymedian. Aspaldi, duela 4 urte euskaratu nituen, Eduardo Galeanok idatziak dira, gerraren kontra antolatzen ari ziren ekitaldiotan irakurtzeko. Euskal Herrian ere, ozen esan zitzaion ezetz gerrari. Iraken ordea, okupazioak eta gerrak bere horretan irauten du. 4 urte igaro dira dagoeneko.

argazkia: GuerrillaPop

bigarren postdata: Gerra ala inbasioa? Info7 irratirako kronika prest nuenean, Antton teknikariak, gerra barik inbasioaz ari ote nintzen galdetu dit Urruñatik. Baietz nik, inbasioa, baietz. Eta kronika egokitu dut. Bat batean.

[audio:http://info7.com/entzun/deskargatu.php?fitxaizena=http://www.info7.com/mp3/kolaborazioak/talaiatik/20070320_eus_1201.mp3&sekzioa=talaiatik&id=1205]