-
Euskarazko edukiak etiketatzen >> bildu.net
Aukera berri bat gehitu diote asteon bildu.net lastermarkak gordetzeko tresnari. Euskarazko edukiak etiketatzeko aukera dago orain. Aski izan dute asteburuko elkarrizketa bat, tabernetan izaten ditugu hoietako bat, tresna txukun bat sortzeko.
Maiz, ia egunero erabiltzen dugu bildu.net eta egia esan, euskarazko edukien eremuan lan ederra egiteko tresna dela iruditzen zait. Edukiak sailkatu, etiketatzen ikasi, gune interesgarriak partekatu…. eta bestelako esperientzia berriak sortzeko aukera emango digu. Irudimena lekuko.Baina euskarazko edukiak etiketatzen joateko hau, bikaina iruditu zait.
Lastermarka bat gordetzen dugunean, aurrerantzean hizkuntza aukeraketa egingo digu bildu.netek, eta euskarazkoei automatikoki eu etiketa gehituko die tresnak. Aurrerantzean, euskaraz bildutako edukiak kontsultatu ahal izango dira bildu bitartez. Etiketatuak. RSS bidezko jarraipena egitea ere posible izango da.
Urrats txikia ematen du, baina berebiziko garrantzia izango duelakoan nago. Denboraren podasuz ikusteko parada izango dugulakoan.Gustatuko zaizu ere
Euskal Herriko mapa #libre bat
Liburuaren eguna
13 urte blogean, ekinean, ahaleginean
-
Ipuin hiper laburra dirudien arren
albistea da. Edo hobe esanda, albiste da. Ez baita gauza bera. Albistea izan ala albiste izan.
Albistea da behia, albistea istripua, albistea ihesa, albistea haren akabatzea. Eta ipuina dirudi.
RSS bidez duela minutu batzuk heldu da nire Alestiko kontura. Sarritan aipatzen da Monterrosoren ipuina. Berriako edizio digitalean “>bota duten hau ere ez da makala gero.
GERTAKARIA
Martuteneko hiltegitik ihes egin du behi batek, eta trenbideko tunel batean gorde da
Tren zerbitzua etenda egon da ordubetez, behia hil eta trenbidetik kendu duten arte.
-
klik egiteko modukoa
-
Martxoaren 8ari sua falta zaio
Gaur ere euria ari du. Gaur egutegiak martxoak 8 dio. Seaskakoak Andere aipatzen du.
Ikusi ditudan ekitaldi guztietan, deigarriena Katixarena egin zait. Eta poztu egin naiz. Blogari idazleak ugaritzen ari direlako. Blogean ezagutu ditugunak, liburuetako azaletan ikusten ditugulako orain. Idazle egiten dira. Eta beraien berbak, ipuinak, narrazioak… paperean ere irakurri daitezkelako.
Eta liburuaren bila jo, eta irakurtzen emango dugu emakume langilearen eguna. Manifestazioak igaroko dira albotik, emakumeen oihuak entzungo dira…. hala ere irakurtzen emango dugu eguna. Ezer egin barik. Ezer idatzi barik. Ezer erre barik. -
Makala: music makes me free
Aspaldiko laguna da Mikel Untzurruntzaga Makala. Musikaria, disko jartzailea, musika programatzailea, musika eroslea… eta abar. Berdin jarraitzen du, zale, erosle, jartzaile, ari eta ari… musikaren inguruan.Hainbat disko egin ditu orain arte. Javi P3Zen doinuak nahastuz plazaratu zen, Hondartzan egin zuen gero Metak zigiluarekin, Shakalaka Boom edo holango bat egin du duela gutxi Egaztearekin. Eta ez da gelditzen.
Bira hasi du orain, eta besteak beste Berlinera ere joango da Marek bere senide txekiarrarekin. Marek ere disko jartzailea da. Eta teklak ere joko omen ditu Makala sound system horretan.
Baina polita, benetan polita Makalak youtuben jarri duen bideo hau. Izugarri gustatu zait. Eta ondoko leiho horretatik beste zarauztar hoiek kentzen ditudanean -asko gustatzen zaizkit Delorean ere- Makalaren hau jarri behar dut.
Bitartean hemen Makalaren bideoa:Gustatuko zaizu ere
EHZ festibala
Larrabetzu Eskura webapp eta Badok.info
Pete Seeger Euskal Herrian
-
Berri Txarrak Larrabetzuko Hori Bai gaztetxean
Martxoak 2, barikua. Larrabetzuko Hori Bai gaztetxea.
Gaztetuta dago Andra Mari kalea. Jendez lepo gure herria. Autoetan ez da asko nabari, baina oinezkoak nagusi kalean. Gazteleku tabernan ohikoak baino bokata gehiago egin dituzte gaurkoan, plazako jesarlekuetan ere gazteak daude. Instituto adina dute. Euskara eta gaztelania barra barra entzuten da gaur.
Gaztetxea betetzen ari da. Gaurko kontzertuko sarrerak duela egun batzuk bukatu arren, jendea etorri etorri egin da. Bete da gaztetxea. Eta laister abiatu da kontzertua. Hirukotea taula gainean. Gazteak haiei begira. Bat, bi eta hiru. Hasi da dena.
Berri Txarrak | Albiste onak
Notizia dira. Europa eta Asiara doaz, Euskal Herritik. Asteburuko kontzertuen ostean munduak ezagutu behar ditu. Taiwan, Japon, Alemania, Irlanda… bi hilabete furgonetan, bi hilabetez eskenatokietatik, aretoz areto. Bi hilabete euskaraz abestu, eta gure musika jotzen. Hemengoa han. Hemen bezala edonon. Albiste onak, duda barik.
Bira horren aitzakiarekin, elkarrizketa pare bat egin dizkiet…. eta apaltasuna eta maila nabari da. Erantzunak jarrera dira. Argi dago, argiak dira… eta argi daukate bidea.
-
Gaur8.info
-
Iruñeako Donibane auzoa, martxoak 13
Martxoaren 11 hura ez dugu erraz ahaztuko. Leherketak Madrilen, eta oihartzunak Euskal Herria jo zuen, bete betean. Eztandaren ardura, egoera latza, inposaketaren kezka.
Une amaigabeak, Interneteko kontsultak, erantzun gabeko galderak.
Latzago bizi zuten Iruñeako Donibane auzoan. Okiña hil zuten. Une haiek, orduan bizitakoa bildu dute auzokideek orain filme batean. Eguzki Bideoak ekimenak burutu du errealizazio lan guztia. Emaitza sarean ikusi baino, filmearen trailerra ikusten ahal dugu. Anaitasuna kiroldegian egingo dute estreinaldia.
Gustatuko zaizu ere
EHZ festibala
Hala Bedi komunikazio libre eta alternatiboa
Eskoletako jantokien ikasgaia
-
irratia.com aurreratu egingo da
Gure 2.2 bertsioarekin jarraitzen dugu, teknologia berriak, Internet, musika eta irratigintza uztartzen. Albisteak, elkarrizketak, musika ona, nazioarteko erreferentziak, berrikeriak…denetarik Interneterako egokitutako irrati emankizun honetan.Aldaketak egiteko ordea, edozein une da ona. Eta guk zuzenekoa egokitu gura izan dugu. Eguerdi aldera igaro dugu, orain arte astearte arratsaldetan egiten genuena. Gaurtik aurrera, asteartero 13:00etatik 14:00etara zuzenean arituko gara. Bilbo Hiria irratitik FM 96.0an eta Interneteko bilbohiria.com gunean.
Gure irratsaioa beste hainbat irrati libre eta euskaldunetan ere eskaintzen da.
Hala Bedi irratia. Gasteiz. Araba.
Arrakala irratia. Lekeitio. Bizkaia.
Uhinak irratia. Laudio. Araba.
Info 7 irratia. (Aurki hasiko dira eskaintzen) Urruña. Lapurdi.
Zintzilik irratia. Orereta. Gipuzkoa.
-
Duintasuna
Duintasunak hemendik aurrera esanahi berria dauka, Iñaki.
Duintasuna maiuskulaz idatzi daiteke, Iñaki.
Duintasuna eredu da, Iñaki.
Duintasunaren eredu, hitz, esanahia zara, Iñaki.
Duintasuna ez da ziega batean sartzen, duintasunak atera egin behar du espetxetik, duintasuna ez da erosten, ez da saltzen, ez da legeetan kabitzen.
Duintasunak heriotzara zaramatza, duintasunak bizi nahi du. Duintasuna zu zara, Iñaki.
Duintasuna; Iñaki De Juana Chaos. Euskal Herritarra. Preso politikoa. Askatasunaren alde direnak eta bi egin eta eman ostean, duintasunez Euskal Herrira heldu dena.
