-
deabruak teilatuetan
gaur kaleratu da 1973 diskoa, aspaldian -berria jaso genuenetik- entzuteko horrenbesteko gogoa izan dudan diskoa.
deabruak teilatuetan, eta ilusioa, irrifarre ttiki bat, aspaldiko akorduak.
Pasa dira urte batzuk, unibertsitatean genbiltzan orduan. ARGIAko musika kritikak eta El Tuborako elkarrizketak egiten nituen orduan. Eta maketa erakutsi zidaten. Nik oraindik ez nituen ezagutzen bikiak. Beraiek aurkeztu zuten bere burua, Imanolek eta Jon Anderrek.
Maketarekin El Tubora joan nintzen. Orrialde oso bat eskatu nuen, baina ez zidaten utzi nahi, diskorik ez zutelako. Oso onak zirela esan nion Belen Mijangosi. Eta utzi egin zidan. Orduan gutxik idazten genuen euskaraz El Tubo musika aldizkarian, eta kasu dexente egiten ziguten. (Akordatze haiz Kojo?)
Diskoa kaleratu zuten gero, Esan Ozenki disketxearekin. Aurkezpenerako testu bat prestatu nuen, atera zuten zuribeltzezko fantzine batean. Eta jarraitu genituen. Kontzertuetara joan. Entzun. Kontzerturen bat antolatu… denetarik.
Orain disko berria, horrenbeste urte elkarrekin jo barik, eta diskoa egiteko elkartu dira. 1973 diskoa entzuteko gogoz nago. Eta erosi egingo dut, noski. Eta entzun. Eta kritikatu. Eta saiatuko naiz kontzertu bakar hoietako batera joaten. Eta bitartean diskoa entzun, diskoaz eta musikaz gozatu. Bonberenean jo behar dute. Joango gara. Eta agurtu. Eta besarkatu. Eta bizitzaz berbetan jarraitu. Aspaldi bezala. Atzo bezala.Behin eta berriz kantua.
[audio:http://www.bonberenea.com/mp3/1973.mp3]deabruak teilatuetan, 1973. Bonberenea ekintzak.
Podcast: Play in new window | Download
-
gaztesarea.net aurrera
Astearteroko mikrosaiora gaztesarea.net ekarri dut asteon, Madrileko Audientzia Nazionalera joan diren une berean gainera.
Teknologia berriak, Internet hartzen ditugu hizpide. Eta hara non, Madrilerako bidea egin behar izan dute gazteen atari honetako arduradunek, zer eta Kaskagorri konpartsaren webgunea zerbitzarian ostatu hartuta izateagatik.
Eta argazki hauek, delitu dira nonbait. Bilboko gazteak dira denak, kartzelan daudenak, Kaskagorri konpartsako kide izandakoak Bilboko aste nagusietan.Eta webgunea euskaltelen izango balute? Ardanza deklaratzera?
Irrati kolaborazioa entzuteko:
[audio:http://www.info7.com/mp3/kolaborazioak/talaiatik/20071023_eus_1901.mp3]Gaztesarearen afera Interneten.
Zabaldu.com
sustatu.com
Berria.info
Gara.net
Gaztesarea.net
Ukberri.netEta sarean nenbilela, argazki muntaia hau topatu. Muntaia salatzeko balio beza. Irudimena galdu ez dugun seinale.
Podcast: Play in new window | Download
-
Zer iruditu zaizue EL PAÃS berria?
Asko berba egin da Espainiako egunkari salduenaren -onenaren?- diseinu berrikuntzaren gainean. Gaztelaniazko blogosferan be aipagai dute askok eta askok. Euskaraz be saiatu da bateronbat, zeozer esaten.Nik, domekan El PaÃs erosi nuen. 2 eurogaz, koloretako egunkari bat, El Pais semanal berritua eta eskuan daroadan erloju zuribeltzezkoa. Publico ere inoiz erosi barik neukan… eta egunerokoa baino doblea ordaindu arren -euroa- hori be eroan nuen. Gure kioskoetako egunkaririk garestiena ere –GARA– eroan nuen besapean. Paper mordoa, asteko egunik hotzena igarotzeko.
Eta bueno, Kazetaritza fakultatera joan nintzenetik, egunkarietan egunkariena zena, dena, izango dela entzun izan dut beti. Eta aldaketak aldaketa, holangoetan gustatzen zait begiratzea. Irakurtzea. Erreparatzea. Ahal dala, zeozer ikastea.
El PaÃs azentu eta guzti diseinatu behar izan dute orain, gaztelaniazko Euskaltzaindiak maiuskulaz ere hala behar duela izan delako. Eta horixe, hain zuzen gustatu zait gutxien.
Asko gustatu zaidana, globalaren kontzeptua. El periodico global en español. Hor asmatu dutelakoan nago. El PaÃs egunkari handia da, handi egiten dakite, hankasartzeak ere egingo ditu, baina eredu da kazetaritzan. Eta eredu izaten jarraitzen du. Farol ona da periodiku globalarena. Bizi ditugun garaien neurrira.
Baina, gaurkoan, nire iritzia eskaintzea baino, gehiago interesatzen zait ikusi duzuenona, ildo editoriala albo batera utzita, Cheren kalapita… eta guzti hoiek aparte, zer iruditu zaizu gure kioskoetan -Euskal Herrikoetan esan nahi dut- gutxi saltzen den arren, garrantzitsua baino garrantzitsuago den egunkariaren berrikuntza.
El Paisek, Interneten ere blogaren bitartez gaiaren jarraipena egiten dihardu. ¿Que os parece el nuevo EL PAÃS?
postdata. Nik, El Paisek oparitutako erlojua zotz egingo dut erantzuna ematen duzuenon artean, begirunez.
-
Gorka Bereziartua: Euskarazko Wikipedia edukiz gainezka ikusi nahi nuke
baga) Blogaria zergatik?
Ordenagailu bat etxean duenak goizago edo beranduago erabiltzen hasteko
arriskua duelako. Nik ez nuen arrisku hori kontuan izan eta begira, orain
egun osoa pasatzen dut pantailaren aurrean. Beraz, hau irakurtzen duenak ez
dezala esan ez diola inork abisatu!
biga) gaur egun, zeintzuk dira zure egitekoak, zelan uztartzen dituzu
blogarekin?Kazetaria naiz Argia aldizkarian, eta beste medio batzuetan ere kolaboratzen
dut. Bloga ahal dudanean berritzen dut. Gainera bi kume elikatu behar,
eremulauak eta nire bloga. Momentuaren arabera nabil batean edo bestean, eta
egia esateko azken aldian nahiko nukeena baino gutxiago.
higa) euskarazko komunitate bat dagoenik esan daiteke? Zuk zeuk, zelan
ikusten duzu?Ez dakit komunitatea den hitza, baina sare batzuk badaude noski.
Zabaldu.com-en inguruan, Sustatu-ren inguruan… Kontua da horiek talde
“kontzientziatuak†direla nolabait. Baina hortik kanpo jende asko dabil
sarean euskaraz, beste pretentsiorik gabe, zerbaiten parte sentitu gabe.
Harrituta nago adibidez nire herrian fotologa zenbat jendek duen ikusita.
Euskaraz ari dira horiek ere eta ziur askok ez dutela Sustatu edo Zabaldu
ezagutzen. Eta horrek bere alde onak ditu (erakusten du jendea
naturaltasunez ari dela euskaraz sarean) eta txarrak ere bai (proiektu
handiagoak aurrera eramateko behar izaten delako kontzientzia maila bat duen
jendea egotea).
laga) Irakurri, idatzi, erantzun, ikusi, jarraitu… Internet zer da
zuretzat?Oinetakoak bezala, eguneroko bizitzaren parte bat. Lan tresna neurri handi
batean, informazio iturria noski eta entretenitzeko bidea ere bai.
boga)Eta zer gehiago behar du, behar luke, zure gustuko Internetek…
Ausartuko gara zeozer asmatzen?Zeozer berria asmatzeko ez naiz ni egokiena. Atzeko bagoiko internauta naiz,
asmatutakoa erabiltzen ikasteko nahiko lan izaten duena.Beraz, nire ustez zer gehiago behar duen Internetek? Ba, adibidez,
euskarazko Wikipedia edukiz gainezka ikusi nahi nuke. Lan handia egin du hor
dabilen jendeak, baina jende gehiagok parte hartuko bagenu diferentzia
ederrekoa izango litzateke. Eta hor lehenengo harria nire kopetera bota
behar dut ni bainaiz edukirik sartu ez duen aurrenekoa.
sega) Internet bidez, ezagutu duzu lagun onik, nor? non? noiz?
Eremulauak-en inguruan jende dezente bildu ginen ekin genionean eta geroztik
ere lagun berriak egin ditut. Dena dela, nahiago jendea aurrez aurre
ezagutzea.
zai) Internet gabeko egun bat kontaiguzu, zer egingo zenuke, goizean hasi
eta gauerarte, hori posible ote den jakiteko irrikitan nago eta…
Esnatu, makarrak kendu, dutxa, jantzi, kafea, irratia, autoa etab. Lanera
iritsi eta idazten hasi. “Nola zen, hatxez edo gabe?†600 tonako hiztegia.
Ez dira hor bukatzen zalantzak: entziklopedia hartu, thessaurusa, estilo
liburua eta Biblia (badaezpada). Iritsi naiz mahaira, nahiko ondo halere,
bizkarra normala baino apur bat kurbatuagoa, besterik ez. Baina zerbait ez
dabil. Entziklopedia, zaharkitua; erreferentzia faltan; hainbeste
libururekin ez daukat ordenagailuarentzako lekurik ere. Olivetti batekin
hasi naiz, gutxiago okupatzen duelako-eta. Bizarra egin izan banu. Atzoko
egunkarian Zumalakarregiren berri. Ezer onik ez gerra parteak. Zaldiak
trostan eraman nau etxera bazkaltzera. Atzamarrak miazkatu ditut zerrikia
bukatzean eta egurrezko godaleta tragoan hustu. Ilea hazten ari, besoetan,
masailetatik gora. Atzera lantokira. Lan egin behar dela, egon hadi geldi!
Zergatik ari haiz horman zaldiak marrazten? Egin ezak probetxuzko zerbait,
sua edo. Lankideek arraro begiratzen didatela uste dut. Baina ez nago
seguru, ez baititut ondo ikusten hemen goian beso bakarraz helduta adarretik
zintzilik nagoela. Hurbildu naiz ba, eta orduan eta arraroago begiratu
didate. “Ez ba, nola izango dut nahiago bi hanketan ibiltzea? Sartu zure
kontuetan aizu!â€. Bueno, eta horrela izaki unizelular bihurtu arte, gutxi
gora behera (Big Bang-eraino atzera egitea aukerazkoa da, kreazionistek
mesedez alboko leihatilan galdetu).
zoi) Webgune bat gomendatuiguzu, egunero irakurtzen duzun blog bat, besteok
ere horren berri izan dezagun.www.papelcontinuo.net jarraitzen dut. Gauza interesgarriak jartzen dituzte,
nahiz eta batzuetan bizarroegia ere bihurtzen den. Eta noski, geroz eta
grazia gehiago egiten didate Marrapuntun jartzen dituzten gauzek (“Euskal
Herriko patilaâ€-ren tankerako inkestak, bua!). Euskal Nerd-tasuna
bultzatzeko egiten ari diren ahalegina benetan txalogarria da.
bele)) Orain etiketa ezazu zure burua, zure jarduna… laupabost etiketa
nahikoak izango al dira.Horra, EU & EN
1- dabilen 1- rolling
2- harriak 2- stone
3- goroldiorik 3- gathers
4- biltzen 4- no
5- ez 5- moss
arma)) Nahi baduzu, bota zuk orain galdera, nik erantzungo dut zure partez,
atsegin handiz.Nik uste mundu guztiak noizbait galdetu nahi izan dizun zerbait dela hau:
Kazetaria, blogaria, aktibista… Zenbat ordu ditu zure egunak denetara
iristeko?- Gorka, nire egunek ere 24 ordu dituzte. Iritsi ez dakit, baina zenbat gauza ditugun egiteke pentsatze hutsak gehiago nekatzen nau.
tiro pUm! Nori egingo diot hurrengo galdera sorta? E-lkarrizketa zeini egin
proposatuidazu.. itaunok berari igortzeko.http://murgilduta.net-eko Julen-ek ziur oso gauza interesgarriak kontatuko
dituela.
Gustatuko zaizu ere
Gazteak sarean territorio libre propioak sortzeko gai dira
-
zutun!k oraindik be
Aspalditxo diseinatu nuen kamiseta da hau. Zutun!k lema plazaratu genuen Larrabetzuko gaztetxetik. Eta hemen eta han ikusi da.Zutun!k kanpaina horretara bertsolariak ere gonbidatu genituen, gaztetxearen alde kantatzera, tartean Amuriza eta Iturriaga. Kamiseta bana oparitu genien. Unaiek behin baino gehiagotan erakusten du gutagutarrak blogean.
Eta norbera horrelakoetan poztu egiten da. Argazki baltz hau ere polita da, Asier Arroita diseinugileak ataratakoa. Gutagutarrak blogetik ekarri dut.
-
ZU genheim?
10 urte bete ditu Bilbon kokatuta dagoen museoak. 10 urte joan dira, erreka ondoak itxura barria hartu zuenetik. 10 urte kultura edo artea, edo modernitatea edo nik zer dakit zerk Bilbo zipriztindu zuenetik.
Titanioak kolore berria ekarri zion Bilbori. Itxuraldatu zaigu hiriburua, erakarri ditu turistak, artistak, bankeroak eta kongresu nazioartekoak.Bilbo ez da berdina. MCDk ezingo luke orain Bilbao, mierda, rock&roll diskorik egin. Bilbo, titanioa eta POPy dira orain gure eredu.
Iritziak irakurtzen ari naiz, iritziak entzuten. Artistak ez dira ausartzen museo estatubatuarra kritikatzen, garai bateko kultur kezkak behera egin du, museoaren arrakastak itzali egin du kritikotasun artistikoa, kulturala. Eta hala ere, iritzi interesgarriak batu dira museoaren karietara. Hasier Etxeberriaren gogoetak gustura irakurri ditut, eta horrelako iritzi gehiagoren bila murgildu naiz.
Berriak ere garrantzia emandio gaiari, egunero ari da zerbait plazaratzen. Eta bitartean vasco universal saria eman diote museoari, txakurrari ematea zuten, bisualago agian.
Museoa hor dago, 10 urtez, frankizia garestia euskaldunontzat. Baina euskal herritarrak pozik gaudela ematen du. Titanioaren lilurak zoratzen gaitu. Eta kale borrokari buruzko artelanek ere tokia dute bertan… zer gehiago behar du ba euskal museo batek?
-
Igotz Ziarreta: Mundua ikusteko aukera da Internet, munduak zu ikusteko
baga) Blogaria zergatik?
Hori nik ere jakin nahi nuke, suposatzen dut aukera ematen duelako egindako lana erakusteko.
biga) gaur egun, zeintzuk dira zure egitekoak, zelan uztartzen dituzu blogarekin?
Egunero, bai Bartzelonako Euskal Etxean, bai informatikako irakasle lanean, bai studioan diseinatzen beti ordenagailuen aurrean mugitzen naiz, beti daukat aukera blogean idazteko. Zailagoa da bertan erakutsi nahi dudana sortzea.
higa) euskarazko komunitate bat dagoenik esan daiteke? Zuk zeuk, zelan ikusten duzu?
Eztakit, nik euskaraz idazten dut nere hizkuntza delako eta horrela irtetzen zaidalako, saiatzen naiz katalanera itzultzea baina batzutan “ahaztu” egiten zait.
laga) Irakurri, idatzi, erantzun, ikusi, jarraitu…Internet zer da zuretzat?,1] ); D([“mb”,”Mundua ikusteko aukera ematen duen bidea, eta munduak zu ikusteko duzun bidea\u003cspan style\u003d\”font-weight:bold\”\>\u003cspan style\u003d\”font-weight:bold\”\>\u003cspan style\u003d\”font-weight:bold\”\>\u003cspan style\u003d\”font-weight:bold\”\>\u003c/span\>\n\u003cbr\>\u003cbr\>\u003c/span\>\u003c/span\>boga)\u003c/span\> Eta zer gehiago behar du, behar luke, zure gustuko Internetek… Ausartuko gara zeozer asmatzen?\u003cbr\>\u003cbr\>Benetako anonimatoa, zoritzarrez ezinezkoa dena.\u003cspan style\u003d\”font-weight:bold\”\>\u003cspan style\u003d\”font-weight:bold\”\>\n\u003cspan style\u003d\”font-weight:bold\”\>\u003c/span\>\u003cbr\>\u003cbr\>\u003c/span\>sega)\u003c/span\> Internet bidez, ezagutu duzu lagun onik, nor? non? noiz?\n\u003cbr\>\u003cbr\>kar kar kar asko, edonon, beti.”,1] ); D([“mb”,”\u003cspan class\u003dq\>\u003cbr\>\u003cbr\>\u003cspan style\u003d\”font-weight:bold\”\>zai)\u003c/span\> Internet gabeko\negun bat kontaiguzu, zer egingo zenuke, goizean hasi eta gauerarte,\nhori posible ote den jakiteko irrikitan nago eta…\u003cbr\>\u003cbr\>\u003c/span\>”,1] ); //–>
laga) Irakurri, idatzi, erantzun, ikusi, jarraitu…Internet zer da zuretzat?Mundua ikusteko aukera ematen duen bidea, eta munduak zu ikusteko duzun bidea.
boga) Eta zer gehiago behar du, behar luke, zure gustuko Internetek… Ausartuko gara zeozer asmatzen?
Benetako anonimatoa, zoritxarrez ezinezkoa dena.
sega) Internet bidez, ezagutu duzu lagun onik, nor? non? noiz?
kar kar kar asko, edonon, beti.
zai) Internet gabeko egun bat kontaiguzu, zer egingo zenuke, goizean hasi eta gauerarte, hori posible ote den jakiteko irrikitan nago eta…
Batzutan behartu egiten naiz Internet gabe egotera. Askotan denbora asko galtzen baita helmugarik gabeko bide batean. Normalean informatika, argazkilaritza edo diseinu liburuak irakurtzen ematen ditut Internet gabeko egunak.
zoi) Webgune bat gomendatuiguzu, egunero irakurtzen duzun blog bat, besteok ere horren berri izan dezagun.
Egia esan eztaukat egunero irakurtzen dudan blogik, zabaldu.comera edo GAUR8.infora satzen naiz [hauetara bai egunero] ea gauza interesgarririk aurkitzen dudan.
bele)) Orain etiketa ezazu zure burua, zure jarduna… laupabost etiketa nahikoak izango al dira.
Ametsa, diseinua, argazkiak, bartzelona, independentzia
arma)) Nahi baduzu, bota zuk orain galdera, nik erantzungo dut zure partez, atsegin handiz.
Zer egin daiteke, irratia.com proiektuan laguntzeko, beste proiekturik buruan?
- Interesgarria benetan Igotz. Irrati partehartzeileagoa egin gura genuke. Munduko euskaldunak batu gura ditugu gurean, podcast hauek munduan barrena ere entzun daitezen. BTZNko korrespontsal izendatuko zaitugu, gura baduzu.
- Proiektuak? Podcast munduan murgiltzeko asmotan nago. Etxe azpiko txokoan, Internet_Irrati_studio ttiki bat antolatzen ari naiz, etxeko wifiari eskerrak.
tiro pUm! Nori egingo diot hurrengo galdera sorta? e-lkarrizketa zeini egin proposatuidazu.. itaunok berari igortzeko.Ander Elortzari egingo nizkioke galdera hauek, oraindik probatan dagoen www.munduarimundo.com blogean bere australiarako bidaiaren berri emango digu. Bertan dokumental bat grabatzera joango da.
Gustatuko zaizu ere
Gazteak sarean territorio libre propioak sortzeko gai dira
-
Egun on bat pasa dezazuela
Bideoa ikustean konbentzitu behar ninduela pentsatzen nuen. Hori tonoa, hori jarrera, hoiek argudioak. Iruneara joan, ondo bazkaldu eta espainiarren eguna ahalik eta ondoen igarotzen ahaleginduko naizela hitz ematen diot Marianori.
-
irratia.com gogotsu abiatu dugu 2.3 bertsioan
Udazkena, euria hiriburuan. Estudiotik Bilboko zeru grisa ikusten da. Jimmy Arrabiten sintonia hasten da, eta teknikariek argi gorria pizten digute. Gure txanda da, Jabi eta biok prest gaude, nork bere ordenadorea parez pare duela. Argi gorriak, saioa hasi behar dugula diosku, eta musika, hitzak, elkarrizketak, loturak, pantailak, twitter, linkak…. hasi dugu urteroko martxa. Hasi dugu denboraldi berri bat Bilbo Hiria irratiko (FM 96.0) estudioetatik.Eta Interneten, podcast moduan zein Euskal Herriko beste irrati askotan ere errepikatuko dira gure saioak. Hala Bedi irratian, Eguzki irratian, Info7 irratian, Uhinak irratian, eta beste batzutan.
irratia.com 2.3 / basque digital radio
[audio:http://bilbohiria.com/docs/podcast/irratiacom/irratiacom071010.mp3]Gaur, saioa bukatzean, teknikariak eta hirurok keinu baikor bat egin diogu elkarri. Ondo atera zaigulakoan gaude, eta entzungai duzue. Zuen iritziaren zain gaude.
Podcast: Play in new window | Download
-
wordpress 2.3 bertsioa frogatzen
Duela 15 egun jarri zuten eskuragai wordpress blogak egiteko software libre onenaren 2.3 bertsioa. Egin barik neukan, eta gaur zerbitzarian sartu eta aldaketa egin dut. Minutu gutxi batzuk izan dira, hiru klik guztira.Aukera berriak eskaintzen omen ditu orain, bug guztiak desagertu omen dira, eta gainera etiketak gehitzeko aukera esakintzen du, orain arte ez bezala. Etiketok ez dakit non ikusiko diren, ez dakit ikusiko diren ere… baina nahi nuke technoratik berehala harrapatzea.
Esan beharrik ere ez dago, baina bertsio berriena ere erabat euskaratuta daukagu blogari euskaldunok, Librezale ekimenaren inguruan dabiltzanei esker, beti ere.
Gutxitan aipatzen dut, baina wordpress software onekin oso pozik nago, eta orain arte ez dit arazo txikiena ere emon. Badira urte batzuk frogatzen hasi nintzela… eta inguruan beti gomendatzen ibiltzen naiz. Erraza izateaz gain, ona ere badelako. Sarean gero eta blog gehiago ikusten dira gainera software honekin.
