-
Argazkiari begira, 5 urte beranduago
Ordubeteko lanuztea zegoen deitua. Gu Bilbora joan ginen, han zerbait egin asmo genuelako.
Egunkaria itxi zutela aste batzuk, eta gizartean eragin zuen ezustekoak, mobiliazioak, elkartasuna eta bestelakoak eragin zituen.Bilbon, eguerdiz. Ordubeteko lanuztea.
Kalderapeko kultur gunean aulkiak eskatu eta hartu genituen. Eta Gran Viara joan ginen, zenbait irakurle.
Eta han, pasozebrak berdez jartzen ziren bakoitzean, egunkaria irakurtzen genuen. Gorri jarritakoan, berriz ere espaloira irakurtzera. Berdez, bide erdian. Gorriz, espaloian.
argazkia: egunkaria.info
Euskaldunon Egunkaria itxi arren, inoiz egin genuen irakurketarik atseginena izan zen. Intentsitate handiarekin bizi izan genituen une haiek. Bitxia zitzaion jende askori. Itxierak sortutako etsipen/amorru horrek ere, bitxi behar zuen nonbait. Baina egunkaria itxia.
5 urte igaro dira. Argazkiaren fitxak martxoaren 13an zela dio. Digitalizazioaren aroa, badakizue.
5 urte Egunkaria barik. Gogoratzen jarrita…
-
#Egunkaria libre saio berezia irratia.com emankizunean
2008ko otsailaren 20an, bost urte atzera.
Guk ere, irratia.com emankizunean zeozer berezia egin gura genuen. Egin gura eta egin. Andoain, Bartzelona eta Bilbo lotu ditugu irrati bidez, eta gure uhinak zabaldu eta gure irratsaioa mundura zabaldu dugu.
Emankizu berezia izan da. Andoaingo ekitaldiari buruz berba egin digu Juan Luis Zabala Pipi kazetari eta idazleak; Bartzelonako ekitaldiak eta elkartasuna izan ditu hizpide Jon Elordik, eta Bizkaian antolatu direnei buruz berba egin digu Gotzon Hermosillak.
Sarean Egunkariaren aldeko elkartasunak izan duen oihartzunaz be mintzatu gara.
Kauta, Conxita, Ruper Ordorika, Hertzainak… izan ditugu entzuteko. Kantu hautatuak. Horretan ere fin ibili da Ibon gure teknikari eta argazkilaria.107. saioa entzun gura baduzu:
[audio:http://bilbohiria.com/docs/podcast/irratiacom/irratiacom080220.mp3]Podcast: Play in new window | Download
-
Egunkaria libre!
Gustatuko zaizu ere
Maiatzaren lehena eta biharamuna
[ leihotik mundura ] 20:20
#sfk14 Txupinazotik zuzenean
-
No time for work (greba orokorra)
nik ere gaur greba egin dut lanean.
Bilboko kaleetan ikusiko nauzue beharbada, grabadora eta telefonoarekin, Info7 irratirako kronikak egiten.
Gaur Bilbo Hiria irratian eta Info7 irratian albistegi bereziak. Grebari buruzko berbak.
Grebaren jarraipena grebaOrokorra izeneko blogean.
-
maitasunaz irratian
no time for love kantuarekin abiatu dut aste honetako kronika laburra info7 irratian. Hertzainak taldearen kantua ekarri dugu gogora, baina kantua entzutea ere posible egiten du Internetek. Irrati kronika izanik… zer hobea kantuarekin hastea baino.No time for love kanta ederra da, eta beharbada horrek egin du hain azkar, hain ausart sarean zabaltzea. Egia esan ikaratzeko moduko abiadura hartzen dute etiketek sareen sarean.
Salaketa bat egiteko modu polita izan da, ezberdina. Betiko lelo errepikakorretatik haratago, etiketa bat, kantu bat, mezu bat, jarri dugu hizpide. Eta jendeak erantzun egin du… bestela begiratu bildu.net honetan notimeforlove etiketarekin zenbat gune dagoen.
Eta technorati ere jabetu da horretaz, ez da dudarik. Euskal Herritik abiatu den ekimenak, gure mugak gainditu ditu, nazioartean ari da, eta eman ditu zenbait itzuli dagoeneko, batean eta bestean.
Maitasuna; maiteminduen eguna izango da otsailaren 14koa ere. Greba orokorra dago deitua gurean. Beraz, no time for love.
notimeforlove info7 irratian entzun gura baduzu:
[audio:http://www.info7.com/wp-content/uploads/2008/02/20080212_400.mp3]Podcast: Play in new window | Download
-
No time for love | berriz ere
Ez dute uzten, maiatatzen gauean
Euskalduna izatea, abertzale jardutea, herrigintzan ekitea, militante jokatzea, ez da posible.
Maitasunaz jardun gura nuke, baina ez dago aukerarik.
Demokraziaz mintzatu nahi, baina ez dugu ezagutzen.
Internet gauza handia da, gure askatasun eremu ttipia ere bada, eta horretan aritzen gara, askatasuna hedatzen, askatasuna zabaltzen, askatasunari oihu egiten, askatasuna aldarrikatzen.
No time for love abesti bat baino gehiago bilakatzen ari da. Abesti polita da, eta une etengabeak dakartza entzuteagaz batera.
otsailak 14. maitasun taupadak, greba EHan. otsailak 14, no time for love. otsailak 14… zuk ere kontatu zer ikusten duzun, zelan bizi duzun, zertan ari zareten zuen auzoan, zuen herrian, zuen lantokian. greba, mobilizazioak. errepresioa. erantzuna. no time for love. Euskal Herria dugu irabazteko.
(lotsagarri Bilbon, notimeforlove)
technorati etiketa zabaltzen. notimeforlove
postdata:
[audio:http://euskalherria.indymedia.org/media/2008/02//46329.mp3]
no time for love lehenengoz idatzi nuenetik, oihartzuna hartzen ari da sarean. pozten naiz. jarraitu dezagun horretan. azken finean maitasunaz ari gara, ezta?
Kuña bat ari da zabaltzen sarean, greba orokorrera deituz:Podcast: Play in new window | Download
-
irratia.com 100: mila esker guztioi
Heldu zen abenduaren 5a, gaueko 22:00ak eta blogari, lagun eta entzuleak Kafe Antzokian. Urduri geunden gu, azken ukituak ematen emanaldia hasteko jendea zain musikariak prest teknikariak adi…. musika, sintonia, bideoak, lagunak… dena prest.
argazkiak: iMamonEta bi orduko emanaldia eskaini genuen. Akats ttiki batzuk, intentsitate handia, giro oso ona, umorea, kantuak -eskerrik asko Gu, Petti, Txuma, Piperpolis, Josu…- gonbidatu bereziak, Kukubiltxo eta Josu Kamara, Bilbo Hiria irratiko lagunak -Ane, Txuma, Mieltxo-, Bartzelonatik etorritako Olentzero eta Igotz, Myjok kolektiboa Burp aurkezten…
Zuzenean ari ginen, irratitik, Internetetik, Kafe antzokiti. Twitter bidez entzuleen berotasuna jasoz, Txiokari begira…
Ez dugu erraz ahaztuko. Mila esker Mr Johnson. Katixak arrazoi zuen.
Info+
Imanolek argazki sorta ederra eskaini digu. Denak batera ikusteko
Kronika polita idatzi du Mikel Iturriak ere. eus + es
irratia.com blogean argitaratutako kronika zehatzagoa.
-
ZU genheim?
10 urte bete ditu Bilbon kokatuta dagoen museoak. 10 urte joan dira, erreka ondoak itxura barria hartu zuenetik. 10 urte kultura edo artea, edo modernitatea edo nik zer dakit zerk Bilbo zipriztindu zuenetik.
Titanioak kolore berria ekarri zion Bilbori. Itxuraldatu zaigu hiriburua, erakarri ditu turistak, artistak, bankeroak eta kongresu nazioartekoak.Bilbo ez da berdina. MCDk ezingo luke orain Bilbao, mierda, rock&roll diskorik egin. Bilbo, titanioa eta POPy dira orain gure eredu.
Iritziak irakurtzen ari naiz, iritziak entzuten. Artistak ez dira ausartzen museo estatubatuarra kritikatzen, garai bateko kultur kezkak behera egin du, museoaren arrakastak itzali egin du kritikotasun artistikoa, kulturala. Eta hala ere, iritzi interesgarriak batu dira museoaren karietara. Hasier Etxeberriaren gogoetak gustura irakurri ditut, eta horrelako iritzi gehiagoren bila murgildu naiz.
Berriak ere garrantzia emandio gaiari, egunero ari da zerbait plazaratzen. Eta bitartean vasco universal saria eman diote museoari, txakurrari ematea zuten, bisualago agian.
Museoa hor dago, 10 urtez, frankizia garestia euskaldunontzat. Baina euskal herritarrak pozik gaudela ematen du. Titanioaren lilurak zoratzen gaitu. Eta kale borrokari buruzko artelanek ere tokia dute bertan… zer gehiago behar du ba euskal museo batek?
