-
Euskara sari
Euskararen eguna.
Bi sari eskaini dira Bilbon; Diputazioak eta Bilboko udalak.
Urteak dira Bizkaiko Foru aldundiko Kultura sailak Lauaxeta saria eskaintzen duela. Poesiarekin hasi zen. Ez du ematen oso definitua sariak. Aurten ere bi poeta larriki saritu dituzte. Baina ez daude titularretan. Poetak dira. Emakumeak dira. . Garrantzitsuena argazkia da. Albistea. Saria ematen duena.
Beste bat Bilboko udalarena. Aurten behintzat. Eta kriterioak ez dakizkigu.Euskara. Hizkuntza. Kultura. Sariak.
Bizkaia maite saritzea, oso… kitz, edo jeltzalea geratzen da. Orain?
Jose Angel Irigarayk duela 40 urte baino gehiago idatzitako poema. Ederra. Testuinguru batekin.
Benito Lertxundik diskora eraman (Zuberoa, 1977) eta luzaroan kantatu duena. Bizkaia maite, bere zentsu guztian. Letra aztertu eta esaten duena ordezkatzen duenari jaramon eginez.
Hamarkadaz hamarkada, hamaika kantaldi eta kontzertuetan entzundakoa. Irratiz. Diskoetan. Belaunaldiz belaunaldi.
Bi sortzaile garrantzitsu. Ez dok amairu. Eta geroko guztia.Ez Jose Angel Irigaray eta ezta Benito Lertxundi ere, ez ziren agertu sari banaketara. Saria. Ziria. Egia. Hiria.
Kukutza gogoratu dute Bilboko udaletxean
Zea Mays taldeari eman diote beste sarietako bat. Euskararen egunaren karietara. Aburto alkateak eman die, eta Azkuna gogora ekarri dute. Eta Kukutza. Musika, euskara, kontzertuak… eta taupada abestia. Bilboko Errekalde auzoko Kukutza gaztetxeari egin gura izan zion gomuta Zea Mays taldeak: «Askotan faltan sumatzen dugun lekua da, guretzat oso garrantzitsua izan baitzen». Abeslariaren esanetan, euskara leku txiki bateko hizkuntza da, baina «erraldoia» aldi berean, mundu osoan kontzertuak eskaintzeko bideak ireki dizkielako.
Zer pentsatua ematen du guzti honek.
– Zer bilatzen dute instituzio publikoek artistak saritzean?
– Zer espero dute, hizkuntzaren alde, gaztetxeen alde ez agertu edo testuingurari muzin egitea?
– Saritua ala saria ematen duena proiekzioa jasotzen duena ez dakigu, zer bilatzen da sariekin?
Euskarak sariak behar dituen ez dakit. Hiztunak behar ditu. Asko. Gehiago. Eta horretan jarri beharko da indarra eta ahalegina.
Kantuek, sortzaileek, diskoek, kontzertuek… laguntzen dute horretan.Aste nagusikoa ez dugu ahazten, ezta?
Baina oraindik ez zaizkigu Bilboko Aste Nagusiko txapuzak.
Eta azalpenen bat beharko lukete, hiru neska musikariek, eta musikazaleok orohar.
Kultur whasing gehiago ez, mesedez! #basquewashing
- ekultura, Elkar disketxea, epaiketa, eskubideak, Hertzainak, Irratsaioak, Josu Zabala, kultura, musika
Mugaldeko taberna: Hertzainak Mugaldeko tabernan
Hertzainak taldeak ELKAR disketxea epaiketara eraman du. Eta guk saio berezia egin dugu 80ko hamarkadan Gasteizen sortutako talde euskaldunari buruz. 1982an lehenengo diskoa kaleratu ostean, bere abestiak gazteen artean, gaztetxeetan, irrati libreetan, kontzertu eta jaietan etengabe entzun dira.
Epaiketaren biharamunean, elkartasuna eta aldarrikapena egin ditugu irrati librean.
Hertzainak taldearen oharra
Kaixo lagun guztiak
gu gara Hertzainak
Dakizuenez, 2025eko azaroaren 25ean, Donostiako Merkataritza Arloko
Epaitegian, Josu Zabala, Kike Sz. de Villaverde eta Luis Javier Sainz (Txanpi)
Hertzainak-eko kideek gure eskubideak urratzeagatik Elkar diskoetxearen
aurka jarritako demandari dagokion judizioaren bista egin da.
Gure demanda, diskoetxeak egindako gure katalogoaren ustiapenean
oinarritzen da, ez bai dute lortutako irabaziak gurekin partekatu , baita
ere kontraturik gabe eta baimenik gabe egindako ustiapen digitalean ere,
aldez aurretik horren berri eman gabe, eta diru-sarrera horiek ere ez
zaizkigula ordaindu.
Zoritxarrez, bide judizialera jo behar izan dugu gure diskoen salmentei
buruzko informazio apur bat lortzeko, 1992. urteaz geroztik ez baitugu
inolako ordainketarik jaso royalty-engatik.
Gaurko epaiketan Elkar diskoetxeak Hertzainak-i buruz izan duen etika
falta aski egiaztatuta geratu dela uste dugu.
Guk ahal izan duguna egin dugu gure eskubideak berreskuratzeko, eta
orain epaiaren zain , konfiantza dugu justizian.The post Mugaldeko taberna: Hertzainak Mugaldeko tabernan appeared first on 97.0 Irrati Librea.
Podcast: Play in new window | Download
- 97 fm, digitala, Elkarrizketak, euskara, fm, irratia, kultura, luistxo fernandez, mugaldeko taberna, musika, snoid
Mugaldeko taberna: irratia.com euskarazko irrati digitalak 25 urte
Sarean euskaraz emititu zuen lehen irrati digitala izan zen irratia.com
Duela 25 urte izan zen, Bilboko Tas Tas irrati libretik, FMko 97.0 dialetik eta sarean aldi berean.
Hori gogoratu, eta urte guztiotan kultura digitalak Euskal Herrian izan duen oihartzunaz aritu gara.
Luistxo Fernandez elkarrizketatu dugu.
Mr Snoid (Urko Rodriguez) orduko gure entzulearen gogoetak ere entzun ditugu.
Musika, teknologia berriak, kultura digitala, gertaerak, gogoetak eta memoria apur bat egin dugu.The post Mugaldeko taberna: irratia.com euskarazko irrati digitalak 25 urte appeared first on 97.0 Irrati Librea.
Podcast: Play in new window | Download
- Durangoko Azoka, entzun, eskua, Euskal Herria, euskara, hizkuntza, Irratsaioak, irulegi, kultura, letrak, literatura, musika
Mugaldeko taberna: Euskararen biharamunean: Irulegi, palindromoak, musika Entzun! eta Durangoko azoka
Irulegiko eskua deskubritu zutela urtea ospatu dugu berriki, eta gure hizkuntzaren altxorrik aspaldikoenak Sorioneku jarri gintuen euskaldunok. Euskararen nazioarteko eguna ospatu berri da, eta biharamuna nolakoa den aztertzeari ekin diogu.
Letrak eta musika.
Markos Gimenoren 101 LETRAKARTEL
Joseba Sarrionandiak ez zuen Markos Gimeno Vesga artista ezagutu, baina liburu eder baten bildu ditu ermuarraren palindromoak, kartel eta afitxa ederrekin, testuekin eta irudimen askorekin landuta.
Entzun! aldizkaria
72. zenbakia diseinu berriarekin, binilozko disko batekin, elkarrizketa eta doinu askorekin.Hainbat musika talderen nobedadeak entzuteko aukera paregabea.
Hau dena! Katakrak10 urte bete ditu Iruñeko Katakrak liburudenda, argitaletxe eta espazio sozialak. Ospatzeko Lp bikoitz bat argitaratu dute: Hau dena.
Durangoko Azokan murgildu gara. Musika entzun dugu. Liburuak irakurriko ditugu. Hizkuntza biziarazi, eta eraso guztiei aurre egin. Faxismoaren kontra, dantzatu irakurri kantatu eta ekinez.
Mugaldeko taberna podcasta:
The post Mugaldeko taberna: Euskararen biharamunean: Irulegi, palindromoak, musika Entzun! eta Durangoko azoka appeared first on 97.0 Irrati Librea.
Podcast: Play in new window | Download
- check point rock, darwish, elkarrizketa, Elkarrizketak, elkartasuna, Euskal Herria, Irratsaioak, Julen Gabiria, komikia, kultura, Palestina, Sacco, xiberoots
Mugaldeko taberna: ???????????????????????????????????? ???????????????????????????? Palestinarekin
Palestinar herriarekin elkartasun eguna da gaurkoa munduan. Eta azken aldi honetan, egunero edo ia egunero ari gara gure kezka eta elkartasuna erakusten Palestinarekin.Gure kulturatik begirada Palestinari
- Wafa Idris, Tapia eta Leturiaren abestia
- Check point rock dokumentala
- Atef Abu Saif Berria egunkarian
- Mosab Abu Toha eta Adania Xibli idazle palestinarrak
- Palestina zauritua Imanol Murua Uria
- Palestina zure mina Begoña Bilbao
- Mahmud Darwish euskaraz
- Azken lumak erresistentziari ARGIA
Joe Sacco-ren komikia: Palestina
Julen Gabiriak euskaratu du Joe Saccoren Palestina lana. Bilboko Astiberri argitaletxeak plazaratuko du. Eta gaur Mugaldeko tabernan gurekin dago Julen itzultzailea bera.Komikiaz, itzulpenaz, Palestinako egoerari buruz berbetan.
Elkartasuna, kultura, musika, itzulpenak hizketagai:
PALESTINAREKIN gure soinu banda:
The post Mugaldeko taberna: ???????????????????????????????????? ???????????????????????????? Palestinarekin appeared first on 97.0 Irrati Librea.
Podcast: Play in new window | Download
