-
Josu eta Santi gogoan
Biharamunean idazten dut. Amets gaizto baten ostean. Gogorra da azaroaren 20a euskaldunontzat. Aurre egin diogu, baina oso gogorra da. Ankerkeria bortitzena baliatu du Estatu terrorismoak euskaldunon kontra. Amorruz. Mendekuz.
Memoria ariketa ere bada azaroaren 20 hau, eta iazkoa. Eta aurrekoak. Guztiak.
Etsaiak Santi Brouard hil zuenean, musika klasean nengoen. Piano baten ondoan. Kantuan hasteko. Gogoan dut. Eta musika Lekeitiorekin, Santirekin lotu ohi dut askotan. Lekeitioak maite ditut. Santi Brouard frontoian Mikel Laboa zelan ikusi nuen gogoratzen dut. Eta horrek lasaitzen nau. Edurne Brouardek aurrekoan emandako azken besarkada ezin dut ahaztu, hala ere. Musu bat Edurne.
Klasera joateko esnatu ninduen goizero bezala aitak. –Muguruza hil jeurek! bota zidan. –Muguruza? oraindik erdi lo nengoen. Muguruza batzuk bazeuden ordurako nire bizitzan.
Azaroaren 22an greba orokorra izan zen Euskal Herrian. Gogor erantzun genuen. Txorierrin ere mobilizazio handiak. Eta gogoan dut zipaioak lehenengoz ikusi nituela horrela egurra ematen. Eta jasotzen. Derio sutan. Larrabetzuko jendeak zelan erantzun zuen gogoan dut. Ez daukat ahazteko.
Hurrengo asteetan irakurgai bakarra izan nuen. Goitik behera aletu nuen Punto y Hora hura. Ondo gogoan daukat.
Josu Muguruza gehiago ezagutu nuen. Eta gerora maiz entzun dut hari buruz, bere militantzia, bere gaitasuna, bere ardurak, bere sinadurak. Eredu bat. Eta Amaiur gazteluaren magaletan egon naizenetan bera izan dut gogoan, oharkabean. Edo ohartuta beharbada. Ruper Ordorikaren Ez da posible! kantu ederra da oraindik. Entzuten dugun aldiro. Elena Bartolome gehiago ezagutu dut bizitzaren joanean. Besarkada bat.Urtero gogoratu ditugu. Karteletan. Manifetan. Dokumentaletan. Mobilizazioetan. Ekimenetan.
zer egin?
Atzo, hala ere, egun berezia izan zen niretzat. Irati irratian zerbait berezia egitea nuen xede. Asmoa ona zen, baina biribildu beharra zegoen. Ane Muguruzak asteburuan 7K igandekarian botatakoak zer pentsatua eman zidaten. Hausnarketak. Bizitza. Agian ez dauka gogo askorik elkarrizketetarako -pentsatu nuen-, are gutxiago Pirinioko irrati baten. Lagun bati idatzi nion. Proposamena landuz. Anek baietz erantzun zidan. Errespetutik eta begirunetik egindako galderak neuzkan buruan. Aita ezagutu ez duen umea izan zen, gaur egun 30 urte betetzear da Ane Muguruza. Gogoeta sakonak egin dituenak bizitzaz eta militantziaz, Euskal Herriaz eta kontakizuna/errelatoaren gainean, biktimak zer diren nor diren badaki. Baina nekatuta ere badago egoerarekin. Eskerrik asko Ane! Hunkitu ninduzun eta asko ikasi dut. Egiari zor, hurrengoan beste begi batzuekin agurtuko zaitut. Eta agian hitz ederren bat ere izango dut zuretzat.
Bezperan aurkeztu zuten Bilbon Antzara eguna komikia. Eleberri grafikoa. Memoria. Zuri beltzez. Adur Larrea eta Harkaitz Canok. Aurreko astean jaso nuen Iruñean. Eskutik eskura. Poltsa barruan neukan. Eta aurkezpen egunerarte ez dut zabaldu ere egin. Ez dakit zergatik. Azaroaren 20 bezperan liburuarekin sartu nintzen ohera, eta nire ondoan egin zuen lo. Enintzen askorik irakurtzeko gauza. Hunkituegi beharbada. Eta goizean irratian Harkaitz Cano elkarrizketatu nuen. Elkarrizketa ona, nire ustez. Aspaldian egin dudan txukunena, uste dut. Galderak ez dakit, baina erantzunak sekulakoak. Kontalaria da Harkaitz, freskoa, orijinala. Idazten duen gisan hitz egiteko gai da. Ekarpenak hemendik, gogoetak hortik, sakontasuna eta estiloa, argitasuna eta xumetasuna. Eskerrik asko Harkaitz. Santi Brouard bezalakoei egiten ahal zaien omenaldirik onena da literatura maitatzea, herrigintzan jardutea, sortzea, irakurtzea, gozatzea…. Euskal Herria osatzea, azken finean.
Eta jarraian Harkaitz Cano idazle eta gidoigilea Santi Brouard mediku pediatra eta politikariaren #komiki biografiari buruz: Antzara eguna pic.twitter.com/UORI36yvbM
— Irati Irratia (@Iratirratia) November 20, 2019
Herriak ez du atzenduko
Ez daukat hitzik. Hunkituta nago. Bilbotik aparte bizi izan dut egun hau.Egun hauek. Baina bete beteak izan dira. Domeka honetan Mikel Zabalza omenduko dute Orbaizetan, eta oraindik ikastolan egin genuen pintada -margoa- dut gogoan. “PSOE, non dago Mikel?” idatzi genuen horman, eta andereñoek euskarari buruz egin behar genuela margoketa esan ziguten. “Mikel euskaraz mintzatzen zen” jarri genuen. Itota hil zuten. Torturatuta. Bidasoa errekatik,Intxaurrondotik pasatzean amets gaiztoak datozkit burura. Errelatoa. Asko. Eta nork berea beharbada. Nik banuen gauza hauek kontatzeko beharra. Eskerrik asko guztioi. Ez dugu atzenduko!
-
Hunkituta 47ak -azkenean bai- Herrian
Astelehena.
Lagun gehiegi Madrilen.
Bart ohea hutsik utzi dute, eta ohe huts gehiago ez ditu behar herri honek.
Baina han, Madrilen, epaiketa hasi eta 27 minutura, akordioa erdietsi dutela adierazi dute beraiek. 47ak Herrian izateko bidean, adostasuna, heldutasuna eta konfidantza.
Bakea, etorkizuna eta giza eskubideak oinarri hartuta arduratsu jokatu dute, eta sekulako indarra emango zien bi abokatuk “marroia” jateko prestutasuna agertu dutenean. Biba zuek!Zugazart pic.twitter.com/8905JBS4AF
— naiz iritzia (@naiz_iritzia) September 16, 2019
Nik Aezkoatik jarraitu dut guztia. Irati irratiko estudiotik. Eneko auzipetuetako bat da, eta bere ordez ari naiz esatari lanetan Pirinioko irrati honetan. Berarekin whatsapp bidez ari nintzen, eta halako baten bota dit -akordioa dago, amaitu dugu.
Zur eta lur ni, baina pozik.
Irratsaio ezberdina egin dugu, baina albiste handi batekin hasi dugu saioa. Zuzeneko elkarrizketa Madriletik. Protagonistaren lekukotza eta analisia. Gazigozoa den egoera deskribatu du Enekok gizatasun izugarriarekin eta Aezkoan eta Euskal Herrian orohar jaso duten babesa eta elkartasuna goraipatu ditu. Txapela kentzekoa!
Eneko libre eta Madriletik zuzenean https://t.co/cnK5TUtnKr pic.twitter.com/gXHgiOa69n
— Irati Irratia (@Iratirratia) September 16, 2019
Jarrera arduratsua erakutsi dute 47 auziperatuek. Bihoakie nire eskerrik beroena, begirune guztia Jon Enparantza eta Arantza Zulueta abokatuei.
🔵 Ardura, erantzunkizuna eta eskuzabaltasuna: Gure aitortza eta miresmena, Arantza eta Jon ðŸ˜ðŸ˜˜#Herrian pic.twitter.com/I6on2RWq8O
— 47akHerrian (@47akHerrian) September 16, 2019
Egunak flash izugarri asko eman ditu, eta txio kate honetan batu ditut.
âš¡ï¸ â€œ47ak Herrian, etorkizuneko apustuaâ€
Zenbait txio, gaurko goiza laburbildu eta bihotza ere hunkitzen dutenak.
Garaipen eguna, zorionak @47akherrian#maitezaituzteguhttps://t.co/zHvIB7j1W1— gaztelumendi (@iPatxi) September 16, 2019
-
balu | euskal artista mundiala
Balu artista elkarrizketatu nuen GAUR8 astekarirako
[ERREPORTAJEA/ Patxi Gaztelumendi] Balu, euskal artista mundiala https://t.co/F87aZq5REs pic.twitter.com/WhXdKdARAn
— Gaur8 (@Gaur_8) September 7, 2019
-
Ardoari buruz hizketan Ludger Mees historia irakaslearekin Errioxan, Lantziegon
Ardo ona gaur egun ardo txikia da, paisaiari eta inguruari lotutakoa
[ELKARRIZKETA @iPatxi ] Ludger Mees, historialaria: «Ardo ona gaur egun ardo txikia da, paisaiari eta inguruari lotutakoa» https://t.co/voCJZCPBX1 pic.twitter.com/P0Irj304I1
— Gaur8 (@Gaur_8) July 13, 2019
Arratsaldea eman genuen elkarrekin Lantziegoko bodega berri baten. Berria eta berritzailea. Ludger Mees irakasleak “El Medoc Alaves” liburua plazaratu eta elkarrizketa egitea otu zitzaidan. XIX. mendean Arabar Errioxan izan zen ardoaren inguruko iraultza aztertzen du historiaren ikuspegitik. Eta elkarrizketan, orduko iraultza eta egungo ardogintzaz aritu ginen.
txioka, topa!
Unibertsitatean historia irakasle izan genuen Ludger Mees.
Gerora telebistan maiz aritu gara aktualitateari buruz solasean, Eta Kataluniako prozesuari buruzko eztabaidak izan ditugu.
Ardoak elkartu gaitu elkarrizketa batean. @Gaur_8 @naiz_info https://t.co/cagzqb524F— gaztelumendi (@iPatxi) July 13, 2019
Elkarrizketa argitaratu ostean, afari atsegina izan genuen Ludgerrek eta biok Zarauzko elkarte batean. Ardogintzaz eta bizitzaz hizketan jarraitu genuen. Ederto baten.
GAUR 8 euskarazko astekarian argitaratutakoa hemen daukazue irakurgai:
-
EHZ Herri bat zuzenean bizi!
EHZ festibala berrabiatu da. Auzolanean berpiztu da. Esan eta egin. Euskaldunen hitza bete da, beste behin ere. Gazteek lekukoa hartu eta buelta eman diote egoerari. Etsipena gainditu eta Euskal Herrian inoiz egon den musika eta kultur jaialdi interesgarriena abian da berriz ere. Zorionak Ipar Euskal Herriko gazteria engaiatuari!
Hiru egunez Euskal Herriko herrialde guztietako jendea batzen den kultur ekitaldi bakarra izango da ziurrenik EHZ festibala. Eta hori sekulakoa da bizi ditugun globalizazio, banidade eta egoismo teknologiko garaiotan.
Tristuraren industriari aurre egiteko @ehzfestibala
Biba zuek!
Anari eta beste asko pic.twitter.com/29Qz8cfOnN— gaztelumendi (@iPatxi) June 29, 2019
-
Elkartasuna eta konpromisoa | Komunitatea ere baGARA
10.000 lagun sarrerarekin. 800 boluntario txandak egiten. 30 musika talde solidario. Eta komunikazio proiektu sendo bat arriskuan.
Elkartasunaren soinu banda deitu diote. Eta ez da gutxiagorako.
Soinua, martxa, notak, jendea, publikoa, papera, sarea, argazkiak… mundu bat bildu zen Donostiako Elkartasun jaialdian, eta ez dugu erraz ahaztuko.📢 https://t.co/kBRbJcCIkO
🎧 Elkartasunaren soinu banda💻 Prentsa eta adierazpen askatasunaren alde!
📷 @gaizkapenafiel https://t.co/NiGQRhizMw pic.twitter.com/6tUChSHaqj
— gaztelumendi (@iPatxi) 2019(e)ko ekainaren 11(a)
Trending Topic bilakatu da egunotan #expolioGARA etiketa madarikatua. Salaketa mezuak, elkartasunezkoak, egoeraren berri ematen dutenak, poza adierazten dutenak… guztiak uztartzen dira tag horren baitan; denak dira beharrezkoak.
Prentsa eta adierazpen askatasunaren alde! JAIALDIA komunitatea #GARA
Iñaki Soto Elkartasun Jaialdiari buruz Euskal Telebistan. #expolioGARA 
-
2019ko hauteskunde zikloaren ostean
Gogoetarako astea izan da hau. 2019ko apirilaren 28an eta maiatzaren 26an hauteskunde ezberdinak izan ditugu. Espainiako kongresurako apirilean, eta udal hauteskundeak, Batzar Nagusi, Nafarroakoak eta europarrak ere burutu dira. Lau sobre sartu ditugu lau asteko tartean.
Aldaketa Bizkaian
📢 Bizkaian #Aldaketa astiro dator, baina ez da gelditzen:
ðŸ Abadiño
📌 Alonsotegi
🣠Arrigorriaga
🗳 Bakio, Lemoa, Igorre, Larrabetzu, Muxika, Lea Artibai…
🌈 #Durango
📈 #GaldakaoTxikitik handira, pausuz pausu… arrakalak sortu eta herrigintza indartzen.
— gaztelumendi (@iPatxi) 2019(e)ko maiatzaren 27(a)
Aldaketa hauteskundeen bitartez ematea ez da dagoen gauzarik errezena. Are gutxiago Bizkaian. PNV-k indar gehien (250.000 bozka inguru) du herrialde honetan. Baina izan ditu pitzadura batzuk. Eta oso interesgarria da ematen ari den joera eta bide berria. Aurreko legegintzaldietan Lemoa, Bakio, Igorre, Larrabetzu izan ziren. Orain herri gehiago dira: Alonsotegikoa izugarria izan da. Durango eta Galdakaon ezberdinen batuketak aldaketa bultzatu dezake. Adi egon eta hausnarketa kolektiboak indartzeko unea da.Bilbo Handia eta inguru metropolitanoa
Bereziki aztertu beharreko gunea Bilbo Handia da. Bilbo eta inguruko herrigune handiak. Santurtzi, Barakaldo, Portugalete, Basauri, hiriburua bera, Getxo ingurua, Leioa edo Erandio. Euskal Herrian erabakitzeko eskubidea, naziogintza… guzti hori garatzeko milioi bat pertsona bizi den esparrua oso kontutan hartu beharko da. Nazio mailan.
Nafarroa
Aldaketa duela lau urte izan zen. Oraingoan eusteko ahalegin handia egin dute batzuk. EH Bilduk inoiz baino emaitza hobeak eskuratu ditu. Baina aritmetikak zailago jarri dute kontua.
Gaiari buruz irakurtzen eta mezuak trukatzen aritu ostean, oso baliagarria egin zait Patxi Zabaletari Hamaika Telebistan egin dioten elkarrizketa hau. 1979-2019 zikloa aztertzeko esperientzia haundiko pertsona da abokatu iruindarra.Zergaitik irabazten du beti PNV-k?
Maiz egiten dugun galdera da. Erantzun argirik ez dago. Hauteskunde makinaria itzela duen alderdia da. Bere jokaleku nagusia da. Eta instituzioetan aritzea da bere helburu politiko gorena. Horrela ikusten dute politika. Horrela egin dute bizimodua alderdikide gehienek. Hori da beraien indarra.
Antonio Riverak azterketa berezia egin du El Correo egunkarian. Ehuneko ehunean berarekin bat egin barik ere, gogoetarako hainbat puntu ematen dituenez, guk ere gogoeta egin dezagun horretaz.
jo ta ke, irabazi arte?
Noiz dakizu irabazten ari zarela? Gora eta gora egiten duzunean? Boterea eskuratzean? Nori ez zaizkio horrelako gogoetak etorri burura azken egunotan. Iker Bizkarguenagaren artikulu hau oso ona iruditu zait, GARA egunkariko orrialdeetan irakurriko duzu.
Enekoitz Esnaolak ere zenbakiak, belaunaldiak eta garaiak uztartu ditu berria egunkariko analisian.📈 Maiatzaren 26ko hauteskundeen ostean
📠Iñaki Soto #GARA egunkariko zuzendariaren analisia
📻 @NAIZirratia
🔊 https://t.co/Hhf6ija7iN@gara_isoto @naiz_info pic.twitter.com/SNb3XdNI3b— gaztelumendi (@iPatxi) 2019(e)ko maiatzaren 29(a)
-
Euskaraldia | Ni prest!
Zergaitik Belarriprest?
Berbagune Larrabetzuko plazan.#Euskaraldia bizi bizi hasi da urian eta herritarrak prest. pic.twitter.com/pV3ozBiFDD
— EUSKARALDIA Larrabetzu (@darabilguEUS) 2018(e)ko irailaren 21(a)
Zer da #Euskaraldia?
Noiz?
Zelan?
Nogaz?
Zertarako?Buruan galdera ugari #darabilgu eta bideo honek argitu baietz!https://t.co/TXa3XwO84l
— EUSKARALDIA Larrabetzu (@darabilguEUS) 2018(e)ko urriaren 16(a)
Jende asko batu da Koldo Izagirre idazlea entzun eta euskarari buruzko solasaldian parte hartzera#Euskaraldia
Alorretik lurrera pic.twitter.com/ONVdYJ7lSw— EUSKARALDIA Larrabetzu (@darabilguEUS) 2018(e)ko urriaren 19(a)
Larrabetzuko alkatea eta zinegotziak euskaraldiarekin bat#LARRABETZU@euskaraldia @darabilguEUS https://t.co/SoULuWUmc6 pic.twitter.com/zdnYA6UJsO
— larrabetzuko udala (@larrabetzuudala) 2018(e)ko uztailaren 3(a)
Gustatuko zaizu ere
Euskal Herria 2.0 topaketatik puntuEUS dominiora
-
Artea
Artea hitzetik hortzera darabilt aspaldion.
Kirmen Uribe elkarrizketatu nuen irratian, Bilboko Arte Ederretako museorako egin duen lanaren harira.
Zapatuan, Xabier Gantzarainek idatzitako Zuloa liburuaren gainean elkarrizketa luzea argitaratu zuen GARA egunkariak.
Xabier @gantzarain: "Historia hurbila artearen bitartez azaldu behar banuen #gatazka-k hor behar zuen"
"Beste ezerk lortu ezin duen funtzio #sinbolikoa betetzen du arteak"#Zuloa pic.twitter.com/54MXv09APo— patxi gaztelumendi (@iPatxi) 2018(e)ko urriaren 20(a)
Igandean berriz, Museoko zuzendari Miguel Zugazaren hitzak ere elkarrizketa interesgarri batean bildu nituen.
Egia esan, aspaldi honetan kultur adierazpide ezberdinak gertutik jarraitzen saiatzen naiz. Liburuak, literatura, zinema, musika, artea… eta batzutan gurutzatu egiten dira guztiak, aste honetan adibidez.
Emaitza entzun eta irakurtzekoa dela iruditzen zait, eta sarean behintzat bakan batzuk komentatu dute zerbait. Feed back.
-
Baiona burujabetza eta aldaketaren hiriburu bilakatu du Bizi! mugimenduak
Duela 5 urte Alternatiba eguna antolatu zuen Bizi! mugimenduak Baionan. Bilbo eta Iruñean ere egin du bidea ekimenak. Eta berriro Baiona bilakatu da aldaketa eta burujabetzaren hiriburu. Aldaketa klimatikoari aurre egiteko proposamenari, burujabetza prozesuek hartu diote neurria.
Mundu bat bildu da Baionan, euripean, lurrak eta guk euria eta ura behar ditugulako. Ospatzeko sasoia da.Egun on Bai ON!#Alternatiba eguna 2018 pic.twitter.com/JyFyEBYCHB
— patxi gaztelumendi (@iPatxi) 2018(e)ko urriaren 7(a)
Euskal Herria #burujabe:
Gure BIZI baldintzak berreskuratuz#Alternatiba2018 #Baiona pic.twitter.com/or0C68x34w— patxi gaztelumendi (@iPatxi) 2018(e)ko urriaren 7(a)
Burujabetza
Eta beste behin argi geratu da burujabetza dela bidea. Prozesuak martxan jarri, eta energia alorrean, erabakitzeko gaitasunean, elikaduran, laborantxan, ekonomian orohar urratsak eman. Langile ikasle langabetu hautetsi pentsionista haur lantoki herriko etxe gaztetxe ostatu kalean… denok badugu zer egin eta zer ikasi.
Baiona beste behin ere nazioarteko erreferentzia bilakatu da, herri mugimendu indartsu baten jabe, autoantolatua, eraginkorra, eraldaketa bultzatzen, izan ere klima ez da aldatu beharrekoa, sistema bera baizik.Herriko etxeak, udalak, herriak… trantsizio ekologikoan
Mahainguru solasaldi batean egotea egokitu zitzaidan, Bizi! mugimenduak gonbidatuta. Zuberoa, Behe Nafarroa, Nafarroa, Gipuzkoa eta Bizkaiko auzapez/alkate banarekin egon nintzen, karguduna ez zen bakarra nintzenez, askatasun gehiago ukan nuen nire iritziak emateko. Energia burujabetza, elikadura, birziklaketa, jantokiak, elikagaiak… gai ugari aletu genituen Aloze, Lekorne, Larrabetzu, Gares, Hernani eta Eako esperientziak partekatzean. Baztandik ere etorri ziren ekarpenak. Irakaspen asko eta ideia bete motxila herrirako, nork bererako.
EHko udaletxeak trantsizio ekologikoan. Lucien Betbeder, @iPatxi , Jean-Pelle Iriart, iratxe Arriola, Oihan Mendo eta Luis Intxausperekin. #Alternatiba2018 pic.twitter.com/GSUcaZ5Rux
— Xabi Otegi Amundarain 🎗 (@Txapisotegi) 2018(e)ko urriaren 7(a)
Milioi bat eusko
Eta asteburuko berri pozgarria Euskoarena izan da. Dagoeneko milioi bat eusko dira mugimenduan Ipar Euskal Herriko ostatu, denda, herritar eta ekimenetan. Eta laister berri gehiago ukanen ditugu gainera. Sasoia heldu da, Hego Euskal Herriko herri eta mugimenduetatik ere Eusko tokiko monetari heltzeko. Ekonomia iraunkorra eta eraldaketa sozialerako tresna ezinbestekoa. Funtsezkoa. Ea saiatu eta lortzen dugun.
Bi hitzetan: Zorionak Bizi! mugimendua eta Euskal Herri burujabearen alde lanean ari diren militante guztiak.
