18/98+
Euskal Herriaren kontrako epaiketarik EZ!
- #bidegorritik, #Patakon, 18/98+, agit/prop, albisteak 2.0, bakegileak, gaztelumendi.eus, hurrengo geltokia, ikusi eta ikasi, larrabetzutik, literatura, musika, pasahitza, software librea, su-etena | ceasefire | tregua, teknologia berriak, telebista
13 urte blogean, ekinean, ahaleginean
sare sozialak, blogak, internet, sarea, lagunak eta norbera pantaila aurrean. 13 urtez ekinean. ezinean. ahaleginean.
gaur ere abenduaren 3a da.
ea zer diozuen, irakurtzen zaituztedalako. aspalditik. hemen nago eta asko pozten naiz. oraindik.13 urte, besterik ez
2004ko euskararen egunean jarri zen martxan gaztelumendi bloga.
orduz geroztik ahal izan dudan guztia idatzi eta kontatu dut berton -eta beste leku askotan-. irratigintza, komunikazioa, literatura, telebista, bidaiak, aldizkariak, erreportajeak, mobilizazioak, informazioaren kudeaketa, auzolana, gutunak, erreportajeak, batailak, kezkak, kanpainak, lana, iritziak, salaketak, hedabideak, teknologia berriak, musika, herrigintza, harremanak, auzoko kontuak, kultura…. izan dira nire bizitzako ardatz; eta libre konpartitzeko aukera eman didate teknologiak, software libreak, hizkuntzak eta sorkuntzak.ezin eskertuago nago.
KRONIKA DIGITALA
ARTXIBOAK, artxibologia
sarean.com sortu zuen Jabi Zabalak 2003an. Ondoan izan dudan erreferentzia, duda barik.
Egunerokotasuna hautsi gurean, bitakora 2004ko euskararen egunaren biharamunean.
Joxe Arantzabalek bloga sortu eta egun berean eman zuen gaztelumendiren berri bere orduko Faroan.
Blogei buruzko ikastaroa antolatu genuen 2005eko udan UEUn
2006. urtean Euskal Herria 2.0 inflexio puntua Interneteko euskal panoraman, iparra eta helburuak markatu genituen. EUS dominioa lortzen hasteko abiapuntua.
Blogariak, software garatzaileak, hedabideetako arduradunak, kulturgileak, irakasleak… batu ginen Donostiako Artelekun. Ez daukagu ahazteko 2006ko iraila hura. Gauzak egiteko gogoa somatzen zen Euskal Herriaren alde digitalean. Auzolanean, 2.0 logika guztiz barneraturik.
EH 2.0 > puntuEUS
Zazpi urtez idazten, gogoratzen hasten zarenean…. amaituko denaren beldur zarelako.
10 urte bloga sortzen hasi nintzenetik, lekutan dago 2004ko abendua! http://t.co/78lJEaVveH pic.twitter.com/0S8khluE7b
— patxi gaztelumendi (@iPatxi) 2014(e)ko abenduak 3
luzaroan jarraitzeko asmoagaz. GAZTELUMENDI.eus #ga1d3rantzunak
galdera asko ditut egiteko. erantzunak etorri egiten dira. sortu.
kezkak idatzi, bizitza bete, amets ugari, letra asko, irudi batzuk eta zenbait ondorio.
#ga1d3rantzunak hitza eta ekintza dira, baldintza eta ondorio, objetibo beste subjetibo, sujeto eta adjetibo. teoria eta praxia. -
Aner Petralanda
Lagun bat, beste lagun askorekin batera epaitzen hasiko dira gaur Madrilen.
Auzokide bat, beste herri askotako kiderekin batera Madrilen da egun.
Eta bihar, eta etzi….. eta ez dakigu noiz arte iraungo duen epaiketa honek.#AnerLibre #35akLibre #epaiketapolitikorikez pic.twitter.com/ArWZyDdamq
— #AnerLibre (@Hiro_vuelta) January 11, 2015
Epaiketa politikorik ez! dio LIBRE! afitxak. Epaiketa guztiak dira politikoak izan, guzti guztiak. Preso politikoak dira, iritzi presoak, militante politikoak direlako Aner eta beste asko…. Burgosko epaiketatik hona, auzibide handietan murgildu diren horrenbeste lagun eta kiderenak bezala. Auzia ere, politikoa delako batipat. Oraindik konpondu barik dagoen auzi bat, konflikto bat, kontu bat.
libre
Irtenbidea ere politikoa izango da, auzibideetakoa baino gehiago. Libre geratzea ez delako libre izatea, baina norabide onean, lagundu dezake. Hori da gure helburua, Aner eta beste asko, beste gu asko, libre izatea.
Adierazpena: Euskal herritarrak libre!sare sozialetan
#ANERlibre pic.twitter.com/DdPh1Vr9mL
— larrabetzunLIBRE (@LIBRElarrabetzu) January 11, 2015
Gustatuko zaizu ere
13 urte blogean, ekinean, ahaleginean
zenbat da asko euskaraz?
Gazte eguna nahaste gaua
-
Gazte eguna nahaste gaua
Barriro be, gure artean Gazte eguna.
Larrabetzun hasi gara garria mugitzen, herria eraldatzen…Dantzan hasi be… Larrabetzuko hondartzan.
Makala jazz funk band Larrabetzuko hondartzan pic.twitter.com/2CIrNYEcoY argazkia: @GoiuBA hor #dantzan!
— barkatu ama (@barkatu_ama) July 31, 2014
Eta herrian Aste nagusia deitu diote hasi dugun asteburu luze honi: kontzertuak piszinan, san inazio eguna, kantaldi txiki bat Sirocco tabernan eta gero zapatuan….
Gazte eguna….
#GazteEgune14 nahaste gaua! @horibai23 sound system prestatzen. @Revolut10narys + @kingkonsul + #djKaiku pic.twitter.com/QiNj61PvsV
— gaztelumendi djKaiku (@iPtx) July 31, 2014
Zea Mays KOP eta Skakeitan>/h3>
Revolutionary brothers eta King konsul
Hori Bai sound system playlist
-
Egunkaria libre! otsailak 20, 7 urte indarrez itxi zigutela
Egunkarialibre.info
Egunkarialibre.info gunetik ekarritako berbak.
2003ko otsailaren 20an itxi zuten Euskaldunon EGUNKARIA.
Dena esan dagoen arren, azken hitza beti besteek dute.
Orain ere, Egunkariaren alde argi eta garbi adierazi garen arren, Madrilen dute ematekoa azken berba.
Egunkaria Libre! ozen eta maiz esan dugun arren… zain gaude.Nik be, argi eta ozen: Egunkaria libre!
Gustatuko zaizu ere
Gazte eguna nahaste gaua
zenbat da asko euskaraz?
13 urte blogean, ekinean, ahaleginean
-
zenbat da asko euskaraz?
Gaur, batetik eta bestetik euskarazko hiru webgune -nire ustez garrantzitsu- ezberdinen bisita datuak jaso ditugu.
Kazeta.info agerkari digitalak albiste bat egin du goizean horren inguruan.
Twitter saretxoan horretaz mintzatu garenean, Sustatuko datuak erakutsi dizkigute -berez publikoak dira- mezu batean.
Eguerdian edo Berria.info guneak Zinemaldi sasoian izan duen hazkundearen berri izan dugu.
Eta nire kezka, ondo ari dira/gara?- Zenbat da asko euskaraz?
- Gehiago behar genuke, gutxiago…
- Euskarazko webgintzak asetzen du euskaldun erabiltzailea?
- Kioskoa behera doan heinean doaz gorantza euskal guneak?
Galderak bota ditut, guztion artean berba egiteko modukoak. Nik ez dut erantzun bakarra eta magikoa. Nik ere eztabaida horretan parte hartu nahiko nuke. Zuokin batera. Horra hor galdera.
Zenbat da asko?
-
maitasunaz irratian
no time for love kantuarekin abiatu dut aste honetako kronika laburra info7 irratian. Hertzainak taldearen kantua ekarri dugu gogora, baina kantua entzutea ere posible egiten du Internetek. Irrati kronika izanik… zer hobea kantuarekin hastea baino.No time for love kanta ederra da, eta beharbada horrek egin du hain azkar, hain ausart sarean zabaltzea. Egia esan ikaratzeko moduko abiadura hartzen dute etiketek sareen sarean.
Salaketa bat egiteko modu polita izan da, ezberdina. Betiko lelo errepikakorretatik haratago, etiketa bat, kantu bat, mezu bat, jarri dugu hizpide. Eta jendeak erantzun egin du… bestela begiratu bildu.net honetan notimeforlove etiketarekin zenbat gune dagoen.
Eta technorati ere jabetu da horretaz, ez da dudarik. Euskal Herritik abiatu den ekimenak, gure mugak gainditu ditu, nazioartean ari da, eta eman ditu zenbait itzuli dagoeneko, batean eta bestean.
Maitasuna; maiteminduen eguna izango da otsailaren 14koa ere. Greba orokorra dago deitua gurean. Beraz, no time for love.
notimeforlove info7 irratian entzun gura baduzu:
[audio:http://www.info7.com/wp-content/uploads/2008/02/20080212_400.mp3]Podcast: Play in new window | Download
-
Urte gorri on
Maiatzaren lehenean, kokakola lata bat… kantatzen dugu Moraurekin. Eta gabonak datoz orain, jatordu ikaragarri luzeak, familiakoen bilkurak, opariak, Olentzero, herriko argi garestiak, erropa berriak, gertukoak urruti, haiek gogoan, hotza kalean, gaztaina gozoak… ez da erraza guzti hau Kontraesanen Errepublikako biztanleontzat.Munduko hiritar izan nahi zenuke halakoetan. Marxekin mozkortu, Leninen ardotik edan, eta ostean Castroren bizarrak laztanduz munduari itzulia eman. Maogaz dantzan egin, eta Trosky eta Stalin gay mugimenduan erroldatu direla ikusi, zelan ateratzen diren armariotik biak.
Gau gorriak egunsentirik ez. Mozkorraldi sasoi be badira gabon egun hauek, bertsotarako, zinemarako, parrandarako, kalerako. Aspaldi ikusi ez dituzunak barriro ikusi, askotan agurtu be bai… eta hurrengorarte.
Gabonak heldu dira Euskal Herrira. Ospatuko ez dituzten gero eta auzokide gehiago heltzen ari da gurera, eta galdetuko dute zertan ari garen gu, kristau ateook.
Urtea amaitu da, eta barria dator. Beste negu luze bat, eta oraingoan etxean jokatzen dugu.
Osasuna danontzat. Askatasuna irabazten duenarentzat. Eta goraintziak munduko Martin Larralde guztioi. Biba zuek!
Gora Internazional kontsumista!
-
Ordu beteko etena | 18/98+ elkartasuna eta gehiago
Gaur, abenduak 13 ostegunez. Ordu beteko lanuzte, geldialdi, mobilizazioa egingo da Euskal Herrian.
Nik ere, blogean horren berri utzi nahi nuke. Ordubetez, afitxa egongo da ikusgai.
Eguneraketa:
Larrabetzuko plazan hainbat jende batu da ordubetez. Etorri dira langileak, tabernariak, antzerkigileak, eskolako irakasleak, udaletxeko langileren bat, auzokideak, etxekoandreak, bazkaltzeko ordua aprobetxatu duen umetxoren bat, ama batzuk, bertsolariak, autonomoak, kamiolariak, baserritarrak
Larrabetzuko plazan elkartasuna adierazi diegu 18/98 sumarioan atxilotutako euskaldunei. -
19/98 elkartasuna eta gehiago
Ez dago geldi egoterik. Unetik unera, egoera gogortzen ari delako. Aznar garaian baino hobeto ez gaude. Aznarren politikak jarraipena izan du martxoaren 11koaren ostean ere. Talanteak ez du gauza onik euskaldunontzat.
Bake prozesua hari mehe batetik zintzilik daukate Europan. Noiz berriz bilduko zain. Bitartean, ehun atxilotu izan dira oso epe laburrean. Ilegalizazioa. Kartzelak euskaldunez mukuru betetzen.
Intelektual batzuek, institutuan ez dela ezer gertatzen esaten duten bitartean, hautsak harrotu gura dituzte, baina betikoan ari dira. Ez digute diskurtso berririk eskainiko.
Gu, lehen bezala orain, kalera aterako gara. Gure elkartasuna adieraziko diegu injustizia honen zurrunbiloan harrapatutako guztiei, izan militante abertzale, kazetari, unibertsitateko irakasle, apaiz, egunkari euskaldun bateko zuzendari, idazle, saltzaile, ama, seme edota euskaltzale.
Gaur ere, Bilbora goaz, hango kaleak lepo betetzera. Batzuk, bitartean jauregian jarraituko dute, Euskaldunan, datozen urteeotako pastela zelan banatu erabakitzen. Abiadura handiko politikagintza zelan kudeatu erabakitzen. Berdin du, beraiek gabe ere heldu gaitezke burujabetzara. Ziur naiz. Hori da, izan ere beraien beldurra. Txolloa amaitzea.
Irlandako bidetik asko ikasi dugu euskaldunok, Kataluniatik ere. Europa dugu begien aurrean, eta nazio gisa helduko gara Europara. XXI. mendea herri, kultura, nazio, identitate txikiagoen garaia izango da. Daudela ziur.
Neoliberalismoari aurre egin, eta politikagintza berri bat jarri beharko da abian. Sareak, mugimendu libreak, askapena. Kode irekiko politika.
Gaur kalera noa. Oraintxe bertan. Elkartasuna eta gehiago, beharrezko delako.
Eguneraketa:
Bilbotik etxera, manifestazioko irudiak ikusi ditut GARA.net gunean. Gaur grabatutakoa, gaur bertan eskaini dute. Zorionak GARA!
-
noiz arte?
Hasi dira atxiloketak. Agindua Madriletik, poliziak Euskal Herrian, presoak Espainiako kartzeletan.
Irakasle, kazetari, militante, kontable, langile, etxekoandre, aita, alaba… denak preso daramatzate.
Bi urteko txikia utzi du Natalek etxean. Mariok ikasleak Leioan. Zalakainek pankarta. Txemak Gasteizko giroa. Salutregik egin gogoan, Juan Marik euskalgintza, Anak gazte mugimenduko lagunak, .. zerrenda amaigabea.
Epaiketa bat. Errepresioa. Kartzela. Justizia.
Gaur gauean, ohe huts gehiago Euskal Herrian. Eta gu, hemen zain.
noiz arte?
