agit/prop
agitazioa eta propaganda
-
Otegi eta Anoeta
Egunotan Madrilen dago arreta.
Madrilen Anoeta.
Jendetza eta mezu trukaketa belodromoan.
Bakea euren asmoan.
Belodromoa beteta
Anoeta gogoan
Hasi da epaiketa
poliziaren salaketa
herriaren errieta
Hitza kendu digute, baina geroan
zerbait sortuko den esperoan
jarriko dugu arreta
ez gaudelako erreta
Bakea eta askatasunaren beroan
ospatuko dugu etaArnaldo Otegi, Joseba Alvarez eta Joseba Permach dira epaituen aulkian jezarritakoak. Anoetako proposamena delitua. Bake proposamen bat, mundu guztiak aintzat hartu zuen bi karrilen diskurtso eraberritua. Negoziazio bideei ekiteko ibilbide berri bat. Ezker abertzaleak ontzat hartu, eta besteek ere onartu zutena. Bake asmoak eurak dira delitu antza, beste zenbait mozorropean.
Arnaldo Otegik kartzelan jarraitzen du. Negoziazio prozesuetan burubelarri murgilduta egon den ezker abertzaleko liderra. Orain herria, orain bakea proposamena Gasteizko legebiltzarrean jaurti zuen liderra, Ibarretxeren planari baiezkoa eman zion politikari abila. Mila eta bat bihotz taupadaka jarri dituen militante abertzalea. Espetxea behin eta berriz ezagutu dituen preso politikoa. Herri honen esperantza dena gaur egun. Nelson Mandela gazte eta jantzi bat.
Arnaldo Otegiren askatasunaren alde diharduenak, ez du Arnaldo Otegi soilik askatzerik nahi, eskatzen… gehiago eskatzen du. Baina une honetan, Otegik askoz ere gehiago batzen du bere baitan. Hitza, Anoeta, proposamenak, kartzela, prozesuak, bakea, bide politikoa, urratsak batzen ditu Arnaldo Otegiren figurak, itzalak. Zorionez.
Epaiketa digitala ere bada
Arretaz jarraituko dugu prentsan eta sarean Anoetako epaiketa. Otegi eta Anoeta. Azala eta mamia. Epaitua eta epaiketa. Bi etiketa. #otegi eta #anoeta Eta mundu guztian ari da zabaltzen, Interneti esker, hedabideetako profesional askori esker, jendearen mezueengatik, arretagatik… eta poztekoa da hori.
Anoetako proposamena biltzen duen bideoa.
bideoak.ezkerabertzalea.info -
Eskubide guztien aldeko kaleak
Atzo, Bilbon burura etorri zitzaidan lehen ideia irailaren 11koa izan zen. Egun horretan urduri eta temati jarri ziren guztiek, ea lasaiago egin duten lo. Manifestazioa egin egin behar zela ziotenek, ea manifestazio handiagoa -hagitzez luzeagoa eta jendetsuagoa gainera- egitearekin pozik diren.
Urduri zeuden ere Ares, Rubalcaba eta ultraeskuindarrak ere, ez zuten asteon atsedenik hartuko. Irailaren 11an egingo genuena baino handiagoa eta ozenagoa izan da gure aldarria. Tartean, asteotan gainera, ekimen gehiago izan direnez, norabidea hobetu zehaztu du bideak berak.
argazkia: cc joseba barrentxea / zuzeu.com
Mugimendu berriago bat abian
Irailaren 11akoa prestatzen orduak eta orduak eman zituzten batzuk. Eta uda osoan prestatzen eta hedatzen aritu ziren adierazi EH ekimenekoak. Eta ETAren iraila hasierako komunikatuaren ostean, aste bakar batera, kaleetan agertuko litzateke egoera berriaren inguruko kezka. Eta horrek urduritu egin zituen Madrileko agintariak, eta Ertzaintzak -Barne Sailak- txostenak igorri zituen. Eta Adierazi EH ekimenean, gogotsu lanean ari diren ezker abertzaleko kideen kontrako auto judiziala abiatu zuten Madriletik. Eta debekuaren ostean, politikariek hartu zuten hitza, eta asmoa. Baina hori ere galarazi egin zuten.Adierazi EHkoek, zein orduko deitzaileek, burua hotz eta egunean bertan, bertan behera utzi zuten manifestazio deialdia. Eskariak jarraitzen zuen. Eta handiago bat etorri da. Eta Adierazi EH biziago, indartsuago atera da mugimendu honetatik. Inteligentziaz jokatu du, eta irabazi egin du. Mugimendu horren muina Bilboko kaleetan ikusi da. Bere esparrua zein duen agertu dute milaka eta milaka lagunek. Eta horri erantzun beharko dio orain. Ezker abertzalearen estrategiak, jende gehiagoren nahiarekin egin du bat. Eta orain herri baten estrategia behar du izan, eskubide guztien alde. Eta hor lana dago. Ikaragarria.
Manifestazioa egin egin da. Mugimenduak abiatu beharra du. Irailaren 11an, goizean goizetik, erreflexiboena GARA egunkariaren editoriala izan zen. Eta denborarekin, arrazoia ere eman diogu.
Pozik itzuli nintzen etxera. Pozik egiten ari gara bidea. Jendea gehitzen ari da eskariotara, eta bideak aurrera egingo du. Izango dira trabak, atxiloketa gehiago, borondate eskaseko uneak, baina bideak beharko du egin aurrerago. Helmuga badakizu zein den, eta ez gara nekatuko. Esaten, adierazten, idazten, eskatzen, salatzen, kantatzen…. Euskal Herria.
Gustatuko zaizu ere
Larrabetzu Eskura webapp eta Badok.info
Gazte eguna nahaste gaua
Aner Petralanda
-
munduko herri bat
Denboraldi berriari ekin diogu albisteak 2.0 saioan ere.
Hasi… Lost edo beste horrelako telesailen bat eman dezakeen fikzioarekin hasi dugu… aurreko denboraldietako irudi edo eszenak izango balira bezala. Gero, programak bere ohiko bidea hartzen du. Interneteko nabigazioak eskaini beharrean, bideoak dira nagusi oraingoan.
Hasi gara, eta pozik gaude horrekin. -
Gernika
Altsasu, Brusela, Gernika
Gaur arratsaldean aurkeztuko da Gernikan beste dokumentu garrantzitsu bat. Euskal Herriko hainbat eragile sozial, politiko, sindikalek egingo dute aurkezpena. Euskaraz, gaztelaniaz eta frantsesez. ETAri sueten iraunkorra eskatzeaz gaina, Espainiar gobernuari ere eskaera zehatzak eta egingarriak luzatzen zaizkio. Bi folio eta hainbat puntutako testua da. Eta gaur bertatik arreta piztuko du. Pausu berri bat, eskaera historikoa izango da. Abiapuntutik, beste urrats bat. Ezer lortu, egin, eskatzeko funtsezkoa.
Atzo dokumentua irakurtzeko parada izan nuen. Hedabide batzuek, -Aralarren filtrazio lotsagarriari esker- zenbait zertzelada interesatu eman zituzten, ez akordio eta irtenbidearen alde presezki, baizik eta sortzen ari den giro hau zangotrabatzeko nire ustez. Aralarreko kideek pentsatu beharko duten zertan ari diren azken aldian, Vocento eta Noticias taldeekin elkarlan horretan. Kontua da, parte hartzen hasi diren kontu guztietan, konfiantza hausten ari dela. Parte hartzen hasi diot – orain arte, nahiko axolabeki aritu direlako, besteak beste-. Aralar, PNV bezala urduri edo tematuta dago. Urteotan eskatzen ibili dena, gauzatzen ari dela ikusi duenean urduri jartzen denak arazo latza dauka. Ez du sinestu orain arteko bidean, edo ez du bide honek aurrera egin dezan nahi. Horri interes partidista deritzo, eta uste dut, norbanakook ere esan beharko dugula nahikoa dela.
Parentesi zorigaiztoko hau gaindituta. Ikusiko dugu bihartik aurrera, irekitzen ari den bide honek, ze urrats emango dituen. Altsasuko adierazpenarekin bide berri bat markatu zuen ezker abertzaleak bere osotasunean. Eztabaida politiko historiko horrek, Zutik Euskal Herria izeneko bidea markatu du hiru norabideetan: a) gatazkaren konponbidea b) eskubide zibil eta politikoen defentsarako herri harresia, eta c) Independentziaren aldeko indarren batuketa.
Hiru norabide eta jardunbideek, zeinek bere bidea erakusten ari da azken hilabeteotan. Ezker abertzalea demostratzen ari da, bere eztabaida politikoak, eta batez ere bere eguneroko jardunak, Euskal Herriko mapa, giroa eta martxa azkartzeko gaitasuna. Konponbiderako, zein eskubideen defentsarako, eta zelan ez, independentziaren aldeko urratsetan, ikusi dugu ekintza, agerraldi, eta dinamika bat baino gehiago piztuta.
Zorabiatuta dago bat baino gehiago, letra zopa iruditzen zaio baten bati, beldurra dute askok -etxean eta kalean-, giroa piztu da sektore askotan, mesfidantzaz ikusten dute deprimituek…. baina somatzen da zerbait gure XXI. mendeko Euskal Herri honetan. Ari gara, norbanakoak, zein kolektiboak zerbaitetan.
Gernikako agerraldia, Euskaldunakoa bezala, Bruselakoaren antzera, Greba Orokorrean edo Aberri egunean moduan, martxan den herri baten irudi dira. Ez dira irudi finkoak, ez dira zuribeltz manipulatu eta erretokatuak. Ez. Egoera dinamiko baten islada dira, bizi nahi duen populu baten adierazpide.
Biharkoa egiten ari garelako, unez une.
** eguneraketak **
argazkia eta edukia:Â ezkerabertzalea.infoGARAk ETAko bi kiderekin egindako elkarrizketa aurreratu du edizio digitalean.
ETAk sueten iraunkor eta egiaztagarrirako borondatea agertu du, baita urrunago joateko ere
«ETA tiene disposición para un alto el fuego permanente y verificable, y también para ir más lejos»
-
zergatik adierazi?
Adieraztea eskubide delako.
Sortzea naturala dugulako.
Irudikatu nahi dugulako.
Eskubidea dagokigulako.
Gu geu garela esateko.
Bagoaz, bagabiz, bagara…..Kalean, eskubideak aldarrikatzea bidezkoa delako.
Inposaketaren aurrean, gure mezua areagotu beharra dagoelako.
Koloreak estali ezin direlako.
Aniztasunak aberasten gaituelako.
Asko garelako. Esateko asko dugulako. Egiteko gehiago.
Adierazi, sarean, kalean. Larunbatean. Edozein egunetan.
Sarean ekimen partehartzaile bat abiatu da: adierazi.euskalherrian.info
Adierazi invaders joko eta guzti.
Parte hartu, ekin, sortu, esan, adierazi! -
ikasturte interesgarria abian
Maila askotan.
Iaz Altsasuko adierazpenak, gauzak bere bidean kokatzen hasteko abiapuntua jarri zuen. Ulertu zuenak, ulertu bide zuen. Eta gauzak aldatzen hasi ziren. Eztabaida pizten.
Gerora, adierazpen berriak. Altsasutik Bruselara.
Hegoafrikako mundialetik ere berri asko heldu zaizkigu aurten. Espainolen nagusitasunak, inperioaren mezua hedatu da. Eta nabaritu da gurean. Hegoafrikak gehiago ere eman digu, ordea.
Beste olatu bat da ordea, orain hasten dena. Hasi dena jadanik. Kontua ez da ETAk zer esan duen, baizik eta ETAk zergatik adierazi duen domekakoa.
Jakitera eman du, aspalditik martxan dena. Apurka apurka eman du ezagutzera egoera berri honi buruzko bere jarrera, baina oraindik, murgiltzenago beharko du ETAk ere egoera berriaren baitan.
Ikasturteak baina, agente gehiago behar ditu. Irakasleak ez ezik, ikasleak ere aktibatu beharko ditu. Eta sukaldariak. Eta ofizinistak. Txoferrak eta garbitzaileak. Eta horretan dugu, nik uste ikasgairik gogorrena.
Ikasturtea hasi da, eta ez luke opor osteko strees edo krisirik egon behar. Hori utzi dezagun politikari profesionalentzat, tokiz kanpo harrapatu dituelako egoerak.
Kurtsoan, zer ikasi ugari izango dugu. Baina orain arteko irakaspenek ere balioko digute, guztiek. Argel, Lizarra, Loiola, Oslo, Zurich, denak dira baliagarri. Karrantzatik, Otsagiraino… badugu geografia lekzio ederrik. Aturritik Ebroraino ere bai. Pirineoen esangura erakutsi behar diegu orain, errektoreei.- Eskolarako ere, testuliburu onak behar ditugu. Idatziak, koadernoak, kaierak, estiloa. Aditzak eta ekintzak.
- Ez zaigu faltako irakasle handi ustekorik –hizkuntza kontuetan adibidez– edo Etika leziorik -interesgarria BBC telebista kateak ETAren izendapenei buruz idatzitakoak .
- Gurean zein nazioartean garrantzitsua denak, zelan hartu dezake garrantzia gutxiago ondoko estatuetan? Ulergaitza erromatar hauen jarrera.
- Baina guztiak izango dira beharrezkoak.
Ikasturte hasieraren jarraipena egiten, lan bikaina Zuzeu agerkari digitaleko erredakzioa egiten ari dena, biba zuek!
-
Brian Currin
Argiako kazetari Lander Arbelaitz Hegoafrikan izan da, mundialaren kari.
Han, futbolaz landa badela gauza gehiago erakutsi digu. Eta ARGIA aldizkarian argitaratu ditu zenbait elkarrizketa interesgarri.Besteak beste, Brian Currinen bulegoan azaldu zen. Eta Hegoafrikari buruz bezala Euskal Herriari buruz berbetan jarri zen berarekin.
Eta irudiok jarri dizkigu orain aukeran.Arretaz jarraitu ditut orain arte Brian Currinek Euskal Herrian zein Madrilen eman dituen hitzaldiak. Internetetik eta bideo streamming bidez. Egin dizkioten elkarrizketak, prentsan agertutakoak eta ondo gogoan dut Iñaki Sotok GARA egunkarian egin zion elkarrizketa berezia.
Gero Bruselako adierazpena heldu zen, eta geroztik beste giro bat somatzen da gurean.
Arretaz ari naiz jarraitzen aspaldiko guztia. Sarritan ozen ez mintzatu arren, gauzak gertatzen jarraitzen dute. Gertaerak ez dira maiz albiste, eta albiste ezare atzean egon daiteke gertaerarik handiena. Eta hori guztia gauzatzen ari da da, apurka apurka.
Gauza berriak datoz, ekimen ezberdinak… Currinek badaki hori guztia, eta horregatik du horrenbesteko konfiantza hemen gertatzen ari denaz. Eta guk ere izan dezakegu berak esaten duenarengan.
Beraz, bere berbak adi eta patxadaz jarraitu beharrekoak dira, dudarik gabe. -
gaur greba orokorra
Kapitalismoa, krisia, egoera sozioekonomikoa, lan baldintzak, ezegonkortasuna….
Aldaketa, hobekuntzak, langileon baldintzak, etorkizuna, ibilbidea.Asko dira arrazoiak, gehiago izan daiteke, baina gaur mobilizaziorako nahikoak ditugu. Grebari buruzko informazioa zabaldu gura baduzu:
-
Suizidio informatiboa
eitb puntu com-entatzearren
lortuarte cc
Domeka egurdia Euskaldunan. Astelehena Euskal Herrian. Aje kontuak izango dira agian.
Bateko eta besteko irakurtzeko aukera izan dut. Batzuen pozak, besteen etsipena. Tartean, informazioa. Des-informazioa, edo manipulazioa.Adibide txiki bat, baina errealitatea bere handitasunean jasotzen duena.
- twitter.com/ eitbcomNoticias Los partidos hablan de ‘suicidio polÃtico’ y ‘paranoia’ tras el acuerdo EA-Izquierda Abertzale http://bit.ly/ch41bL
- Twitter mezu horretako loturari klik egin eta…
PSE y PP califican el acuerdo de ‘suicidio polÃtico’ o ‘paranoia’
Beraz, partidos esan nahi duenean PSE eta PP dira eitb-rentzat. Alegia 140 karakterretara mugatu beharreko mezuetan, hain dira mugatuak… ba horixe. Ondorioak zuek atara. Paranoia kontua izango da, guzti hau eragin duena.
Labur idazteak ez luke suposatu behar, gainontzekoak laburrak direla pentsatzeak, baina tira.
-
Intxortatik Euskal Herrira
Elgetako Espaloia kafe antzokia
2010ko maiatzaren 23an– egunon Iban… zelan doaz gauzak?
– Ez dok asteburu lasaixa izan. Atzo goizeko 03:00ak arte bideuaren formatua zala-eta burrukan. Gaur goizian 09:00etatik idatzi batzuk egitten, harreraguneko kontrol guztia daroian ordenagailua izorratuta… baiña denboraz larri bagabiz be etarako juau. Donostiatik jatok informatikarixa, laster helduko dok.
-Aste osoa holango izan dok. Azken baten, herri txikiak gaztetxe handiak dira guretzat. Baina ikusten da gauzak aurrera ataratzeko gogoa. Jende askok egin jok lana, eta emaitza hemen ikusikok, laburbilduta. Eguraldiak be laguntzen jok, eta eguna bikaina izangok, ikusikok. Joseba Tapia laster etorrikok, jendea be hasi dok hurbiltzen, Espaloia txukun txukun jauk, eta Harrera gunea itzela. Non jauk alkatea?
– Bai bai, ez juat sekula horretan pentsau, baiña hau gaztetxe haundi bat dok bai. Edurne, Oxel, Josuren, Juan Ramon, Iban… atzo gabekua izan zuan elkalaneko erakustaldi bat. Herri txikixaguetan ikusten dok posible dala. Alkatia ETB-kuekin juan dok. Ez dok bape erreza izan harentzako be. Ordu askoko lana jaok atzian, ikusten ez dan lana eta Edurne eta bixen artian ondo eruan juek kontua. Eskertzekua herrittarron aldetik.
Hemen jatok Maria Jesus Aranburu be.-Sarritan ez dozak ikusiko kotxe ofizialak antzoki atarian, barruraino sartu dozak. Aurkezpenak eta hire kontu Iban.
– Bai, ezagutzen juat. Oso osoko andria dok. Oxel etorri bittartian nere kontu. Luntxera bideratuko jittuau hemendik aurrera datozen OPI guztiak. Klaro, lehenengo tabakaleraz galdetuko jotsau. Hor jaok hor anabasia, Odonekin…
-Hi, hor jatok Tapia be, trikitilaria… beragana najoak. Frogatxo bat egin, eta dana prest. Aulki guztiak prest jauzak, luntxera be hurbildu da jentia, itxikok haut. Aurkezlea nor dan esan beharko dostek, etzoat ezagutzen Maider eta.
РBai, oin kultura teknikarixa dok Bergaran, bai̱a GOITB-ko informatibuetako aurpegi izan zuan denbora luzian. Oso ondo egingo jok. Gai̱era ona dok beti igualok ez agertzia lehenengo lerruan.
-Hi ba dana prest jauk. Probak, pantaila, jendea, hi jezarri hadi hor, neure ondoan. Lehen lerroan jauzak Elgetako udaleko ordezkari guztiak, Diputaziñokoa, 37an hildakoen senideak, jende nagusia, Kafe Antzokian Euskal Herri osotik heldutako jendea. Egun hau historikoa dok, hemen zeozer hasten dala iruditzen jatek.
– Bai, hasieria baiño ez dok. Animo, Maiderrekin geratu gazen moduan bera hasiko dok eta gero dokumentala. Ikusiko dok txulo-txulo geratu dala. 3D-n eginddako zati batzuk, bonba zaratak… baiña batez be lekukuak. Lekukuena demasa dok, hori behin ikusi eta gero ez dok ahazten. Ohera be kontu horretxekin juango gaittuk, ikusiko dok. .
(Hasi da ekitaldia. Maider Osa aurkezle. Eta bideo proiekzioa hasi da..)
Hori Bittor Garai dok. Asko ez dala etara jittuen basarri ondotik bost lagunen gorpuak. Isiltasuna demasa dok. Ikusi eta ez galdu aukerarik lekuko hau entzuteko, ointxe jatok Antoni Teilleriarena. Ez dok denbora asko hil dala eta gustora biziko leukek berak be hau egunau… Bere ikurriña jarri juau erakusketan. Lagaik momentu baten twitteatzeia eta segi bideuai.
-Bideoa polita dok, gerra garaiko argazkiak, kontakizun historikoa, hura bizi izandakoen testigantzak, 3D animazioa, eta Euskal Herriko historiaren zati bat… orain arte inoiz kontatu ez zaigun moduan, eta euskaraz.
Argazkiak.org | Elgetako gudariak © cc-by-sa: gaztelumendi– Tapi, ezagutzen dok narratzaillian ahotsa? Ines Osinagarena dok, Gosekua. Patxi, esan bihar jotset danak batera igotzeko gero taulara, berba egin bihar daben danak batera. Bideua amaittutakuan Tapiaren txanda, pare bat kantu Agur, Intxorta maite diskokuak.
-Aupa Tapi, amaitu dok dokumentala. Oin dok hire txanda.
– Honek kantuok ez dittuk izango jende multzo haundixendako, baiña ederrak dittuk, oso ederrak. Haudixa dok Tapia. Oso kantu pare ona aukeratu jittuk. 5 banderak kantua joten zebillen bittartian igo izana be ondo. Kolore asko batera. Ondo. Lopategiren “Gaur hirurogei urte bezela” kantau jok, politta.
-Eta eskenatoki gainean Intxorta 1937 elkarteko Garai, Elgetako alkate Oxel Erostarbe, ANVko zinegotzi Edurne Alberdi eta Diputazioko ordezkari Maria Jesus Aranburu. Lau buru, kolore ugari, bi andrazko eta bi gizonezko. Hobeto ezin.
– Danak ibili dittuk ondo, bakoitzak 3 minutu jauzkan, baiña betiko letxe luzatu… Ondo egon dittuk, hala eta be. Bereziki ondo ikusi juat gaur Aranburu. Esandakuak eta esandako modua be gustau jatazik.
-Hemen esandako guztiak sinatzen ditut nik. Frente Popularra emoten jok honek. Jeltzaleak, gorriak, anvkoak eta alkatea akorduan. Barriro be etorkozak Elgetara faxistak….
РHauxe dok herri txikixetatik gustatzen jatana. Bakoitzak jaukak bere errena, bai̱a batuta egin bihar danian batu eta egin egitten dok. Baitta antxitxika egin bihar bada be. Hau amaitzen jaok, Tapi berriro taulara.
-Eta Tapiari egindako txaloak, ez dozak debaldekoak. Barriro be hasiko jaku kalabazia! alai amaitu ditu gerrako ibilerak, agur Intxorta maite diskoa egin zuen trikitilariak. Orain autobusetara joak jendea, Ibilbide tematikoari ekiteko, trintxera eta lubakiak bisitatzera.
– Autobuskadia beteta. Ni bigarrenan zain geratzen nok. Hik igo megafono hori. Han joiazak Aldundiko auto ofizialian ANV, EAJ eta Aralar, ordezkatuta. Euzki begixan jaok Asentzio.
-Intxorta 1937ko ordezkariak euskaraz eta gaztelaniaz jabizek gerrako kontuak aitatzen. Lubakietatik sartu dok jendea, duela 70 urte baino gehiago dituzten lubakiak. Lurrak ez ditu berdindu, historia ahazten saiatu dan arren. Intxorta magalean, 36 eta 37ko estrategiak entzuten. Garaiok ez dira horrenbeste aldatu. Lubakiak beste batzuk dira orain.
Argazkiak.org | Intxortako lubakiak © cc-by-sa: goioarana– Egun ederrak urten jok. Gaur “La Belga” metrailladoriaren lekura ez juatia gomentatu jotset Intxorta e1936-37 elkartekuei eta udaletxekuei. Hori beste egun baterako ze 14:00ak pasau dittuk… Intxortako interesguniak hobeto seiñalizatzia falta jakuk, ibilbidia openstreetmap-etik hartzia, harreragunia zer dan ikastola eta eskola guztiei esan biharko jotseu, baitta interes minimua euki leikenai eta interesoi sortu geinken guztiai be… Hasi dok bigarren etapia.
-Hi, nik ondiño etzoat ezer hartu. Egarri nok, eta tapiatarrak be etxera joan dituk honezkero. Bazkaltzeko planik bajauk ala? Antzokia be beteta jauk baserritarrez, euren urteroko bazkaria dok ala?
РA! uste najuan Tapiakin-eta bazkaltzeko hintzala. Hori esan jostek. Guk gero kontzertu bat jakau Espaloian Or2tan eta Grupo San Juan Atxabaltarrak. Hori bai, gaur goizago ohera. Ez, ez juat konkistadoria zein dan jakingo ezta Lost-ena ikusteko jaikiko be. Gaurkua ondo urtetzia oso garrantzitsua zuan eta urten jok. Errebentauta najaok, bai̱a merezi izan jok.
-Niretzat be, lanean hasteko aitzakia ona izan dok. Orain bajakiat non eta zertan ibiliko noken. Hasiera ona, lana ugari, baina ekipoa be bajauk inguruan… eta ez dok gitxi. Esan duet, herri txikiak gaztetxe handiak dozak. Jarraituko joau, eztok?
::::::::::::::::::::::::: :::::::::::::::::::::::: :::::::::::
Iban Arantzabalek eta Patxi Gaztelumendik, dokumentu konpartitu batean idatzitako kronHika. Berbaz, nork bere lubakitik. Bere lantokitik. Bere pantailatik. Bere euskalkitik, bere ahotik eta blogetik.
