agit/prop
agitazioa eta propaganda
-
No time for love
Maite zaituztegu esateagatik justizia gainean duzunean, seinale ona ez. Maitasuna baina, ezin kartzeleratu daiteke. Ez da ziega batean, justizia jauregi batean edo epaitegi batean sartzen ahal.
Astea atxiloketa batzuen berriarekin hasi genuen gaur zortzi. Arrasaten bi lesakar. Medikuen txostena ukan genuen astelehenean. GARAren gune elektronikotik mundura egin zuen medikuaren agiriak. Igor Portu ospitalean zen, Mattin Sarasola guardia zibilen esku oraindik.
Eta asteak luze irauten du pikoloen eskuetan. Inkomunikazioa. Tortura. Iluntasunari lotzen dizkiogun terminioak dira. Kolpeak, presioa, mina. Eta bitartean bertsio ofizialak aldatuz doan Barne ministroa. Barre ministroa esango genioke, barre egiteko gogorik izan ezkero. Negargarri, berriz ere.
Komunikazioaren gerra ekarri du inkomunikazioak. Bertsio ofizialak eta mediku txostena aurrez aurre. Ministro bat, Estatu oso bat, herri txiki baten kontra. Senitartekoak, Lesakako lagunak, errepresioaren kontra diren guztiak… Internet baliatu zuten besteak beste, mezuak igorri eta hedatzeko. Tortura latzak. Testigantza berriak.
Lekuko baten bertsioa ere jakin genuen, astea bukatu aitzin. Eta Igor Portu eta Mattin Sarasolaren testigantzak gero, epaileen aitzinean. Hiruen adierazpenek bat egiten dute, inkomunikazioaren mugak gaindituz. Hori ulertu ezinik jarraituko du beharbada, espetxera igorri dituen Marlaska epaile bilbotarrak. Gu ere ezin konprenituta gaude. Nola tratatu dituzten Lesakako bi gazteak. Baina dagoeneko hasi gara ulertzen Espainiako demokrazia. Lege antiterrorista defendatzen duen gure demokrazia.
Ez dago denborarik maitasunarentzat. No time for love. Herri zahar hau berritzerik ez dago. Erlojuaren orratzak gure kontra doaz. Unez une. Irlanda zuen aipatzen Hertzainaken kantuak. Ez dute uzten maitatzen gauean…
No time for love
[audio:http://www.larrabetzu.org/gaztelumendi/wp-content/uploads/2008/01/no-time-for-love.mp3]
Hoien legea guretzat apartheid,
gartzela, ihesa, hauspena ta isiltzeahoien legea,
zu ta ni heuren gisara eukitzea
gordeak dituzu arma ta izpien
kontrako altzeiru atzean
eta gu negar gasen mende gaudenok
oker omen gaudeEz dute uzten maitatzen gauean
Tortura sufritzen, zeldatan usteltzen,
gutunak idazten eta bertan hil
eutsi zioten minari baina
bakardadeak irentsi
gorteek justizia egin zieten
matoi txukunen gisan
maiz borrokatuak iraun gogoz
baina maizago hiltzea nahiEz dute uzten maitatzen gauean
ez agurrik ez negarrik gauean
ez zergatik ez norarik gabe
sirenotsa garraixi bakarra gauean.Eraman zuten Francis Hughes gaztea
baita haren lengusu Tom McElwee ere
etorri ziren Patsy Ohara,
Bobby Sands ta lagunen bila
Bostonen, Chicagon, Saigonen;
Santiagon, Varsovian,
Gasteizen eta Belfasten
eta beste hainbat lekutan
hau zerrenda amaigabeaZatozte anaiei borrokan
lagundu nahi duten guztiak
gerrara ohitu zintezke
baina gerra egon badago
arrainak itsasoa behar du ta
herriak zu behar zaitu
gure gogoak iraun artian
ez da beldurra nagusituko.Ez dute uzten maitatzen gauean
ez agurrik ez negarrik gauean
ez zergatik ez norarik gabe
sirenotsa garraixi bakarra gauean.
Sirena garraixi bakarra gauean.
HertzainakPodcast: Play in new window | Download
-
kirolariak ez daude geldi egoteko
Hasi dira mugitzen. Abenduaren 29koak historiko izateko zantzu guztiak ditu. Partida Euskal Herriaren izenean jokatuko du selekzioak -Urkullu bera be hasi da marmarka..- eta gainera Bartzelonan egiten duten antzera Nazio bat selekzio bat manifestazioa egingo da Bilbon.
Argazki hau esanguratsua da. Futbolari, txirrindulari, herri kiroletako partehartzaileak, arraunlariak, gizonak, emakumeak… zer ez den batu Donostian kamaren aurrean.
Doka kafe antzokia txiki geratu eta kanpora atara behar izan zuten argibila. Flashak ez luke guztia ondo hartuko eta. Poztu nau argazkiak, beti ez dira horrelako ekimenak ikusten eta.
Euskal selekzioen aferak, hari asko mugitzen ditu gure herrian. Konponbidea, konponbide handiago baten parte edo zati izan daiteke agian. Giltza, zerraila asko zabaltzeko bera da. Baina kirolariek eurek hartu dute lekukoa. Eta poztekoa da hori.
Gure herrian be, zeozer mugitzen ari da horren inguruan. Eta argazki horren zain geratzen garen bitartean, foto nazionalari begira gaude gu. Eta partidua mundiala izango ei da zaletuen iritziz. Ikustekoa hori be!
-
Argi geratu da, ezta?
argazkia: ahtgelditu.orgNahiz Guardia Zibilaren kontrolak, nahiz Miren Azkarataren kriminalizazio eta desitxuraketa saiakerak, nahiz Jaurlaritzaren oztopo eta trabak, nahiz komunikabide nagusien izkutaketa eta desinformazioa… argazki hau luzaroan izango dugu gogoan.
Arrasateko mobilizazioa, orain arteko handiena izan da Abiadura Handiko Trenaren kontrako burrukan. Abiapuntu berri bat, estabaida soziala galdegiteko, inposaketari aurre egiteko… eta gizarte mugimendu herritarra bultzatzeko. -
Arrasaten Abiadura Handiko Trenaren kontra
Gaur ere ez gara geldirik egongo, ez horixe. Egunero daukagu zeozer gure herri honetan. Herri hau kudeatzen dutenek atsedena hartuko dute asteburuan, soldatak igo berri dituzte eta pozik egongo dira bere atsedenlekuetan, skiatzen, paseatzen, hipermerkatuetan dirua gastatzen…
Apalagooi, Udalaitz defendatzea tokatzen zaigu, mendira joaten jarraitu ahal izateko. Abiadura bizikletaz neurtzen dugun arren, trena sarriago erabili gura genuke, Zarautzera joateko, inoiz Gasteizera joateko, Bilboko alde zaharrera hurbiltzeko… baina hori ez, hoiek ez daude berrikuntzetarako. Madrilekin lotu behar dugu, Paris dugu begiko. Baina Euskal Herrian patxada ibiltzeko ez daukagu tren egokirik.
Badirudi, inposaketaz Y hori onartu behar dugula. Halabeharrez. Eta zelan diren kontuak, herritarrek iritzia eman ahal izan duten kasu guztietan, trenaren kontrako bozak izan dira nagusi. Kontsultaz berba egingo digute gero, jario etengabean.
Abiadura handiko trenetan ibilia naiz, Frantzian, ibilia naiz Madriletik Kordobara ere. Eta? Ez dut beharrezko ikusten halakorik gurean. Gitxiago egin behar duten txikizioa ikusi ostean. Mapetara begira aritu -mila esker herri ekimenari horregatik- eta informazioa gero eta gehiago eduki, argiago daukat ez dugula behar horrelako obrarik.
Baina, aste honetan ere, gero eta nabarmenago geratu dira jeltzaleen asmoak. Praileaitzen argi ikusi da zerk mugitzen dituen, harriak eta ez herriak. Harria errepide berriak egiteko. Praileaitzen balio historikoa, artistikoak… beraiei bost. Badute Gugemheim. Badute Kursaal. Badute Y. Badute sekulako muturra. Jeltzaleek obrak gura dituzte. Makinaria ezin da gelditu. Baimenak, tramitazioak, soldatak. Abiadura. Nora joateko? Zertan gastatzeko.
Badirudi herri mugimendua asko azkartu dela aspaldion, zantzo politak ikusten dizkiot hedatzen ari den gizarte mugimendu honi. Horregatik ere, gaur Arrasatera joango gara hainbat herritar. Autobus bete. Kontatuko dizuegu, handik bueltatzean.
-
irratia.com 100: mila esker guztioi
Heldu zen abenduaren 5a, gaueko 22:00ak eta blogari, lagun eta entzuleak Kafe Antzokian. Urduri geunden gu, azken ukituak ematen emanaldia hasteko jendea zain musikariak prest teknikariak adi…. musika, sintonia, bideoak, lagunak… dena prest.
argazkiak: iMamonEta bi orduko emanaldia eskaini genuen. Akats ttiki batzuk, intentsitate handia, giro oso ona, umorea, kantuak -eskerrik asko Gu, Petti, Txuma, Piperpolis, Josu…- gonbidatu bereziak, Kukubiltxo eta Josu Kamara, Bilbo Hiria irratiko lagunak -Ane, Txuma, Mieltxo-, Bartzelonatik etorritako Olentzero eta Igotz, Myjok kolektiboa Burp aurkezten…
Zuzenean ari ginen, irratitik, Internetetik, Kafe antzokiti. Twitter bidez entzuleen berotasuna jasoz, Txiokari begira…
Ez dugu erraz ahaztuko. Mila esker Mr Johnson. Katixak arrazoi zuen.
Info+
Imanolek argazki sorta ederra eskaini digu. Denak batera ikusteko
Kronika polita idatzi du Mikel Iturriak ere. eus + es
irratia.com blogean argitaratutako kronika zehatzagoa.
-
Irratien sarea, irratiak eta sarea, sareko irratia
Asteon asko lotsatu barik irratia.com hartu dut hizpide asteroko mikrosaion. Talaiatik deitzen dioten kolaboratzaileoon tarte horretan, hurbiletik ezagutzen dudan proiektua aurkeztu dut, eta gainera info7 irratian ere asteazkenero entzuten denez gure emankizuna, aproposa zela iruditu zait.irratia.com egiten dugunok, gogoa eta ilusioa jarri dugu abenduaren 5eko saio berezian, eta horregatik eskura ditugun euskarri, ideia, eta mikrofono guztiak baliatu ditugu. Aurrekontu barik, emanaldi atsegin, interesante, dibertigarri, kritiko, zorrotz eta txukun bat egitea deliberatu genuen… eta gauean ikusiko da lortu dugun edo ez.
Entzun gura baduzu:
[audio:http://www.info7.com/wp-content/uploads/2007/12/20071204_18.mp3]
Info7 irratiak webgune berria dauka orain. Podcast, rss jario, albisteak eta beste hamaika nobedade.Podcast: Play in new window | Download
-
Paris berriro sutan
Sutan esnatzen ari da goizero maitasunaren hiria. Paris sutan. Eta berba berri bat ikasi dugu, banlieues, auzoak omen. Gatazka omen. Biolentzia omen. Paris riots etiketa nabarmendu zen, aurreko liskarraldietan. Orain ere, bi gazte hil dira. Motoaren kontra egin zuen poliziaren autoak. Bi gazte hilik. Eta erantzuna karriketan da orain. Sua eta amorrua. Zer espero zuten ba?Ari naiz, hango blogetara begira. Suaren kolorea damaite hango argazkiek, eta frantsesez irakurtzen dugu Pariseko ertzetako berri. Sarkozyk boterea berreskuratu duenetik, Barne ministrotik izatetik, presidenterakoa eskuratu duenetik… sutan dira langileak, ikasleak, gazteak… eta kea dariola dago maitasunaren hiria.
Ez dakit, baina oraindik asko maite dut Paris.
info +: Pariseko istiluei buruz, informazio interesgarriena vilaweb.cat gunean irakurri dut. Mezularian ez dute sekula vilaweb aipatuko, baina oso informazio ona eskaintzen du. Etengabe. Sarean. Katalanez. Interesgarri.
BIDEOA
Gustatuko zaizu ere
Ongi etorri errefuxiatuak
Euskal Herria 2.0 topaketatik puntuEUS dominiora
Lasterbidean
-
Gaitz urdinari aurre egin gura diote Sakanan
Sakana la ostia da oraindik. Gutxitan erreparatzen diot Guaixe aldizkariko komikigileari, baina lantzean behin, barre apur bat egin edo Euskal Herriaren erdigunetik gainontzekoa zelan ikusten duten jakiteko aproposa da.
Euskal Herriko ertz guztiekin zirkunferentzia bat egin ezkero, duela 15 urte baino gehiago Etxarriko Mikelek esan zidan, konpasaren orratzak Sakanan behar duela. Eta pozten naiz, eskualde euskaldun, abertzale eta jatorra delako oraindik Urbasa, Beriain eta Aralar artean dagoen hau.
Morkots artista bat da, Guaixe paperezko prentsa astero, Beleixe irratia, eta Sakanak euskaldun izaten jarraitzen du. Nafarroako eskualde euskaldunena? Baietz esango nuke. -
Egia bat esateagatik
Egia bat esateagatik,
alabak
hil behar bazaizkit,
andrea
bortxatu behar badidate,
etxea
lurrarekin
berdindu behar bazait;
Egia bat esateagatik,
ebaki behar badidate
nik eskribitzen
dudan
eskua,
nik kantatzen
dudan
mihina;
Egia bat esateagatik,
nire izena
kenduko badute
euskal literaturaren
urrezko
orrietatik,
inoiz,
inola,
inun
eznaiz
isilduko.
Gabriel Arestik idatzitako poema irakurri berri dut, beti, sarri, askotan daukat gogoan. Ematen du, iruditzen zait, inperialismoaren kontra, faxismoaren kontra, inposaketa ororen kontra be, irakurri daitekela.
Gustatuko zaizu ere
Larrabetzu Eskura webapp eta Badok.info
neurri ttikiagoan, smart blogetan
pop pilulak
-
irratia.com eta musika albisteak
Irrati emankizun berezia egin behar dugu gaur. Bilbo Hiria irratian egiten dugun 95. saioa izango da eta gaurkoan gonbidatu bereziak izango ditugu.
Batetik gurekin izango dira deabruak teilatuetan 1973 diskoa aurkezten. Elkarrizketa egingo diegu beraien disko berria, eta aspaldiko etenari buruz berba egiteko.
Baina gurean -estudioan esan nahi dut- egongo direnak Gernikako Audience izango dira, kitarra akustikoekin emanaldi bat eskaintzeko irratia.com entzuten duten guztiei.
Beraz lagunok, prestatu zuen mp3 entzungailuak, sintonizatu zuen irrati zaharra FMko 96.0an edota Internet bidez entzun ezazue emankizun berri hau.
Hurrengo asteak ere, gogo bereziarekin prestatzen ari gara… eta benetako ezustekoak aurkezteko dena prest daukagu.
