agit/prop
agitazioa eta propaganda
-
Palestinan Checkpoint Rock aurkezten izan da Fermin Muguruza
EHZ jaialdian ikusi genuen dokumentala, euskarazko azpitituludun estrenaldian. Heletara hurbilduak ziren zenbait musikari ere.
Lehenago Donostian izan ginen, diskoa aurkeztu zutenean. Filme dokumentalaren aurkezpenerako hainbat musikari hurbildu ziren orduan ere Gipuzkoako hiriburura.Baina hunkigarria da askoz ere, Palestinako aurkezpenaren irudiok ikustea. ETB3k beste erreportaia interesgarri bat damaigu oraingo honetan, sareratu eta guztion eskura jarri du. Ez dakigu telebistan noiz botako zuten, botako duten, dagoeneko bota duten… baina sarean jarri eta berehala ekarri dugu blogera.
Mahmud Darwish omenduz hasten da Muguruzaren dokumentala, eta palestinarren lantzat du egileak ere sorkuntza hau. Musika eta historia, konpromezua eta sorkuntza, herriak eta harriak uztartzen dituen ikusentzunezkoa. -
gau elektronikoa @ gazte egune 09
Larrabetzun 1985etik kontzertuak egiten dira sasoi honetan. Orduan Hori Bai gazte elkarteak 20. urteurrena betetzen zuen. Gazteak kalean batzeko lokal barik. Eta gazteentzat lokala eskatzen. Kortatu, Zarama, Bap! eta Ximorrak egon ziren orduko hartan.
Ordurako zenbait lekutan (Andoain…) lokala eskuratua zuten gazteek, abian hasi zen gaztetxeen mugimendua, lehen oinarriak.
Hurrengo urteko kontzertuan (1986) Herri bat gaztetxe bat! lema eta gazte eguna izendura hartu zuen egunak. Urte bereko gabonetan, okupatu zen gaur egun ezagutzen dugun Hori Bai gaztetxea. Aurretik ere gazteek kudeatua, eta zenbait urtez egoera txarragatik itxita egon zena.Beti ere saninazio dataren inguruko zapatuan (uztailak 31) ospatu izan da jaialdi edo kontzertu hau.
Igaro dira 25 urte, eta jarraitzen da kontzertu eta inguruko saltsarekin. autogestioan. laguntza publiko barik eta eragozpen munizipal askorekin. traba guztien gainetik Hori Bai gaztetxeak lortzen du jaialdi hau ondo antolatzea.
musika elektronikoa gaztetxean
1998tik gaztetxean dj-ak egon izan dira musika jarri eta giroa sortzen. 1998tik urtero azken txanda egokitu izan zait musika jartzen, eta aurten be… goizaldeko orduetan, eguna argitzen ari dela musika jarriko diogu egunsentiari… bertan bazaude egin jantza eta oihukatu bi hitz! eta hobeto pasako dugu. -
gaztesarea etenik gabe, aurrera doa gazte ahotsa
Gaztesareak bere bidean jarraitzen du, deialdiak, informazioa, twitter, facebook, sare sozialak mezua zabaltzen hedatzen ari dira.
Lehen deialdi bat dago bariku honetarako, goizeko 10:30etan Bilboko Alde Zaharrean. Deialdi ireki eta zabala da.
Sistema eta errepresioaren aurrean, ekin dezagun batera!
-
Gaztesarea beti aurrera
Gaztesarea.net aurrera esan genuen Kaskagorri eta Gaztesarea Madrilera deitu zituztenean.
Orain etxeko atean jo dute, eta indarrez sartu dira gero. Surflari bat, webmaster bat, kazetari edo ikasle… berdin du. Sospetxoso izaten jarraitzen dugu.- Gaztesareak ETAren aldeko dirua batzeko gunearena egiten omen, eta gu jakin barik.
- Gaztesarea zer den ondo ezagutzen dugu informazio librearen esparruan ari garenok.
- Jaiak antolatu, kontzertuetara joan, argazkiak argitaratu, izarapeko aholkuak irakurri, kronikak idatzi, errepresioa salatu, mendian ibili, zuzeneko informazioa jan edo euskaraz irakurri eta argitaratu gura dugunok.
Gaztesarea informazio libre proiektu bat da. Gazteek sortu eta kudeatutako eremu libre bat. Informazioa, irudimena, koloreak, pantailak, gogoa eta ilusioa sortu eta hedatzen duen proiektu xume baina eraginkor bat.
Gaztesarea arriskutsua da, oso. Bagenekien lehendik ere, eta horregatik zaigu interesgarri. Horregatik nahi dugu, hain zuzen aurrera egitea, etenik gabe, militarren injerentziarik gabe… gazteek zer pentsatzen, zelan pasatzen, zer egiten duten jakin eta ezagutzera emateko eskubidea dutelako, besteak beste.
Horregatik emango zioten agian ARGIA saria ez oso aspaldi, 2006an.Blogosferak zer dio?
Gure euskal blogosferak, eguzkipeko beroari aurre egin, eta gerizpea eman behar dio gaztesarea bezalako proiektu bati. Gure eskuekin, gure teklatuekin defendatu eta jagon behar dugu horrelako euskarazko argitalpen digitala.Andoaingo argazkia: hitza.info
Informazio jarraipena:
Berria
Sustatu
GARA
teketen.com
indymedia eh
zabaldu.com
Basetxea gaztetxea
UKberri.net
Zu zeu
Elomedia.com
Judimendiko Gazte Asanblada
etengabe
Ttanttakun
Txintxarriak
Olabeagagorria
Kazeta.info
Koska irrati libreaBeste lotura asko eta asko ere ari zaizkigu heltzen, batzuk pingback moduan, erantzunetan dituzue.
Mila esker Zentik.info, teketen, dabid.net eta enparauok! -
San Ferminetan oroimena ez da galtzen, kantatu egiten da
Gu ere Iruñean izan gara, Euskal Herriko jairik handienean, mundua zapi gorri baten azpian kabitzen den hiriburuan.
Eta bertatik baino hobeto jarraitu daitezke jaiak gaur egun Interneten. Saretik.
Zezenak, arropa zuria, edana, karrikak, ikurriñak, Iruñea jai handi bat da.
Sanferminak gure herriaren lekuko dira. Historia egiten dute, egin dute, egingo dute oraindik… lehen bezala orain. Iruñea borroka askoren hiriburu da, mobida askoren kapitala. Musika auzolagun dute bertan, lehen bezala orain. Beti sortzen da talde edo ekimen berri interesgarriren bat.
German oroitu dute aurten ere Sanferminetan. 78ko gertaerak ekarriz gogora, oroimena astinduz. Eta musikaz ere gogoratu dute. Oraingo talde batekin, historia egingo duen taldearekin: Bizardunak.
Eta Apurtu telebistak jaietan murgilduta egin dituen bideoak ere azpimarratzekoak iruditu zaizkit. -
Zapi gorriak zerua du estaltzen!
1985eko uztailaren 7a gogoan
Ez dakit zer pasatzen den
azken aldi hontan
jendea hasi dela
dantzatzen sarritan …… eta dantzan jarraitzen dugu oraindik, ia 25 urte beranduago. Azkena iragan ostiral gauean, Manu Chao, Radio Bemba eta Fermin Muguruzak behinola Josu Landak idatzitako koplak kantatzeari ekin ziotenean.
…zerbait ikustekoa du
bi falta direlakoz
«Recuento generalean».Eta han ginen guztiak, sarri sarri dantzatzen, piti piti kantatzen. Errekuentoek zuten aurpegiarekin begiratzen genien eskenatoki gainekoei, harrituta.
Irratikoak han ziren
emititzen zuzenean
paella jango zutela
eta Piti eta Sarri bere muturretan
saltzan zeudela konturatu gabeak.Eta uztailaren 7 hartatik, sanfermin hunkigarri hartatik, igaro dira urte parrastada bat. Askotxo. Piti hemendik dabil. Irakasle lanetan ikastola batean. Artista izaten jarraitzen du. Ihesaldiaren ostean atxilotu zuten Ipar Euskal Herrian. Atera zen gero, eta izaera alaia eta irekia du geroztik. Noiz edo noiz ikusi izan dugu hemen edo han. Bizitzan gora beherak, eta aspaldian pozik dela diote. Itsasoari begira.
Sarri ere bizi da, ez dute harrapatu. Jarraitu du sortzen, literatura, kantuak, itzulpenak, artikuluak. Iheslariaren patua, fikzioa dirudien bizitza, izoztutako lagun bat balitz bezala, ez naiz hemengoa esanez, han biziz hemen balego lez… bere letrak gogotsu irakurtzen ditugu, preso izan zenaren gogoak asetzen ditu irakurlearen apetak. Kantu dira bere hitzak. Eta jarraitzen dugu dantzatzen, sarri sarritan.Zaila dugu sortzea
doinu gogozagorik
Sarri dio herriak
txanpainaz ospaturik
Iruñeko entzierroa
desentzierroa hemen
zapi gorriak
zerua du estaltzen.Eta zinez kantu ederra sortu zitzaien Kortatukoei, Toots & the Maytals taldearen doinuak aintzat hartuta. 80. hamarkadako kantu bilakatu zen. 90. hamarkadan iraun zuen, gogoz. Eta XXI. mendeko lehen hamarkada honetan jarraitzen dugu dantzatzen, sarri sarritan. EHZ festibalean azkenengoz.
Eta gaur, uztailaren 7an zapi gorriak zerua du estaltzen!
pottdata:
Irakurketa interesgarriak:
Josu Landa ARGIA aldizkarian:
Ihesketa honek ametsak posible direla frogatu duJoseba Sarrionandiari Mitxel Sarasketak
espetxean egindako elkarrizketa:
Literatura, bizitzeko modua besterik ez daBitartean, ez oso aspaldi Manu Chaok eta FMk Bruselan eman kontzertu bateko audioa duzue hemen entzungai. Ziur Jai Alai Katumbi Express hartako kantua dela, Espainian lotsagabeki faxistek zentsuratu gura izan zuten kantu eta kantariak.
-
EHZ herri bat zuzenean, mila bizipen
Heletatik idazten ari, kanpoan pilotari eta bertsolariak, bi gau, 30 kontzertutik goiti, giro paregabea, gau ederrak, lagun asko, lagun berri gehiago….
Batzutan zaila egiten zaigu azken 14 urte hauetan EHZ festibalean bizitakoa azaltzea. Amets bat da EHZ. Gauzapen pratiko eta militante bat. Euskal Herrian ez da besterik holakorik. Konpromezua, lana, hizkuntza, kultura eta… herri bat zuenean azken finean.Aldudarrak bideoa, mila eskerManu Chao festibalera etortzeak; biderkatu egin du festibalaren erakargarritasuna, jende kopurua, giroa, antolakuntzaren buruhausteak, sarrerak… baina bizitakoa ere hunkigarria izan zen. Une batez, 1985eko uztailaren 7an bizitakoa berriz ospatu genuenean.
Sarri Sarri kantuak, zentsura gainditzen du, Jai Alai Katunbi express bira gogoratzen digu. Bi musikari handiren lana goraipatzen, bizi nahi duen jendea eta herri bat oroitarazten. Mila esker guztiagatik Manu Chao eta FM.
EHZ Zuzenean:
Martxa ta Borroka: -
Hatortxu rock: elkartasuna, musika eta Internet
Bat baino gehiago harrituta geratuko zen asteburuan, Lakuntzara hurbildu ostean. Gazteak izan dira bertara hurbildutako gehienak, musika jarraitzaile sutsuak… baina igande bueltan adin guztietako euskaldunek egin zuten topo Beriain mendiaren magalean, elkartasun jaialdi koloretsu honetan.
Hatortxu jaialdia, presoen dispertsioaren gastuei diruz aurre egiteko ez ezik, elkartasun festibala ere izan da. Eredugarria, antolakuntza aldetik bezala jendearen parte hartzetik ere. Milaka lagun eskenatoki bakoitzaren parean, milaka lagun kaleetan, milaka jarraitzaile hemen eta han.
argazkia: hatortxurock.org (aeroplano batetik ateratako argazkia)Elkartasuna
- Elkartasuna hitz handiz idatzi da egunotan Sakanan. Musikariek agertu duten prestutasuna (guztiak gutxieneko gastuak kobratu besterik ez dute egin, bidaia eta …) eredugarria izan da, 60 taldetik gora. Euskal Herrikoak asko, baina kanpotik etorritakoak ere bai batzuk. Alde horretatik, flipatzekoa musikarien jarrera.
- Elkartasuna ere, herritarrek adierazi dutena. Lakuntza eta Sakana osoa inplikatu baita jaialdi honen antoLakuntzan.
- Elkartasuna bertara joan zirenen partetik, han utzitako txanpon eta oihu bakoitza presoen alde izan zelako. Dispertsioaren kontra, dispertsioari aurre egiteko.
Musika
- Talde ugari, estilo asko, kontzertu mota ezberdinak, eskenatokiak ere aukerakoak, jendetza ikusten gozatzen dantzatzen abesten. Musika eta elkartasunak bat egiten dute askotan Euskal Herrian.
- Gogotsu eta pasioz aritu ziren zuzenean. Aurretik elkartasuna agertu eta publikoki eskainiz, eta gero bertan, kontzertuetan. Talde berriak, talde handiak, talde ezagunak, talde ezezagunagoak, famatuak…. kausa batek batu eta zuzenean adieraziz.
Internet
- Hatortxu Rock jaialdi honek propaganda aldetik musika kontzertuetan ohikoa dena baino euskarri gehiago landu ditu. Paperezko propaganda Euskal Herriko txoko eta bazter guztietara heldu bada ere, bestelako asmakizun eta irudimenezko eskaintza izan du. Plastikozko milaka metro pankartetan, bide bazter, zubi eta kale artean ikusi ditugunak.
- GARA, berria, eguzki irratia eta Infozazpi ere laguntzaile izan ditu. Eta jarraipena egin ez ezik, aldez aurretik iragarkiak jarri dituzte beraien medioetan. Elkarrizketak, kantuak, argibideak edo Internet bidez sarrerak saltzen.
- Hatortxurock.org gunea izan da hala ere, nire iritzian bederen, jaialdi honetako izarra. Bideoak, Hatortxu telebista, zuzeneko irratia, argazkiak, bideoak… Sare sozialetan, #hatortxu etiketarekin, youtubeko bideoklipa, abeslari eta musikarien mezu eta elkarrizketak…. zer ez dagoen Hatortxu Rock gune multimedia horretan.
- Borondatezko lana, sareko auzolana, multimedia ikuspegia, ekimen ezberdinen arteko elkarlana… Internet, sarea azken finean….
Hatortxu rock irratia
- Irratia ere izan zuen Hatortxuk. Zuzenean Lakuntzako elkarte batetik. Gela multimedia bat. Prentsa eta Interneteko gunea kudeatzen zutenak mahai baten bueltan, eskaileretan gora bideogileak, beraien lanak kapturatzen, bideoak editatzen…. Hatortxu telebista sortzen.
- Euskal Herri osoan entzun daitekeen Infozazpi batetik, Sakanako Eztanda irrati librea, Zarauzko Arraio irratia, Iruñerrian entzuten den Eguzki… guztiak sarean lanean. Programak egiten, uhinak astintzen, Internetetik eskaintzen… software librea, ordenadore portatilak, ADSL konexioa konpartitzen…
- irratia.com ere bertan egin zen, irratsaio solidario bat egiteko gogotsu. Musika eta elkartasuna uztartuz, saio digital berezi batean.
- Han egindako saioa entzun gura baduzue, klik baino ez. Elkartasun klik bat, besterik ez:
[audio:http://www.arraio.net/deskargak/hatortxu/irratiapuntucom.mp3]
-
Idatzi, sortu, ibili, zabaldu… eta erantzun
Pantaila aurreko orduak emankorrak izaten dira. Irakurtzeko, esateko, erantzuteko, ikasteko… edozertarako.
Batzutan, isiluneak luze joaten dira. Eta ematen du ez gaudela, ez daukagula zer esan… zer eskaini.
Bestetan, eduki arren, gogotsu ibili arren denbora barik ibiltzen gara, eta ezin bota, ezin esan, ezin adierazi.
Bestetan gogorik ez agian, edo lotsa, edo begirunea… auskalo.
Baina, idazteko gogoagaz nabil asteon. Badaukat zer esan, zer kontatu, zer idatzi…Literaturia
Aurreko astean, Literaturiaren osteko shockarekin nenbilen. Eta ez nekin zer idatzi be… ikusten nueulako, ikustarazi zigutelako… historikoa izango zela azoka hori, elkarretaratze eta literaturaren inguruko asteburua.
Asko ikasi, gozatu, ikusi, entzun, dantzatu eta parrandatu genuen, eta etorriko dira berriak.HautEZkundeak
ekainaren 7a noiz izan zen? Europa, zer da hori? Ondo zenbatu al zituzten ordukoak. Lapikoak sutan daude geroztik, eta #pucherazo etiketa erabiliena izan da twitter eta sare sozialetan. egianahidugu.org sinaduraz estaltzen ari da dagoeneko… Europak entzun beza, espainiarrek entzun gura ez dutena.Blogalizazioa
Eta tarteka, blogen inguruan berba egiteko gonbidatu naute Gasteizko Hala Bedi irrati librean. Euskal Herrian dugun irrati libre txukunena da Hala Bedi, eta pozik hartu nuen gonbitea. Iraide izaten da mikrofonoan, eta solasaldi atseginak izan dira orain arteko biak. Zebrabidea euskarazko magazinea da arratsaldero eta pentsatu lokalki / eragin globalki filosofia edo goiburuarekin ari gara ostegun arratsaldero.euskal pop gizartea
Baina ilusionatuago nabil oraindik UEUrako lagun musikazale batzuen artean montatu dugunarekin. Nik egia esan, saio pratikoetan lagundu, irrati txiki bat montatu eta Interneteko kontuekin lagunduko dut… euskal pop musika, euskal pop gizartearen isla? galderari erantzun gura diogu hiruzpalau egunetan. Udako ikastaro bat da.
Iruñean hasiko da, UEUren hiriburua nolabait, Mikel Laboak ikasketak egin zituen hiria… eta Lekeition jarraituko du. Hondartza, txankletak, lekeitioak, musika, uda… ulertuko duzue ezta. euskalpop.mundua.com horretan ari gara, eta zuretzat ere badago lekua. erdu gugaz eta egin dzanga musika popularraren gaineko ikastaro teoriko/pratiko honetan.pottdata
Uda etorri behar da, atea jotzen ari da… eguraldia lagun, bideak, errepideak, lana, pantailak, izerdia… gehiago edo gutxiago idatzi, irakurri eta entzun, sortu, zabaldu… zeozer egingo dogu, ez gara geldi egongo… ez gara ahaztuko. Zuek be, lantzean behin kontatu zeozer. emailez, twitter bidez, facebooken edo blogeko erantzunetan. Txoznetako zaratak ez badizue uzten, belarrira esan….
-
Libertad Digital Iniziatiba Internazionalistarentzat bozka eskatzen
Hauteskunde giroa nabaritzen den ez dakit, baina sarea bero bero dago. Iniziatiba Internazionalistaren gola batetik, Rubalcaba eta PPren lehia, abstentzioaren gorakada balizkoa… eta Alfonso Sastre buru duen ekimenak beldurra sortu die demokratei.
Libertad Digital ikustea besterik ez, klik egin, sinesten ez baduzu.
pott data: barre nahikoa egin duzue? hack polita izan da hau ere. Zabaldu dezagun orain, beldurtzen ari dira eta… Europan antzerkigile bat ikusiko dugulakoan, hemengo egiak kontatzeko.
