• letrak,  literatura

    Etxepare idazlearen LVP Baionan

    Gure lehen liburu inprimatua Euskal Herrian da berriz ere. Tarte baterako ekarri dute, eta sekulakoa izan da Baionako Euskal Museoan izan duen harrera. Harriturik denak.
    Lingua Vasconum Primitiae, Bernard Etxeparek idatzi eta Bordelen inprimatua. Euskarazko lehen letra inprimatuak ez ezik, kantu askoren sorrera. Mezuak. Lemak. Eta Etxepare beraren islada, oraindik bizirik dago euskal kulturgintzaren alorre anitzetan. Etxepare lizeoa Seaskak Baionan, Etxepare karrikak nonahi Euskal Herri osoan, Etxepare institutua Jaurlaritzako Kultura sailak sustatua nazioarteko eragina lortzeko…

    Eta gu ere, beste euskaldun askoren modura joan ginen Baionara. Urtero egiten dugu hitzordu bat; Kalostrapen bazkaldu ohi dugu, Baionako karrika ezberdinak bisitatu, eta aurten Euskal Museoan genuen zita bat Etxeparerekin. Behinola Jabier Muguruzak abesten zigun antzera.

    Eta hantxe, kristalezko britina batek, azalpenak euskaraz eta beste hizkuntza batzuetan, jendea bisitan, argazkiak, poza, eta euskara bizi bizi Baionako Euskal Museoan zein inguruko karriketan. Errobi ibaia da lekuko,

    Itxaro Borda lagun

    Itxaro Borda idazlea eta euskaltzaina da, biziki kontent da aspaldion Etxepare Lapurdiko hiriburuan izatearekin, eta gure hitzordura etorri zen bera ere. Sekulako azalpenak eman zizkigun. Barru barrutik. Idazle bat, gure lehen idazleari buruz mintzatzen.
    Hainbat bisita egin dizkio liburuari, Museoan sartzen den aldiro ordainarazten dute bera. Baionan bizi, euskaraz bizi, euskaltzain, gidari… baina guretzat sarrera hori sobera merkea izan zen, Itxaron berben aldean. Eta kontent gu ere. Gidari, azalpen emole eta argazkilari aparta ere badelako gure idazlea.

    Orain badugu burruka bat, LVP berriz Euskal Herrira ekarraraztea. Babesa badu eskaerak, herritarrena, Euskal Herrian Euskaraz bezalako herri mugimenduarena, eta berriki Baionako Herriko Etxearena ere lortu du. Bide oparoa izanen delakoan.

    irakurtzen jarraitu

    Gustatuko zaizu ere

    Liburu azoka

    2025-12-05
  • Euskal Herria,  hurrengo geltokia,  ikusi eta ikasi,  letrak,  literatura,  musika

    Liburu azoka

    Jaialdi bat da. Martxa asko dago. Euskal kulturgintzak daukan astebururik dizdiratsuena. Durangoko taberna jatetxe pub eta garitoentzako, jaien osteko asteburu luze eta emankorrena ziurrenik. Euskaldunontzat arnasgunea. Arnasa, haizea, aire berriak inguruan. Kultur industria apal baten erakusleiho paregabea. Kontzertuak, hitzaldiak, aurkezpenak, manifestazioak… mundu bat da Durango.
    Baina niretzat, batez ere liburu azoka da.

    Liburua

    Durangon murgildu nintzen oso gazte nintzela liburuaren munduan. Durangon egin nituen lehen harremanak sektore honekin. Geroztik txandak, harremanak, salmentak, ezagutzak eta orduak egin ditut Durangon. Liburuaren mundua batzen da berton. Irakurleak -asko- eta idazleak -gero eta gehiago-. Editorialak. Banatzaileak. Ekoizleak. Ia kate osoa.
    Liburua desagertu behar zela zioten ez oso aspaldi. Baina gurean sendo dirau. Gero eta gehiago argitaratzen da. Eta batzuk, gero eta gehiago saltzen dute. Gehiago irakurtzen dela suposatu nahi dut.
    Liburuak erronka handiak ditu, ez dago dudarik; baina erronka guztietatik ateratzen ari da. Bere bidea aurkitzen du.
    Euskarazko liburugintzak ere izango ditu aje eta buruhausteak. Baina egunotan ikusiko dugunez, liburugintza, fikzioa, literatura… bizi bizi dago gurean. Idazleak, irakurleak, editoreak, argitaletxeak… berritzen ari dira, orain artekoek egin duten bidea ukatu barik. Bide bat. Eta aurrera doana gainera.

    Ez da desagertuko

    Gero eta argiago daukat. Aspaldi irakurri nuen -irakurtzeak horrelakoak dauzka- liburua, eskailerak bezalakoa dela. Igogailuak asmatu zituzten, eta azkarrago, gorago, eta nekatu barik igo eta jaitsi gaitezke batetik bestera. Goitik behera. Behetik gora. Baina eskailera ez da desagertu. Hor dirau. Badaude ederragoak, politagoak, traketsagoak, malda handia dute batzuk, egurrezkoak direnak zapaltzea atsegina da, eta gorputzari ondo egiten dio gora eta behera ibiltzeak.
    Liburua ere, ez bide da desagertuko. Pantailek, liburu elektronikoak, mugikor gama osoak, telebistak, kirolak, bizitza azeleratuak… ez dute albo batera utzi.
    Orriak, tintak, azalek, edukiek, mundu desiatuek, kontaketak… irauten du. Eta asmatzen ari da. Asmatzen ari gara. Bizirik dagoelako.

    Liburu azoka

    Horregatik, eta hiru hamarkada baino gehiago Durangora etortzen, liburuak ekartzen, liburuak saltzen, gauzak antolatzen, kontatzen… aritu izan naizelako, eta urteotan guztiotan bilakaera eta joerak aztertu izan ditudalako ere bai, da niretzat liburu azoka Durangokoa. Eta hori aldarrikatuko dut, ahal dudan moduan.
    Musikazalea naiz, zinema maite dut, eta dantza, eta hizkuntza, eta antzerkia edo arte eszenikoak. Eta parranda. Eta ekonomia lokala. Eta bertoko produktuak. Eta guzti hori ere bere baitan biltzen du liburua indartzeko duela 60 urte sortutako azokak. Liburua eta diskoa. Durangoko azoka. Kultura. Euskal Herria. Hizkuntza. Ekonomia. Bizitza.

    Leopoldo Zugaza

    Duela 60 urte atzera egitea ez da ariketa erraza. Gutxik kontatu dezakete bizipenetik. Baina duela gutxi hil zen Leopoldo Zugaza izan zen bisionario hoietako bat. Durangon, liburua bultzatzeko zerbait egin behar zela zeritzon. Eta ingurukoak batu eta antolatu zuten azoka. Eta elkartea. Eta dinamika soziokultural sano garrantzitsua Anboto azpiko inguru honetarako.
    Berak, Gerediaga elkarteak egindako bideo honetan, hemen azalduko dudana baino hobeto kontatzen du. Eta komeni da, lantzean behin atzera begiratu, eta lan eder hauek hartu zituztenei entzutea.

    Leopoldo Zugazari buruz Amaia Ereñaga kazetariak 7K astekarian idatzitako pieza ederra.

    Hitz liburudendan

    Sarritan joaten naiz Durangoko Artekalen -izen aproposagorik- sortu zen eta gaur egun irauten duen Hitz liburudendara. Liburuak erosten ditut. Asko. Eta diskoak erosteari ekin diot berriki. Biniloak liluratuta nauka -orain beste baterako utziko dugu-; eta berba egiten dut Gaizka eta Nekanerekin. Kulturaz ia beti, literatura eta ekitaldietaz sarri, bizitzaz azken baten. Eta denda zelan sortu zen jakin nuenean, zur eta lur geratu nintzen. Baldosak saltzen zituzten, obrak egiten zituzten, eta liburuentzako apalak montatzen hasi ziren. Nekanek orduan Leopoldorentzat egiten zuen lan. Kontuak eramaten zizkion. Eta baldosak ditu berak gogoan.

    Eta liburugintzan murgildu ziren, aspaldi. Eta hemen jarraitzen du, negozioa hartu zuen Gaizkari laguntzen. Euskal kulturaren gudari bat. Batailak dauzka ia egunero. Baina bizirik dirau. Eta pozik. Eta irakurle aparta da, eta soziologoa. Psikologoarena egitea ere tokatuko zaio. Bezeroak, irakurleak. Erosle hutsak. Lagunak. Kultura.
    Liburu azoka garrantzitsua da liburuaren sektore guztiarentzat. Idazle, argitaletxe, hedabide eta enparauntzat. Baina liburudenda barik ez dago literaturarik urte osoan.

    Liburu azoka aldarrikatzen eta babesten dudan bezala, liburudendak goretsi beharrean nago. Hitz. Eta beste guztiak. Gero eta gutxiago direnak bidenabar esanda. Baina eutsiko diogu. Irakurketari. Liburugintzari. Sorkuntzari. Diseinu eder eta kontakizun atseginez nahi dugulako gure ingurua. Gure herria. Gure sorkuntza.

    irakurtzen jarraitu

    Gustatuko zaizu ere

    No other land | euskarazko azpitituluekin

    2025-12-10
  • hurrengo geltokia,  ikusi eta ikasi,  literatura

    Lorea Gernika Deustun

    Lorea Gernika aurkeztu berritan, Lapikoa izeneko narrazioa irakurri eta deustuarri kontatu beharra izan nuen. Hauteskundeetako pasartea Bilboko Uriola atarian argitaratu genuen, kanpainako azken astean.

     

    Uriola.eus

    uriolaDeustu

    Prest aldizkarian

    Gero Prest! aldizkarirako elkarrizketa labur bate egin nino Koldo Izagirre idazleari, aldizkariko Barkua bete berba kultur atalerako. Koloretan txukun ageri da bi orriotan.
    loreagernikaprest

     



    Izagirre-2015

    Koldo Izagirre: Gizonezkoak zeinen gizonezkoak garen ez ginateke ohartuko inguruan emakumezkorik izango ez bagenu

    Lorea Gernika nobela aurkeztu berri du Koldo Izagirre idazleak. Emakume nagusi da bat du protagonista, eta 53 narrazio laburretan pasarte ezberdinetan kokatzen du idazleak Lorea Gernika izeneko andrazkoa. Ironia, leku ezberdinetan kokatutako istorio laburrak, tokian tokiko hizkera eta berbak, pasarte bereziak zein lausoak. Idazleak berak, labur labur kontatu dizkigu nobela berriaren nondik norako batzuk, tartean Deustun gertatzen den istorioa.

    Lorea Gernika andrazkoa euskal herrietan zehar somatu dugu, zertan ari da ba?
    Neronek ere ez daukat zeharo garbi. Baina bizitzaren aurka borrokatzen dela egin zuen oihu behin, eta baliteke bestelako bizitzak bizi nahi izatea lekuz aldatuta, inguru berriak ezagututa, eta batez ere jende berriekin harremanduta.

    Gizonezkoon mundua azaltzeko baliatu duzu Lorea Gernika, azalduiguzu hori
    Gizonezkoak zeinen gizonezkoak garen ez ginateke ohartuko inguruan emakumezkorik izango ez bagenu. Aberatsak pobreak behar ditu karitatea egiteko… Emakumezkoak definitu egiten gaitu, nahikoa da txiste bat egitea, edo begiratu bat ematea. Lorea Gernika, gozoa den arren, andrazko garratza da: badaki zer garen, nolakoak garen, eta ebidentzian jartzen gaitu behin baino gehiagotan. Berak hala nahi izan gabe, gehienetan.

    Deustun be gertatzen da pasarte bat, hauteskunde goiz baten…. eta lapikoa sutan
    Bai… Bozkatzeko aretoa ikasgela batean atondu dute eta paretetan dagozen marrazkiei erreparatzen dagoela erdi ametsetan edo hasi da. Txartela itsulapikoan sartu gabe alde egiten du biharamunean etorriko dela esanda. Horrelako xaloa da Lorea Gernika. Baina egia esan, nondik begiratzen zaion da kontua: egitada hori izan liteke gaiztoa, xaloa barik.

    liburumetraia

    irakurtzen jarraitu

    Gustatuko zaizu ere

    EHZ 20 urte, eta barriro gozatzeko prest

    2015-04-27

    Liburu azoka

    2025-12-05

    zertarako nahi ditugu blog euskaldunak?

    2017-03-09
  • agit/prop,  literatura

    Gu ere zain

    Mikel Antza idazle presoaren lehen poesia liburua aurkeztu eta plazaratu berritan, zenbait berba eta ohar egunotan bizitakoari buruz.

    Ametsak ere zain liburua postontzitik jaso eta irakurtzeari ekin nionean, lehenengo orrietan topatu nuen Joseba Sarrionandia idazle iheslariaren aipu hau. Aipamenak, berba bakoitzean istorio bat daroa beragaz, historiaren pasarte garrantzitsua eman dugu guztiok Sarriren ihesalditik gaur arteko letren fereka honetan.

    Autodeterminazioaz

    Lau berba eta ideia ekarri ditut,  Sarrionandiaren aipu horretatik. Zer pentsatua eman didatenak, aurrerantzean be jorratu asmo ditudanak:

    Autodeterminatzeko gauza da: besteei entzun, ardurak asumitu, elkarlanean ahalegindu, autokritika egiteko gauza izan

    Besteei entzun, ardurak asumitu, elkarlanean ahalegindu eta autokritika egiteko gauza izan. Iraultza bat, lau ideia hauetan batuta. Esaldi bakar baten. ametsak-ere-zain
    Hitzaurretik poesiara. 6 poema luze, errekan datozenak. Kantuak aipamenak egoerak gogoetak errimak ideiak berba asko pentsamenduak ametsak burrukak minak…. lerroz lerro orriz orri, luze doa erreka. Etengabea daroa jarioa. Zer irakurri zer pentsatu zer hausnartzeko lain.

    Idazlearen gutuna

    Eneko Olasagasti lagunak, zinema eta antzerki zuzendaria ere badenak irakurri du Mikel Antzak espetxetik igorritako gutuna. Reauko espetxeko (Frantzia) zaindaritza zorrotzeko modulutik igorri zuen gutuna apirilaren 17an bertan. Zaindaritza zorrotza aipatzen du egileak. Jean Genet idazlearen lana ekarri dit akordura aipamenak, Mikel Antzak berak aspaldi euskaratu eta Susak argitarat emandakoa.

    Zaindaritza zorrotza | Lau orduz Xatilan. Jean Genet.
    Zaindaritza zorrotza | Lau orduz Xatilan. Jean Genet.

     

    2015-04-30, Donostia. Mikel Anza idazlearen "Ametsak ere zain" liburuaren aurkezpena. Eneko Olasagastik Anzak espetxetik bidalitako gutuna irakurri du. Irudian, aurkezpeneko unean, Gorka Arrese, Eneko Olasagasti eta Jon Benito.
    2015-04-30, Donostia. Mikel Anza idazlearen “Ametsak ere zain” liburuaren aurkezpena. Eneko Olasagastik Anzak espetxetik bidalitako gutuna irakurri du. Irudian, aurkezpeneko unean, Gorka Arrese, Eneko Olasagasti eta Jon Benito. naiz.eus

     

    ez genuen geure buruaz Houdini egin

    Jon Benitok liburua irakurri ostean, editoreak eskatuta prestatu zuen aurkezpena. Gogoeta literario interesgarria ekarri zuen. Meta irakurketa bat. Ez ziren laudoriozko hitz hutsak izan. Sakon, arrazoituta, zer pentsatuta ematen duten berbak baizik. Esaldiak. Poema zatiak. Aipamenak. Loturak. Pentsamendua. Jarrera. Aurkezpena bera sarean paratu du Benitok.

    Eta bertan batutako kazetariek, idazlek, lagunek… nork bere gogoeta egingo zuen gero, lagunartean, prentsan, irratian edo sarean. Sare sozialetan oihartzuna ukan duen liburua da Mikelena. Eta batean eta bestean esan idatzi edo sujeritutakoak batu ditugu hona.

    Bazkarian ere zain

    Liburu aurkezpenen ostean, beti bazkaltzera joan ohi gara. Etxekoak, lagunak, editorea, idazleak… batuz mahaiaren bueltan. Bazkariko argazkiak bere bidea eginen du orain. Agian Pablo Sastre idazleak bisitan kontatuko dio, edo etxekoren batek inprimatu eta gutun batean igorriko, edo paketean sartuko da agian.


    Sarean hedatuko zuen adiskideren batek, edo mezulariek garraitu… nork daki Intxaurrondoko koartelera ere iritsi den honezkero.

    irakurtzen jarraitu

    Gustatuko zaizu ere

    Larrabetzu euskal herria

    2017-03-12

    Gazte eguna nahaste gaua

    2014-07-31

    Korrika badator

    2015-02-23
  • hurrengo geltokia,  ikusi eta ikasi

    Euskal Herria

    euskal herria liburua

    Guk irakurri eta munduari
    erakusteko moduko liburua

    Euskaraz, gaztelaniaz, frantsesez eta ingelesez plazaratu da Euskal Herria izeneko liburua, eta Hektor Ortega Prest! aldizkariko kazetariak ondu du, argazki ederren laguntzarekin.

    hektorEH
    Hektor Ortega historialari eta kazetaria Sua edizioak argitaletxean ari da aspaldion lanean, Euskal Herria liburuak izeneko atalean. Aldizkarigintzan orain arte, liburu tematikoak koordinatzen ditu aspaldi honetan, eta ziurrenik aspaldian jaso duen enkargurik ederrenak ikusi du argia duela gutxi: Euskal Herria liburua. Berak aipatu digunez, Elkar fundazioak “Euskal Herria jendaurrean aurkezteko liburu baten beharra sumatu zuen”. Eta Sua argitaletxean hausnarketarekin bat egin, eta ekin zioten lanari. “Eta egia esan, bazen garaia horrelako argitalpen bat kaleratzeko, Euskal Herria bere osotasunean azaltzeko: lurraldeak, herriak, natura, historia, kultura, kirola eta, jakina, gure hizkuntza, euskara”. Eta liburua gauzatzeko Elkar fundazioak eta Sua argitaletxeak indarrak batu zituzten.

    Duela zenbait urte, Sua argitaletxeak “Euskal Herria, herri bat” izeneko beste argazki liburu eder bat plazaratu zuen. Prest! aldizkariko kidea ere baden Hektor Ortegak gogorazi digunez “Liburu hori aspaldian agortu zen. Lan bikaina izan zen eta, hein handi batean, eredu izan da liburu berrirako. Esate baterako, Alex Ugaldek liburu hartarako idatzi zuen testua abiapuntu hartu dugu 2014koa idazteari ekiteko” . Urteak igaro dira ordutik, eta historia zertxobait luzatu da. Liburu modernoagoa eta edukiz hornituagoa da oraingo Euskal Herria.

    EH_26-27_INGLES

    Lainoak ezkutatzen dizkionean maite ditu maite poetak gure bazterrak, orduan, eta orduan baino ez, so egin lezakeelako bere buruaren baitan, horrela adierazi dute liburuaren argitaldariek, Mikel Laboaren Gure bazterrak kantua gogoraraziz. Eta gure bazterrak ezkutatzen duten hori bera da liburuan zehar aurkituko duguna.

    Liburu honetan gure herriari begiratuko diogu, zuzen eta garden, paisaiari, naturari, historiari eta kulturari erreparatuta. Eta hor azalduko zaigu Euskal Herria; bere horretan, guk ikusten dugun bezala. Lainoa izan zein oskarbi izan. Guk, eta beste askok. Hemengo eta hango.

    Atzerrian interesa dago
    Euskal Herriarekiko

    Lau hizkuntzatan kaleratu da liburua: euskaraz, gaztelaniaz, frantsesez eta ingelesez. Lau liburu ezberdin dira. Lau argitalpen. “Euskal Herria zertan den azaldu nahi izan du lehenengo eta bat hemen bizi garenontzat eta horregatik euskaraz eta Euskal Herrian erabiltzen diren erdara nagusietan -gaztelaniaz eta frantsesez- argitaratu dugu”, eta ingelesez ere plazaratu dute beste edizio bat, nazioartean zabaldu edota bertora datozenei zuzenduta. Hektorrek ahopeka aitortu digunez, Durangoko azokan oso ondo saldu omen zen ingelesez plazaratutako liburua antza.

    Berton irakurri eta kanpoan erakusteko moduko liburua da beraz Euskal Herria liburua, eta kanpora begira zer egiten den galdetuta, kezka ageri du historialariak: “Oraindik lehenengo urratsetan gaudela iruditzen zait. Baina atzerrian interes handia dago Euskal Herriarekiko eta komeni da guk geuk ematea gure herriaren berri”.

    Euskal Herri fisikoa,
    historia eta kultura

    Argazki koloretsu ederrez hornitua hasieratik amaierara, diseinu zainduarekin, ikusgarritasuna irabazten du lan honek. Baina ez da diseinu eta argazki hutsa. Mamia ere badu bere baitan Euskal Herriak. Edukietan sakondu du Hektorrek berak: “Testuetan gure herria goitik behera korritu dugu, Euskal Herria bere aniztasunean agertzeko. Lehenengo gure herri fisikoa deskribatu dugu (mendiak, itsasoa, klima, naturaguneak…) eta ostean gure kultura eta historian murgildu gara: artea, euskara, kirolak, jaiak…”. Liburua begietatik sartzen da, egileak berak azpimarratzen duenez, baina testuak ere laguntzen du gure herria hobeto ezagutzen. Beti daude detaile berriak, datuak, eta guztiok daukagu zer ikasi bidaia horretan, izan bertoko, euskaldun ala kanpoko, atzerritar. Munduko herri izan nahi duen leku honen lekukotasuna ematen du, ezbairik gabe.

    Eta egilea bera ere, maiz harritu egin da ikasi dituenekin. “Gurea herri txikia izanagatik hamaika altxor eta harribitxi gordetzen ditu bere baitan” esanez abiatu du bere gogoeta Hektor Ortegak, “ondo ezagutzen dugula pentsatzen dugunean ere, ezustea hartuko dugu. Etengabe ikasten ari gara. Alde horretatik, Euskal Herria amaigabea da”. Liburu guztiek dute zerbait eskaintzeko alde horretatik. Idazten duen guztion kezka izaten da, zerbait gorde edo jaso izana irakurleak berau bukatutakoan. Ez da zaila lan honekin ordea.

    Liburua egin, idatzi, diseinatu, argitaratu ez da egun batetik bestera egiten. Ez da aldizkari bat edo egunkari bat argitaratzen den moduan sortzen. Bestelako lana eta ardura dago horrelako obra baten atzean. Baina pozik ageri da Hektor, nabari zaio hori. Alde horretatik zortekoa dela deritzo berak, “Zortekoa naiz, zalantzarik gabe, horrelako lanak egitea egokitu zaizkidalako. Niretzat Euskal Herria liburua idaztea erronka izan da, zalantza barik, baina baita egundoko gozatua ere”, eta poz bera hartuko du irakurleak ere, sekulako lanaren aurrean aurkituko delako. Gure historia, gure kultura, jaiak, paisaiak, ohiturak, hizkuntza eta zenbait txoko ezezagun topatuko dituelako bertan, Euskal Herrian.

    www.euskalherria-liburuak.eus

    Prest! aldizkarian Euskal Herria liburuko argazkiak.
    Prest! aldizkarian Euskal Herria liburuko argazkiak.

    Gure herria hobeto ezagutzeko
    aukerak zabaltzen

    Langile nekaezina da Hektor Ortega. Ezagutzen duenak aitortuko dizu. Prest! aldizkariaren proiektuan hasiera hasieratik dago. Bere izan zen lehen arduraduna Deustualeko aldizkari honetan, 1999ko udaberrian. Santutxualdeko Berton koordinatzen be hasi zen gero. Eta bi lanak batera egin izan ditu luzaroan. Eta irratietan ematen zuen gure auzoetako berri, gure berri beste auzoetan.

    Deustuko unibertsitatean Historia ikasi zuen arren, laster ekin zion prentsan idazteari. Karrera bukatu, eta Egin egunkarian hasi zen idazten. Bilboko kronikari aparta bilakatu zen. Hain zen zabala bere ezagupena, Bilbao a la deriva liburua be plazaratu zuela, Txalaparta argitaletxearekin. Bilboko trakimaneje ugariren berri eman zuen liburu horretan. Garzón epailearen aginduz Egin itxi zuen, eta lan barik geratu zen Hektor Ortega ere. Eta gogotsu hartu zuen Prest! kudeatzeko ardura. Eta berarekin lan egin dugunok, beti gogoratuko dugu batzarren animatzaile, arduratsu, zorrotz eta irizpide kritikoetan trebatua.

    Nora aldizkarirako fitxatu zuten gero. Bidaiak eta lantzen zituzten Berria egunkariarekin batera argitaratutako aldizkari berezian. Euskal Herria aldizkaria, El mundo de los Pirineos eta antzeko proiektuak kudeatu dituen Sua argitaletxearen muinean. Aldizkari batzuk desagertu egin dira, tartean Nora, baina Hektorrek jarraitu du abentura, historia, Euskal Herria, mendia, txangoak eta horrelako gidak, mapak, liburuxkak argitaratzen, koordinatzen, lantzen. Eta ezagupen hobetatik, guk geuk ere gure herria hobeto ezagutzeko aukera eskaintzen digu horrelako lan bakoitzean. Eta gu, zelan ez, hori dena hobeto ezagutzeko prest. Mila esker.

    irakurtzen jarraitu

    Gustatuko zaizu ere

    iPodaren arriskuak

    2008-01-17

    TxG euskal garagardoaz PREST! aldizkarian

    2018-10-01

    EHZ festibala

    2014-06-26
  • agit/prop,  larrabetzutik

    Loiolako zalantzak

    Loiolako hegiak idatzi du Imanolek, eta iruntsi egin dugu askok. Liburua, bere lodian da atsegin. Xalotasunean interesgarri. Orriz orri, akordio giroak, zapuzketa ekaitzek eta nazioarteko haizeek…. ikaragarri interesante egiten dute kazetaritza lan hau.
    Kontaketarako estiloak. Detaile txikienari ematen dion garrantziak, eta lantzean behin duen umore ukituak… berezia egiten dute Imanol Muruaren lana.
    Hala ere, 300 orrialdeok irakurri ostean, zalantza asko geratzen zaizkio liburua irakurtzen duenari, zalantzak, estuasunak, dudak, eta kezkak… eta hoiek konpartitzeko gogoa, desioa, beharra.
    Horretarako aukera izango dugu sikiera, gaur iluntzean Imanol Muruagaz eukiko dugun solasaldian. Liburua aurkeztera dator gurera, eta zeresana emango duelakoan nago ni.

    Zu be, interesaturik egon ezkero… hurbildu gurera. Ostantzean, jakizu streamming bidez emango dugula hainbat webgunetatik, zuzenean jarraitzeko moduan.
    Ez izan zalantzarik.. saretik galdetzeko be aukerarik egongo da eta.

    irakurtzen jarraitu

    Gustatuko zaizu ere

    Eskoletako jantokien ikasgaia

    2014-06-17

    Nelson Mandela handi egiten duten zazpi esaldi

    2013-06-24

    noraBIDEA argi daukagu: #INdependentzia

    2015-09-09
  • agit/prop,  hurrengo geltokia,  literatura,  musika,  teknologia berriak

    Liburuen poliziaz

    Irati Jimenez | Berria

    Liburuaz ari ginen. Liburuaren lekuaz. Ergelkeriak pentsatzen hasi naiz, as usual. Liburuak politak direla pentsatu dut, baina leku gehiegi hartzen dutela (apalategietan) eta deserosoak direla etxez aldatzeko (aurten bitan egin dut, amesgaiztoa). Liburuak maite ditut, baina nireak direnean ere ezin ditut erre jendeak gaizki begiratu gabe. Halako txotxoleriak pentsatzen nengoenean irakurri dut Victor Manuel kantariak esandakoa. «Guardia Zibilean baino ez dut sinesten», dio, musikarekin bukatzear omen dauden webgune ustez ilegalen itxiera eskatuz.

    Emadazue tiro. Euskarri elektronikoa hementxe daukagunean eta jendea jo eta su dabilenean liburuak doan eskuratzen Interneten, liburu bategatik ematen didatena defenditzearren polizia etor dadila eskatzen badut, emadazue tiro.

    Hara, nire ustez musikarekin miraria pasa da. Sistema horizontalagoa daukagu, abestiak doan, diskografia osoak eskura. Musikoak ezin dira kantua latan sartzetik bizi, egia. Musika zuzenean egin behar dute, antzina bezala, eta, horri esker, iaz hiru aldiz ikusi nuen Springsteen, etxetik kilometro gutxira. Diskografiken gainbehera? Baliteke. Kontzertuak antolatzen dituztenen mesedetan. Industria aldatu, moldatu edo hil egiten da. Berdin musikarena, zein liburuena, zein ontziolena. Gizakiak beti nahiko ditu ozeanoak zeharkatu eta beti nahiko ditu ipuinak entzun. Idazleoi sistema aldatuko zaigula? Hala dirudi. Beharbada poemak zuzenean irakurtzen hasi beharko dugu, herriz herri, pintxoak eman eta sarrera kobratuz. Beharbada, egunen baten, dena horizontal, dena doan, dena Sarean jarriko duen balizko etorkizunean, inor ezingo da kultura sortzetik bizi, inork ezingo duelako kultura kobratu.

    Beharbada ez da hain etorkizun distopikoa. Jendea Interneten nire liburuak elkar trukatzen eta bilatzen, nire lanen gosez? Utopia da! Beharbada utopia horretan kulturaren profesionalak desagertu dira edozein erabiltzaile sortzaile delako, irakurle eta blogari, iritzi emale eta biltzaile. Eta?

    Gutenbergen asmakizunak liburua fraideen eta artisauen eskuetatik askatu zuen duela mende batzuk, eta gizartearen esku zikinagoetara bota. Beste iraultza batek liburua liburutik askatuko du, beharbada. Eta pantailaren begira bota. Ipuinak iraunbiziko duela, horixe baino ez dakit. Eta kulturaren izenean Guardia Zibilari deitzen diotenen lanak ez ditudala Sarean bilatuko. Ezta doan ere.

    pott datak: Artikulua irakurri eta blogean zabaltzea otu, dana bat. Berriatik sarera, pentsatuaz egilea bat datorrela edukiak holan barra barra zabaltzearekin. Edukia interesgarria da. Inor konforme ez balego esan beza… ez diogu eta jaramon askorik egingo. Distopia, ze ona!

    Idazle bat liburuen poliziaz zabaldu gura baduzue.

    irakurtzen jarraitu

    Gustatuko zaizu ere

    Lasterbidean

    2014-05-17

    Kataluniara begira

    2024-05-13

    11-9 Egun beltza mundu osoarentzat

    2016-11-09
  • agit/prop

    Palestina zauritua

    Imanol Murua Uriak, duela hamar urte (1998an) plazaratu zuen Palestina zauritua kronika liburua. Palestinara joan, eta bertan ezagututakoak, elkarrizketatuak… hurbilpen bat hango egoerara. Hango latzera.

    Egunotan, hara begira gaude. Zauritua ez ezik, txikitua, zanpatua, heriotzera kondenatutako palestinarrak ikusten ditugu. Hangoak hemen.

    Ondo egingo digu, barriro be, liburua hartu eta hangoa ulertzen saiatzea. Nor da nor, historia eta bilakaera.

    Liburua sarean osorik dago, paperezko bertsioa be eskuragai dago Susa literatura argitaletxeko gunetik eskatuta.

    Liburuak, irakurketak, egingo ahal digu on?!

    irakurtzen jarraitu

    Gustatuko zaizu ere

    Asko daukagu esateko, hitz egiteko, oraindik

    2025-05-15

    Edizioa etzi

    2017-05-17

    Hemen hasi zen dena

    2023-12-06