-
Elkartasuna ezin da erre
Amorruz jaso dut berria Greziatik.
Errefuxiatuen artean elkartasuna banatzen zuen furgoneta erre dute.
Hernaniko herritarren laguntzarekin erositako furgoneta, SOS Refugiados elkartasun sareak baliatzen zituena.
Nik neuk ere ehundaka kilometro egin nituen furgoneta horretan. Oroitzapen ederra dut, eta amorrua orain.
Herriak soilik babesten du herria… hitz hoiek garraiatzen zituen. Jatekoak, erropa… errefuxiatuentzat beharrezko zen guztia mugitzen zuen alde batetik bestera Grezian. Atenasen batipat. Errefuxiatuen kanpamenduetan, okupatutako guneetan, elkartasuna behar zen toki guztietan.Elkartasuna ezin da erre https://t.co/y7pJ60R3aS@sosrefugiados elkartasun furgoneta erre dute Grezian pic.twitter.com/4asrQnc1Z4
— gaztelumendi (@iPatxi) 2017(e)ko irailak 9
The van of solidarity has been burned.
Solidarity with @sosrefugiados #welcomeRefugees #Athens pic.twitter.com/Yei6EY7Ncv— gaztelumendi (@iPatxi) 2017(e)ko irailak 9
-
Aritmetika arazoak?
Logistika ezagutu dut gaur gertutik.
Ziur berba grekeratik datorrela.
Logika ere baliatu dela ezagutu dut.
Matematikak, aritmetika, geometria apur bat… eta batez ere baloredun ekimen eta jende ugari.
Aspaldi utzitako Miribilla batean egon naiz. Saski baloi pabeloi izugarri handi bat, Bertsolari txapelketa nagusi batean beste jende sartzen den eraikintzarra.
Eta inguru guztia kutxaz beterik. Nazioartetik datozenak, nazioarteko elkartasunetik; eta asko eta asko Euskal Herritik heldutako erropa, jostailu, beroki, manta, lo zaku, zapatilla eta maitasunez betetako ehundaka, milaka kutxa. Izugarria!
Logistika
Hitz honek greziarra behar du, #logistika
#λογιστική είναι μια ελληνική λÎξη
is #logistic a greek word?
Me suena a griego #logistica pic.twitter.com/yCS1kIwoBg— gaztelumendi (@iPatxi) 2017(e)ko urtarrilak 31
Eta jende zoragarria lanean. Auzolanean. Borondatezko lan nekaezinean.
Ezkerreko jubilatu greziarrek kudeatzen duten elkarte bat da Pampiraki. Piraeus-eko portuan hasi ziren itsasoz bestaldetik zetozenei laguntzen. Honetan jarraitzen dute. Eta Sos Refugiados sareak laguntzen dio.
Bi emakume ausart, eder, jator, ikaragarri interesanteek kudeatzen dute guztia, beste lagun askoren ondoan.
Mila esker Negia Milian kubatar greziarrari, eta Grezian bizi den Patricia Colon sortzez madrildarrari. Itzela!
Kantu hau etorri zait burura, ez dakit zergaitik. Biba zuek!
