• agit/prop,  gaztelumendi.eus,  ikusi eta ikasi,  larrabetzutik

    Larrabetzu euskal herria

    Martxoan bada giro. Udaberriaren atarian hasi da loretzen herri mugimendua. Aste bizi bizia izan dugu herrian. Eta kalera atera gara behin eta berriro herritarrak. Astegunez, zein asteburuan… egon da zer garen eta zer gura dugu agertzeko aukerarik. Kolore, adin, auzo, pentsaera ezberdinetako herritarrak batu gara, plazan, kalean, auzoetan…

    martxoak 8

    Azken urteotan hauspoaldi feminista ernetzen ari da herrian. Udal berdintasun batzordea batetik, eta Zutunik! emakume taldea sortu dela bestetik, apurka apurka kontzientzia sortzeko ekimenak ugaritzen ari dira Larrabetzun. Aste honetan hainbat ekitaldi izan dira, eta frontoiko dantza eta pilota jokaldien ostean, plazako elkarretaratzea ere jendetsua izan zen. Jendetsua eta koloretsua. martxoak8

    Erretako sorginen alabak, dantzan

    BAI esateko aldarria

    Bariku iluntzean BAI esateko aldarria nagusitu zen Anguleri jauregiaren aurrean. Musika eta bertso jarriak lagunduta, herritarren argudio eta arrazoiak taularatu ziren bertan. Kantuan askatasun gosearekin aldarri egin, eta ozen entzun zen larrabetzuar askoren nahia. Datorren martxoaren 19an egin beharreko galdeketarako giroa gero eta hobea da urian.
    Jendetsua eta koloretsua izan zen ekitaldia. Herritar asko bariku iluntzean.
    bai

    Harria plazara

    Eta domeka eguerdi euritsua izan arren, Eleizaldetik urira bitarteko bidea egin zuen harriak, herritarren indarrez garraiatua. Herri froga honetan, adin ezberdinetako lagunek parte hartu dute. Eta aste osoko mobilizazio giroa nabarmendu da. Ekitaldi guztietan jende asko, giro ona, koloretsua eta irudime eta alaitasunez betetako egitaraua.

    Herri bizia da Larrabetzu, Euskal Herri hobe baten alde dauden herritarrekin. Harro egoteko moduko herria. Euskal herri bat. Hori gara gu, 1937an faxistek erre ezin izan zuten herri honetakoak. Herri zoriontsu bat.

    irakurtzen jarraitu

    Gustatuko zaizu ere

    irratia.com berriz martxan

    2018-10-03

    Egunkaria

    2014-12-06

    Doctor Deseo Radio 3 irratiaren kontzertuetan, GARA egunkarian edo sarean | narratiba berriak

    2016-05-31
  • agit/prop

    Arnaldo Otegi

    Pozik. Itzel. Bide berriak abiatzeko prest ikusi ditut egunotan Arnaldo Otegi bera, eta bere ondoan, atzetik, alboan, elkarrekin milaka herritar. Aste intentsoa izaten ari da. Tentsio komunikatiboa. Diskurtsoa. Dialektika berriak. Burruka ideologikoaren esparru ase ezina. Gaitasuna pertsona batean islatua. Gaitasun dialektikoa, ideologikoa, komunikatiboa, estrategikoa. Iraultzailea bezain humanoa. Euskalduna bezain ezkertiarra. Oso osoa.

    Free Otegi kanpainaren defendatzaile sutsua izan naiz. Kalean, sarean, batzarretan, jendaurrean, lagun artean, etxean, familian… eta ezagutzen nauzuenok hori badakizue. Azken 6-7 urteotan estrategia aldaketarekin bat etortzeaz ez ezik, beste gauza askorekin kritiko ere izan naiz. Eta bai, ni ere Otegista nauzue. Eta bide horretan, nire harremana asko sendotu da bide horretan bat egiten duen askorekin. Eta gauzak argi eta garbi esan zale garenez… hemen be botatzen ditugu.

    Gordetzeko mezu eta uneak


    Logroñon zegoen aktualitatea. Berria. Notizia. Gertaera. Eta pantailari begira milaka herritar. Eta poza. Eta mezuak. Eta besarkadak. Bakoitzak bere erara bizi izan du une hori. Han hemen eta harago.

    Etxean

    Munduak #OtegiFree esan du

    Kataluniatik Euskal Herrira Antoni Batista


    freethemallordua

    irakurtzen jarraitu

    Gustatuko zaizu ere

    Pete Seeger Euskal Herrian

    2017-03-27
    Euskal Herria 2.0

    Euskal Herria 2.0 topaketatik puntuEUS dominiora

    2013-06-20

    Aritmetika arazoak?

    2017-01-31
  • #bidegorritik,  agit/prop,  ikusi eta ikasi,  teknologia berriak

    #bidegorritik abiatu gara

    2000. urtean sortu genuen Jabi Zabalak eta biok irratia.com
    Euri apur bat egin du geroztik. Bidea emankorra izan da. Zentsu askotan.
    Komunikazioan, hedabideetan, herrigintzan, ekonomian, kulturan…
    Ez dugu etsi hala ere. Hemen jarraitzen dugu.
    bgargazkia

    #bidegorritik

    Eta orain ekin diogu berriro be irrati emankizun bat baino gehiago izango den bide berri bati. Irratitik abiatu gara, ikusentzunezkoak lantzen, sare sozialekin uztartzen… ikuspegi transmedia batean, eduki interesgarri eta atseginak sortuz.

    Bide horretan, astero Bilboko estudio txikitik, herriz herri gertatzen direnak aztertzen eta kaletik bertatik, gailu mugikorretarako edukiak sortu eta hedatuz… ilusioarekin eta ausardiarekin ekin diogu.
    Entzungai dago, eta sarean zabaltzea da orain hurrengo erronka. Irrati libre ezberdinetan entzun dadin eta jendearen artean sustatu.

    bidegorritik.irratia.com
    bideberriakasmatu

    irakurtzen jarraitu

    Gustatuko zaizu ere

    Ashraf Fayadh

    2016-01-14

    13 urte blogean, ekinean, ahaleginean

    2017-12-03

    irratia.com berriz martxan

    2018-10-03
  • agit/prop,  hurrengo geltokia,  ikusi eta ikasi

    Kataluniara joan etorriko bidea egin ostean

    Gogoetarako egunak dira Katalunian lau egun eman osteko hauek. Indendependentziaren aldeko hautua egiteko beharrezko izango dena, halabeharrez. Gure politikarien maila, gure herriaren erabakia funtsezkoa izango da. Eta horretan lagungarriak dira egun hauetako, azken urte hauetako gertaerak arretaz aztertzea, bertatik ezagutzea, gogoetatzea eta ondorioak ateratzea.
    Hemen zenbait mezu labur, hainbat bideo eta argazki, eta batez ere euskal herritarren zenbait iritzi…. gure bideaz gogoeta egiteko gonbidapena.

    ahotsa.info kitcat

    Moltes gràcies

    irakurtzen jarraitu

    Gustatuko zaizu ere

    Errefuxiatuen alde urrats berriak emateko garaia heldu da

    2017-02-02

    Udan ez dago etenik

    2014-07-21

    kantu eta doinu berriak

    2014-07-02
  • agit/prop,  albisteak 2.0,  hurrengo geltokia,  ikusi eta ikasi

    noraBIDEA argi daukagu: #INdependentzia

    Aspaldi ari gara Kataluniara begira euskaldunok. Hizkuntza, kultura, ekonomia eta geografia bat erakutsi diote munduari aspaldian. Munduari begira egon dira beti Mediterraneotik.
    Kantauri itsasoak, Bizkaiko golkoak… mundura eroan gaitu beti. Itzuli gara. Baina ez dakit munduari so ote gauden. Nahi nuke. Eta horregatik jarraitzen dugu Kataluniara begira.

    noraBIDEA

    INdependentzia bidean jarri dira, argi eta garbi. 2006tik hona egin dutena jarraitu duenak, miresmena besterik ez du. Begirunea. Lanbrotu egiten zaizkigu begiak hango berri entzutean. Bertatik bertara bizitzean. Baina beraien bidea gure ere bada. Espainia hautsiko da, eta haustura horretatik guk geure bideari ekin behar diogu. Jarraitu. Besterik ez. Hamarkadetako burrukaldi neke eta izerdiek… izango dute egunsenti berri bat. Badakigu. Bagoaz gu ere. Batzutan badirudi euskaldunok erdi etsita gaudela. Baina guk geuk ere erdietsiko dugu gure helburua. Lasaitu barik, etsi barik…. bidea eginez. Bidea da burruka.

    Via Lliure Bilbon

    Ekitaldia ez zen beste mundukoa izan. Dauzkagun indarren araberakoa. Antolaketaren neurria. Baina bai esanguratsua. Euskal Herrian dauden katalanek Bilboko Kafe Antzokiaren laguntzarekin. Eskertzekoak biak ala biak.
    Kronika polita daukagu Uriola atarian ere. Gomendagarria irakurketa.

    Sustengua eta babesa

    Kataluniako prozesuari keinu egiten diogu hemendik. Atsegin dut! bat klikatzea bezala da. Baina agian zerbait gehiago antolatu beharko genuke; ANC Euskal Herria dagoen bezala… Greziarekin, edo nazioarteko beste prozesu batzuekin -bolivariarrak direnak, Kuba, Nikaragua, Palestina, Kurdistan…- egiten dugun antzera… estutu beharko genituzke gure loturak askatze bidean diren herrialde katalanekin. Lotura ekonomiko sozial kultura eta politikoak estutuz. Sustengua antolatu. Balizko Estatu kolpeen aurrean -Estatuak emango dizkien jipoi demokratikoak alegia- gure babesa erakutsi. Nazioarteko diplomazian sakondu. Bi herri gara, bi nazio… bi Estatu izateko bidean. Guzti hori gehiago landu beharko genuke. Kezkak hemen botatzen ditut. Inork hariari heldu gura badio. vialliure

    Vicent Partal kazetari eta maisua

    2006an ezagutu nuen pertsonalki Vicent Partal. Aurretik bere irakurlea besterik ez nintzen. Euskal Herria 2.0 jardunaldietara gonbidatu genuen, eta bere txofer egin nuen aireportua, aterpea eta Arteleku arteko joan etorrietan. Miresleagoa naiz geroztik. Bartzelonan egona naiz berarekin, eta berriz ere Euskal Herrian orain.


    Laister argitaratuko den bideo baterako elkarrizketa egin genion ekitaldiaren aurretik, eta adi adi jarraitu nuen bere solasaldia gero. Jendearen jarrerak liluratu ninduen ordea. Mundu guztia adi adi eta gozatzen. Behar den bezala.
    Komunikatzaile aparta da. Kazetari ona dela bagenekien. Komunikazio enpresa eta eredu interesgarria garatu du sarean: vilaweb.cat
    Kataluniako prozesua azaltzen ari zaigu liburuz liburu aspaldian. Azkenak detaile eta aipamen zorrotzak egiten ditu. Bere irakurketa propio eta subjetiboa. Kazetari baten maisu lana.
    llibre-partal
    DesclassifiCAT: 9 N bozkaketa iraultzaile baten historia sekretua
    Hitzaldia ere aparta izan zen. Eta bertan adi adi apunteak hartzen zegoen Josu Goikok ondo pasa ditu laburtuta 5 txiotan:

     

    Entzuleok ikusi ikasi entzun eta txalo egin genuen. Eta orain maletak prestatu eta Bartzelonarako bidaia daukat buruan. Bartzelonatik eta Kataluniatik bertatik botako ditut hurrengo kronika eta mezuak. Irratiz, sare sozialetatik eta ikusentzunezko baliabideak hartuta. Kit Cat bat, gure bidean.

    irakurtzen jarraitu

    Gustatuko zaizu ere

    Mobilizazio aroa | Ahora toca moverse | It´s time for movilization

    2017-02-04

    Hala Bedi komunikazio libre eta alternatiboa

    2017-06-01

    Argazki garrantzitsua

    2014-12-12
  • agit/prop,  hurrengo geltokia

    nazio arteko bidea

    Altsasutik abiatu nintzen trenez duela hilabete inguru, han hasi zen nazio arteko bidai hau. Iruñeatik Bartzelonara heldu eta berriz Kataluniako giro independentista dastatzen.

    Katalunia bizi bizi

    Egun batzuk lehenago bisitako Diada historikoa oraindik gogoan, arretaz jarraitzekoa da Kataluniak abiatu duen #viacatalana eta inguruko guztia. Euskaldunontzat hurbil dago Katalunia, Espainiatik askatu nahi duen eremua. Kulturalki, ekonomikoki, teknologikoki beti aurreratua ibili den nazioa. Erreferentzia izan da hainbat arlotan, eta aspalditik so egiten diogu bertan gertatzen den gauza askori.

    #iParlanda

    Irlandarako hegazkina Bartzelonan hartu eta Belfasten (Irlanda iparraldean) kokatuta nago, hemendik munduari begiratzeko tokia hartuta. Etengabe Euskal Herrira egon naizen arren, hemengo prozesua ere zinez interesgarria egiten da. Badira 15 urte bake akordioak abiatu eta IRAk betirako armak isildu zituela…. eta geroztik aurrerapausuak nabari dira, arlo askotan: ekonomikoa, soziala, kulturala, instituzionala eta batez ere bake giroan, Britaniar ejerzitoa eta RUC poliziarik ez da ageri hemengo karriketan, presoak aske dira eta bide propioa garatzen ari dira Irlanda batu eta osorako bidean.

    Hurrengo geltokia: Eskozia

    2014ko irailean autodeterminazio ariketa egingo dute eskoziarrek, eta beraiekin batera asmo bera dute Katalunian ere.
    Eskoziako prozesua gertutik ezagutzea ere badu helburu nazio arteko bidai honek.

    Une historiko honetan, Euskal Herritik arretaz jarraitu behar ditugu Europako beste nazio batzuen bideak eta ibilbideak, guk geuk ere gurea garatu ahal izateko.

    irakurtzen jarraitu

    Gustatuko zaizu ere

    Larrabetzuko emaitzak Europar hauteskundeetan

    2014-05-26

    Euskarazko Wikipediak hazkunde eta eraldaketa bizi du [Erreportajea GARA egunkarian]

    2017-08-18

    Protesta kantak

    2015-10-28
  • agit/prop,  gaztelumendi.eus,  hurrengo geltokia,  ikusi eta ikasi

    kazetari independentista

    Kazetaritza, informazioa eta komunikazioari lotuta bizi naiz, bizi dut.
    Irratian, telebistan, prentsan eta Interneten aritu naiz luzez. Ari naiz.
    Independentista naizela esango nuke, txiki txikitatik. Banaiz oraindik.
    Nazioarteko berriak jarritzen ditut, munduari so nago, leihoak irekita.

    Eta Internetek aukera ederra ematen digu, kazetari izan, informatzeko, independentista jarraitu eta munduari begirik ez kentzeko. Ametsok bizi naute, izarrik ere.

    Mundua begiratzeko modu bat da idaztea eta komunikatzea. Modu aktiboan esan nahi dut. Kontatuz bizi duguna, ikusten duguna idatziz, azalduz sentitzen dena. Irrati uhinetatik, pantailetatik edo aurrez aurre.
    komunikazio independentea
    Informazio kanal independienteak maite ditut horregatik. We the media liburua irakurri nuenean (2005 urtean edo…. ) argi ikusi nuen grassroot journalism mota honek ainguratuko ninduela komunikazio mundura luzaz… eta horretan jarraitzen dugu, batean eta bestean.

    Orain albistea zer, non… horretaz ari gara sarean, paperean, irratietan, telebistetan. Bizi dugu. Zenbat eta hurbilagotik, zenbat eta aktiboago orduan eta hobeto. Eta horretan jarraitzen dugu. Eta bizitza eder honek, aukera asko ematen digu horrelako okasioetarako… beti nahi dugu scoop bat edo elkarrizketa bikain bat egin, baina gero konturatzen gara jendea maite dugula, edozein txoko, gertaera bitxiak…. eta albistea elkarrizketa xume batetik sortzen dela, notizia bilakatzen dela edozein lerdokeri, batzuen esanek besteen ekintzek baino gehiago balio dezakete agian…. baina informazioaren munduan jarraitzen dugu, oharkabean.

    Montenegrotik Kataluniara
    montenegrON #independentzia

    Gauza on asko gogoratzen ditut kazetaritza esperientzietatik. Baina egunotan duela 7 urte Montenegron bizitakoa dut akorduan. Autodeterminazio erreferenduma bizi izan genuen, zuzenean, han bertan. Iñaki Sotok gonbidatuta -gaur GARAko zuzendari dena- erreferenduma jarraitzera joan ginen lau lagun Euskal Herritik. Argazkiak, iritzi artikuluak, kronikak eta harremanak egitera. Hegazkina hartu eta alokatutako autoa biziz, ezagun berrien etxeak eta bertako bizipenak izan ziren gure egunerokoa aste erdi labur batez. Eta independentzia prozesu baten eztanda bizi izan genuen. Eta zuzenean kontatu hemengo medioetan.

    Orain begiratuta, poz itzela nabari da gugan letra haiek irakurtzean. GARAko artxiboan daude egun haietako kronikak eta bizipenak.

    Blogek ere eztanda egin zuten 2000. hamarkada horren hasiera/erdialdean, eta sortu genuen bat beren beregi horretarako: Montenegro.mundua.com

    Informazioa emateko modu berriak, berrienak ziren. Mugikorrak, portatilak, wifi sareak profitatuz idatzi genituen gure kronikak, eta erreferendumaren gauean ere, Podgoricako Karver kulturgunetik, emaitzak zuzenean jarraitu eta Euskal Herriari eskaini genion zuzeneko informazioa, edozein prentsa agentziak baino lehenago gainera. Iñaki Sotoren gogoeta propioekin, hango lagunen testigantzekin, eta guk geuk egindako argazkiekin.

    Oso oroitzapen onak, duda barik. Gordetzekoak.

    #viacatalana zuzenean

    Azken urteotan bizi bizi dago Kataluniako bidea ere. Iazko Diadak urrats handia suposatu zuen, aurretik herriz herri burututako erreferendumek herri mugimendu nazionala antolatzea ekarri zuten, eta emaitzak denon bistan daude. Aurtengo irailaren 11 ere historikoa izango da, ari da izaten. Eta horregatik, informatzeko eta bizitzeko asmoak uztartuta, asteazkenean Bartzelonan eta Katalunian izango naiz, zuzeneko testigantzak jaso eta Euskal Herrira igortzen. Saretik, uhinetatik zein bestelako euskarriak baliatuz.
    #viacatalana Katalunian
    #viacatalana

    Uste dut informazioa, bizipenak, gogoetak eta bestelakoak uztartzen narratiba eta kontaera berri bat eskaini behar dugula. Eskura ditugun tresnak baliatuta, denbora errealean kontatzen dugunak garrantzia berezia daukala, eta gero guzti hori beste euskarri eta baliabideekin uztartuz kontatu behar dugu, denon artean, ahots askotara. Eta horretan, gutako bakoitzak egiten duen ahaleginak indar asko dauka.

    irakurtzen jarraitu

    Gustatuko zaizu ere

    Giza Eskubideak BAKEA eta konponBIDEA

    2014-01-11

    Nelson Mandela handi egiten duten zazpi esaldi

    2013-06-24

    Txillardegi

    2022-01-14
  • visca catalunya lliure!
    agit/prop,  hurrengo geltokia,  ikusi eta ikasi,  teknologia berriak

    visca zuek!

    #viacatalana

    #viacatalana
    Harridura eta miresmenenez gaude Kataluniara begira.
    Badira urte batzuk hango mugimenduak (hizkuntza eta kulturaren aldekoa, CAT dominioaren lorpena, mugimendu independentista eraberritua) jarraitzen ditudala. Beti izan ditugu loturak, eta azken 7 urteotan areagotu egin dira.
    Irailaren 11a data historikoa da bertan, Diada eguna. Eta iaz eztanda egindako mugimenduak, oraingoan are gorago joko du. Horren prestaketan aritu dira azken hilabeteotan, eta datorren asteazkenean izango da ikusgai, mundu osoan.

    lanketa etengabea

    Etengabeko lanketa egiten ari dira Katalunian. Independentziaren aldeko herri mugimendu zabal, sendo, anitz eta iraunkorra ari da saretzen, hedatzen, bultzatzen. Eta bat egin dute helburu horrekin milaka eta milaka pertsona eta eragilek. Modu espontaneo eta antolatuan, benetako mugimendua sortuz. Etengabea, eta etenik gabekoa. Helburua lortu artean, gelditzerik ez dagoena.
    Irudimena, partehartzea eta batez ere ikonografia eta diseinu oso landuekin. Mugimendu berritzailea eta irekia erabat. Bideotan nabari den moduan

    400 km independentzia eskatzeko

    Herrialde Katalanak zeharkatuko dituen katea eginen da datorren irailaren 11an, alderik alde. Milaka eta milaka pertsona independentista batuko dira Katalunia osoan, kalera, errepidera aterata. Ekintza ikusgarri, partehartzailea, edonorontzeko moduan…. orain arteko manifestazio guztiek txiki utzi duten Bartzelonatik haratago.

    Sarean ere sendo

    Beti izan da teknologia berrien zala katalana. Ausartak. Aurrerazaleak. Orain arte ondo profitatu dituzte hedabide, mugikor, diseinua eta teknologia oro. Orain ere trebe ari dira. Lekzio dira.
    #11s2013.cat
    Erabat txunditu nau, tresna sinple honek. Instagram argazkiak eta twitter sareko mezuak bere baitan batzen ditu 11s2013.cat guneak.

    Euskal Herrian elkartasuna baino gehiago

    Eta gurean, elkartasun keinuetatik haratago doan ekintzak izango dira, zorionez. Independentistak sareak, kalejirak dietu ditu herrialde ezberdinetan zapatu eguerdi eta iluntzerako. Hemengo hedabideak arretaz ari dira jarraitzen Kataluniako berri, eta jende uholdea hurbilduko da Kataluniara bertara hurrengo astean, herrialde ezberdinetatik antolatutako autobusetan.
    Elkartasuna baino gehiago, dudarik gabe. Lekzioak, elkarrekintza, elkartasuna, bide amankomunak…eta begirunea.
    DIADA-KARTELA-sarerako

    irakurtzen jarraitu

    Gustatuko zaizu ere

    pop pilulak

    2013-11-18

    zelan zaindu maite dugun hau hori hura?

    2014-12-09

    Elkartasuna eta konpromisoa | Komunitatea ere baGARA

    2019-06-11