Fermin Muguruzarekin berbetan

Fermin Muguruza * irratia.com

Fermin Muguruzak duela hilabete aurkeztu zuen Euskal Herria Jamaika clash diskoa. Donostian aurkeztu zuen jendaurrean, prentsa ere bertan zela. Gero Bartzelonan egin zuen astebeteko beste aurkezpen bat, elkarrizketak, harremanak… denetarik. Madrilen aurkezten, elkarrizketak egiten -tartean El Pais, TVE 2 Miradas, El Mundo…- ari zenean jaso zuen bere aitaren osasun egoera txarraren berri. Irunera itzuli, eta aitaren aldamenean eman zituen Fermin Muguruzak haren azken uneak.

Parisera eta Berlinera joan behar zuen, baina lehenbizi gurekin egon da, irratia.com emankizunean lagun izan dugu. Eta elkarrizketa luze eta sakona, ordubetez, egiteko aukera baliatu dugu. Musika, Euskal Herria, Jamaika, Nazioarteko egoera, politika, kultura… zer ez dugu aipatu elkarrizketa horretan! Beti bezain zorrotz, gogoetak behin eta berriro eginez, balorazioak, azken hamarkada hauen errepasoa… diskoa atera eta hilabetera eman dizkigu bere iritzi hoiek Muguruzak. Elkarrizketa sakona da, eta une batzuetan sentimendu guztiak jarri zituen Ferminek mikrofonoaren aitzinean.

Hamaika lotura, erreferentziak -musikalak zein artistikoak, munduko tokiak zein borrokak- aipatu dizkigu… Hitzjario izugarria dauka Irungoak, eta tartean gauza oso interesgarriak bota dizkigu, abesti tarteetan. Adi entzuteko moduko elkarrizketa, zinez.
Fermin Muguruza * irratia.com

Elkarrizketa gustura entzun dut beste hamaika aldiz ere. Sakontasunetik musika bezala beste hamaika bizipen eta kontakizun dauzka kontatzeko gure musikari nazioartekoenak… Entzuteko jartzen dut blogean ere. Hartu denbora, eta egin komentarioak. Blogetako jarraitzaile sutsua dela aitortu digulako Ferminek berak ere.

Entzun gura baduzue: [audio:http://bilbohiria.com/docs/podcast/irratiacom/irratiacom060606.mp3]

muguruza | irratia.com

Blog berri honetara audio artxiboak ekartzeko asmoa daukat, balizko podcast saio baten aurrekari gisa. WordPress-ek audio plugin mordo bat dauzka, eta zenbait frogatzen ari naiz gainera.

8 thoughts on “Fermin Muguruzarekin berbetan

  1. Pingback-a: zabaldu.com
  2. Kaixo Patxi:

    Gaur goizean entzun dut elkarrizketa osoa. Eta zoriondu behar zaitut. Bikaina delako.

    Bien arteko kimika nabaritzen da. Egia da ere fm oso momentu berezian aurkitu duzula (aitaren heriotzagatik). Eta samurtasun hori ere nabaritzen zaio berari.

    Esan bezala, zorionak.

  3. Kaixo Patxi,

    zorionak benetan. Elkarrizketa interesgarria eta hunkigarria lortu duzu. Ferminen hitz jarioa aski ezaguna da, baina Iturrik dioen bezela nabari da zuen arteko kimika.

    ia horrelako gehiago entzuteko aukera dugun

  4. Pingback-a: trustedmdstorefy.com
  5. Pingback-a: 1 seriya
  6. Pingback-a: hqcialismht.com

Utzi erantzuna

Zure e-posta helbidea ez da argitaratuko. Beharrezko eremuak * markatuta daude