-
Agur Hasier
Lagun bat joan zaigu.
Idazlea, kazetaria, sortzailea.
Hasier Etxeberria.
Euskal kultura, hizkuntza, nazioa, gastronomia, telebista, sarea… zer ez duen astindu urte hauetan guztietan.
Asko maite genuen.Eta gaur sarea bor borka dabil. Bihotzez. Maitasunez. Gogoratzen.
Hasier gogoan
Hasier Etxeberria
idazle eta lagun handia https://t.co/9er2SLeg36 pic.twitter.com/pNRQO5ZLaO— Susa literatura (@armiarma) 2017(e)ko martxoak 29
-
Pete Seeger Euskal Herrian
Atsegin ditut kantautoreak. Are gehiago beraien letrekin mundua aldatzeko indarra erakusten dutenean.
Pete Seeger abeslariaren berri Benito Lertxundiren bitartez izan nuen. Maiz aipatzen zuen. Zelan bera Euskal Herrira ekarri zuten Ez dok amairukoek, eta gerora bere bertsioa.
Bart Pete Seeger omendu dute Arriaga antzokian. Lou Topet taldeak zuzeneko emanaldia egin du bere kantuekin. Eta hainbat euskal artista ezagun gonbidatu dituzte eskenatokira. Jende asko batu da antzokian. Eta pozik atera dira gehienak.Ez dok amairu
1971. urtean ekarri zuten Victoria Eugeniara. Eta orduko argazki bakarra dago sarean, Josemari Velez de Mendizabalek jarria.
Pete Seeger Donostian Lete eta Artze begira dituela.
Argazkia: JM Velez de Mendizabal
Diario Vascon. 
ARGIA aldizkarian Herri irratian orduan, Euskadi irratian orain
2014an Pete Seeger hil zenean berreskuratu genuen gure memoria. Artxiboetan audioak bilatu eta Ez dok amairukoen kontzertuaren berri eta Herri Irratian Joxe Mari Iriondorekin 1971an egindako elkarrizketa entzungai dago zorionez.Loraldia jaialdian
Pete Seeger Bilbon, lagun paregabeekin.
BiBA zuek! @LouTopet #Loraldia2017 jaialdian pic.twitter.com/l4XHX38rkk— gaztelumendi (@iPatxi) 2017(e)ko martxoak 26
@LouTopet +lagunekin Disfrutatzen@Teatro_Arriaga n#Loraldia2017 pic.twitter.com/1GKkekNqZO
— LoraldiaFestibala (@LoraldiaFesta) 2017(e)ko martxoak 26
euskal bertsioak, ugari
Benito Lertxundiri Larrabetzuko frontoian antolatu genuen kontzertuan entzun nion lehen aldiz Pete Seegerren bertsioa. Gerora asko entzun da, artean argitaratu barik zeukan, eta atsegin izan nuen. Gari abeslariak ere egin zuen Eutsiko diogu kantuarena, eta orain Lou Topet taldeak 5 kantu argitaratu ditu, oso edizio berezian. Harkaitz Canok orain eta hil zenean Josu Landak hainbat kantu ekarri zituzten euskarara. Hori ere badugu.
-
BAKEA baldintza behar beharrezkoa
Bake bideak puri purian dabiltza aspaldion.
- ETA ez da erakunde armatua izango apirilaren 8tik aurrera.
- Desarmea gauzatuko dute Bakearen artisauek, ehundaka lagunen laguntzarekin.
- Baldintzak. Egoera. Politika. Herrigintza. Bakea.
La Paix Maintenant, une exigence populaire
LA PAIX MAINTENANT, une exigence populaire por lautrecampagneThomas Lacoste errealizadore, kazetari eta editorea ezagutu berri dut. Lanean ari da. Elkarrizketa ugari egiten ari da Euskal Herrian bakegintzari buruz, bake prozesua bultzatzeko asmoarekin, Bakearen artisauen aferari lotutako hainbat lan burutzen ari da.
Aste erabakiorrak dira hauek, behar beharrezkoak. Bakea eta askatasuna elkarrekin doazela uste dugunok, gatazka amaitu eta eskubide guztiak onartuko diren egunarekin amesten dugunok, arretaz eta arduraz jarraitzen ditugu egunez egun gertatzen ari diren, bultzatzen ari garen egoera berri honetarako gertaerak oro.
Thomas Lacoste bere lantaldeko kideekin, filmatzen.
Guzti hori filmatzen ari da Thomas Lacoste une honetan. Eta goiko bideo hori baino oraindik esanguratsuago bat egiten dihardu egunotan Euskal Herrian. Apirilean argia ikusiko duena. Bakea, ezinbesteko baldintza delako. Behar beharrezkoa. Eskaera lejitimo bat.informazio gehiago: la paix maintenant
-
Errefuxiatuen alde hemen eta han #18M
Martxoaren 18an mobilizaziorako deialdi orokorra dago Europa mailan, Greziako Cityplaza hoteleko kideek deitua. Azkar hedatu da hemen eta han.
Euskal Herrian ere bat egin dugu deialdiarekin, eta Gernikako Astran salatuko dugu Europako egoera, errefuxiatuen afera eta datorren apirilean Gernikan bertan egingo dugun nazioarteko topaketaren berri emango dugu, besteak beste.
Greziatik, City plaza hoteleko kideek egin duten nazioarteko deialdia.Mobilizazioen mapa
Gustatuko zaizu ere
Gu ere zain
irratia.com berriz martxan
Euskal Herria 2.0 topaketatik puntuEUS dominiora
-
Larrabetzu euskal herria
Martxoan bada giro. Udaberriaren atarian hasi da loretzen herri mugimendua. Aste bizi bizia izan dugu herrian. Eta kalera atera gara behin eta berriro herritarrak. Astegunez, zein asteburuan… egon da zer garen eta zer gura dugu agertzeko aukerarik. Kolore, adin, auzo, pentsaera ezberdinetako herritarrak batu gara, plazan, kalean, auzoetan…
martxoak 8
Azken urteotan hauspoaldi feminista ernetzen ari da herrian. Udal berdintasun batzordea batetik, eta Zutunik! emakume taldea sortu dela bestetik, apurka apurka kontzientzia sortzeko ekimenak ugaritzen ari dira Larrabetzun. Aste honetan hainbat ekitaldi izan dira, eta frontoiko dantza eta pilota jokaldien ostean, plazako elkarretaratzea ere jendetsua izan zen. Jendetsua eta koloretsua.
Erretako sorginen alabak, dantzan
BAI esateko aldarria
Bariku iluntzean BAI esateko aldarria nagusitu zen Anguleri jauregiaren aurrean. Musika eta bertso jarriak lagunduta, herritarren argudio eta arrazoiak taularatu ziren bertan. Kantuan askatasun gosearekin aldarri egin, eta ozen entzun zen larrabetzuar askoren nahia. Datorren martxoaren 19an egin beharreko galdeketarako giroa gero eta hobea da urian.
Jendetsua eta koloretsua izan zen ekitaldia. Herritar asko bariku iluntzean.
Harria plazara
Eta domeka eguerdi euritsua izan arren, Eleizaldetik urira bitarteko bidea egin zuen harriak, herritarren indarrez garraiatua. Herri froga honetan, adin ezberdinetako lagunek parte hartu dute. Eta aste osoko mobilizazio giroa nabarmendu da. Ekitaldi guztietan jende asko, giro ona, koloretsua eta irudime eta alaitasunez betetako egitaraua.
Larrabetzu
herri #bizia
Asteon 3 ekitaldi koloretsu
etorkizun #libre eta hobe baten alde#ebatzi #Independentzia #womensday #martxoak8 pic.twitter.com/u1fyXhZAxx— gaztelumendi (@iPatxi) 2017(e)ko martxoak 12
Harria ekarri eta Herriari Eman hitza!@GEDLarrabetzu #larrabetzu @GureEskuDago pic.twitter.com/bGb4QdYyDy
— Iñigo Gaztelu (@igaztelubilbao) 2017(e)ko martxoak 12
Herri bizia da Larrabetzu, Euskal Herri hobe baten alde dauden herritarrekin. Harro egoteko moduko herria. Euskal herri bat. Hori gara gu, 1937an faxistek erre ezin izan zuten herri honetakoak. Herri zoriontsu bat.
-
zertarako nahi ditugu blog euskaldunak?
Aingeru Epaltzaren gogoeta entzun berri dugu euskalerria irratian, podcast bidez, twitter sarean bere mezu bat ikusi ostean, amaierako esaldiak egin digu klisk!
[audio:http://euskalerriairratia.tok-md.com/Epaltza%20mar8.mp3]Eta atoan galdera etorri zait burura?
@AEpaltza zertarako behar ditugu bloger euskaldunak?https://t.co/kBRbJcCIkO pic.twitter.com/o3PSkEzzD9
— gaztelumendi (@iPatxi) 2017(e)ko martxoak 9
Blog euskaldunak
Euskarak behar ditu. Herriak behar ditu. Tresnak behar ditugu. Edukiak behar dira. Gure kezkak azaldu behar dira…. baina jendeak ez baditu behar? Nork irakurtzen ditu halakoak? Zenbatek irakurriko du hau? Twitter behera doa, facebook edo instagram gora. Ordaindutako publizitatearekin ez bada, ezinezkoa da sare hoietan ezer agertaraztea… orduan, edukioi nork erreparatuko die? Zenbat ikustaldi ditu Azkue fundazioaren bideo horrek? Ondo landutako bideoa da, kamarak, gidoilariak, ahotsa, jendea gonbidatu… prestatu. Eta? Noiz ikusiko dute 200 lagunek? Kezkak dira. Egin beharreko itaunak, galderak. Erantzunik ez datorrela jakin arren. Itsasora jaurtitako harri bat. Uhinak ikusi arren, bere soinua ez dela entzungo dakizunean. Harririk ez da etorriko bueltan. Olatuak joan etorrian dabiltzan arren. Ondarretan geratuko naiz, zeruari begira. Hala ere, EZtaBAIda hedatu behar delakoan nago, edukiek duten garrantziari erreparatuta.
::::::::: ::::::::::: ::::::::::::::Â ::::::::: ::::::::::: ::::::::::::::
post hau argitaratu ostekoak
Eta ez dira oso poztekoak.
Autozuzenketa: Bloger euskaldunak behar genituela erran nuen. Horiek ere bai. Baina batez ere YOUTUBER euskaldunak https://t.co/tE28Cu0Iio
— Aingeru Epaltza (@AEpaltza) 2017(e)ko martxoak 9
- badakigu zer nahi dugun?
- ba ote dakigu zer behar dugun?
- Sintomak dira, nola gabiltzan erakusten dutenak….
berrikusten. eguneratzen
blogen sarea pizteko ahaleginak, irauntzaileak
Badira blogetan irauten duten beteranoak. Idazteari bere denbora eskaintzen dioten lagunak. Blogen garrantzia moden gainetik dakusagunak. Irauntza da gurea. Irauteko jaioak. Irauntzaileak.
Eta azken egunotan sare sozialetan honi buruz dihardugu. Ez da nostalgia. Ikuspegia da. Informazioa, parte hartzea eta mundu digitalak ematen dituen aukerak baliatzeko ahalmena.
Horretan darraigu. Ez dakigu inor badatorren gure guda kantuaren atzetik…BLOGA BLOGA mariñela!
-zertarako nahi ditugu blog euskaldunak? https://t.co/8z77NF0tZu pic.twitter.com/qVFUdZqk5u— gaztelumendi (@iPatxi) 2017(e)ko martxoak 28
eta ni ere hasi naiz…
Garai batean bezalahttps://t.co/VW5FtsDDkZ
…eta jarraitzeko asmoa daukat gainera. pic.twitter.com/yqiYZ7W3OY— gaztelumendi (@iPatxi) 2017(e)ko martxoak 28
📌 Libre idazteko https://t.co/6urvEL6AaH
blogean idazten hasi nintzenekoa gogoan
idazten jarraitzeko…📢 irakurri eta #EZtaBAIda sustatu pic.twitter.com/LrXFg30sfx
— gaztelumendi (@iPatxi) 2017(e)ko martxoak 30
-
Bidea beti Kataluniarekin
Kursaal aretoan Ibarretxe eta Mas entzun osteko gogoeta batzu.
Asteazkenean zita garrantzitsu bat bilakatu zen Donostiakoa. Hasieran hitzaldi xume bat izan behar zuena, ekitaldi erraldoia bilakatu zen. Ia 2000 lagun zuzenean bertan, eta beste asko eta asko streaming bidez etxetik jarraitzen. Hamaika telebista, info7 irratia, eitb.eus, naiz, berria… euskal hedabide askok eman zuten seinalea. Seinale ona da.
Ibarretxe irakaslea
Ibarretxe izan zen hitza hartzen lehenengoa. Mendi espedizioaren metaforarekin, hasierako kanpamenduetarako bidea ireki zuena. Saio akademikoa egin asmo zuen, baina txoko gastronomiko bateko afari baten traza hartu zuen azkenerako. Argi hitz egin zuen. Ondo azaldu zen. Euskara eta batez ere gaztelaniaz diskurtso ordenatu argia eta koherentea eman zuen. Edozein abertzalek bat egiteko modukoa. Agirre lehendakariaren “siempre con Cataluña” ideia hori errepikatu zuen behin eta berriz. Eta publikoarekin bat egin zuen.
Mas maisua
Pantailako aurkezpenik gabe, askoz hitzaldi jantziagoa eskaini zuen Generalitateko president izandakoak. Prozesua azaldu zuen. Gakoak. Oraingo klabeak. Eta etorkizuneko erronka. Diskurtso argia. Datu argigarriak. Umorea baliatu zuen, batez ere euskaldunoi zuzentzerako orduan. Eta datozen hilabeteetako panoramaren berri eman zigun.
Artur Mas oso argi mintzatu zaigu Kataluniaren #Bidea eta urrats bakoitza azalduz#IbarretxeMas pic.twitter.com/2uaboTtDjt
— gaztelumendi (@iPatxi) 2017(e)ko otsailak 22
Arrakastarako gakoak Katalunian: Claves de exito en Cataluña
1-) Bozkatuz, erabakitzeko eskubidea Ejerciendo el derecho a decidir VOTANDO
— gaztelumendi (@iPatxi) 2017(e)ko otsailak 22
2) Batasun politikoa eta mobilizazioa. Unidad politica y movilización
Cada año un millòn y medio de personas se movilizan— gaztelumendi (@iPatxi) 2017(e)ko otsailak 22
4) Nazioarteko onarpena. Reconocimiento internacional
— gaztelumendi (@iPatxi) 2017(e)ko otsailak 22
Euskal hedabideetako portadak
-
Mobilizazio aroa | Ahora toca moverse | It´s time for movilization
- ليس هناك من هو غير الشرعية، والØدود المÙتوØØ©
- Errefuxiatuek, munduko pertsona guztiek, izan behar dute munduan ibiltzeko #eskubidea
- Todas las personas tenemos el derecho de movernos por el mundo
- #OpenBORDERS no one is illegal!
Tarajal gogoan
Duela hiru urte itsasoan lur hartzeko zorian zeuden 15 lagun hil zituzten indar errepresiboek Tarajaleko hondartza aurrean. Ceuta parean.
Asteburu honetan mobilizazio ugari Euskal Herrian, eta baita Ceutan bertan ere.Gaur #Tarajal gogoan Euskal Herrian
15 hilketa izan ziren duela 3 urte. #ongietorriErrefuxiatuak #welcomeRefugees pic.twitter.com/d0OW1m7vSQ— gaztelumendi (@iPatxi) 2017(e)ko otsailak 4
Getxoko ta Ceutako mobilizazioen berri eman du @euskaltelebista​k#Tarajal gogoan @errefuxiatuakB #ongietorriErrefuxiatuak #welcomerefugees pic.twitter.com/kTLfriLk8g
— gaztelumendi (@iPatxi) 2017(e)ko otsailak 4
📺 Eta #Tarajal​en bertan, behinola muga igarotakoak ere, mobilizatzera hurbildu dira. bideoa: @errefuxiatuakB https://t.co/BGuuRZnuSM
— gaztelumendi (@iPatxi) 2017(e)ko otsailak 4
Tarajal – Desmuntant la impunitat de la frontera sud
-
Egoera larria Belgradon
Atenasetik lagun batzuk Belgradora jo dute aste honetan. Laguntza behar da han. Egoera larria da. Ehundaka errefuxiatu kalean botata. Ez jatekorik. Ez lo egiteko lekurik. Ez deus.
Errefuxiatuak kale gorrian, neguan
Lokal batzuk okupatzen saiatu dira. Ez dute argirik. Eta orain garrantzitsuena sukaldea montatu eta egunero jaten ematea da. Horretan ari dira. Horrela idazten digute handik.
Atenasetako lokal okupatutako lokaletatik joandako sukaldari eta laguntzaileek bat egin dute Tolosako bolondresekin, tartean Josu Iztueta bidaiari ezaguna.
Sukaldea atontzen ari dira. Eta martxan daude. Antolaketa funtsezkoa da. Laguntza ere bai. Jarraituko dugu informatzen, zelan ez. -
Errefuxiatuen alde urrats berriak emateko garaia heldu da
Astebete Grezian. Mundu berri bat begi aurrean.
Elkartasunez betetako egunak. Oso oso beteak.
Eta hori isladatzen saiatu gara elkarrizketa honetan.
Info7 irratiarekin astero arituko gara; elkartasuna, errefuxiatuak eta nazioarteko egoerari buruz berba eginez.
Elkarrizketa Info7.naiz.eus atarian.
