literatura
Irakurriaz idazten
- #bidegorritik, #Patakon, 18/98+, agit/prop, albisteak 2.0, bakegileak, gaztelumendi.eus, hurrengo geltokia, ikusi eta ikasi, larrabetzutik, literatura, musika, pasahitza, software librea, su-etena | ceasefire | tregua, teknologia berriak, telebista
13 urte blogean, ekinean, ahaleginean
sare sozialak, blogak, internet, sarea, lagunak eta norbera pantaila aurrean. 13 urtez ekinean. ezinean. ahaleginean.
gaur ere abenduaren 3a da.
ea zer diozuen, irakurtzen zaituztedalako. aspalditik. hemen nago eta asko pozten naiz. oraindik.13 urte, besterik ez
2004ko euskararen egunean jarri zen martxan gaztelumendi bloga.
orduz geroztik ahal izan dudan guztia idatzi eta kontatu dut berton -eta beste leku askotan-. irratigintza, komunikazioa, literatura, telebista, bidaiak, aldizkariak, erreportajeak, mobilizazioak, informazioaren kudeaketa, auzolana, gutunak, erreportajeak, batailak, kezkak, kanpainak, lana, iritziak, salaketak, hedabideak, teknologia berriak, musika, herrigintza, harremanak, auzoko kontuak, kultura…. izan dira nire bizitzako ardatz; eta libre konpartitzeko aukera eman didate teknologiak, software libreak, hizkuntzak eta sorkuntzak.ezin eskertuago nago.
KRONIKA DIGITALA
ARTXIBOAK, artxibologia
sarean.com sortu zuen Jabi Zabalak 2003an. Ondoan izan dudan erreferentzia, duda barik.
Egunerokotasuna hautsi gurean, bitakora 2004ko euskararen egunaren biharamunean.
Joxe Arantzabalek bloga sortu eta egun berean eman zuen gaztelumendiren berri bere orduko Faroan.
Blogei buruzko ikastaroa antolatu genuen 2005eko udan UEUn
2006. urtean Euskal Herria 2.0 inflexio puntua Interneteko euskal panoraman, iparra eta helburuak markatu genituen. EUS dominioa lortzen hasteko abiapuntua.
Blogariak, software garatzaileak, hedabideetako arduradunak, kulturgileak, irakasleak… batu ginen Donostiako Artelekun. Ez daukagu ahazteko 2006ko iraila hura. Gauzak egiteko gogoa somatzen zen Euskal Herriaren alde digitalean. Auzolanean, 2.0 logika guztiz barneraturik.
EH 2.0 > puntuEUS
Zazpi urtez idazten, gogoratzen hasten zarenean…. amaituko denaren beldur zarelako.
10 urte bloga sortzen hasi nintzenetik, lekutan dago 2004ko abendua! http://t.co/78lJEaVveH pic.twitter.com/0S8khluE7b
— patxi gaztelumendi (@iPatxi) 2014(e)ko abenduak 3
luzaroan jarraitzeko asmoagaz. GAZTELUMENDI.eus #ga1d3rantzunak
galdera asko ditut egiteko. erantzunak etorri egiten dira. sortu.
kezkak idatzi, bizitza bete, amets ugari, letra asko, irudi batzuk eta zenbait ondorio.
#ga1d3rantzunak hitza eta ekintza dira, baldintza eta ondorio, objetibo beste subjetibo, sujeto eta adjetibo. teoria eta praxia. -
Lauaxeta gogoratzen
-
Edizioa etzi
Topaketa interesgarriak Katakrak liburudendan narratiba eta saiakera eta edizioari buruz
Hamabost egunen buruan bi aldiz joan naiz Iruñeko Katakrak liburudendara. Solasaldi interegarriak suertatu dira narratiba eta saiakerari buruzkoak. Katakrak argitaletxe ere baden ezkero, arretaz ari dira so egiten literatura eta pentsamenduaren inguruan gurean egosten dena.
GARA egunkarirako kronika pare bat egin ditut ia zuzenean liburudendatik bertatik. Hitzaldiak entzun, apunteak hartu eta bukatu bezain fite idazten hasi, handik ordu erdira erredakziora bidali eta biharamuneko egunkarian argitaratzeko.
Eta ohartu naiz, bai narratiban eta baita saiakeran ere esperientzia aberatsa dagoela Euskal Herrian, argitaletxeak bizi bizi daudela, eta zailtasunak zailtasun, gure liburuek zer esana ematen dutela.Sare sozialetan oihartzun handia
Katakrak liburudenda eta etzi.pm egon dira antolaketa eta logistikan. Mahainguruak sarean daude entzungai, eta horrez gain sare sozialetan ere oihartzun dexentekoa lortu dutelakoan nago. Egia esan, gurean literaturak, idazleek eta pentsamenduaren inguruko gaiek badute sona bat. Eta feminismoa adibidez, egun bizitzen ari dena oso esanguratsua da. Horrek, zelan ez, bere islada dauka sareetan ere. Erabiltzaile oso aktiboek gainera, oihartzun hori biderkatu egin dute.
Liburugintza, ofizioa, erronkak eta etorkizuna Katakraken Elkar, Susa, Txalaparta eta Igelako editoreen eskutik. https://t.co/kJTOJsRlYG
— Gernika Liburutegia (@gernikalibu) 2017(e)ko maiatzak 12
@Idazkola @plarrion @XOlarra @AmaluFm @katakrak54 @hedoi_etxarte "Gorka Arrese on fire"
— Alberto Barandiaran (@abarandi) 2017(e)ko maiatzak 10
"Edizioa etzi: saiakera" mahai-inguruan izango gara GAUR 19:00etan @katakrak54 en. @LISIPEsusa @JuleGoi pic.twitter.com/i8iRF6VmLG
— Jakin (@jakin_eus) 2017(e)ko maiatzak 15
Euskaraz pentsamendua nehoiz baino biziago: @jakin_eus, @Eskafandra_, @LISIPEsusa, @katakrak54. @iPatxi|ren kronika https://t.co/zPE1lVaXI0 pic.twitter.com/6SjFC3XZLd
— i.aiestaran (@iaiestaran) 2017(e)ko maiatzak 16
#edizioaEtzi @katuajea @Eskafandra_ @Xabiereiza @jakin_eus @etzipm @katakrak54 pic.twitter.com/utuPylUz6B
— xare (@xare) 2017(e)ko maiatzak 15
Editoreen ustez, saiatuz argitaratuko da pentsamendua eta saiakera https://t.co/2ImVfFy5HZ Kronika, @iPatxi-ren eskutik pic.twitter.com/vsIRPIJvmE
— naiz: (@naiz_info) 2017(e)ko maiatzak 16
Bi kronika GARA egunkarian
audioak etzi.pm
informazio gehiago: etzi.pm
-
Liburuaren eguna
Kantu berri bat entzunez hasi dut eguna -besteak beste- disko denden karietara Berri Txarrak taldeak plazaratutako singlea.
Eta Frantziako hauteskundeei buruz, eta Melenchon fenomenoari buruz jarraitzeari ekin diot, bart irakurri nituen PP eta Marhuendarenak… ia gogaitu arte espainolen ustelkeri, trama eta drama guztietaz.
Eta gaur liburuaren eguna da. Eta orduan, bideoak ikusi eta sarean idazteari ekin diot. Oharkabean.Eta irakurri, noiz?
Gaur #LiburuarenEguna
📺 EZ DIZU ONIK EGINGOhttps://t.co/ExDUAzQYu6— Susa literatura (@armiarma) 2017(e)ko apirilak 23
Susan egin genuen kanpaina honetaz oroitu naiz. Ez dizu onik egingo. Debekuak gogoan. Tabakoarena bezalako kanpaina bat asmatu gura izan genuen Zarautzen egin genuen bilkura hartan. EZPOT batzuk egitea planteatu genuen. Kontrapublizity apur bat. Eta bideoak sarean zabalduz, Emailuetan eskaini. Ikaragarri ondo pasa genuen, literatura eta ikusentzunezkoak uztartuz. Gure promozio kanpaina eginez, lagun artean.
Duela 11 urte gaztelumendi blog honetan argitaratutako post bat: Ez dizu onik egingo
… edo bai
📺 https://t.co/FE2W0aafbK— Susa literatura (@armiarma) 2017(e)ko apirilak 23
Bai, duela duela 11 urte aritu ginen horretan. Eta denbora aurrera doa. Sarean. Interneten. Liburu argitalpenean. Irakurketan. Eta jarraitzen dugu oraindik bide horretan. Beharko.bakarrik egoteko modu berri bat ote?
Bideoak ikusi, sarean idatzi, musika entzun, kalean ibili eta liburua hartuko dut eskuartean. Orain. Irakurtzeko.
irakurtzea izan ere, bakarrik egoteko modu bat ere bada. mila esker Berri Txarrak.
-
Literatura eta memoria historikoaz
GARA egunkarirako elkarrizketatu nuen aurrekoan Josi Basterretxea unibertsitateko irakaslea eta idazlea. Bere hirugarren nobela plazaratu berri, gerrosteko giroaz berba egiteko aukera ona izan nuen beragaz.
Argazkiak Gaztelumendin egiteko proposatu eta Jaltzo argazkilariarekin txango polita egin genuen. Herriko hainbat leku eta kontu gogoratzeko baliatu genuen. Ordukoak dira argazkiok eta GARAn argitaratutako elkarrizketa hau.Jose Inazio Basterretxea: «Literaturatik memoria historikoa askoz modu libreagoan landu daiteke» https://t.co/aS4QdcamOZ pic.twitter.com/Y6jYdqtjdq
— naiz: (@naiz_info) 2016(e)ko abenduak 24
Duela 80 urte Indalecio Ojanguren argazkilariak egindakoak gogoratu eta omendu gura izan ditugu elkarrizketan.
Pikene baserria /Gaztelumendi pic.twitter.com/gKraaI6Z9m— gaztelumendi (@iPatxi) 2016(e)ko abenduak 24
Jaltzo argazkilaria Gaztelumendiko trintxeran Josi Basterretxea idazleari fotoak egiten. Gustatuko zaizu ere
kantu eta doinu berriak
kazetari independentista
New Orleanseko doinuak Nafarroan
-
Udagoieneko kultur eskaintza oparoa
Liburuak, diskoak, opariak, bildumak, bitxikeriak, kontzertuak, aretoak, emanaldiak, erosketak…. udagoienarekin hasi dira negu aurreko lanak plazaratzen.
Pozik nago. Kulturaren inguruan aritzen garenontzako sasoi emankorra delako hau. Hasi gara saltzen, eskaintzen, aurkezten, prestatzen, erakusten…. eta batez ere gehiago irakurtzen, entzuten, gozatzen.Susa Franco sasoian
Susa literatura argitaletxearen udazkeneko liburu ekoizpenak gerra osteko sasoia eta Franco hil aurretikoa biltzen du. Kirmen Uribek Ondarroako bikote baten ibilerak eskaintzen dizkigu Elkarrekin esnatzeko ordua nobela ezin narratzaileagoan. Kazetaritza erreportaia literario arnas luzeko bat. Mussche idatzi ostean, badirudi gustua hartu diola horri.
Feriatzaileak lehen liburua du Patxi Larrionek, eta 1969ko aste bateko kontuak dakartza zine errodaia baten aitzakian. Militarrak, birigarroak, karlistak, familiak, amarruak Iruñea eta Nafarroako Urbasa inguruan. Ri rau irakurtzeko nobela ezin interesgarriago bat. Badu beltzetik, badu memoriatik, badu zinematografikotik… eta batez ere badu -eta asko- Larrionetik.
Koldo Izagirrek, Sua nahi Mr Churchil? ipuin liburua plazaratu zuen duela urte batzuk, garai haren segidan datozen beste 9 narrazio eskaintzen ditu orain Franco hil zuten egunak berri honetan. 9 pasadizo, gertaera… Pasaian eta inguruan kokatuak.Gerra osteko -Frankismo garaiko- bi liburu hauek kenduko didate loa datozen egunotan.
Franco hil zuten egunak.
Elkarrekin esnatzeko ordua. pic.twitter.com/eZ5CBVyku4— gaztelumendi (@iPatxi) 2016(e)ko azaroak 13
Mitxel Sarasketa eta Bide Ertzean
1998ko abendua. Lizarra Garazi garaiko lehen negua. Dana lanbrotute ikustot ikuskizuna. Gu Tas Tas irrati librean asteroko Ai eneak! saioa egiten Basauriko presoentzat. Mitxel Sarasketak 20 urte espetxean. Omenaldia Eibarren. Bide ertzean sortu da. Lehen maxia. Bai euskarari jaialdia 5 estadioetan. Mitxel askatu dute omenaldia baino aste pare bat beranduago. Ongi etorria Eibarren. Bide Ertzean kontzertuak ematen.
Urteak igaro dira, disko mordo bat. Ataramiñe sortu zuen Mitxel Sarasketak beste preso lagun eta kide askorekin.
Urteotako soinu banda izan dugu etxean, lagunartean eta bikotearekin. Zutaz kantatzeko irakurri edo entzun… eta bakoitzak badauka zu bat kantatzeko. Kantu bat gure minari. Lur bat gure ametsei.Pozik udazken honetako kultur erosketak hasi direlako erortzen.#zutazKantatzeko
Biba zuek! @joneskisabel @bidertzean pic.twitter.com/UVQRXRNL6Q— gaztelumendi (@iPatxi) 2016(e)ko azaroak 15
Mixtape bat, sarean gozatzeko
Gorka Suaia eta Kimo dira. Kantaria eta musika eta disko jartzailea. Eta youtubeko bideo honetan egin duten mixtape hau ikaragarri interesgarria egin zait. Kantuak aukeratu eta automatikoki aktibatzen direlako… hiperloturak egiteko modu erakargarria.Zea mays taldearen beste bideo izugarri bat
Zea Mays taldeak Negua joan da eta kantuarekin goia jo zuen. Kantua ederra bazen ere, bideoak zoratu egin gintuen. Eta irauten du. Gerora ere obra itzel batzuk egin izan ditu Gaizka Izagirre bideogileak. Zuzeneko irudia eta argiztapena egiten iaioa da… eta Harro azken lanerako burutu duen lana….. izendaezina da. Bestelakoa!
Time lapse bat asmatu dute grafitiekin. 8 argazki segunduko bideo honetan… 2000 margoketa eta argazki inguru klip ikaragarri hau egiteko. Garikoitz Arregi grafitigilea eta Gaizka Izagirre errealizadoreak irudi biziak jarri dizkiote Zea Mays taldearen Orain kantu ederrari.
Etorriko direnak
La Basu, Fermin Muguruza, Zazkel, Anari, Ruper Ordorika, Neighbor, Lekore literatur aldizkaria, Joseba Tapiaren liburua, maketa berri batzu, edota garai bateko Ikuska kultur laburmetraiak…. ederra izango da aurtengo neguan, sutondoan musika entzun, bideoak ikusi edota liburuak irakurtzen egotea… beste ezertarako denbora barik.
Bother the police #Sakana utzi pakean! Musika eta bideoklipa > #Altsasu gogorazten goiz honetan @vendettaska https://t.co/qVixFnt9V0
— gaztelumendi (@iPatxi) 2016(e)ko azaroak 14
@katakrak54 n Feriatu berria @josebatapia @TapiaTximela pic.twitter.com/G462lbkbQk
— Patxi Larrion (@plarrion) 2016(e)ko azaroak 4
Anari, Ruper Ordorika, Vendetta, Hesian, Huntza, Joseba Tapia… Nabari da Durango ate joka duguna… ENTZUN: https://t.co/7WV5beOq5g pic.twitter.com/xZFqbIDpqo
— Naiz+ (@naizplus) 2016(e)ko azaroak 15
ERRAIETATIK vol. III | Herdoilaren lurrinetik ihesi: 'Party & Borroka', Feltrinelli eta 'Uxualak ez du atertu' https://t.co/lvxznpzKAR pic.twitter.com/H2FDK9CY86
— Erraietatik (@_Erraietatik) 2016(e)ko azaroak 9
Gustatuko zaizu ere
Gora Mari Jaia!
euskal blogen aldeko manifestua – blogosfera.eus –
Josu eta Santi gogoan
-
Lorea Gernika Deustun
Lorea Gernika aurkeztu berritan, Lapikoa izeneko narrazioa irakurri eta deustuarri kontatu beharra izan nuen. Hauteskundeetako pasartea Bilboko Uriola atarian argitaratu genuen, kanpainako azken astean.
Uriola.eus
'Lorea Gernika, andrazko bat' liburua aurkeztuko du Koldo Izagirrek. Liburuko pasarte bat Deustun jasotzen da @iPatxi http://t.co/oyR2maYtfo
— Bilboko Uriola (@uriolaeus) May 20, 2015
Prest aldizkarian
Gero Prest! aldizkarirako elkarrizketa labur bate egin nino Koldo Izagirre idazleari, aldizkariko Barkua bete berba kultur atalerako. Koloretan txukun ageri da bi orriotan.
Atsoak elkartuko bagina, otsoak geldiaraziko genituzke! #LoreaGernika pic.twitter.com/1EKgQ53RcX
— Susa literatura (@armiarma) May 21, 2015
Koldo Izagirre: Gizonezkoak zeinen gizonezkoak garen ez ginateke ohartuko inguruan emakumezkorik izango ez bagenu
Lorea Gernika nobela aurkeztu berri du Koldo Izagirre idazleak. Emakume nagusi da bat du protagonista, eta 53 narrazio laburretan pasarte ezberdinetan kokatzen du idazleak Lorea Gernika izeneko andrazkoa. Ironia, leku ezberdinetan kokatutako istorio laburrak, tokian tokiko hizkera eta berbak, pasarte bereziak zein lausoak. Idazleak berak, labur labur kontatu dizkigu nobela berriaren nondik norako batzuk, tartean Deustun gertatzen den istorioa.
Lorea Gernika andrazkoa euskal herrietan zehar somatu dugu, zertan ari da ba?
Neronek ere ez daukat zeharo garbi. Baina bizitzaren aurka borrokatzen dela egin zuen oihu behin, eta baliteke bestelako bizitzak bizi nahi izatea lekuz aldatuta, inguru berriak ezagututa, eta batez ere jende berriekin harremanduta.Gizonezkoon mundua azaltzeko baliatu duzu Lorea Gernika, azalduiguzu hori
Gizonezkoak zeinen gizonezkoak garen ez ginateke ohartuko inguruan emakumezkorik izango ez bagenu. Aberatsak pobreak behar ditu karitatea egiteko… Emakumezkoak definitu egiten gaitu, nahikoa da txiste bat egitea, edo begiratu bat ematea. Lorea Gernika, gozoa den arren, andrazko garratza da: badaki zer garen, nolakoak garen, eta ebidentzian jartzen gaitu behin baino gehiagotan. Berak hala nahi izan gabe, gehienetan.
Deustun be gertatzen da pasarte bat, hauteskunde goiz baten…. eta lapikoa sutan
Bai… Bozkatzeko aretoa ikasgela batean atondu dute eta paretetan dagozen marrazkiei erreparatzen dagoela erdi ametsetan edo hasi da. Txartela itsulapikoan sartu gabe alde egiten du biharamunean etorriko dela esanda. Horrelako xaloa da Lorea Gernika. Baina egia esan, nondik begiratzen zaion da kontua: egitada hori izan liteke gaiztoa, xaloa barik.liburumetraia
Gustatuko zaizu ere
Euskararen ezagutza eta erabilera Larrabetzun
Oskar Alegria eta biok
Liburu azoka
-
Gu ere zain
Mikel Antza idazle presoaren lehen poesia liburua aurkeztu eta plazaratu berritan, zenbait berba eta ohar egunotan bizitakoari buruz.
Mikel Antzaren #ametsak ere zain poesia liburua http://t.co/I0hJCkJ0yi Argazkia: @nomadagaldua pic.twitter.com/Aj5VccDtBQ
— Susa literatura (@armiarma) April 30, 2015
Ametsak ere zain liburua postontzitik jaso eta irakurtzeari ekin nionean, lehenengo orrietan topatu nuen Joseba Sarrionandia idazle iheslariaren aipu hau. Aipamenak, berba bakoitzean istorio bat daroa beragaz, historiaren pasarte garrantzitsua eman dugu guztiok Sarriren ihesalditik gaur arteko letren fereka honetan.
Autodeterminazioaz
Lau berba eta ideia ekarri ditut, Sarrionandiaren aipu horretatik. Zer pentsatua eman didatenak, aurrerantzean be jorratu asmo ditudanak:
Autodeterminatzeko gauza da: besteei entzun, ardurak asumitu, elkarlanean ahalegindu, autokritika egiteko gauza izan
Besteei entzun, ardurak asumitu, elkarlanean ahalegindu eta autokritika egiteko gauza izan. Iraultza bat, lau ideia hauetan batuta. Esaldi bakar baten.
Hitzaurretik poesiara. 6 poema luze, errekan datozenak. Kantuak aipamenak egoerak gogoetak errimak ideiak berba asko pentsamenduak ametsak burrukak minak…. lerroz lerro orriz orri, luze doa erreka. Etengabea daroa jarioa. Zer irakurri zer pentsatu zer hausnartzeko lain.Idazlearen gutuna
Eneko Olasagasti lagunak, zinema eta antzerki zuzendaria ere badenak irakurri du Mikel Antzak espetxetik igorritako gutuna. Reauko espetxeko (Frantzia) zaindaritza zorrotzeko modulutik igorri zuen gutuna apirilaren 17an bertan. Zaindaritza zorrotza aipatzen du egileak. Jean Genet idazlearen lana ekarri dit akordura aipamenak, Mikel Antzak berak aspaldi euskaratu eta Susak argitarat emandakoa.
Zaindaritza zorrotza | Lau orduz Xatilan. Jean Genet. 
2015-04-30, Donostia. Mikel Anza idazlearen “Ametsak ere zain” liburuaren aurkezpena. Eneko Olasagastik Anzak espetxetik bidalitako gutuna irakurri du. Irudian, aurkezpeneko unean, Gorka Arrese, Eneko Olasagasti eta Jon Benito. naiz.eus ez genuen geure buruaz Houdini egin
Jon Benitok liburua irakurri ostean, editoreak eskatuta prestatu zuen aurkezpena. Gogoeta literario interesgarria ekarri zuen. Meta irakurketa bat. Ez ziren laudoriozko hitz hutsak izan. Sakon, arrazoituta, zer pentsatuta ematen duten berbak baizik. Esaldiak. Poema zatiak. Aipamenak. Loturak. Pentsamendua. Jarrera. Aurkezpena bera sarean paratu du Benitok.
Horrela azaldu nuen atzo, zer den niretzat Mikel Antzaren “Ametsak ere zain” poema liburua: http://t.co/5IZnyqAu4L
— Jon Benito Aranberri (@ehunginen) May 1, 2015
Eta bertan batutako kazetariek, idazlek, lagunek… nork bere gogoeta egingo zuen gero, lagunartean, prentsan, irratian edo sarean. Sare sozialetan oihartzuna ukan duen liburua da Mikelena. Eta batean eta bestean esan idatzi edo sujeritutakoak batu ditugu hona.
Espetxearen garraztasunak ere badu maitasunetik @garanet @naiz_info #AMETSAK ERE ZAIN, Mikel Antza pic.twitter.com/QSBlJsngxu
— Susa literatura (@armiarma) May 1, 2015
Mikel Antza: Kartzelan sentitzen den desolazioa azaltzeko trebezia handia behar da http://t.co/PS0f66HrQL @berria #AMETSAK ERE ZAIN
— Susa literatura (@armiarma) May 1, 2015
#albisteak Kalean da Mikel Antzaren azken lana: “Ametsak ere zain” http://t.co/8bsaveeEKQ @armiarma @ehunginen
— Hitzen Uberan (@hitzenuberan) April 30, 2015
El etarra poeta!! Todo sensibilidad… http://t.co/6E5mHeW9HU
— Yolanda MorÃn à¹Ì¯Ìƒà¹ (@yolandamorin) May 1, 2015
Bazkarian ere zain
Liburu aurkezpenen ostean, beti bazkaltzera joan ohi gara. Etxekoak, lagunak, editorea, idazleak… batuz mahaiaren bueltan. Bazkariko argazkiak bere bidea eginen du orain. Agian Pablo Sastre idazleak bisitan kontatuko dio, edo etxekoren batek inprimatu eta gutun batean igorriko, edo paketean sartuko da agian.
Gaur @armiarma familiarekin etxe giroan #mikelantza ren lehen poema liburua #ametsakerezain aurkezten baina bera gabe pic.twitter.com/OoiBUoznlE
— Eneko Olasagasti (@EnekoOlasagasti) April 30, 2015
Sarean hedatuko zuen adiskideren batek, edo mezulariek garraitu… nork daki Intxaurrondoko koartelera ere iritsi den honezkero. -
zelan zaindu maite dugun hau hori hura?
Durangon eman ditut lau egun eta hiru gau. Baina 4+3 ez dira beti zazpi. Ez gurean.
Musika entzun dugu, letrak irakurri, berba asko, irudiak, doinu eta ahotsak, papera eta pankartak….
Besarkadak eta agurrak, keinuak, ferekak… zer ez dagoen Durangon.
Ruper Ordorikaren bertsio ederra egin dute Arrasateko Anger taldekoek, oraindik hobea den Sute perfektua diskoan.
Eta Durango beharbada, hori da izan be: sute perfektu bat. Ez gehiago.
Ez dut kantu hau entzun, beste asko ere ez…. ez daudelako zerrenda ofizialetan, ez daude alternatiboen mainstream-ean ere ez… baina urtez urte, egunero… jendeak jarraitzen du bere letrak idazten, bere ametsak euskarri ezberdinetan marrazten, lantzen, bultzatzen.Angertarrak holangoak dira, militante eta langile porrokatuak. Musikari finak, eta pertsona hobeak.
Anger gaur metafora bat da. Ruper Ordorikaren kantua bezala. Himno apalagoen garaia bizi gura dugunontzat.
Egia esan, batzuen hautua ez da erraza, bestelako mundu batean bizi gura dugulako beharbada….
bitartean, zaindu dezagun hau hori hura! Izan be, hitzek beti garamatzate norbaitengana…
Eguneraketa
Durangoko azoka honetan Kanaldude herri telebistak lan bikaina egin du. Besteak beste bideo hau zabaldu dute sarean, bertan euskal musikariak azokari buruz mintzo dira.
-
Paperezko kontzertuak gozatzen
Maiz joaten naiz Zarauzko Garoa liburudendara. Sarriago joango nintzatekela aitortu dezaket. Liburuak erostera, solasaldietara, bertan dagoen lagun giroan hitz egitera… edo aspaldian antolatzen ari diren emanaldi bereziren batera, aukeran. Paperezko kontzertuak kasu.
Liburu bat aitzaki, hilero emanaldi berezi bat antolatzen ari dira liburudendan bertan, liburu artean, irakurle artean, kultura biziki maite duen jendearen artean.
Audience, edo Anari, edo Bide Ertzean… edo etorriko direnak.
Aitzaki ona da liburu bat horretarako. Kantu ezberdinak, bertsioak, gogoetak. Eta bideoak sortu, eta argazkiak egin, eta harremanak sortu, eta herri bati kultur bizitza eskaini. Balio erantsiak denak. IVAren fakturan ez doazenak, baina bizigarriagoa egiten dutenak gure jarduna.
Zorionak Garoa eta segi beti bezain fin. Benetan be.
Gustatuko zaizu ere
Maiatzaren lehena eta biharamuna
Gora!
No other land | euskarazko azpitituluekin
