gaztelumendi.eus
Agit/Prop 2.0
-
Euskal Herria eta Japoniaren arteko linkak
Link munduan bizi gara. Loturak. Harremanak. Bidaiak. Globala eta lokala uztartzen diren sasoia. Eta horregatik Ekialderen dauden herriek eta gurea bezalako kultura txiki batek harremana izan dezakete.
Gora Japon deitu daiteke hemengo musika talde bat, eta gizon probak egingo dituzte Tokyoko kale batean bitamina iragarki baterako. Alaitz eta Maiderren doinu batek sukaldaritza progama baten sintoniarako balio dezake, eta Gosek Japoneko bideoak aurkezten dizkigu sarean.
Albisteak 2.0 saio berezia egin dugu Japon eta Euskal Herriaren artekoa. Eta ikusirik gurean, zelango zaletasuna dagoen horrelako gaiekiko, bideoa azpititulatzeari ekin diogu, eta ea lortzen dugun japonierazko bertsiora heltzea. Demasa litzateke! Euskara bezalako hizkuntza batek, aukera itzelak ditu sareari esker. Telebista saio ttiki bati, Internetek mila aukera eskaintzen dizkio. Hoiek profitatzen asmatu beharra dago. Eta asmatzea, lagunok… inbentatzea ere badenez, ea aziertaten dugun.
-
bizi gara
Egunotan, santuek eskaintzen diguten asteburua profitatuz nork bere gustuko txokora joko du. Utziko ditugu haziendak, herriak eta lagunak eta joango gara urrutira edo gertura… portura edo bortura.
Egunotan, Aberria ospatuko dugu egun batez, eta besteetan ahaztuko dugu.
Egunotan, atzean utziko dugu dena gero gogotsuago harrapatzeko. Saretik kanpo gaudenean ere, akordatuko gara sareko lagunez eta enparauez….
Egunotan zer egin franko euki ez arren, gogoak ere ez zaizkigu askorik piztuko…pottdata: argazkia aurrekoan larrabetzun egin genuen ibilalditxo batean lagun batek ataratakoa zan.
-
Brian Currin ikusi eta ikasi
Oreretan eskainitako hitzaldia osorik jarri dute sarean. Eta zabaltzea dagokigu guri.
Brian Currin da hitza hartu duena. Donostian izan genuen lehenbizi, Madrilen ere eman du konferentziaren bat, eta oraingoan hitzaldi ireki bat antolatu dute Oreretan – Errenteriako herritar batzuek.Hitzaldi luzea, mamitsua, elkarrizketa batean antolatuak. Hego Afrikatik Euskal Herrira, tartean Irlanda edo Sri lankako gatazketan fazilitadore moduan aritua. Ezagutza handia du gureaz, interesgarriak egiten zaizkigu bere hitzak, bere iritziak. Eta bistan da, ordu asko eman dituela -eta jende askorekin- hemengo gatazkaz berbetan.
Bideo hau zabalduz, ikusiz, arretaz apunteak jasoz… lortuko dugu urratsak ematea norabide txukunean. Ea horrela den.
-
Egunkaria libre! otsailak 20, 7 urte indarrez itxi zigutela
Egunkarialibre.info
Egunkarialibre.info gunetik ekarritako berbak.
2003ko otsailaren 20an itxi zuten Euskaldunon EGUNKARIA.
Dena esan dagoen arren, azken hitza beti besteek dute.
Orain ere, Egunkariaren alde argi eta garbi adierazi garen arren, Madrilen dute ematekoa azken berba.
Egunkaria Libre! ozen eta maiz esan dugun arren… zain gaude.Nik be, argi eta ozen: Egunkaria libre!
-
Bo hizkuntza, euskara, bertsoak eta software librea
Irratia.com ez da filologia
Irratsaio bat egiten dugu astero Jabi Zabala eta biok: irratia.com. Eta 10 urte betetzen ari gara, sarean, lanean.
Euskal kultura digitalaz aritzen gara, gure apalean. Eta zer da ba euskal kultura digitala? Duela hamar bat urte hasi ginen termino horrekin, eta hori izan da gure iparra, hori gure egitekoa. Gure kultura digitalizazioaren alorrean murgiltzea, kultura digitala euskaldunduz, bidenabar. Eta horretan dihardugu oraindik, zalantza berdinekin, gogo itzelarekin, galderak egiten, erantzunak bilatzen. Google bilatzaileak ez digu erantzuna eman, baina software librea baliatuta igual garatuko dugu zeozer, kode irekian edo…Hizkuntzak, kultura, teknologia, musika, albisteak, irratiak…. ditugu hizpide eta euskaraz ari gara, baina gurea ez da filologia, eta hala izaten jarraitu nahi dugu. Konturatzen gara, aspaldion eztabaida filologiko gehiegi dabilela euskal blogosferan, zelako zalaparta eta kalapitak sortzen diren hizkuntzaren inguruan, formaren inguruan batipat… fondoaz ez dugulako duda asko egiten. Eta horrek are gehiago kezkatu beharko gintuzke. Sarritan, hala ere kezka filologikoa da nagusi hala ere…
Eta bitartean Bo hizkuntza desagertu da munduan, eta guk Ruper Ordorikaren kantuak entzuten ditugu irratitik. Eta gogoeta munduaz, globalizazioaz, progresoaz, gureaz…. pentsatu lokalki, eragin globalki esan eta play tekla zapaltzen du Ibon gure disko jartzaileak. Eta sareko berri eman, software librearen azken bilkurari buruzko elkarrizketa edota albiste teknologiko oso bat osatzen dugu, apurka apurka.
Horrelako saioa izan da aste honetakoa, Bilbo Hiria irratian egiten dugun 169. saio hau. Fosdem-en hasi, Flandriako hiriburu Bruselan burutu den software libre garatzaileen bilkuraren karietara, Bertso egunetik pasa, eta Bo hizkuntzaren gainean filosofatzen amaitu dugu. Eta gure kezka tekno/etniko/identitarioak nabarmendu ditugu podcast batean. Eta musika, rockanrolla batez ere entzun dugu, hitzekin uztartuta…. euskara eta Bo, irratia.com saio gogoangarri batean. Euskara eta biok, irratia eta gu. Podcasting-a eta zu.
irratia.com 169. saioa: [audio:http://bilbohiria.com/docs/podcast/irratiacom/irratiacom100208.mp3]
Gustatuko zaizu ere
Gure esku dago Larrabetzun be
2019ko hauteskunde zikloaren ostean
Liburuaren eguna
-
grebaorokorra.info larriki saritua
ARGIA saria eman diote maiatzaren 21eko grebaorokorra.info ekimenari.
Biba zuek! pikete informatiboa egin zenuten guztiok.
gaztelumendi.org blog honetan grebaorokorra etiketarekin, m21eko grebari eta grebaorokorra.info proiektuari eskainitako albiste eta iritziak.
-
[kafe hutsa] sorkuntza kolektiboa
LetrARTean ekimenean proiektu ezberdinak aurkeztu genituen, jendaurrean. Eta jendeak bere izena eta kontaktua -zer egiteko gogoa duen gehitzearekin batera- eman eta idatzi zituen. Hainbat ekimen interesgarri ezagutu genituen, eta jende gehiagoren artean, hauetako bakoitza burutzeko bidean jarri ginen.
[kafe hutsa] proiektuaren nondik norakoak azaldu nituen orduan, ahoz. Eta apurka apurka garatzen joango ginela adostu genuen zelanbait. Eta jende dexente agertu zen auzolanerako prest. Eta proiektua zertan bilaka zitekeen, hainbat buelta eman dizkiogu geroztik. Hemen proposamena, guztion artean osatu eta gauzatu ahal izateko.
![[kafe hutsa] sorkuntza kolektiboa](http://irudiak.argazkiak.org/ccaf5b9f3014c020312b28359840f502_m.jpg)
sorkuntza kolektiboa- Kafe hutsa sorkuntza kolektiboa izango da. Guztion artean sortutako lan librea. Parte hartzea oinarri duen sorkuntza prozesua. Pentsatu, asmatu, sortu, ekoiztu, gauzatu, aurkeztu, zabaldu eta eragin. Erantzuna jaso eta kritikatu. Berriro sorkuntzan murgiltzeko.
- Ikusentzunezkoak eta arlo multimedia landuko du. Kultura digitalaren baitan, artea, sorkuntza, musika, irudia…. uztartuko ditu.
- Elkarrizketa izango du etiketa nagusia. Hitza, berbak, komunikazioa, elkarrizketa…Â tag bezala. Ez bakarrak ordea.
- Librea izango da. Copyleft. Gure helburua ez da komertziala izango, eta gure sorkuntza guztia sarean eta kalean banatuko dugu, ahalik eta leku gehienetara, jende gehienarengana heltzeko helburuagaz.
- Euskaraz sortuko dugu. Eta gure sorkuntza beste hizkuntza batzuetara itzuli, azpititulatu eta marraztuko dugu.
- Parte hartzea bultzatuz. Auzolanean lan eginez. Kode eta jarrera irekian, aportazioan oinarrituta. Modu horizontalean, jerarkia barik.
[kafe hutsa] lehen proiektua: laburmetraia
Eta lanean hasteko, hilabete batean ikusentzunezko laburmetraia sortzea da lehen erronka. Internetera zuzendutako lana. Euskarazko laburmetraia partehartzaile eta librea. Guztion artean pentsatu, idatzi, grabatu, errealizatu, zuzendu, editatu, gorde, aldatu eta aurkeztutakoa.
Gaurdanik, lantaldea osatu eta lanean hasteko. Posta zerrenda, wiki, bloga, eposta bidezko harremana, bazkari, kontzertu osteko garagardo… guztiak balio digu, gure sormena martxan jarri, medioak aurkitu eta lanean hasteko. Erronka botata dago. Otsailaren 26rako lana bukatzea da erronka, eta bide batez sarean euskaldunok daukagun lehiaketa interesgarri honetarako martxan jarri. Adibidez.
Kanalak baditugu, materiala eta ideiak ere bai. Lantaldea osatu, eta lanean, auzolanean jarriko gara. Gura duzuenean.
-
to shoot an Elephant
Gaur mundu osoan To shoot an Elephant
[Irakurri To Shoot an Elephant filmari buruzko ARGIAko erreportajea]
-
Biba zuek! zuzeu.com proiektuan idazten
Biba zuek!
Argazkiak.org | biba zuek! © cc-by-sa: zuzeu.com
Interneten, kalean, herrian, hemendik eta handik ikusi eta ezagututakoen gainean aupamenak egiteko txokoa.
Biba zuek! zuzeu.com proiektuan idatziko ditudan lerroak izango dira.
Biba zuek! ekimen xumea baino ez da izango, aipamen hutsa. Eta gauza askori bisualizazioa eskaintzeko saiakera. Jendeari erakustea beste errealitate hori be. Idatziz ikusteko. -
Gaztetxetik bertso saioa zuzenean Internet bidez
Urtero gabonetan bertso saioa egiten da gure herrian, Andoni Egañak txapela irabazi zuen urtetik. Orduan Anoetako belodromoan aritutakoak egon ziren gure herriko frontoian. Hurrengo urtean ere bertso saioa egin genuen berriz ere, eta hotz ikaragarria egiten zuen 1995eko abenduaren 25ean.
Handik aurrera gaztetxean egiten hasi ginen, Xabier Amurizak halan proposatu eta aholkatuta. Xabier Amuriza, Andoni Egaña eta Jon Sarasua izan ziren besteak beste… eta urtero bertso saioa. Eta 2009an gaude jadanik.
Aurten be, laukote galanta dator. Maialen Lujanbio, Miren Amuriza, Unai Iturriaga eta Igor Elortza.
Argazkiak.org | bertso saioa Internetetik © cc-by-sa: gaztelumendi.orgSaioa sarean eskainiko dugu, gaztetxea txiki geratzen dela aprobetxatuta. Herriko taberna batek telebistatik eskainiko du guk Internetetik emango duguna, eta munduko edozein txokotatik, Larrabetzuko edozein etxetik jarraitu ahal izango da bertso saioa zuzenean arrastiko 7etatik aurrera.
Dagoeneko Hori Bai gaztetxeko telebista badabil.
Watch gaztetxetik zuzenean from horibai larrabetzu.org
