-
#grebaorokorra egun honek zer pentsatua eman dit
Hiruzpalau ideia, azkar botata:
- Euskal Herrian neolibelarismoaren kontra, masa kritiko izugarria da. Antolatua zein antolatu barik.
- 15 hilabetetan hiru greba egin ditugu Hego Euskal Herrian, burruka luze bat Ipar Euskal Herrian
- Sarea, tresna izugarria bilakatu da, horrelako mugimendu soziopolitikoetarako
- Belaunaldi berrienek kontzientzia hartzeko modu berriak asmatu behar dira.
- Elkartasuna eta baloreak, gehiago landu behar ditugu. Gerra ideologikoa martxan!
Zorionak Greba Orokorra bultzatu, lagundu, landu, borrokatu duten guztiei.
Zoriontzekoa sarean #grebaorokorra bultzatu, landu, zabaldu, azaldu, hedatu eta erabili duten guztiei. -
html 5 zer den, irratiek erakutsiko digute
Gutxitan idazten du Hey_nekenek, baina egiten duenean, aportazio itzela daukan seinale.
Programatzailea da, hacker etikaduna, Mundurat zerbitzariaren sortzailea, eta sarean aspaldiko laguna.
Post oso interesgarria egin du, irratigintzan, Interneten eta holakoetan gabiltzanontzat.
Baina teoriatik pratikarako jauzia da oraindik interesgarriagoa.
html 5 badator, badago… estandarrak, etiketak, eta gaua interesgarri asko entzun ditugu horren inguruan.Software librearen ingurutik, Internet irekiaren alde jo izan da beti. Internet irekiak bataila ederreak ditu aurrean, eta openweb terminoa usu erabiliko dugu ziurrenik.
Argazkiak.org | irratigintza euskalduna © cc-by-sa: gaztelumendiKoska eta Arraio irratien eredua
Webgunedun irratiak dira hasiera hasieratik, Arraio gainera lehenengo Internet bidez entzuten zen, eta gero hasi zen FM antena batetik emititzen. Koska, Uribe Kostatik, Bizkaia erdian entzuten den irrati txukun bat da.
FMan ari dira biak. Eta Internet bidez, oso txukun entzun daitezke orain.
Klik bakarrean, ez da behar ez plugin, ez gaitarik. Ez da behar musika entzuteko programa berezirik. Ez da egin behar klik hemen, eta klik hor… ez…
Klik eta entzun.Hori html 5 ei da.
<head> <title>Koska Irratia online!</title> </head> <body> <audio src='http://www.koskairratia.com:9001/koska.ogg' type='audio/ogg; codecs='vorbis' preload='none' autobuffer='none' controls> Ez baduzu audio erreproduktorea ikusten <a href="javascript:window.close();if (window.opener && !window.opener.closed) {window.opener.location='http://www.koskairratia.com/?page_id=2007'; } void(0);" >hona</a> jo </audio> </body> </html>
Hori da atzean dagoena, ez besterik. Klik egin eta entzun.
Laister Irrati komunitarioen foroa burutuko da gure artean, eta horrelako gauzak ere agian jorratuko dira.
Euskal hedabide alternatiboen eremuan, ari gara zerbaitetan. Auzolan, tresna libreak eta komunikazioa uztartzen, behinik behin.
<audio> etiketa aski da, gure nabigatzaileak entzuten jartzeko. Estandarrak betetzen dituena, blog hau hobeto ikusteko baliatzen duzun hori… eta ez explorer nazkagarri hori. Beste guztiak bai, edozein, Chrome, Firefox… edozein.
zorionak guztioi, eta aurrera bolie!
-
Zutabe puntu kom
Aldaketa garaiak bizi dituzte hedabideek. Azkarrago batzuk, mantsoago besteek. Handiek zein txikiek. Lokalek, zein globalek.
Ikusentzunezkoek eta paper hutsezkoek. Guztiek.
Internet egoera berri honen paradigma da, baina baita irtenbidea ere. Interneten ondo moldatzea, klabea izango da paper, irrati, aldizkari, telebista eta gainontzekoentzat.
Eta Goiena ur hoietan, ondo xamar dabilen hedabidea da. Papera, sarea, ikusentzunezkoak uztartzen dituen proiektu komunikatiboa da. Ondo asko, nire ustez. Eta aspaldian gainera.Goiena aitzindari
Euskarazko hedabide lokaletan, aitzindariak izan dira beti Arrasate eta inguruan. Horrela jarraitzen dute. Eta gustua ematen du jarraitzeak. Saretik zein paperetik egiten dut nik. Telebista ikusteko parada handirik ez dut.Duela gutxi, lantzean behin telebistarako iritzi tarte batzuk partekatzea eskatu zidaten. Gustura hasiko nintzela esan niez. Enaiz sekula zutabelaria izan, baina zutabeen antza hartzen diet nik gtalk bidez grabatutako saio labur hauei.
Horregatik, neuk egiten ditudanei zutabe puntu kom deitzen diet. Zutabe multimedia batzuk direlako. Irudiak agertzen dira, eta grabazio bat. Audioa ez da beste mundukoa… baina agian hori du erakargarriena, modu xumean eginda dagoela, truko askorik gabe. Eta gaur egun, hiper mega hedabideen garaian, gertukoak duen xarma. -
I support basque peace process, and you?
The aim of this website is to provide a reliable insight on the opinion and initiatives developed by Abertzale Left in order to overcome the ongoing political conflict. We will also pay special attention to different international initiatives promoted in relation to the peace process.
The International Community has an important role to play on the resolution of the Basque Conflict and Abertzale Left understands that it must establish direct sources for them to understand where Abertzale Left stands.
The meaning of Abertzale is strongly associated with a particular understanding of Basque nationalism as a progressive and internationalist movement involving a wide range of organisations such as political parties, unions, cultural organisations, and significant parts of the women, environment and internationalist movements who believe in the liberation of Basque Country. As republicanism has a special understanding in Irish context, abertzale could not be translated as mere nationalism without understanding this progressive role.
Abertzale Left advocates for an independent and socialist Basque Country. But our priority is to establish a democratic scenario where all political projects can be implemented accordingly to the will of the people. To reach such scenario we believe that the conflict has to be solved through democratic and peaceful means, on a multi party based dialogue, negotiation and agreement process ruled by the Mitchell principles.
-
gora ETA
ETA erakundeak sueten iraunkor, orokor eta egiaztagarriaren berri eman dio Euskal Herriari zein nazioarteko komunitateari.
Euskal Herrian egindako lanak, emaitzak ikusteko dauzkan arren, aspaldiko bideen urrats bat gehiago da hau. Beste bat. Helburua bera. Euskal Herriaren askatasuna.
-
zelan jan…
Autogestioa ez da soilik gaztetxeen lema bat. Ez horixe.
Autogestioa, autokudeaketa, ekonomikoki antolatzeko modua ere izan daiteke. Eta bada.
Herrian, esperientzia aparta ari gara bizitzen, Eskolako jantokiaren kudeaketarekin. Herriko dendetan (harategia, okindegia, denda, arraindegia…), herriko ekoizleekin (arraultzak, baserriko produktuak…)
Gurasoek kudeatutako jantokia eta sukaldea daukagu. Eusko Jaurlaritzako Hezkuntza sailak -EAko Tontxu Campos sailburu zela- sukaldariaren soldata, langileen kostoa eta subentzioak ukatu zizkigun, gure erabakian mantentzearren. Eta horretan dihardugu.
Gurasoek bilera luze eta interesgarriak izan genituen orduan. Gatazkan sartu ginen, zer eta Jaurlaritzarekin. Hasieran eskola gehiago ere baginen, baina presioa itzela izan zen… Larrabetzun halan da be, aurrera jarraitu genuen. Jarraitzen dugu.
Gaur da eguna, ekonomikoki bideragarria egiteaz gain -eta ez da gutxi- osasun arlotik, kalitate aldetik pozik baino pozago gaudela.
Eguneroko jatekoak, guraso elkarteko batzorde batek erabakitzen ditu. Horretarako, aholkulari talde bat ere badago. Eguneroko erosketak ere guraso elkarteak bideratzen ditu.
Horrez gain, sukaldeko eta jantokiko langile guztiak, Guraso elkarteak kontratatzen ditu. Herriko ekonomia, zeozelan suspertu eta abian jarriz.
Jakiekiko sentsibilitatea asko igotzen ari da gurean, baserriarekiko begirunea, produktu fresko eta kalitatearekiko arreta, nekazaritza ekologikoaren inguruko kezka, soloen etorkizuna, baserriaren geroa… hizpide ditugu ohiko elkarrizketa eta berbaldietan.
Bizkaiko EHNEk argitaratzen duen Baserri bizia aldizkarian, bi elkarrizketa mamitsu argitaratu dira, Julen Guraso elkarteko partaidearekin bat, eta Aitor sukaldariarekin bestea. Biak be, esanguratsuak. Jan kontuekin jolastu ezin daitekela eta, gauza harrigarriak kontatzen dituzte biek.16. orrialdetik 19. ra agertzen dira bi elkarrizketok.
Informazio gehiago: www.larrabetzukoeskola.orgBaserri bizia aldizkaria osorik
-
Asmo berri(tu)ak sarean
Soziologia digitala aldarrikatzen
Urteak joan, urteak etorri, ari gara sare bat osatzen.
Edukiak, informazioa, denborapasa, bideoak, irakurgaiak… denetarik daukagu, baita euskaraz ere.
Baina soziologia digitalaren aroan ere murgildu beharko gara.
Zuzeun marka berriak dituzte helburu. Azken urteko datuak jarri dituzte agerian, lehenago ere datuak elkarren aurrean erakusten aritu ginen. Baina afera edo kontua ez da zeinek gehiago, zeinek handiago. Ondo sartzea, ondo sortzea baizik. Eta ondo ari al gara?
- zenbat da asko, euskaraz? Galderari erantzunak ematen hasi beharko genukela iruditzen zait. Mahainguruan, barcamp batean, blogetan eztabaidatuta, edo blogak eta zerbezak uztartuz. Baina emaitzak aztertzen hasi beharko genuke, gure emaitzak prozesatu. Bada garaia, intuizio hutsetik haratago jotzeko. Heldutasunera heltzen ari da euskarazko blogosfera bezala, euskarazko sarea bera ere.
- zenbat gara? Euskaldunak Interneten. Eustaten datuak baino ez ditugu, lantzean behin, Euskal Erdian (EAErkidegoan) egiten dituztenak. Baina euskararen sareak, zazpi euskal herriak gainditu ditzake gainera. Euskara dagoen lekuan dagoelako euskarazko sarea ere. Soziologia apur bat behar dugu, estadistika. Soziolingustika aplikatua, sareari aplikatua, hain zuzen be.
- Soziologia digitalerako
abiapuntuak sarean
Horregatik, soziologia eta sarea uztartuko dituzten adituak behar ditugu. Gure datuak interpretatuko dituzte soziologoak, ikerlariak, entusiastak. Merkatu legeetan ez dugu euskara sartu eta lehiatzerik izango, publizatate euskarria ere ez gara izango agian… baina komeni zaigu euskaldunoi zenbat garen, zelan ari garen, zer interesatzen zaigun, eta zertan ari garen jakitea.
Beraz, euskaldun batzuk batu, mahaiaren bueltan ahal bada, hitz egin, garagardoak hartu… eta hurrengo pausuak zehazten hasi gaitezke. Urte hasierako proposamen edo erronka bezala.
Gustatuko zaizu ere
Maiatzaren lehena eta biharamuna
hipoKrisiaz
TxG euskal garagardoaz PREST! aldizkarian
- albisteak 2.0, gaztelumendi.eus, hurrengo geltokia, ikusi eta ikasi, software librea, su-etena | ceasefire | tregua, teknologia berriak
zelan urtea badoan
Milurtekoa izan zen, hamarkada, eta hau ere badoa.
10 urte 2000an, XXI. mendeon… eta hau ere badoa.
2011 dator, bihar, edo etzi. Eta urtea badoa, negua joaten den bezala. Egunak datozenlez.
Ez gara zaharragoak, bizkorragoak, jakintsuagoak… atzokoak gara, bihar. Ere.
Tokatzen da esatea, gogoratzea, oroitzea, agurtzea, eta ondo ondo geratzea.
Urteak askorako eman du, beste buelta bat eman du gure mundu arrano honek. Eta buruari ere buelta asko eman dizkiogu, ideia txoro asko izan ditugu buruan, eta batzuk gauzatzeko aukera suertatu zaigu. Eta ez da gutxi. Pentsatzen jarrita, asko, askotxo… larregi inoiz ez. Baina badoa, eta oroimenean geratzen dira. Egunerokotasunean.
Azkar, urteko hiruzpalau flash.
euskalherrian.info proiektuan murgildu gara aurten. Zer ari da gertatzen Euskal Herrian? galdera horrek, badu erantzuna sarean. Bizkor ari da hedatzen. Proiektu berriak, irekiak, partehartzaileak ari dira sortzen. Eta batzutan, harritu ere egiten gara, abiadurarekin. Indarrarekin. Kemenarekin. Ausardiarekin. Irudimenarekin. Eta egia esan, Euskal Herrian gauza asko ari da gertatzen. ZoriONez. Eta ari gara kontatzen. Eta zabaltzen. Libre, partehartzaile, zabal, ireki, euskaldun. Hori da nahi duguna, horrela nahi dugu, horrela kontatzen dugu. komunikazioa, Informazioa, Teknologia (sarea + euskal herria)albisteak 2.0 webtv libre eta euskalduna sortu gura genuen, eta ikasten ari gara, sortzen. Astero. Eta asteko berri ematen dugu albistegi teknologiko bitxi batean. Bi lagun, lantalde itzela, medio onak, giro aproposa eta gogoa batipat. Eta urtean egindakoa biltzen hasi, eta ematen du zeozer aurreratu dugula. Balio izan duela. Merezi duela saiatzeak, aurrera egiteak, ikasteak, egunean jartzeak… baina batez ere ahalegintzeak.
#albisteak2010
Teknologia berriak hizpide hartzen ditugu, tresna moduan erabiltzen ditugu, komunikazio kanal dira. Internet, irratigintza, mezu libreak uztartzeko parada ematen digute. Berdin Info7 irratian, Hala Bedin edo beste nonbaiten. Zebrabidean geldi geratu barik, oinez ibiltzen gara, Bilbon bide gorritik baina isilik inoiz ez.
ekultura.net Euskal kulturgintza hizpide izan ohi dugu, eta berba egiteko jakin egin behar da. Kulturgintzan euskaldunzaharra naizen arren, alfabetatzeko beharra ikusi nuen. Eta horretarako eskolara jo behar. Hartu ninduten. Eta gustura ari naiz, eguaztenero Eskoriatzan, HUHEZIko EKT ikastaroan. Nire koadernoa da ekultura.net eta nire lanaren ardatza izan nahi du. Euskal kultura digitalaz mintzatu nahi dut, eta formazio fasean nago. Apunteak hartzen. Baina izango duzue lanaren berri, ikerketaren emaitza, ikasitakoaren ondorioak. Sintesi bat. www.ekultura.net
Sabin Intxaurraga ere joan da, Lete bezala, Bidador bezala, gertukoak bezala, urrunagokoak bezala… eta Sabinen egoeraren berri izan nuenetik, bueltaka ibili zait ideia bera. Zenbat lan isil egin duen, ikusi gura lukeena besteok ikusi dezagun. Bizi dezagun. Lagun nuen Sabin, bertsoa hizpide. Eta batez be, zaletasunak batzen gintuen. Herria, kultura, hizkuntza. Eta batez be, plazan batzen ginen. Plazak batzen gintuen. Txapelketa, saioa, antzokia… azkenekoz irailaren 11an izan nintzen beragaz, eta oroitzapen horregaz geratuko naz, duintasunaren irudia. Zor diogu, ikusi behar dugun hau. Beste guztia historia izango da.
Independentistak sarea, abian den prozesu politikoa, egoera, aldaketa, urratsak… bada zerbait, eta pozik nago horrekin ere. Eta urte hau, garrantzitsua izan da bide horretan. Altsasu, Brusela, Gernika…. toki izenak, mapa bat osatzeko. Mapa horrek, Euskal Herria du helburu. Ni neu, herrigintzan ari naiz. Pozik. Baina nazio mailako edo nazioarteko ekimenetan parte hartzeko sarea badut, eta sareak ematen digu aukerarik.. ekimenak zabaldu, ireki eta antolatzeko. Horra hor nire eskuhartzea. independentistak.net
Argazkiak.org | Independentzia lip dub koloretsua © cc-by-sa: gaztelumendi -
Herriko eskola eta Hori Bai auzolanean
herrigintza oinez ikasten da
Herri giroaz berba asko egiten da. Giroa eta herrigintza zerutik eroriko balira lez. Giroa sortu egin behar da, saiatu, baldintzak bilatu, eragin, proposatu, egin, lagundu.
Gurean aspaldion, giro itzela dabil. Ekimen ugari eta ezberdinak ari dira sortzen, eta sarritan ekimenok alboko indarrak ere baliatzen dituzte, aurrera egiteko.
Herri bizia da gurea, bizirik egoteko arnasa ondo hartu behar da, ez da geldirik egon behar, eta lozorroan geratzeak be, ez dakar bizitasunik. Bizitza gimnasia ere bada, herrigintzan ari garela, eta aspalditxo honetan oso adibide onak eta joriak ditugu.
Asteburukoa izan da horretarako aproposa.
Ikusi dugu zelan herri baten, gurea bezalako herri txiki baten, belaunaldi ezberdinen arteko lana, auzolana posible den. Eskolako ikasle eta gurasoak, gaztetxeko kideak, belaunaldi ezberdinetakoak auzolanean. Zer eta herria ezagutzen, basoan kantari Olentzeroren bila, auzoz auzo berbetan edo Hori Bai gaztetxean Olentzeroren kartelak margotzen.
Larrabetzuko eskola eta Hori Bai. Eredugarri.
Baina auzolanaren logika horretan, herrian badaude adibide gehiago be, eskola eta herriaren arteko harremanaren eredu.- Eskolako jantokia eta Gurpide elkartea be batera ari dira baserriko produktuak bultzatu eta kalitateko menuak prestatzen.
- Literatura Eskola eta guraso elkarteak, Literaturia egunetarako Literaturiatxue prestatzen dute elkarrekin, eta bi urtetan oso emaitza politak eman ditu.
- Txorierriko AEK (txepetxa euskaltegia) eta gurasoak be, egin beharrekoak eta bi ari dira egiten, guraso guztiak euskalduntzeko lanean.
- Kukubiltxo antzerki taldeagaz, hartuemona dago, eta antzerki tailerra martxan jarri da ikasturte honetan, eta astelehenero, bi talde Josu Kamara lagun eta maisu dutela ari dira antzerkigintzan murgiltzen, lau bost sei urteko neska mutikoak denak, bihar etziko antzerkizale edo antzerkilariak izan daitezkenak.
- Bertso eskola eta ikasleen arteko harremana be, aspaldikoa 20 urte baino gehiagokoa jadanik, eta gaur egun Etxahun Lekue aritzen da eskolan, bertsolaritza eta ahozkotasuna lantzen. Duela 20 urte, ni neu Etxahun eta beste ume batzuekin aritu nintzen bezala.
-
Arnaldo Otegi aske. 8719600510 free!
Ederra Bad Sound System eta Fermin Muguruzak osatu duten kantua, reggae basea, hizkuntza ezberdinak, mezu bakarra. Bi bide…. zein da aterabidea?
Arnaldo Otegiren alde, gero eta ozenago entzuten den eskaera. Euskal Herriaren aldeko eskaera azken baten.
Youtubeko orrialdean, one week ago… esaten du, eta aste bakarrean ia 15.000 ikustaldi izan ditu kantu bideo honek.
Presoen aldeko doinuan ari gara aspaldi honetan, gero eta ozenago, gero eta argiago, gero eta ulergarriago… aske!
Free Mandela free! entzuten dut kantu honetan. Mundu guztiko Mandela guztiak askatzea duelako helburu dinamika honek. Free Otegi free! eta preso politiko guztiak etxean ikusi gura ditugulako.…bitartean, Arnaldo Otegik berak, gutunez erantzun die Logroñoko espetxera joandako herritar, lagun eta solidario guztiei. Biba zuek! batekin bukatu du eskutitza elgoibartar preso politikoak. Biba zuek! Arnaldo eta preso guzti guztiak. Maite zaituztegu!
