-
Astelehena irakurri eta musika entzuten…
Etxeko lanak egin, prentsa irakurri, musika entzun, sare sozialei begiratua eman… eta pentsamendutan joan zait eguna.
Astelehen buruzuri baterako, enuen beste ardurarik gura. Astea mantso, lasaiago, emankorragoa izango delakoan… aurreko egunetako erritmo, ardura, kezka eta antolaketa zeregin guztiak gaindituta.
Goizean, hau eta beste irakurtzen ari nintzela… duela 15 urteko kontuak, duela aste batzuetakoak, oraingoak…. gauza asko etorri zaizkit gogora.bxt iriart gogoan
Aurreko astean Bixente Iriart (bxt) izan nuen hizpide Sagarra jo! dokumentaleko kideekin (Iban eta Nico), eta jakin nuen The Sparteens taldeko Marieder Iriart haren arreba zela… eta asko poztu nintzen, hain lagun ona egin nuen musikari desagertuaren pistaren atzetik jarraitzeko, eta 2000. urtean egindako elkarlanak ere pasatzeko moduan izango naizelako.
Gaur Communication dub kantua berriro entzuteko parada izan dut:
Elkarrizketa btx iriart musikariari irratia.com atarian.
bxt> itzul:
[audio:http://www.irratia.com/zaharra/mp3ak/itzul1_128bit.mp3]
Marieder bera eta Kamila Zubeldiak Saioa bikote artistikoa daukate, eta aurrekoan Bilbon grabatutako kantu bat dagoeneko sarean daukate. Willis Drummond taldearen Usain epela kantuaren bertsioa duzue honakoa.
Itoiz eta Split 77
Sarean ibilita, bisita egin diot Badok.info atari eraberrituari, eta nabigazioetan Split 77 taldearen doinuetan murgildu naiz.
Atsegin dut, eta asko Itoiz taldearen bertsio elektronikoago hau. Eta hari horretatik jarraitu nezake musika entzuten, elektronikoa, gurea, hangoa…. mundu osokoa.Eta pantaila aurrean, mezu hau iritsi zait Eguzki Bideoak eta Makusi.tv ekimeneko eskutik:
#gustokobideoak Bihur dezagun #AHT BideBerde http://t.co/GuTukDvbRg @MugituMugimendu @eguzkibideoak @Ekinklik @argia @iPtx @infokontuz
— Makusi TV (@makusiTV) June 16, 2014
(ideia hori aspaldi samar ari naiz lagunartean zabaltzen gainera, AHT hori ez dela inoiz trenarentzat egingo, eta bide berde edo via verde txukun bat osatu dezakegula, antza denez ideia asko ari da hedatzen… eta pozten naiz)
Jarraitu dezaket musika entzuten, nahasten, idazten, ikusten, pentsatzen…. baina bazkaltzeko ordua iritsi da. On egin.Podcast: Play in new window | Download
-
Erabakia
Etxean txikienek argi esan digute: #gureEskudago Beraiek erabakiko dutela badakite. pic.twitter.com/pQHNHDIBkk
— gaztelumendi ||*|| (@iPtx) June 10, 2014
#100km Sakanan
Jende zoriontsua herri libre batean! -
Maiatzaren lehena eta biharamuna
atzo maiatzaren lehena.
gaur zubia batzuentzat, lan eguna besteentzat, eta lanik gabeko eguna gehiegirentzat.
Eta agian, gogoeta eguna ere bai.
Atzoko manifestazio, adierazpen, oihu, pankarta, pegatina eta aldarri guztiak gogoan izanda ere, gaur, bihar, etzi.. etorkizunaz aritu beharra dago, ekin, jarraitu, landu eta ahal dela hoberako eraldatu.Nik bizpahiru gogoeta eta proposamen.
- Gazte kezka. Etorkizuna ez dago bermatuta. Larriagotzen ari da. Oraindik oso mugimendu gutxi dago gai honen inguruan, eta piztea kostatuko da. Kontzientzia badago. Datuak eta informazioa zabaltzen ari da. Belaunaldi berriak konturatzen hasi diren arren, gizarte osoaren ardura ere bada egoera aldatu eta etorkizuna bermatzea.
- Lan baldintzen txarragotzea. Bizi baldintza duinetan aritzea gero eta zailagoa da. Murrizketak, finantziazioa, egoera ekonomiko globala, multinazional handi eta enpresari askoren jarrera, zailtasun ekonomikoak, norabide eza, elkartasun ekonomikoaren ahultzea… egoerak aldaketa eskatzen du
- Burujabetza lantzen hasi eta hortik abiatuz: elkartasuna landu, ekonomia sozial eta alternatiboa jorratu, konponbiderako aukera bezala. Esparru sozioekonomikoak duen garrantziaz jabetu, etorkizuneko Euskal Herriarentzako bezala, gutako bakoitzaren etorkizunerako: familian, lagunartean, belaunaldiz belaunaldi, herrigintzan
maiatzaren lehena iruditan: naiz.infogabixola gose greban
Maiatzaren lehenarekin, euskal garraiolari bat, jose mari lejardi gabixola gose greban jarri da hemendik gertu, Zamudion. Garraiolarien duintasuna, bizi baldintzak, aldarrikapen ugari. Gabixola oso ezaguna da kultur munduan, herri kirolen inguruan, euskaltzale eta borrokalaria, sutsua, indartsua eta pertsona oso ona eta solidarioa.
Urrats ausarta eman du, ez da erreza, eta gogorra apustua. Ondoan egon, hitz egin, lagundu eta mezua zabaltzea da berarekin bat egiteko modurik eraginkorrena. Horretan saiatuko gara.
gabixola.info garraiolari bat gose greban
informazio gehiago: gabixola.info
Gustatuko zaizu ere
Larrabetzu euskal herria
Hunkituta 47ak -azkenean bai- Herrian
2017ko irailak 11 17:14
-
barkatu, ama
Gaur hasi gara sarean zabaltzen gure ekimen ttiki eta hauskorra: barkatu, ama
musikazaleak batu, berba egin eta kezkak konpartitzeko (g)unea…..Hitzaldiak, kontzertuak, dokumentalak…. antolatu eta gozatzeko proposamen xume xumea.
Gaztetxeetan eztabaidak bultzatzeko ekimentxoa.
Belaunaldi ezberdinak antzeko doinuekin dantzan jartzeko asmoa.Aurkezpena apirilaren 11an, barikuz Larrabetzuko Hori Bai gaztetxean.
- Hitzaldi musikatua lehenengo. Andoni Tolosa Morau
- Kontzertua ostean: Xabier Montoia, Belarminak
1997an, aurreko mendean, Soraluzen Morau eta lagunak batu ziren kontzertu berezi berezi batean. Bertsolariak, poetak, musikari lagunak… gazteago ikusiko dituzue ordu erdiko bideo honetan. Ikustekoa gero!
Xabier Montoia ere aspalditxoan ari da musika eszenan… zeresan asko dauka gure musikaren inguruan, eta guk kantuan entzungo dugu bariku honetan, trio formatuan, eta oso talde bereziarekin: Ibon RG (pianoan eta kitarran lagun) eta txeloarekin Luis Fernandez (Joseba Tapiagaz gaztetxean aurreko baten ikusi genuena)
-
euskal eskola publikoaren alde
Aurten, ekainaren 1ean ospatuko dugu Euskal eskola publikoaren aldeko jaia, Balmasedan.
nola ulertu eskola
gure herritik harago?
Eskola gure herriari
lotuta baldin badagoEta milaka izango gara, herriz herri, autobusez eta garraio publikoa baliatuz Balmasedara hurbilduko garenak. Milaka dira, Euskal Herri osoan, herriz herri, auzoz auzo… hezkuntza publikoa jasotzen duten neska eta mutikoak. Helburu ditugulako, euskarazko hezkuntza eta publikotasuna, baloreak eta elkarlana.
Aurten baina, Bizkaiko ikastolek txarto eta berandu, Ibilaldia egun berean egitea erabaki dute, aurretik prestatuta zeukaten egunean Europa mailako hauteskundeak izango direlako. Ez dute egun bat aurreratu eta zapatuz egin, ez dute beste egun bat hautatu… ez, eskola publikoaren jaiaren egunean berean egingo dute, ospatuko dute jaia.
Azalpenik? urri eta eskasak. Balorazioa: nork berea. Niri lotsagarria iruditzen zait, eta elkarrekin mokoka ibiltzeko garaiak ez direnez… ba are eta larriagoa.
Ziur naiz, asko izango garela, inoiz baino gehiago Balmasedara joateko hautua egingo dugunak. Baina izango da bat baino gehiago dudan egongo dena, nora eta zelan joan….eta zergaitik.eskola publikoaren alde, egunero
Larrabetzutik adibidez, inoizko ahaleginik handiena egingo dugu eskola publikoaren jaira joateko, autobusak antolatuz, kartelak jarriaz, kanpaina eginez… aktiboa. Herriko eskolan 220 ume baino gehiago ari dira ikasten, Derioko ikastetxera DBH egitera doaz beste mordo bat… eta hezkuntza publikoaren alde, eta LOMCEren kontra ari gara gogotsu aspaldi honetan.
Begirune osorarekin elkartasuna, herrigintza, ingurugiroa, hizkuntza eta beste gauza askoren aldeko hezkuntza lantzen ari gara, eraikitzen… gurean ere. Eta eskola publikoaren alde jarraituko dugu lanean, egunero… hezkuntza komunitate osoak: hezitzaileak, langileak, gurasoak, ikasleak….Aurten SIROKA taldeak egin duen kantu eder hau lau haizetara hedatzen ari da, zorionez. Guk geuk ere horretan dihardugu.
-
Uritarra futbol taldea herrigintzan
euskaraz eta koloretan aluzinatzen
2013 / 2014 denboraldiko kromo albuma atara barri du Uritarra futbol taldeak gurean. Herriko neska mutiko, gaztetxo eta futbolari nagusien talde guztiak… ehunetik gora jokalari kromoetan. Euskaraz eta koloretan.
Argazkiak.org | Uritarra futbol albuma © cc-by-sa: gaztelumendiEta orain, herriko gazteenek Mitxilota dendan, Gazteleku -Uritarraren taberna eta egoitza soziala- edota herriko estankoan bere lagun, auzokide eta ezagunen kromoak erosiko dituzte. Kolekzioa egin, izen abizenak ikasi, aurrelari atzelari atezain edo erdilari diren ezagutu, kromoak aldatu, etxekoei erakutsi, gogoratu eta gorde ahal izango dituzte
Etxean aitite amomak non noren semea den, beste haren alaba edo suinaren neskatoa, haregaz dabilen horren lagune ete dan asmatu ahal izango dute. Eta gure herriko kontaketa egiteko tresna bat gehiago, album bat gehiago… herrian sortu eta garatutakoa. Herrigintzan. Euskaraz eta koloretan. Behar duen bezala.
Zorionak Uritarra! Zorionak Udala, Xaker kirola, Hegoalde enbalajeak eta Petralanda eraikuntzak laguntzaileei ere.
- larrabetzutik.org Uritarraren kromoak
Argazkiak.org | Uritarra San Mamesen © cc-by-sa: gaztelumendi -
Giza Eskubideak BAKEA eta konponBIDEA
2014ko urtarrilaren 11 hau historikoa izateko bidean dago. Bidea. Gorde berba hori, gogoratu hiri hau. Etorkizuna marrazten ari gara, bidea eginez. Gelditu barik bidean. Ezin nekatu bidean. Bidea da burruka.
Gure BIDEA, hemen eta orain.
-
Hala Bedi BI_ba züek!
[gaztelumendi ORG] Hala Bedi BI_ba zuek! http://t.co/KdfybUeMAQ @halabedi irratiak, orain #euskaraz beste bat gehiago.
— gaztelumendi ||*|| (@iPtx) December 30, 2013
30 urte ibili dira uhinetan, sarean, kalean, irratigintzan, komunikazioan, hemen eta han… eta orain Hala Bedi BI proiektua ere martxan. Euskara hutsez, Arabatik Euskal Herri osora.Abenduaren 28an hasi… eta auskalo noiz arte!
Zorionak eta aurrera Hala Bedi!
88.8 fm
-
Intxurtxu erakusketa: intxaur egurretik soinuak eskuz egitera
Urdin Baraiazarra artista hutsa da. Kitarjolea, alaia, aktiboa… baina bere etxeko tradizioari heldu eta eskusoinuak eskuz egiteko gai be bada, bere aitite zanak egiten zituenak modukoak.
Baraiazarra soinu denda historikoa da Gernikan, eta bere aititite erregoitiarra trikitilaria zan. Soinu saltzaile eta afinatzaile aparta da Kepa ere, Urdinen aita.
Baraiazarra soinu etxea
Eta aurten, Urdinek gaztetxean erakusketa bat egitea pentsatu du: egurretik eskusoinura doan prozesu guztia azaldu du, piezaz pieza…argazki bideo eta egurrezko materiala mahai gainean jarrita, erakusgai.
Sekulako trikitixaletasuna dago aspaldian herrian, eta neska mutiko zein heldu ugari ari da jo eta jo… eta giro horrek gaztetxea ere kutsatu du, bertan batzen direlako astero jotzen.Intxurtxu: egurra eta soinua
Intxaur egurra bere garaian hautatu zuten, eta tako lodi batzuk gorde, handik zaflak egin… eta eskusoinuak eskuz egiteko artea ikasi du Urdinek bere kabuz. Kutxak, teklak, mekanismoak, soinua, afinazioa… den dena egiten ikasi du bere aitaren tailerrean, eta neurri ezberdineko hainbat eskusoinu ekoiztu ditu, bere eskuekin, material urri, berziklatu eta tresna gutxi batzuekin. Makinak erabili barik.
Eta gaztetxean jarri du ikusgai, entzungai, jotzeko moduan, ikutzeko moduan, danon begibistan. Eta danok flipatu egin dugu, zelan ez.
Orain erakusketa bera, Anguleri kultur etxean jarriko dugu, jende gehiago ere joan dadin, egun gehiago… eta oihartzun handiagoagaz ziurrenik. Baina benetan be, esperientzia polita izan da hau, asko ikasi dugu danok, eta miresmena txikerra ez bazan be, asko handitu da.
-
Transmedia eta narratiba digital berrien munduan murgiltzen Bartzelonan
Transmedia literacy nazioarteko mintegira hurbildu gara Euskal Herritik. Mundu osoko esperientziak, ikerlariak eta sortzaileak topatu ditugu Bartzelonan. Furgonetan egin dugu bidaia Galder eta biok, eta Transbideak ikerketa taldeko kideekin elkartu gara IN3 ikerketa gunean.
Korrika aurkeztera eta hemen gehiago ikastera etorri dira. Ez da hasiera txarra, nazioartean murgiltzeko.#korrika like a non stop celebration korrika like an social and cultural live comunication #transmedia #idcr2013 pic.twitter.com/nyyMPprgfL
— gaztelumendi ||*|| (@iPtx) December 10, 2013
Transmedia istorio bat zelan sortzen den kontatzen dihardu Nohemi Lugo irakasle mexikarra #idcr2013 pic.twitter.com/9CzJZZtVvE
— gaztelumendi ||*|| (@iPtx) December 10, 2013
nohemi lugo irakaslearen ikasleen lanakLas narrativas transmedia en 11 tweets imprescindibles de @cscolari vÃa @davidcorreatv http://t.co/JzrV4BIsKg
— Transmedia Social TV (@TransSocialTV) December 10, 2013
Literatura edo musika euskarri eta molde berrietan
Portugalen diktadura garaian zentsuratutako liburuei buruzko transmedia proiektua.
Lapis Azul
visual poetry
Egitaraua, hizlariak eta transmedia narratibei buruzko informazioa: Transmedia literacy
ikusi, ikasi eta ondo entzun…. gero narratiba digital berrietan kontatu ahal izateko.
