musika

entzun!

  • agit/prop,  hurrengo geltokia,  i+g,  ikusi eta ikasi,  musika,  teknologia berriak

    Hala Bedi komunikazio libre eta alternatiboa

    Hala Bedi Gasteizen sortutako irrati librea da. Baina gaur egun, irrati bat baino askoz gehiago da Hala Bedi. Proiektu komunikatibo integral eta multimedia da, dudarik gabe.
    halabedi
    Sortu zenetik irrati librea erreferentzia izan da; ez soilik Gasteizko alde zaharrean eta inguruan, ez horixe. Arabako eskualde ezberdinetan laguntza taldeak eta antenak sortu eta jarri izan ditu. Tokian tokiko informazioa landu du. Magazineak sortu ditu goiz eta arratsaldez (Suelta la olla edota Zebrabidea), beste irratiekin franjak eta saioak konpartitu ditu, eta gaur egun herrialde ezberdinetan entzuten dira Gasteiztik ekoiztutako saioak. Etengabeko kolaborazioan ari da Euskal Herriko beste irrati euskaldun eta libreeekin.

    Irrati librea baino gehiago

    Gaur egun Hala Bedi bat eta Hala Bedi bi -euskarazko kanala- ditu irratiak. Programa mordoa. Giro itzela. Entzungarriak diren kuñak. Saio mitikoak eta sortzen direnak. Magazine konpartituak beste irrati libreetan – Suelta la olla Bilboko 97 irratian, Hala Bedin bertan, Eguzki irratian… eskaintzen da besteak beste-, eta Zebrabidea Arrosa sareko irrati ezberdinetan entzuten ahal da.
    Sarean ere aspalditik emititzen duen irratia da. Zelan ez. HalaBedi.org Interneten hastapenetan sortu zuten, eta zuzeneko emisioa eta podcastak egiten denbora dexente daramate arabarrek.

    Sare sozialetan bizi bizi

    Hala Bideo

    Hala Beditarrak

    Hala Bedi Rock

    Ikuspegi transmedia, bizia, horizontala eta soziala

    Medio alternatiboa da Hala Bedi. Herri mugimenduaren parte da. Herri mugimenduekin batera ari da, lanean, sarean, uhinetan… Baina mugimendu sozial gisa ere, aberatsa da. Taberna bat dauka Gasteizko alde zaharrean, espazio soziala. Bere kamisetekin milaka lagun ikusiko dituzu nahinon. Ekitaldiak antolatzen dituzte beste elkarte, gaztetxe eta mugimenduekin batera. Bizitza kulturala dauka.
    Komunikazioa, agitazioa, kaleko espresio ezberdinen gune anitza delako. Transmedia. Horizontala. Bizia. Eta oso soziala.

    irakurtzen jarraitu

    Gustatuko zaizu ere

    Hotel Monbar gogoan | GAL zer izan zen

    2015-09-22

    Plateruena, XXI. mendeko kulturgintza berri baterako oinarri

    2020-09-30

    No other land | euskarazko azpitituluekin

    2025-12-10
  • agit/prop,  musika

    Pete Seeger Euskal Herrian

    Atsegin ditut kantautoreak. Are gehiago beraien letrekin mundua aldatzeko indarra erakusten dutenean.
    Pete Seeger abeslariaren berri Benito Lertxundiren bitartez izan nuen. Maiz aipatzen zuen. Zelan bera Euskal Herrira ekarri zuten Ez dok amairukoek, eta gerora bere bertsioa.
    Bart Pete Seeger omendu dute Arriaga antzokian. Lou Topet taldeak zuzeneko emanaldia egin du bere kantuekin. Eta hainbat euskal artista ezagun gonbidatu dituzte eskenatokira. Jende asko batu da antzokian. Eta pozik atera dira gehienak.

    Ez dok amairu

    1971. urtean ekarri zuten Victoria Eugeniara. Eta orduko argazki bakarra dago sarean, Josemari Velez de Mendizabalek jarria.

    Pete Seeger Donostian Lete eta Artze begira dituela. Argazkia: JM Velez de Mendizabal
    Pete Seeger Donostian Lete eta Artze begira dituela.
    Argazkia: JM Velez de Mendizabal
    Diario Vascon.
    Diario Vascon.
    seegerED13
    ARGIA aldizkarian

    Herri irratian orduan, Euskadi irratian orain


    2014an Pete Seeger hil zenean berreskuratu genuen gure memoria. Artxiboetan audioak bilatu eta Ez dok amairukoen kontzertuaren berri eta Herri Irratian Joxe Mari Iriondorekin 1971an egindako elkarrizketa entzungai dago zorionez.

    Loraldia jaialdian

    euskal bertsioak, ugari

    Benito Lertxundiri Larrabetzuko frontoian antolatu genuen kontzertuan entzun nion lehen aldiz Pete Seegerren bertsioa. Gerora asko entzun da, artean argitaratu barik zeukan, eta atsegin izan nuen. Gari abeslariak ere egin zuen Eutsiko diogu kantuarena, eta orain Lou Topet taldeak 5 kantu argitaratu ditu, oso edizio berezian. Harkaitz Canok orain eta hil zenean Josu Landak hainbat kantu ekarri zituzten euskarara. Hori ere badugu.


    irakurtzen jarraitu

    Gustatuko zaizu ere

    Sarrionandia: telebistako albistegia ere fikzioa da

    2015-03-26

    Berriz hemen

    2025-12-03

    13 urte blogean, ekinean, ahaleginean

    2017-12-03
  • agit/prop,  ikusi eta ikasi,  literatura,  musika

    Udagoieneko kultur eskaintza oparoa

    Liburuak, diskoak, opariak, bildumak, bitxikeriak, kontzertuak, aretoak, emanaldiak, erosketak…. udagoienarekin hasi dira negu aurreko lanak plazaratzen.
    Pozik nago. Kulturaren inguruan aritzen garenontzako sasoi emankorra delako hau. Hasi gara saltzen, eskaintzen, aurkezten, prestatzen, erakusten…. eta batez ere gehiago irakurtzen, entzuten, gozatzen.

    Susa Franco sasoian

    Susa literatura argitaletxearen udazkeneko liburu ekoizpenak gerra osteko sasoia eta Franco hil aurretikoa biltzen du. Kirmen Uribek Ondarroako bikote baten ibilerak eskaintzen dizkigu Elkarrekin esnatzeko ordua nobela ezin narratzaileagoan. Kazetaritza erreportaia literario arnas luzeko bat. Mussche idatzi ostean, badirudi gustua hartu diola horri.

    Feriatzaileak lehen liburua du Patxi Larrionek, eta 1969ko aste bateko kontuak dakartza zine errodaia baten aitzakian. Militarrak, birigarroak, karlistak, familiak, amarruak Iruñea eta Nafarroako Urbasa inguruan. Ri rau irakurtzeko nobela ezin interesgarriago bat. Badu beltzetik, badu memoriatik, badu zinematografikotik… eta batez ere badu -eta asko- Larrionetik.

    Koldo Izagirrek, Sua nahi Mr Churchil? ipuin liburua plazaratu zuen duela urte batzuk, garai haren segidan datozen beste 9 narrazio eskaintzen ditu orain Franco hil zuten egunak berri honetan. 9 pasadizo, gertaera… Pasaian eta inguruan kokatuak.

    Mitxel Sarasketa eta Bide Ertzean

    1998ko abendua. Lizarra Garazi garaiko lehen negua. Dana lanbrotute ikustot ikuskizuna. Gu Tas Tas irrati librean asteroko Ai eneak! saioa egiten Basauriko presoentzat. Mitxel Sarasketak 20 urte espetxean. Omenaldia Eibarren. Bide ertzean sortu da. Lehen maxia. Bai euskarari jaialdia 5 estadioetan. Mitxel askatu dute omenaldia baino aste pare bat beranduago. Ongi etorria Eibarren. Bide Ertzean kontzertuak ematen.
    Urteak igaro dira, disko mordo bat. Ataramiñe sortu zuen Mitxel Sarasketak beste preso lagun eta kide askorekin.
    Urteotako soinu banda izan dugu etxean, lagunartean eta bikotearekin. Zutaz kantatzeko irakurri edo entzun… eta bakoitzak badauka zu bat kantatzeko. Kantu bat gure minari. Lur bat gure ametsei.

    Mixtape bat, sarean gozatzeko


    Gorka Suaia eta Kimo dira. Kantaria eta musika eta disko jartzailea. Eta youtubeko bideo honetan egin duten mixtape hau ikaragarri interesgarria egin zait. Kantuak aukeratu eta automatikoki aktibatzen direlako… hiperloturak egiteko modu erakargarria.

    Zea mays taldearen beste bideo izugarri bat

    Zea Mays taldeak Negua joan da eta kantuarekin goia jo zuen. Kantua ederra bazen ere, bideoak zoratu egin gintuen. Eta irauten du. Gerora ere obra itzel batzuk egin izan ditu Gaizka Izagirre bideogileak. Zuzeneko irudia eta argiztapena egiten iaioa da… eta Harro azken lanerako burutu duen lana….. izendaezina da. Bestelakoa!
    Time lapse bat asmatu dute grafitiekin. 8 argazki segunduko bideo honetan… 2000 margoketa eta argazki inguru klip ikaragarri hau egiteko. Garikoitz Arregi grafitigilea eta Gaizka Izagirre errealizadoreak irudi biziak jarri dizkiote Zea Mays taldearen Orain kantu ederrari.

    Etorriko direnak

    La Basu, Fermin Muguruza, Zazkel, Anari, Ruper Ordorika, Neighbor, Lekore literatur aldizkaria, Joseba Tapiaren liburua, maketa berri batzu, edota garai bateko Ikuska kultur laburmetraiak…. ederra izango da aurtengo neguan, sutondoan musika entzun, bideoak ikusi edota liburuak irakurtzen egotea… beste ezertarako denbora barik.



    irakurtzen jarraitu

    Gustatuko zaizu ere

    pop pilulak

    2013-11-18

    Eguneratzen

    2013-02-09

    Korrika

    2017-04-06
  • agit/prop,  ikusi eta ikasi,  musika

    Amorante

    Hiruzpalau aldiz zuzenean ikusteko aukera izan ostean, ausartu naiz musikari honi buruz idazten.
    Iban Urizar musikaria da Amorante. Musikari aparta, soinua menderatu, ahotsa ederki landu eta zuzenekoetan giro berezia sortzen duen instrumentista elgoibartarra.
    amorante
    Larrabetzun -birritan-, Gasteizen eta Bilbon ikusteko parada izan dut. Guztietan topatu izan dut zerbait berezia eta berritzailea. Eskuz eragindako soinu bat, tronpeta, ukelelea eta kitarrak, arrena, loopak, perkusio ezberdinak… sonoritate berezi eta irudimentsuak sortzeko.
    amorant2

    amorant3
    Argazkiak: Haritz Petralanda

    Ikusi idatzi eta entzun

    Aurreko domekan Larrabetzuko gaztetxean bizi izandakoak eroan nau berbok idaztera.
    Eta gonbidatu nahi zaituztet zuek, bere musika entzun eta gozatzera.

    irakurtzen jarraitu

    Gustatuko zaizu ere

    Herri bat

    2014-05-03

    Ashraf Fayadh

    2016-01-14

    Elikadura burujabetza eta tokiko garapena eskolan lantzen

    2015-02-19
  • agit/prop,  gaztelumendi.eus,  musika

    Doctor Deseo Radio 3 irratiaren kontzertuetan, GARA egunkarian edo sarean | narratiba berriak

    Begirada ezberdina lantzeko, zer eta zelan kontatzen dugun ikustea ere garrantzitsua izaten da. Estetika, hitzak, adierazpenak, estiloa, begirada eta kontaketa bera….

    #miradadistinta

    Igual y diferente. Una mirada distinta lana aurkeztu zenetik hilabeteak pasatu dira, eta ordudanik makina bat ordu, saio eta ideia zuzendu ditugu proiektu honetara. Narratiba posible guztiak horretara bideratu ditugu, eta emaitzak ere ikustarazi dira han hemenka.

    Doctor Deseoren azken lana Bizkaiko zubian aurkeztu zen udaberriko goiz baten.
    Doctor Deseoren azken lana Bizkaiko zubian aurkeztu zen udaberriko goiz baten.

    Lan honen promozioa Bizkaiko zubian diskoa aurkeztu zenean abiatu bazen ere, gerora Euskal Herriko hedabide ezberdinetan landu eta Katalunia zein Espainiako medioetan ere isladatu da. Radio3 bezalako irrati batean izandako elkarrizketa kopuru eta interesa… esanguratsua da.
    Irakaspen handia, lan asko eta emaitza oso onak. Begirada ezberdina, modu oso ezberdinetan kontatua.

    GARA egunkarian

    Igandean GARA egunkarian elkarrizketa erreportaia polita plazaratu zuen Pablo Cabezak ere.
    Doctor Deseo GARA egunkarian

    þÿ

    Gustatzen zaigulako


    Gustatzen zaigulako, azken finean…ezta?

    irakurtzen jarraitu

    Gustatuko zaizu ere

    Bidea beti Kataluniarekin

    2017-02-24

    noraBIDEA argi daukagu: #INdependentzia

    2015-09-09

    Hemen BAQUEari #elkarrizketa esaten diogu

    2015-01-29
  • musika

    Peiremans+

    joan ziren baina gehiago espero genuen oraindik

    Bart kontzertua Bilbon, musikaren katedralean.
    Duela 10 urte baino jende gehiago. Ezagunago. Izarrago.
    Sarrerak agortu dira eta ilada dago sartu aurretik.
    Jende gutxi Izaki Gardenak taldearekin gozatzen, areto ezin beteagoan. Berbotsa da nagusi, doinu atseginen atzetik. Onak dira hala ere. Minority. Gutxiengo musikazalearentzat.
    Lehen kontzertua bukatu eta tarteko musikaren ostean eskenatoki gainean lau rockero zahar. Urteak geroago. Gazte oraindik.
    argazkia: Tom Hagen

    Azkarra edo arina?

    Kontzertu oso azkarra izan da. Arina. Dauzkaten kantu apur hoiei zukurik gehien ateratzeko pentsatua. Disko txiki batekin taularatu ziren, eta zenbait kantu gehiago sortu dituzte orain. Oso azkar beharbada. Eta bira itzela montatu dute. Eta deabruak teilatuetan taldearen beste bi kantu -hit ederrak- eta jendea gozatzen, eta Weezer bertsio eder bat, eta beste soul bat…. eta ezer gutxi gehiago.
    Laburra egin zait, baina batez ere arina.
    Horretaz mintzatu gara elkartu garen musikazaleak. Eta gazi gozoa geratu zaigu kontzertua. Normalean, eta Antzokitik sarritan, aseago ateratzen gara. Dena emanda. Dena eman izanaren sentsazioarekin. Goian eta behean. Baina ezberdina da gaur. Eta komentatzen jardun dugu.

    biharamuneko pilula

    Goizean esnatzean, musika jartzen duzu berriro. Beste zerbait. Baina gaueko akordeak, parapapapapa hoiek oraindik gogoan. Eta kantu gehiagoren bila jo arren, ez duzu berriagorik kausituko.
    Eta galdera hori. Bart zer?


    Agian gu izan gara sentsazio horrekin pipertuta atera garen bakarrak. Eta badazpada, azalpenak emateari ekiten diozu. Galderak baino, erantzun posibleak mugatzen dutelako inkesta. Gehiago nahi zenuela aldarrikatzeko modua. Behar genuela beharbada.


    Eta besterik ezean, enegarrenez play teklari eman diozu. Zortziak bat. Rock azkarra. 80. hamarkadakoa. Gurea. Eta Evaristoren koroak euskaraz… parapapapapapaPA!

    irakurtzen jarraitu

    Gustatuko zaizu ere

    Pete Seeger Euskal Herrian

    2017-03-27

    13 urte blogean, ekinean, ahaleginean

    2017-12-03

    Laboa eta poesia

    2020-12-01
  • agit/prop,  ikusi eta ikasi,  musika,  teknologia berriak

    Protesta kantak

    El Pais egunkariak erreportaia dakar. Liburu bat, interesantea bera. 33 revolutions per minute. 33 iraultza minutuko. Dorian Lynskey kazetari eta The Guardian egunkariko musika kritikariak idatzitakoa.

    33revolutions

    Biniloen abiadura (rpm) eta iraultzak berbajoko eta izenburu egokia . Eta orain liburua bera espainolez publikatu dutenez, horra hor erreportaia; La canción como arma de protesta. El Pais egunkariko bertsio digitalean ere irakurgai.

    Erreportaian argazki ederrak argitaratzeaz gain, protesta kantuen laburpen edo antologia txiki bat egiten da. Interesgarria suertatzen da, ur geza baino eskaini nahi ez den sasoi hauetan. Oraindik be, protestatzeko arrazoi asko badauden arren. Eta kantuok entzuteko.

    musikaprotesta

    protesta playlist bat

    Bertsio digitalean, spotifyren playlista be gehitu dute. Eta horrek poztu nau. Kazetaritza egiteko modu berriak be badaudela ikusita. Liburuari buruz aritzeko modu ederra da kantutegia ere eskaintzea. Sarean zabaltzea. Eta zelan ez, kantuak entzuteari ekin diot.

    PAISlist

     

    playlistProtestaEL PAIS protesta kantuen playlist bat

    Hemen duzue gaur bertan ezagututako protesta kanta polit bat, Josu Bergara abeslari eta lagunarena.

    irakurtzen jarraitu

    Gustatuko zaizu ere

    Udan ez dago etenik

    2014-07-21

    euskal blogen aldeko manifestua – blogosfera.eus –

    2017-04-05

    Plateruena, XXI. mendeko kulturgintza berri baterako oinarri

    2020-09-30
  • ikusi eta ikasi,  musika

    ITOIZ zuri beltzean, baina XXI. mendean

    BiBA ZUEK!
    Txantxangorria izango da txikitan ikasi nuen kantuetatik gogokoen dudanetako bat.
    Ikastolan asko entzuten genuen Itoiz. Eta ia uda guztietan Muxikako San Roman auzoan ikusten genuen zuzenean… eta beste hainbat kontzertu be gogoratzen ditut.
    Orain bertsioak entzutean asko hunkitzen naiz.

    Joseba Baleztena Lenoir BANG taldearekin ari da emanaldiak ematen, eta Jon Iraundegi argazkilariak grabatutako kontzertu honetan eskenatokian lagun itzelak batu ditu, zer eta ITOIZ taldearen bi kantu egiteko. Petti lehenbizi, Mikel Larretxea eta Anari gero.

    Kantu bereziak eta atseginak dira.

    Udako kantu moduan

    TikTara taldeari entzun diogu beste hau, eta udako kantu atsegin bilakatu zitekeen, gehiago entzun izan balitz. Kantu onekin bertsio ederrak egin daitezke. Eta ITOIZ taldeak jarraitzen du XXI. mendeko musikazaleen talde kuttun izaten. Eta pozten naiz.

    irakurtzen jarraitu

    Gustatuko zaizu ere

    Hamalau milakoak

    2021-08-31

    Patakon astoa eta biok telebistan

    2014-08-08

    Kataluniara joan etorriko bidea egin ostean

    2015-09-15
  • agit/prop,  musika

    Hotel Monbar gogoan | GAL zer izan zen

    Kantua baino gehiago Baionan arratsalde hartan gertatutakoa.
    Kantuak hala ere, ondo laburbiltzen du ordukoa. Eta bideo honek are gehiago.

    GAL, erakunde terrorista parapoliziala, gerra zikina, Felipe Gonzalez Espainiako orduko presidentearen eskuak oraindik odolez zikinduta daude. X hura.
    GAL eta Guardia Zibila, GALindo, Amedo eta beste horrenbeste txakur eta mertzenario, diru publikoarekin.
    Kare zuria eta historia beltza.

    Duda egiten dut gaur gaurko belaunaldiei hori guztia ondo kontatu diegun. Lagunak ditut garai harta neska mutikoak zirela, Baionan edo Donibanen, Miarritzen bizi zirenak. Aita edo ama, edo biak; iheslari, errefuxiatu, izkutatu, euskaldun Lapurdin.
    GAL garaia zelan bizi izan zuten kontatzen dute, baina oraindik ez dugu kontatzen asmatu.
    Filmeren bat egin da, liburu batzuk… baina kontatzeko daukagu hori guztia ere. Hori be, gure memoria hurbila da. Eta oraindik arduradunak bizirik eta politikako lehen lerroetan dabiltza.

    El estado de las cosas

    kortatu El estado de las cosas
    Hotel Monbar kantua garai hartakoa da, lau errefuxiatu Baionako ostatu batean hil ostekoa. El estado de las cosas diskoa, Kortaturen bigarren lan luzea izan zen. Eta gertaera horrek markatuta utzi zituen muguruzatarrak. Maiz joaten ziren Baionarat. Eta errefuxiatu gazte askorekin zuten hartu emana. Egoera horrek, kantuak gero, erabat aldatu zuen Kortaturen ildoa. Askoz ere politizatuagoa izan zen bere ibilbidea, lehen disko dantzagarriago, alaiago eta ganberroaren ostean.

    Hotel Monbar kantuak sekulako garrantzia ukan zuen Kortaturen historian, hori irakurri nuen El estado de las cosas de Kortatu: Lucha, fiesta y guerra sucia liburuan.
    KORTATUliburua
    Ez genikizkien kontu asko ageri dira liburuan. Eta arratsalde hortako pasadizo horrek kapitulu osoa ez ezik, liburuaren izenburuan ere zipriztinak ditu. Tartean kontatzen da anekdota bat, oharkabean pasatu arren niri zer pentsatu ugari eman zidana behin baino gehiagotan.
    Gerra zikin ekintza gertatu ostean, Baionako gazte batzuek atzetik jarraitu zituzten GALeko mertzenarioak, eta Sant Sprit zubiaren parean edo harrapatu. Izugarria behar du une horrek. Egoera extremoa. Zer egin horrelako une batean? 80. hamarkada erdian. Burruka armatua bere unerik gogorrenean, errefuxiatuak hiltzen GAL eta beste muntaia parapolizial batzuk, borborka giroa… eta mertzenario bat harrapatzen dute gazte abertzale batzuk. Itzela.
    Haietako bat Txetx izan zen. Txetx militante politiko ezaguna da Ipar Euskal Herrian ez ezik, inguruotan ere. Beti geratuko naiz une horretako bizipenak galdetzeko gogoarekin.
    30 urte igaro dira Hotel Monbar odoltsu hartatik. Memoriak, kantuak eta borrokak jarraitzen du. Ez da gutxi.


    hotelmonbarGARA
    Hotel Monbar 30 años de la mayor masacre de los GAL

    irakurtzen jarraitu

    Gustatuko zaizu ere

    Kataluniara joan etorriko bidea egin ostean

    2015-09-15

    H28 aldizkaria sarean

    2015-01-28

    Zazpi galdera subjetibitate iraultzailearen gainean

    2013-11-20
  • agit/prop,  hurrengo geltokia,  musika,  teknologia berriak

    EHZ 20 urte, eta barriro gozatzeko prest

    Aspaldi, 1996an joan ginen lehenengoz Euskal Herria Zuzenean festibalera, Arrosara. Behe Nafarroako txoko eder hartara urtero joateko gogoa hartu genuen. Musika entzun, kontzertuak, lagunak, txandak, fritak, karpa… giro itzela.
    Handik, Zuberoako kontzertuetara joan ginen gero, urtero… kuadrilan, furgonetan, inoiz Mauleko kanpinera be bai…
    Heletakoak handiak izan ziren, Manu Chao gogoratuko du askok, egin zuen ekaitza ere…. herriko giroa, zuzeneko jarraipena… denetarik.
    Azken urteotan Garro gazteluaren ondoan gozatu dugu jaialdiaz. Eta gozatzen jarraitzeko gogoagaz oraindik.

    Aurtengo eskaintza

    Baigorrin aurreratu digute asteburuan, jaialdia ekonomikoki apalagoa taina musikalki sano interesgarria izango zala. Eta gu, urtero bezala talde asko eta asko ezagutu barik goaz… baina gero gogotsu entzuten ditugu luzaroan. Ehundaka talde bakarlari eta musikari deskubritu ditugu urteotan guztiotan EHZ festibalean.


    kanaldudehz

    Kanaldude telebista

    Bideogintzan, ikusentzunezkoetan mundialak dira Iparraldeko gure lagunak. Klipak, zuzeneko irudiak, elkarrizketak, streaminga… zer ez duten egiten Kanaldudekoek.

    irakurtzen jarraitu

    Gustatuko zaizu ere

    Errefuxiatuen alde hemen eta han #18M

    2017-03-17

    irratia.com berriz martxan

    2018-10-03

    Aritmetika arazoak?

    2017-01-31