-
Bihotza eta poltsikoa
- Noiztik naiz independentista?
- Zergaitik gaude Independentziaren alde?
- Pentsamendua da? Ideologia? Edo beste arrazoi batzuk ere jokatzen dute hor.
Ekonomilarien mahainguru batera hurbildu nintzen aurrekoan, nora noan ondo jakin barik. Independentzia, euskal ekonomia eta globalizazioa goiburuak, arreta piztu zidan.
Ikusi eta entzundakoarekin baina, txundituta atera nintzen Batzar nagusien aretotik. Zelai Nikolas bezalako mahaiburu batek, asko erreztu zuen guztia.
Bihotza eta poltsikoak, ideiek eta ekonomiak… batak zein besteak, Independentziaren alde jarduteko diosku. Ez da gutxi.Badu lana, independentziaren aldeko Ideien faktoriak
-
1461 egun twitter euskaraz erabiltzen
Twitter honek 5 urte bete berri ditu. Guk, 1460 egun euskaraz tuiteatzen.
140 karakterreko mezutxoak zabaltzen. Tartean txisteak, memeak, loturak, galderak, erantzunak, berbidalitako mezuak, aipamenak, salaketak, omenaldiak, agendak… imajina ezin genezakeen erabilpena eman diogu Twitter sareari, tarte honetan guztian.
Lau bat urte izango dira, euskaldun batzuk hori frogatzeari ekin geniola.
Orduan ere, Korrikaren atarian genbiltzan… eta horra begira frogatu genuen lehenbizi.Zabaldu.com eta sustatu izan ziren twitter sareari buruzko gure ezagupenen leihoak. Eta gero blogetan aritu ginen berdinari buruz, eta aplikazioak bilatzeari ekin genion, eta batzuk garatu zituzten bestelakoak…
- Gaur egun Hitzokei bezalako fenomeno euskalduna daukagu.
- Widget ezberdinak baliatzen ditugu gure webguneetan
- Mikroformatuak erabiltzen ditugu, etiketak batez ere
- Twitter euskaraz aldarrikatzeari ekin diogu
Lau urtetan, euskaldunak nahiko komunitate aktiboa izan gara. Gauzak egin dira; sortu, garatu, euskaratu. Splitweet euskaratu genuen, eta umap garatu da. Twitter euskaraz erabiltzeko, edo euskarazko tweet guztiak ikusteko baliatu daitezkenak.
-
Al jazeera euskaraz nahi dugu
Al Jazeera telebistari begira gabiltza egunotan. Arrazoiak hamaika: direla Arabiar eremuetako matxinadak, Japoneko lurrikara edo arrisku nuklearra, nazioarteko egoera, kultura eta sorkuntza, twitter zelan baliatzen duten, edo iragarri diguten The Stream emankizun barria. Hara begira gabiltza hemen. Gure pantailetaraino heldu da Al jazeera.
al bisteak 2.0
Hurrengo geltokia: Al Jazeera euskaraz
Horrelako telebista bat interesgarri egiten bazaigu, zergatik ez aldarrikatu holango telebista gurean, euskaraz?
Eta hori eskatzen ez gara hasi ba? #aljazeeraEuskaraz nahi dugula eskatzen hasi gara sare sozialetan. Broma dirudi, baina ironia baino gehiago daroa berarekin aldarrikapenak.
Aldarrikapenak, berehala hartzen du itxura eta izaera sarean. Egun bakar bat, aski da…. gori gori jartzeko eskaera bera. Zuzeu.com albistegian idatzi, sare sozialetan mugitu… eta ikasi dugu euskaldunok ere, holango tresnak zelan erabili.
Eskatu? Aldarrikatu?
Gure hacker izaera frogan jarri, eta Al Jazeera bera euskaratu dugu, euskarazko edukiak sartuta. Gure iritziemaileen artikuluak, kulturgileen sorkuntza, bideoak, elkartasun bideoak, musikarien lana, iritzi politikoak…. Euskal Herritik Al Jazeera bat behar dugula aldarrikatu eta pantailaratu dugu.
Eta bapatean, Fermin Muguruzak telefonoz deitu, sarean ekimenaren berri izan duela, blogean jarri ez ezik, Al Jazeera english kateko zuzendariari deitu behar diola, asko gustatu zaiola ekimena… flipatuta dagoela, flipatzen ari dela… hiruzpalau aldiz flipatu erabili du, mugikorrean utzi duen mezuan.Sare sozialetan oihartzuna
Eskaera aldarrikapen egiteko ere, kodeak ditugu, hoiek kopiatu, sarean jarri… eta gehiago zabaltzeko.
Gustatuko zaizu ere
Sare sozialak berbagai gaztetxean
Basque to the future
BAKEA baldintza behar beharrezkoa
-
Editorialak idazten jarrita…
Gustatu zait Euskal Herriko 60 hedabide baino gehiago batu izana. Gustatu zait urratsa. Eta arrazoi dute, jauzietarako unea da.
Euskaratik eta euskaraz aritzen diren medioek, gogoeta interesgarria egin dute. Eta AHTaren metro bat baino gutxiago garela jakiteak… irrifarrea sortu dit. Hori da gure neurria.
Abiadura Handirako metro bat ere ez gara, mendiak eta segunduak gurutzatzen diren lekua gara.. beharbada.
Beste zerbait ere bagara, mundu bolako zentimetro honetan.
Gogoeta horretatik, bestelako pausuetara jo behar delakoan nago ni.
Editorialak idazten jarraitu behar dugulakoan, to:
[audio:http://www.info7.com/wp-content/uploads/2011/02/20110201_10828.mp3]
-
#grebaorokorra egun honek zer pentsatua eman dit
Hiruzpalau ideia, azkar botata:
- Euskal Herrian neolibelarismoaren kontra, masa kritiko izugarria da. Antolatua zein antolatu barik.
- 15 hilabetetan hiru greba egin ditugu Hego Euskal Herrian, burruka luze bat Ipar Euskal Herrian
- Sarea, tresna izugarria bilakatu da, horrelako mugimendu soziopolitikoetarako
- Belaunaldi berrienek kontzientzia hartzeko modu berriak asmatu behar dira.
- Elkartasuna eta baloreak, gehiago landu behar ditugu. Gerra ideologikoa martxan!
Zorionak Greba Orokorra bultzatu, lagundu, landu, borrokatu duten guztiei.
Zoriontzekoa sarean #grebaorokorra bultzatu, landu, zabaldu, azaldu, hedatu eta erabili duten guztiei.Euskal Herrian greba orokorra.
Gustatuko zaizu ere
Plateruena, XXI. mendeko kulturgintza berri baterako oinarri
Lasterbidean
Aupa EHZ!
-
html 5 zer den, irratiek erakutsiko digute
Gutxitan idazten du Hey_nekenek, baina egiten duenean, aportazio itzela daukan seinale.
Programatzailea da, hacker etikaduna, Mundurat zerbitzariaren sortzailea, eta sarean aspaldiko laguna.
Post oso interesgarria egin du, irratigintzan, Interneten eta holakoetan gabiltzanontzat.
Baina teoriatik pratikarako jauzia da oraindik interesgarriagoa.
html 5 badator, badago… estandarrak, etiketak, eta gaua interesgarri asko entzun ditugu horren inguruan.Software librearen ingurutik, Internet irekiaren alde jo izan da beti. Internet irekiak bataila ederreak ditu aurrean, eta openweb terminoa usu erabiliko dugu ziurrenik.
Argazkiak.org | irratigintza euskalduna © cc-by-sa: gaztelumendiKoska eta Arraio irratien eredua
Webgunedun irratiak dira hasiera hasieratik, Arraio gainera lehenengo Internet bidez entzuten zen, eta gero hasi zen FM antena batetik emititzen. Koska, Uribe Kostatik, Bizkaia erdian entzuten den irrati txukun bat da.
FMan ari dira biak. Eta Internet bidez, oso txukun entzun daitezke orain.
Klik bakarrean, ez da behar ez plugin, ez gaitarik. Ez da behar musika entzuteko programa berezirik. Ez da egin behar klik hemen, eta klik hor… ez…
Klik eta entzun.Hori html 5 ei da.
<head> <title>Koska Irratia online!</title> </head> <body> <audio src='http://www.koskairratia.com:9001/koska.ogg' type='audio/ogg; codecs='vorbis' preload='none' autobuffer='none' controls> Ez baduzu audio erreproduktorea ikusten <a href="javascript:window.close();if (window.opener && !window.opener.closed) {window.opener.location='http://www.koskairratia.com/?page_id=2007'; } void(0);" >hona</a> jo </audio> </body> </html>
Hori da atzean dagoena, ez besterik. Klik egin eta entzun.
Laister Irrati komunitarioen foroa burutuko da gure artean, eta horrelako gauzak ere agian jorratuko dira.
Euskal hedabide alternatiboen eremuan, ari gara zerbaitetan. Auzolan, tresna libreak eta komunikazioa uztartzen, behinik behin.
<audio> etiketa aski da, gure nabigatzaileak entzuten jartzeko. Estandarrak betetzen dituena, blog hau hobeto ikusteko baliatzen duzun hori… eta ez explorer nazkagarri hori. Beste guztiak bai, edozein, Chrome, Firefox… edozein.
zorionak guztioi, eta aurrera bolie!
-
Zutabe puntu kom
Aldaketa garaiak bizi dituzte hedabideek. Azkarrago batzuk, mantsoago besteek. Handiek zein txikiek. Lokalek, zein globalek.
Ikusentzunezkoek eta paper hutsezkoek. Guztiek.
Internet egoera berri honen paradigma da, baina baita irtenbidea ere. Interneten ondo moldatzea, klabea izango da paper, irrati, aldizkari, telebista eta gainontzekoentzat.
Eta Goiena ur hoietan, ondo xamar dabilen hedabidea da. Papera, sarea, ikusentzunezkoak uztartzen dituen proiektu komunikatiboa da. Ondo asko, nire ustez. Eta aspaldian gainera.Goiena aitzindari
Euskarazko hedabide lokaletan, aitzindariak izan dira beti Arrasate eta inguruan. Horrela jarraitzen dute. Eta gustua ematen du jarraitzeak. Saretik zein paperetik egiten dut nik. Telebista ikusteko parada handirik ez dut.Duela gutxi, lantzean behin telebistarako iritzi tarte batzuk partekatzea eskatu zidaten. Gustura hasiko nintzela esan niez. Enaiz sekula zutabelaria izan, baina zutabeen antza hartzen diet nik gtalk bidez grabatutako saio labur hauei.
Horregatik, neuk egiten ditudanei zutabe puntu kom deitzen diet. Zutabe multimedia batzuk direlako. Irudiak agertzen dira, eta grabazio bat. Audioa ez da beste mundukoa… baina agian hori du erakargarriena, modu xumean eginda dagoela, truko askorik gabe. Eta gaur egun, hiper mega hedabideen garaian, gertukoak duen xarma. -
zelan jan…
Autogestioa ez da soilik gaztetxeen lema bat. Ez horixe.
Autogestioa, autokudeaketa, ekonomikoki antolatzeko modua ere izan daiteke. Eta bada.
Herrian, esperientzia aparta ari gara bizitzen, Eskolako jantokiaren kudeaketarekin. Herriko dendetan (harategia, okindegia, denda, arraindegia…), herriko ekoizleekin (arraultzak, baserriko produktuak…)
Gurasoek kudeatutako jantokia eta sukaldea daukagu. Eusko Jaurlaritzako Hezkuntza sailak -EAko Tontxu Campos sailburu zela- sukaldariaren soldata, langileen kostoa eta subentzioak ukatu zizkigun, gure erabakian mantentzearren. Eta horretan dihardugu.
Gurasoek bilera luze eta interesgarriak izan genituen orduan. Gatazkan sartu ginen, zer eta Jaurlaritzarekin. Hasieran eskola gehiago ere baginen, baina presioa itzela izan zen… Larrabetzun halan da be, aurrera jarraitu genuen. Jarraitzen dugu.
Gaur da eguna, ekonomikoki bideragarria egiteaz gain -eta ez da gutxi- osasun arlotik, kalitate aldetik pozik baino pozago gaudela.
Eguneroko jatekoak, guraso elkarteko batzorde batek erabakitzen ditu. Horretarako, aholkulari talde bat ere badago. Eguneroko erosketak ere guraso elkarteak bideratzen ditu.
Horrez gain, sukaldeko eta jantokiko langile guztiak, Guraso elkarteak kontratatzen ditu. Herriko ekonomia, zeozelan suspertu eta abian jarriz.
Jakiekiko sentsibilitatea asko igotzen ari da gurean, baserriarekiko begirunea, produktu fresko eta kalitatearekiko arreta, nekazaritza ekologikoaren inguruko kezka, soloen etorkizuna, baserriaren geroa… hizpide ditugu ohiko elkarrizketa eta berbaldietan.
Bizkaiko EHNEk argitaratzen duen Baserri bizia aldizkarian, bi elkarrizketa mamitsu argitaratu dira, Julen Guraso elkarteko partaidearekin bat, eta Aitor sukaldariarekin bestea. Biak be, esanguratsuak. Jan kontuekin jolastu ezin daitekela eta, gauza harrigarriak kontatzen dituzte biek.16. orrialdetik 19. ra agertzen dira bi elkarrizketok.
Informazio gehiago: www.larrabetzukoeskola.orgBaserri bizia aldizkaria osorik
- albisteak 2.0, gaztelumendi.eus, hurrengo geltokia, ikusi eta ikasi, software librea, su-etena | ceasefire | tregua, teknologia berriak
zelan urtea badoan
Milurtekoa izan zen, hamarkada, eta hau ere badoa.
10 urte 2000an, XXI. mendeon… eta hau ere badoa.
2011 dator, bihar, edo etzi. Eta urtea badoa, negua joaten den bezala. Egunak datozenlez.
Ez gara zaharragoak, bizkorragoak, jakintsuagoak… atzokoak gara, bihar. Ere.
Tokatzen da esatea, gogoratzea, oroitzea, agurtzea, eta ondo ondo geratzea.
Urteak askorako eman du, beste buelta bat eman du gure mundu arrano honek. Eta buruari ere buelta asko eman dizkiogu, ideia txoro asko izan ditugu buruan, eta batzuk gauzatzeko aukera suertatu zaigu. Eta ez da gutxi. Pentsatzen jarrita, asko, askotxo… larregi inoiz ez. Baina badoa, eta oroimenean geratzen dira. Egunerokotasunean.
Azkar, urteko hiruzpalau flash.
euskalherrian.info proiektuan murgildu gara aurten. Zer ari da gertatzen Euskal Herrian? galdera horrek, badu erantzuna sarean. Bizkor ari da hedatzen. Proiektu berriak, irekiak, partehartzaileak ari dira sortzen. Eta batzutan, harritu ere egiten gara, abiadurarekin. Indarrarekin. Kemenarekin. Ausardiarekin. Irudimenarekin. Eta egia esan, Euskal Herrian gauza asko ari da gertatzen. ZoriONez. Eta ari gara kontatzen. Eta zabaltzen. Libre, partehartzaile, zabal, ireki, euskaldun. Hori da nahi duguna, horrela nahi dugu, horrela kontatzen dugu. komunikazioa, Informazioa, Teknologia (sarea + euskal herria)albisteak 2.0 webtv libre eta euskalduna sortu gura genuen, eta ikasten ari gara, sortzen. Astero. Eta asteko berri ematen dugu albistegi teknologiko bitxi batean. Bi lagun, lantalde itzela, medio onak, giro aproposa eta gogoa batipat. Eta urtean egindakoa biltzen hasi, eta ematen du zeozer aurreratu dugula. Balio izan duela. Merezi duela saiatzeak, aurrera egiteak, ikasteak, egunean jartzeak… baina batez ere ahalegintzeak.
#albisteak2010
Teknologia berriak hizpide hartzen ditugu, tresna moduan erabiltzen ditugu, komunikazio kanal dira. Internet, irratigintza, mezu libreak uztartzeko parada ematen digute. Berdin Info7 irratian, Hala Bedin edo beste nonbaiten. Zebrabidean geldi geratu barik, oinez ibiltzen gara, Bilbon bide gorritik baina isilik inoiz ez.
ekultura.net Euskal kulturgintza hizpide izan ohi dugu, eta berba egiteko jakin egin behar da. Kulturgintzan euskaldunzaharra naizen arren, alfabetatzeko beharra ikusi nuen. Eta horretarako eskolara jo behar. Hartu ninduten. Eta gustura ari naiz, eguaztenero Eskoriatzan, HUHEZIko EKT ikastaroan. Nire koadernoa da ekultura.net eta nire lanaren ardatza izan nahi du. Euskal kultura digitalaz mintzatu nahi dut, eta formazio fasean nago. Apunteak hartzen. Baina izango duzue lanaren berri, ikerketaren emaitza, ikasitakoaren ondorioak. Sintesi bat. www.ekultura.net
Sabin Intxaurraga ere joan da, Lete bezala, Bidador bezala, gertukoak bezala, urrunagokoak bezala… eta Sabinen egoeraren berri izan nuenetik, bueltaka ibili zait ideia bera. Zenbat lan isil egin duen, ikusi gura lukeena besteok ikusi dezagun. Bizi dezagun. Lagun nuen Sabin, bertsoa hizpide. Eta batez be, zaletasunak batzen gintuen. Herria, kultura, hizkuntza. Eta batez be, plazan batzen ginen. Plazak batzen gintuen. Txapelketa, saioa, antzokia… azkenekoz irailaren 11an izan nintzen beragaz, eta oroitzapen horregaz geratuko naz, duintasunaren irudia. Zor diogu, ikusi behar dugun hau. Beste guztia historia izango da.
Independentistak sarea, abian den prozesu politikoa, egoera, aldaketa, urratsak… bada zerbait, eta pozik nago horrekin ere. Eta urte hau, garrantzitsua izan da bide horretan. Altsasu, Brusela, Gernika…. toki izenak, mapa bat osatzeko. Mapa horrek, Euskal Herria du helburu. Ni neu, herrigintzan ari naiz. Pozik. Baina nazio mailako edo nazioarteko ekimenetan parte hartzeko sarea badut, eta sareak ematen digu aukerarik.. ekimenak zabaldu, ireki eta antolatzeko. Horra hor nire eskuhartzea. independentistak.net
Argazkiak.org | Independentzia lip dub koloretsua © cc-by-sa: gaztelumendi -
Txinaurri lana
euskal kultura gaur, eta bihar
Argazkiak.org | Liburu eta diskoak, euskarazko edukiak © cc-by-sa: gaztelumendiDurangoko azoka hasten da gaur. Urteroko zita, aspalditik. Euskal kulturgintzan, sorkuntza diharduenarentzat garrantzitsua. Sosak batetik, eta topagunea bestetik. Urteko balantzea, eta urteko uzta. Merkatua da Durango. Eta merkatua ere elkarrizketak dira… ezta?
Euskarazko kultura, sorkuntza maite ditugunok badakigu ze garrantzia duten horrelako uneek, guneek. Eta gurean, sorkuntzaren adierazpenari dagokionez, garrantzitsua da, urte osoko, eta batez ere udazkeneko guztia ikustarazten baita bertan. Euskarazkoa eta bestelakoa ere.euskal kultura eta sarea
txinaurri lana
Iñaki Perurena eta
Zuzeu Komunitatea
Argazkiak.org | Iñaki Perurena eta ZuZeu komunitatea, biba zuek! © cc-by-sa: gaztelumendi
Abenduak 6, arratsaldeko 18:00etan, Durangoko Plateruenan, zita bat daukagu Iñaki Perurenarekin. Zuzeu komunitate osoa dago gonbidatua bertara: sortzaile, erredaktore, kolaboratzaile, partehartzaile, irakurle… eta zu zeu!lip dub Euskal Herrian
beste zita bat
Azkenik, abenduaren 6a, egun berdetzat deitu du Independentistak sareak. Eta besteak beste, egun horretan Independentziaren aldeko lip dub koloretsua ere grabatuko da Durangon.
