-
ITOIZ zuri beltzean, baina XXI. mendean
BiBA ZUEK!
Txantxangorria izango da txikitan ikasi nuen kantuetatik gogokoen dudanetako bat.
Ikastolan asko entzuten genuen Itoiz. Eta ia uda guztietan Muxikako San Roman auzoan ikusten genuen zuzenean… eta beste hainbat kontzertu be gogoratzen ditut.
Orain bertsioak entzutean asko hunkitzen naiz.Joseba Baleztena Lenoir BANG taldearekin ari da emanaldiak ematen, eta Jon Iraundegi argazkilariak grabatutako kontzertu honetan eskenatokian lagun itzelak batu ditu, zer eta ITOIZ taldearen bi kantu egiteko. Petti lehenbizi, Mikel Larretxea eta Anari gero.
Kantu bereziak eta atseginak dira.
Udako kantu moduan
TikTara taldeari entzun diogu beste hau, eta udako kantu atsegin bilakatu zitekeen, gehiago entzun izan balitz. Kantu onekin bertsio ederrak egin daitezke. Eta ITOIZ taldeak jarraitzen du XXI. mendeko musikazaleen talde kuttun izaten. Eta pozten naiz.
Gustatuko zaizu ere
ARGIA aldizkariko lagunekin elkartasuna
11-9 Egun beltza mundu osoarentzat
Amorante
-
Hotel Monbar gogoan | GAL zer izan zen
Kantua baino gehiago Baionan arratsalde hartan gertatutakoa.
Kantuak hala ere, ondo laburbiltzen du ordukoa. Eta bideo honek are gehiago.
GAL, erakunde terrorista parapoliziala, gerra zikina, Felipe Gonzalez Espainiako orduko presidentearen eskuak oraindik odolez zikinduta daude. X hura.
GAL eta Guardia Zibila, GALindo, Amedo eta beste horrenbeste txakur eta mertzenario, diru publikoarekin.
Kare zuria eta historia beltza.Duda egiten dut gaur gaurko belaunaldiei hori guztia ondo kontatu diegun. Lagunak ditut garai harta neska mutikoak zirela, Baionan edo Donibanen, Miarritzen bizi zirenak. Aita edo ama, edo biak; iheslari, errefuxiatu, izkutatu, euskaldun Lapurdin.
GAL garaia zelan bizi izan zuten kontatzen dute, baina oraindik ez dugu kontatzen asmatu.
Filmeren bat egin da, liburu batzuk… baina kontatzeko daukagu hori guztia ere. Hori be, gure memoria hurbila da. Eta oraindik arduradunak bizirik eta politikako lehen lerroetan dabiltza.El estado de las cosas
Hotel Monbar kantua garai hartakoa da, lau errefuxiatu Baionako ostatu batean hil ostekoa. El estado de las cosas diskoa, Kortaturen bigarren lan luzea izan zen. Eta gertaera horrek markatuta utzi zituen muguruzatarrak. Maiz joaten ziren Baionarat. Eta errefuxiatu gazte askorekin zuten hartu emana. Egoera horrek, kantuak gero, erabat aldatu zuen Kortaturen ildoa. Askoz ere politizatuagoa izan zen bere ibilbidea, lehen disko dantzagarriago, alaiago eta ganberroaren ostean.Hotel Monbar kantuak sekulako garrantzia ukan zuen Kortaturen historian, hori irakurri nuen El estado de las cosas de Kortatu: Lucha, fiesta y guerra sucia liburuan.
Ez genikizkien kontu asko ageri dira liburuan. Eta arratsalde hortako pasadizo horrek kapitulu osoa ez ezik, liburuaren izenburuan ere zipriztinak ditu. Tartean kontatzen da anekdota bat, oharkabean pasatu arren niri zer pentsatu ugari eman zidana behin baino gehiagotan.
Gerra zikin ekintza gertatu ostean, Baionako gazte batzuek atzetik jarraitu zituzten GALeko mertzenarioak, eta Sant Sprit zubiaren parean edo harrapatu. Izugarria behar du une horrek. Egoera extremoa. Zer egin horrelako une batean? 80. hamarkada erdian. Burruka armatua bere unerik gogorrenean, errefuxiatuak hiltzen GAL eta beste muntaia parapolizial batzuk, borborka giroa… eta mertzenario bat harrapatzen dute gazte abertzale batzuk. Itzela.
Haietako bat Txetx izan zen. Txetx militante politiko ezaguna da Ipar Euskal Herrian ez ezik, inguruotan ere. Beti geratuko naiz une horretako bizipenak galdetzeko gogoarekin.
30 urte igaro dira Hotel Monbar odoltsu hartatik. Memoriak, kantuak eta borrokak jarraitzen du. Ez da gutxi.Memoria erreportaia oso ona gaur @garanet egunkarian. #HotelMonbar 30 urte @joxerrabustillo @EuskalMemoria pic.twitter.com/ZPx0oqxCNv
— gaztelumendi |l*l| (@iPatxi) September 24, 2015
-
#bidegorritik abiatu gara
2000. urtean sortu genuen Jabi Zabalak eta biok irratia.com
Euri apur bat egin du geroztik. Bidea emankorra izan da. Zentsu askotan.
Komunikazioan, hedabideetan, herrigintzan, ekonomian, kulturan…
Ez dugu etsi hala ere. Hemen jarraitzen dugu.
#bidegorritik
Eta orain ekin diogu berriro be irrati emankizun bat baino gehiago izango den bide berri bati. Irratitik abiatu gara, ikusentzunezkoak lantzen, sare sozialekin uztartzen… ikuspegi transmedia batean, eduki interesgarri eta atseginak sortuz.
Bide horretan, astero Bilboko estudio txikitik, herriz herri gertatzen direnak aztertzen eta kaletik bertatik, gailu mugikorretarako edukiak sortu eta hedatuz… ilusioarekin eta ausardiarekin ekin diogu.
Entzungai dago, eta sarean zabaltzea da orain hurrengo erronka. Irrati libre ezberdinetan entzun dadin eta jendearen artean sustatu. -
Kataluniara joan etorriko bidea egin ostean
Gogoetarako egunak dira Katalunian lau egun eman osteko hauek. Indendependentziaren aldeko hautua egiteko beharrezko izango dena, halabeharrez. Gure politikarien maila, gure herriaren erabakia funtsezkoa izango da. Eta horretan lagungarriak dira egun hauetako, azken urte hauetako gertaerak arretaz aztertzea, bertatik ezagutzea, gogoetatzea eta ondorioak ateratzea.
Hemen zenbait mezu labur, hainbat bideo eta argazki, eta batez ere euskal herritarren zenbait iritzi…. gure bideaz gogoeta egiteko gonbidapena.Egun hanDIA DA gaur. #viaLibre martxan. Euskal Herritik Kataluniara begira #ViaLliure11S http://t.co/gIeNTRCVRh pic.twitter.com/sqscp9XmMR
— #VIALIBRE (@vialibreeus) September 11, 2015
Gaur DIADA Katalunian. #ViaLliure11S #katalunia #larrabetzu pic.twitter.com/ePSxC7I5Gm
— larrabetzukoudala (@larrabetzuudala) September 11, 2015
[diada] Kataluniako Egun Nazionala @Gaztezuloko kazetaria den Saioa Baleztena Bartzelonatik egunaren berri ematen. pic.twitter.com/CF0p2efecw
— GAZTEZULO aldizkaria (@Gaztezulo) September 11, 2015
Basque block at Barcelona #Diada2015 #ViaLliure11S @AhotsaInfo @indesarea #vialibre pic.twitter.com/WayHrLQXzY
— #VIALIBRE (@vialibreeus) September 11, 2015
Independentzia oihuak #tram65 eremuan #ViaLliure11S #Diada2015 #viaLIBRE pic.twitter.com/9tp4Ml2Wi5
— #VIALIBRE (@vialibreeus) September 11, 2015
La #ViaLliure11S, en una imatge de 360 graus: fes-la voltar i et sentiràs com si hi fossis http://t.co/NQD6QECp3U pic.twitter.com/QkVpC89hbp
— Diari ARA (@diariARA) September 11, 2015
ahotsa.info kitcat
Moltes grà cies
Moltes grà cies a tothom! #SomViaLliure pic.twitter.com/hLUJtCLtZO
— Assemblea Nacional (@assemblea) September 11, 2015
Konplizitatea bilatzen | http://t.co/5zapE9yiUf – http://t.co/m8OkcVsBgn @berria ren bidez #Tram65 #Independentzia pic.twitter.com/H4rS8GHXEp
— Independentistak ✳ (@indesarea) September 12, 2015
ZUZENEAN Independentziaren gezia Meridianako etorbidean ibilbidea egiten ari da http://t.co/FnxqB4nF1l
— EiTB Albisteak (@eitbAlbisteak) September 11, 2015
#Tram65 #65euskalTramoa #Independentzia pic.twitter.com/zg7weImQ53
— Independentistak ✳ (@indesarea) September 11, 2015
#WeAreCatalonia #weareBASQUEcountry and we want be FREE! pic.twitter.com/JQoiz1NU3J
— gaztelumendi |l*l| (@iPatxi) September 11, 2015
Gero eta argiago ikusten da hemengo hautua eta #bidea: #INdependentzia #Diada2015 #viaLIBRE #ViaLliure11S pic.twitter.com/a4Zv8Q70oB
— gaztelumendi |l*l| (@iPatxi) September 11, 2015
Gustatuko zaizu ere
Liburuaren eguna
Beltza naiz eta harro nago!
Errusia, sare sozialak eta Katalunia
-
noraBIDEA argi daukagu: #INdependentzia
Aspaldi ari gara Kataluniara begira euskaldunok. Hizkuntza, kultura, ekonomia eta geografia bat erakutsi diote munduari aspaldian. Munduari begira egon dira beti Mediterraneotik.
Kantauri itsasoak, Bizkaiko golkoak… mundura eroan gaitu beti. Itzuli gara. Baina ez dakit munduari so ote gauden. Nahi nuke. Eta horregatik jarraitzen dugu Kataluniara begira.Euskal Herrian Kataluniara begira #noraBIDEA >>> #INdependentzia http://t.co/qfDa0EUT7o visca zuek! @uriolaeus pic.twitter.com/MvDkPYRI5Q
— gaztelumendi |l*l| (@iPatxi) September 9, 2015
noraBIDEA
INdependentzia bidean jarri dira, argi eta garbi. 2006tik hona egin dutena jarraitu duenak, miresmena besterik ez du. Begirunea. Lanbrotu egiten zaizkigu begiak hango berri entzutean. Bertatik bertara bizitzean. Baina beraien bidea gure ere bada. Espainia hautsiko da, eta haustura horretatik guk geure bideari ekin behar diogu. Jarraitu. Besterik ez. Hamarkadetako burrukaldi neke eta izerdiek… izango dute egunsenti berri bat. Badakigu. Bagoaz gu ere. Batzutan badirudi euskaldunok erdi etsita gaudela. Baina guk geuk ere erdietsiko dugu gure helburua. Lasaitu barik, etsi barik…. bidea eginez. Bidea da burruka.
#erdietsi adiera atsegin dut erdi etsita gauden arren lortu baietz! eutsi eta aurrera! bihar edo etzi #LIBRE! — gaztelumendi |l*l| (@iPatxi) September 8, 2015
Via Lliure Bilbon
Ekitaldia ez zen beste mundukoa izan. Dauzkagun indarren araberakoa. Antolaketaren neurria. Baina bai esanguratsua. Euskal Herrian dauden katalanek Bilboko Kafe Antzokiaren laguntzarekin. Eskertzekoak biak ala biak.
Kronika polita daukagu Uriola atarian ere. Gomendagarria irakurketa.Kataluniara begira @ANCEuskalHerria @indesarea #ViaLlure11s #27S2015 http://t.co/iCLSKrkwv0 pic.twitter.com/3fe6iLoAUq
— Bilboko Uriola (@uriolaeus) September 9, 2015
Sustengua eta babesa
Kataluniako prozesuari keinu egiten diogu hemendik. Atsegin dut! bat klikatzea bezala da. Baina agian zerbait gehiago antolatu beharko genuke; ANC Euskal Herria dagoen bezala… Greziarekin, edo nazioarteko beste prozesu batzuekin -bolivariarrak direnak, Kuba, Nikaragua, Palestina, Kurdistan…- egiten dugun antzera… estutu beharko genituzke gure loturak askatze bidean diren herrialde katalanekin. Lotura ekonomiko sozial kultura eta politikoak estutuz. Sustengua antolatu. Balizko Estatu kolpeen aurrean -Estatuak emango dizkien jipoi demokratikoak alegia- gure babesa erakutsi. Nazioarteko diplomazian sakondu. Bi herri gara, bi nazio… bi Estatu izateko bidean. Guzti hori gehiago landu beharko genuke. Kezkak hemen botatzen ditut. Inork hariari heldu gura badio.
Vicent Partal kazetari eta maisua
2006an ezagutu nuen pertsonalki Vicent Partal. Aurretik bere irakurlea besterik ez nintzen. Euskal Herria 2.0 jardunaldietara gonbidatu genuen, eta bere txofer egin nuen aireportua, aterpea eta Arteleku arteko joan etorrietan. Miresleagoa naiz geroztik. Bartzelonan egona naiz berarekin, eta berriz ere Euskal Herrian orain.
Adi egon! @vpartal elkarrizketatzen ari gara Bilbon #ViaLliure11S @ANCEuskalHerria #independentzia pic.twitter.com/CNTjDcikYc — gaztelumendi |l*l| (@iPatxi) September 8, 2015
Laister argitaratuko den bideo baterako elkarrizketa egin genion ekitaldiaren aurretik, eta adi adi jarraitu nuen bere solasaldia gero. Jendearen jarrerak liluratu ninduen ordea. Mundu guztia adi adi eta gozatzen. Behar den bezala.
Komunikatzaile aparta da. Kazetari ona dela bagenekien. Komunikazio enpresa eta eredu interesgarria garatu du sarean: vilaweb.cat
Kataluniako prozesua azaltzen ari zaigu liburuz liburu aspaldian. Azkenak detaile eta aipamen zorrotzak egiten ditu. Bere irakurketa propio eta subjetiboa. Kazetari baten maisu lana.
DesclassifiCAT: 9 N bozkaketa iraultzaile baten historia sekretua
Hitzaldia ere aparta izan zen. Eta bertan adi adi apunteak hartzen zegoen Josu Goikok ondo pasa ditu laburtuta 5 txiotan:1. Herri mugimenduen lana berebizikoa izan da; hortik ANC. Behetik gora sortu zen, eta politikariek herritik zetorrena entzuten jakin dute.
— Josu Goiko (@josu_goiko) September 9, 2015
3. Kataluniak ez dio inori laguntzarik eskatu. Beregaina izan da. Esan dute: “Hau egin egingo duguâ€.
— Josu Goiko (@josu_goiko) September 9, 2015
4. Erantzukizunez jokatu behar da gainerako herrialdeekin, baina itxaroten bada, aukera gal daiteke. Ezin da Perpinyà -ren zain egon.
— Josu Goiko (@josu_goiko) September 9, 2015
5. Estatua ahul dagoenean, independentziarako aukera sortzen da, katarata moduko bat. Esan du: “De ser vosotros, empezarÃa a hacer planesâ€.
— Josu Goiko (@josu_goiko) September 9, 2015
Entzuleok ikusi ikasi entzun eta txalo egin genuen. Eta orain maletak prestatu eta Bartzelonarako bidaia daukat buruan. Bartzelonatik eta Kataluniatik bertatik botako ditut hurrengo kronika eta mezuak. Irratiz, sare sozialetatik eta ikusentzunezko baliabideak hartuta. Kit Cat bat, gure bidean.
Bariku goizean #hitzordua daukagu euskaldunok @Euskaletxeabcn parean #ViaLliure11S @indesarea #tram65 pic.twitter.com/fd7J35L3LU
— gaztelumendi |l*l| (@iPatxi) September 9, 2015
-
Patakon astoa eta biok
2014ko abuztuan egindako bidaiaren kronika(k).
Larrabetzun oinez abiatu, eta ibilbideak eman zuenaren berri.
- Abuztuak 4. Gaztelumendi (Larrabetzu) Lehen etaparen kronika
- Abuztuak 5. Gernikatik Markinara Bigarren etapa bidez bide
- Abuztuak 6. Markinatik Mutrikura Bizkaitik Gipuzkoara
- Abuztuak 7. Deba, Itziar, Zumaia eta Askizu Gipuzkoako kostaldea
- Abuztuak 8. Telebista etorri da Askizura grabatzera
- Abuztuak 9. Zarautzetik Igeldora etxekoak lagun
- Abuztuak 10. Donostiatik Hondarribira Jaizkibeletik.
- Abuztuak 11. Hondarribi, Bidasoa, Hendaia eta Biriatu, Azkaine
- Abuztuak 12 Azkainetik Sararat
Duela 10 egun abiatu ginen Larrabetzutik #Patakon eta biok. Gaur Donibane Garazitik atzera etxera pic.twitter.com/jrOL8oldcu
— gaztelumendi (@iPatxi) 2014(e)ko abuztuak 13
-
Gora!
Pentsatze hutsarekin….
Bereziak izango dira Euskal Herriko jairik onenak.
Une gutxi batzuk falta dira txupinazorako, eta guztiak eztanda egingo du.
Aldaketaren Nafarroan, hiriburu historikoan…. Iruñea eta jaia, zuri gorriz. Etengabe.
Gora Iruñea!
Egitarau indartsua peñek eta herri mugimenduek ere antolatu dutena.
Aurkezteko moduan ere nabari da egiten ari diren jauzia ze tamainakoa den.
*Hiruzpalau gune jarraitzeko:
Sanferminak.eus Gora Iruñea, jai herrikoiak
Nafar telebista
Euskalerria irratia eta Sanfermintza
Eta aldaketarik gabeko Sanferminak nahi badituzu: Katakrak -
Lorea Gernika Deustun
Lorea Gernika aurkeztu berritan, Lapikoa izeneko narrazioa irakurri eta deustuarri kontatu beharra izan nuen. Hauteskundeetako pasartea Bilboko Uriola atarian argitaratu genuen, kanpainako azken astean.
Uriola.eus
'Lorea Gernika, andrazko bat' liburua aurkeztuko du Koldo Izagirrek. Liburuko pasarte bat Deustun jasotzen da @iPatxi http://t.co/oyR2maYtfo
— Bilboko Uriola (@uriolaeus) May 20, 2015
Prest aldizkarian
Gero Prest! aldizkarirako elkarrizketa labur bate egin nino Koldo Izagirre idazleari, aldizkariko Barkua bete berba kultur atalerako. Koloretan txukun ageri da bi orriotan.
Atsoak elkartuko bagina, otsoak geldiaraziko genituzke! #LoreaGernika pic.twitter.com/1EKgQ53RcX
— Susa literatura (@armiarma) May 21, 2015
Koldo Izagirre: Gizonezkoak zeinen gizonezkoak garen ez ginateke ohartuko inguruan emakumezkorik izango ez bagenu
Lorea Gernika nobela aurkeztu berri du Koldo Izagirre idazleak. Emakume nagusi da bat du protagonista, eta 53 narrazio laburretan pasarte ezberdinetan kokatzen du idazleak Lorea Gernika izeneko andrazkoa. Ironia, leku ezberdinetan kokatutako istorio laburrak, tokian tokiko hizkera eta berbak, pasarte bereziak zein lausoak. Idazleak berak, labur labur kontatu dizkigu nobela berriaren nondik norako batzuk, tartean Deustun gertatzen den istorioa.
Lorea Gernika andrazkoa euskal herrietan zehar somatu dugu, zertan ari da ba?
Neronek ere ez daukat zeharo garbi. Baina bizitzaren aurka borrokatzen dela egin zuen oihu behin, eta baliteke bestelako bizitzak bizi nahi izatea lekuz aldatuta, inguru berriak ezagututa, eta batez ere jende berriekin harremanduta.Gizonezkoon mundua azaltzeko baliatu duzu Lorea Gernika, azalduiguzu hori
Gizonezkoak zeinen gizonezkoak garen ez ginateke ohartuko inguruan emakumezkorik izango ez bagenu. Aberatsak pobreak behar ditu karitatea egiteko… Emakumezkoak definitu egiten gaitu, nahikoa da txiste bat egitea, edo begiratu bat ematea. Lorea Gernika, gozoa den arren, andrazko garratza da: badaki zer garen, nolakoak garen, eta ebidentzian jartzen gaitu behin baino gehiagotan. Berak hala nahi izan gabe, gehienetan.
Deustun be gertatzen da pasarte bat, hauteskunde goiz baten…. eta lapikoa sutan
Bai… Bozkatzeko aretoa ikasgela batean atondu dute eta paretetan dagozen marrazkiei erreparatzen dagoela erdi ametsetan edo hasi da. Txartela itsulapikoan sartu gabe alde egiten du biharamunean etorriko dela esanda. Horrelako xaloa da Lorea Gernika. Baina egia esan, nondik begiratzen zaion da kontua: egitada hori izan liteke gaiztoa, xaloa barik.liburumetraia
-
Gasteizko plazatik mundura
Asko idatzi esan adierazi zabaldu eta hedatu da Gasteizko herri harresiaren inguruan. Desobedientzia hedatzen ari den seinale.
Arduraz jokatzen duen gazte mugimendua erditik kentzeko boterea lanean ari da, berak dakien moduan. Arduratsu erantzun zaio hemendik errepresioari, zigorrei eta kartzelari.Gasteizko irudiak mundu osoan hedatu diren bezala, badira gertuagotik irudi hoiek ez zabaltzeko lana hartu dutenak, Gasteizen bertan ziurrenik, Lakuan. Jaurlaritzaren Barne saileko bulegoetan
Ia 500 pertsona lotan gelditzeko prest!!! Onenak zarete peña!! #ResistGasteiz Lortuko dugu!! pic.twitter.com/nHbvdEoTy4
— AskeGunea (@AskeGunea) May 17, 2015
#resistGasteiz #resist7
Manifestazio jendetsu eta koloretsuaren ostean, plazaren erdian milaka laguneko herri harresia osatu zen. Beste behin. Gau hotzari aurre egin zioten ehundaka batzuk. Eta astelehen goizean agertu ziren ia 20 furgoneta ertzain amorratuz beteak.
Gero 3 orduko oldarraldi desobediente baketsua. 3 orduko poliziaren eraso ezin bortitzagoa. Eta argazki kamerak, bideoak, mugikorrak, sare sozialak, jendea sutan!Munduari itzulia eman dioten argazki irudi eta mezuak. Salaketa publikoa.
Nazioartean
What is the Basque popular wall (#HerriHarresia) phenomenon? http://t.co/N9wYDCZXGL #Resist7 #free7 pic.twitter.com/pihI4Yl9gH
— Lander Arbelaitz (@larbelaitz) May 19, 2015
Gasteizko harresiko irudiak, mundu osoko hedabideetan @iontelleria http://t.co/ccLGnRLr2b … #Resist7 #Free7 pic.twitter.com/zPbb4DWMiz
— naiz: (@naiz_info) May 19, 2015
Police arrest Basque activists amid human wall of protests http://t.co/BRnmmQOHPA #ResistGasteiz pic.twitter.com/g2cP51OKBN
— The Stream (@AJStream) May 18, 2015
#basque RAGE against the (police) Machine https://t.co/H3n1cHzkoc @tmorello @RATM @muguruzafm FREE #LIBRE! #resist7 Basque Country
— gaztelumendi.eus (@iPatxi) May 19, 2015
Osteko errepresioa
Amaitzeko zentsura
Eta badirudi Lakuatik bertatik, Erkoreka bozeramaileak proportzioak neurtzen lan egiten duen tokitik mugitu dutela youtubeko kanaletatik ertzainen basakeriak kentzeko agindua. Eta youtubek bete ere, 100.000 ikustaldi baino gehiago (ETBko programarik arrakastatsuenak baino gehiago, bidenabar esanda) dituen bideoa kenduz.
Bideoa noski, berriro igo dute youtubera. Eta sare sozialetan hedatzen ari da, apurka apurka.Balorazio azkar bat
Zebrabidea saioan, komunikazioari buruzko solasaldian egunotako kontuak aztertzen.
[audio:http://bitakora.arrosasarea.org/podpress_trac/web/21103/0/PATXI-GAZTELUMENDI-150520.mp3]Ander Gillenea euskal argazkilariaren lana Mundu mailan ikusteko parada gaur, @guardian egunkarian #Resist7 pic.twitter.com/uCHmH2OYnL
— gaztelumendi.eus (@iPatxi) May 18, 2015
-
Publizitate sexista
Zer ikusten duzu argazki honetan?
Eta beste honetan?
Iragarkia:
Ekintza feminista:
