-
Jone #libre
Etxean eta herrian asko maite doguzan lagunen etxekoa da Jone.
Xabier Arriaga Txiplas, bertso maisu, lagun, militantzia kide, EHNEko baserritarraren alaba nagusia da Jone.
Itziar Amezaga eskolako irakasle, lagun, konplize, Elikadura Burujabetza lantaldetako kidearen alaba, Maddiren ahizpa.
Maddi eta Joneren bizipoza, gogoa, irribarrea, militantzia ttiki txikitatik ezagutzen doguz. Zaldi gainean, artzai txakurren ondoan, Errigoitin zein Gernikako Arranoan edo Astran.
Errigoiti Larrabetzutik gertu, oso gertu, mapan bezala ostantzekoetan dagoen baserri herria da. Auzoa guretzat.
Bizkaigane, Gernika, Busturialdea, Morga, Larrabetzu…. udagoieneko kolorea.
Lau galdera erantzunotan ikusten da Amezaga Arriagatarren maila, hizkuntza, konpromisoa.
-
zelan zaindu maite dugun hau hori hura?
Durangon eman ditut lau egun eta hiru gau. Baina 4+3 ez dira beti zazpi. Ez gurean.
Musika entzun dugu, letrak irakurri, berba asko, irudiak, doinu eta ahotsak, papera eta pankartak….
Besarkadak eta agurrak, keinuak, ferekak… zer ez dagoen Durangon.
Ruper Ordorikaren bertsio ederra egin dute Arrasateko Anger taldekoek, oraindik hobea den Sute perfektua diskoan.
Eta Durango beharbada, hori da izan be: sute perfektu bat. Ez gehiago.
Ez dut kantu hau entzun, beste asko ere ez…. ez daudelako zerrenda ofizialetan, ez daude alternatiboen mainstream-ean ere ez… baina urtez urte, egunero… jendeak jarraitzen du bere letrak idazten, bere ametsak euskarri ezberdinetan marrazten, lantzen, bultzatzen.Angertarrak holangoak dira, militante eta langile porrokatuak. Musikari finak, eta pertsona hobeak.
Anger gaur metafora bat da. Ruper Ordorikaren kantua bezala. Himno apalagoen garaia bizi gura dugunontzat.
Egia esan, batzuen hautua ez da erraza, bestelako mundu batean bizi gura dugulako beharbada….
bitartean, zaindu dezagun hau hori hura! Izan be, hitzek beti garamatzate norbaitengana…
Eguneraketa
Durangoko azoka honetan Kanaldude herri telebistak lan bikaina egin du. Besteak beste bideo hau zabaldu dute sarean, bertan euskal musikariak azokari buruz mintzo dira.
-
Egunkaria
Egunkaria irakurtzen pic.twitter.com/9w35XYKsBW
— gaztelumendi.eus (@iPtx) December 6, 2014
Abenduaren 6an, euria ari du oraindik. -
Telebistan
Udazkenarekin telebistan parte hartzeko aukera eskeini zidaten Egunon Euskadi saioko lantaldeko arduradunek.
Eskoziako erreferendumaren bezperetan Miarritzetik erantzun nien saiatuko nintzela erantzuten. Eta ondo pentsatu ostean, erabakia.
Eta ausartu eta zenbait solasalditan parte hartzeko aukera izan dut. Kataluniako gaia, Podemosen hazkundea, PPren ustelkeria izan dira orain arte gai nagusi edo izarrak, eta gaiok kudeatzen moldatu naizelakoan nago.
Elkarrizketatu ditugu gainera Unai Urruzuno, Joseba Egibar, Itsaso Atutxa, Juan Karlos Izagirre, Salhaketako kide bat eta Gerediaga elkarteko Nerea Mujika.Aktualitatea berbagai
Eta astero gai berriak sortzen dira, aktualitatekoak. Nazioartean gertatzen dena zein gurean gertuagoko diren albisteak lantzen dira goizeko solasaldi honetan. Eta aktualitateko elkarrizketa bat egiten du gero saioaren gidari Estepan Aldamizek, eta gonbidatuok ere zenbait galdera eta gogoeta plazaratzen ditugu gero.
Orduterdiko zuzeneko jarduna izaten da gurea, eta ia konturatu barik joaten da.
Azken saioa, Garbiñe Biurrun eta Duñike Arrizabalagarekin -
gaztelumendi.eus
Eta nazioartean euskara eta euskal kultura hedatzeko ezinbesteko tresna izango da sarea. Eta hizkuntza, eta herria, eta kultura, eta ekonomia garatzeko .eus dominioarekin agertuko gara munduaren aurrean.
Blog honek ere, sortu eta hamargarren urteurrenean gaztelumendi.eus izaera berritua hartuko du.
Aspaldian nazioartean izan dugu errekonozimendurik handiean da puntuEUS dominioa. Euskal kulturaren komunitate osoa zabalduko duena mundu osoan. -
10 urte blog honetan
2004ko abenduarekin, neguaren atarian abiatu zen proiektu hau.
Hasieratik informazioa, iritzia eta trukea lantzeko asmoarekin. Diseinua, irudia, software librea, ideia berriak eta eztabaida sustatzeko gogo itzelarekin.
Garaian garaiko teknologiak, aukerak, tresnak ezagutuz eta frogatuz… urtez urte, aroz aro… lekukotza digitala ematen, uzten.
Argazkiak.org | gaztelumendi.org zaharra © cc-by-sa: gaztelumendi2004ko abenduko sarrera batzuk, oraindik gordeta daude behin eta berriz eraberritutako artxibo digital honetan, gaurko gaztelumendi.org proiektuan.
Argazkiak.org | Egunkaria libre! © cc-by-sa: gaztelumendi
Urtebete lehenago Egunkaria itxi zuten. Ez zen aspaldi egin eta egin irratia indarrez itxi zituztela. Egunkaria eta egin irratian lan egin nuen. Adierazpen askatasuna eta informazio eskubidearen kontzientzia banuen, tresna berriak behar genituen. Sortu beharra zegoen.
WordPress
Lehen egunetik, lehen hitza argitaratzeko unetik wordpress software librearekin sortu eta garatu da proiektu hau. Hasierako konfiantza areagotu besterik ez da egin bertsioak ezagutu ahala. Gaur egun sarean edukiak modu erraz batean kudeatzeko dagoen tresnarik aproposena da wordpress. Mundu osoan edukiak lantzeko gehien erabiltzen den baliabidea. Librea eta komunitate handi batek garatua eta hedatua.
Gurean gainera, euskaraz ere bertsioz bertsio gero eta errazagoa, erabilgarriagoa eta txukunagoa.
Hasierako hautua, aproposa, ondo aukeratua eta estrategikoa suertatu da. Gerora, makina bat gune sortu ditugu inguruan wordpress baliatuta.2004ko artxiboak berrirakurrita, orduko apustuaren arrazoien indarra, eta asmatu izanaren ostea ditut orain begiko.
Bitakora osatzeko urratsak
Bitakora edo blog hau egiteko WordPress erabiltzen ari naiz, edukien kudeaketarako, eta batipat blogak egiteko dagoen software librean den programarik onenetakoa, aproposena bai behintzat. Une honetan euskaratze prozesuan dago programa bera, eta laister, gune honetako interfaze guztiak ere euskaraz irakurri ahalko dituzue.
WordPress oso erraza iruditu zait. Erabilterreza. Aukera asko ematen ditu. Estiloei dagokionez adibidez, aukera asko eskaintzen ditu; css-etaz ezer ez dakienetakoa nauzue, baina Alexking adituaren gunean, estilo ugari ikusi ditut, eta gune honetarako WordPress css lehiaketan bigarren postua erdietsi zuen Rubrick estiloa hautatu dut. Denborarekin aldatuz joango naiz beharbada… ikasiaren podasuz.
Eta 10 urteotan asko idazteko aukera izan dut, erantzunak jasotzeko ere bai. Blogaren inguruan, teknologia berriei buruz aritzeko beta izan dut hemen eta han. Gauza asko ikusi, komentatu, eztabaidatu ditugu hemen berton. Gorakadak eta beherakadak izan ditu blogintzak orohar, eta neureak ere. Baina artxibo digital eroangarriak dira, gauzak idatzi, gorde, zabaldu, garatu, ikertzeko aukera paregabea eskaintzen dute, eskaini didate.
Informazio eta iritzi trukerako (EZtaBAIda) artxibo digital eguneratu bezala ikusten ditut nik oraindik. Eta horretan murgiltzeko asmoa daukat aurrerantzean.
Ikasteko eta garatzeko aukera paregabea direnik ezin uka. Umeak ikusten dituzu eskolan, zeinen errez baliatzen duten. Elkarte mordo bat, gurean ere badiren komunikazio proiektu herritarrak, alderdiak, herri mugimenduak…. eta pozteko arrazoiak besterik ez daude.
10 urteotan, hori guztia garatzeko aukera ere egon delako. Edukiak eta jakintza partekatuz, bestelako informazio eredu bat landuz, irekiagoa, herritarragoa libreagoa.Ilusioz eta proiektuz betetako urteak
Argazkiak.org | irratia.com basque digital radio © cc-by-sa: gaztelumendi
IRRATIA.com proiektua abiatu genuen JAbi Zabala eta biok 2000ko azaroan. Sputnik bat bezala abiatu ere, gogotsu. Ilusioarekin. Internet faxaren lineatik konektatuz, Internetik ez zegoen irrati libre batean. Zuzenean emankizunak eskainiz, elkarrizketak eginez, txat kanalak irekiz, nazioartean saretik elkarrizketak lortuz, komunitate bat eratuz…. ilusioa…. gogoa, ikasteko gogoa, grina. Kazetaritza eredu berri bat, informazioarena, hizkuntzarena eta kultura digitalarena.Podcast berba da garai horretatik gogoan daukadan. Eta Arrosa sarea, eta Bilboko irrati libre eta euskaldunak. Eta beste irrati eta medioekin izandako harremana…
Argazkiak.org | irratigintza euskalduna © cc-by-sa: gaztelumendi
www.irratia.com
DeLoReaN taldeko Ekhi elkarrizketatu genuen azken saioetako batean:
[audio:http://bilbohiria.com/docs/podcast/irratiacom/irratiacom100517.mp3]
….//…..
2002ko urtarrilean eposta bidez Literatur Emailuak egiteko ardura hartu nuen Susa literatura argitaletxean. Sareko lanak, literaturaren inguruko agenda, berriak eskaintzen hasi ginen. Gerora astero astero jarraitu dugu Emailua igortzen. Lotu barik. Sarean erreferentzia bilakatu da. Proiektu berrien bultzatzaile eta kudeatzaile aparta da armiarma.com egun. Lantalde itzela inguruan, langile porrokatuak, literatura ezer baino gehiago maite duen jendea, jarraitzaile asko nonahi, onarpen zabala, eta sareko erreferentzia gure kulturan. Denborarekin, Literatur Emailuen artxiboa bloga bilakatu zen tresna moduan, agenda, efemerideak, liburu osoen loturak, albistegi digital… denetarik du orain formatu berrian.
Ikusi eta ikasi kantatzen genuen Delirium Tremens taldearekin. Eta hor abiatu ginen Galder eta biok telebista saio berritzaile batekin. Sarea, bideoak, jarrera berri batekin. Berrikuntza eta 2.0 helburuekin. Mikrosaio bat, sarean partekatua izateko. Sare sozialetan trebatu eta mugimendua sortzeko. Hainbat egin genituen.
Memorioa historikoa, gauza asko dago oraindik gogoratu eta kontatzeko, apurka apurka egingo ditugu… guztion artean. Irudi, mezu, sare sozialetako aipamen, artxibo eta elkarrizketen artean.10 urte bloga sortzen hasi nintzenetik, lekutan dago 2004ko abendua! http://t.co/78lJEaVveH pic.twitter.com/0S8khluE7b
— gaztelumendi |I*I| (@iPtx) December 3, 2014
-
patchwork garaiak Euskal Herrian
sarea ehuntzen ei dabil mundu guztia hemen, traje berria jantzi gura izatearen ajeak. Denok sastre izan nahi izatea be, a ze desastrea!
#ehuntzen topic topic… ez ote garen topikoegietan eroriko guztiok, patchwork garaiotan.Herriz herri ari da pixkanaka @gureeskudago erabakia #ehuntzen. Hemen orain artekoaren mapa: http://t.co/lKLIEMBewo pic.twitter.com/F6oHc675bu
— Naiz+ (@naizplus) November 26, 2014
Alternatiben sarea ehuntzen "@mrafundazioa: Kontsumituko dugun elektrizitatea %100 berriztagarria izango da http://t.co/gH9263TPPL @goiener"
— ELA sindikatua (@ELAsindikatua) July 30, 2014
Laranja koloreko sarea ehuntzen http://t.co/j1lQVBIz2C via @berria
— Eleak Mugimendua (@EleakMugimendua) August 8, 2014
Egun on! 25.000 jarraitzera ailegatu da @berria twitterren. Eskerrik asko. Jarrai dezagun euskarazko informazioaren sarea ehuntzen.
— Ainara Lasa (@ainariss) April 7, 2014
[Bideoa] @GureEskuDago dinamikaren aurrera begirako asmoak https://t.co/NmbiNTnXQ3 Erabakia #Ehuntzen
— Topatu.info (@topatuinfo) November 16, 2014
Adibideok dena esaten dutela uste dut…
segi ehuntzen, beraz:
Tweets about ehuntzen
- agit/prop, Elikadura Burujabeta, Elikadura burujabetza, hurrengo geltokia, ikusi eta ikasi, teknologia berriak
Ondasun komunen tradizio berritzailea
Baserritar eta nekazari gazteen nazioarteko topaketa bat burutu da ez oso aspaldi Gernikako Astran.
Elikadura burujabetzaren aldeko mugimenduko kide eta partaide ugarik bertan ikasi eta eztabaidatzeko aukera eta parada polita izan du, horrelakoetan ia beti gertatu ohi den moduan.
Mugarik Gabe erakundea eta EHNE Bizkaiaren arten antolatutako egitarau aberatsaren laburpen bilduma polita egiten du iraupen ertaineko bideo honek.
Ondasun komunak
Lurra, ura, haziak, jakintza eta zaintza. Funtsezkoak eta berebiziko garrantzia dutena arlo ekonomikotik zein sozialetik begiratuta. Horren sakontzean dago etorkizuneko erronka. Jagon, zaindu, defendatu, liberatu, askatu, zabaldu, hedatu… Ingurugiroaren defentsan, iraunkortasuna bermatuz, jakintza librea bultzatuz eta eztabaida sustatuz.
Software librearen mugimenduarekin alderatu izan ditugu maiz beste gatazka hauek, eta elkarrekin zer ikasi -elkarikasi- asko dago. Partekatuz, hausnartuz eta eztabaidatuz.
Elikadura burujabetzaren bidean, baserritar berriek, arazo zahar ugari dituztelako.wikipedian:
Bien común
CommonsSoftware librea, berrikuntza, lurra eta haziak, baserria, kooperatibak eta Elikadura burujabetza uztartzen http://t.co/osPocDIfyn
— gaztelumendi |I*I| (@iPtx) November 20, 2014
-
gure esku dago #bidea
Apurka apurka Euskal Herrian ari gara gure bidea marrazten.
Aurreko baten, Gure esku dago ekimenak… berriz ere asmatu du, jakin du jendearen partehartze zuzen eta zabalarekin gogoa pizten.
Bidea marrazten ari garen honetan…. Eskozia zein Kataluniako adibideak oso egokiak dira.
-
mila esker Lou Reed
Itxura itzela dauka Mila esker LOU REED proiektu honek. Lehen kantu bat ezagutu dugu, baina susmatzekoa da, kantu ederrez osatutako euskal bertsioen bilduma izango dela. Adi jarraituko diogu kontuari.
Hasteko eta bat, mila esker Amaia Akeitari kantutzar hau sarean hedatzeagatik. Jarraitzeko ziur Jonan Ordorikaren lou reed_zale mitikoaren ekimena dela…. eta pozten naiz.
biba zuek!
