-
Ustelkeria: han eta hurbilago
Azken asteotan ustelkeriaren inguruan dexente berba egitea egokitu zait. Telebistan eta lagunartean.
Eta batzutan, badirudi ezer gutxi egin dezakegula, besoak gurutzaturik sumintzera kondenatuta gaudela ematen du.Falciani zerrenda
Herve Falciani informatikaria zen HSBC banketxean. Eta orain berak eskuratutako zerrendak ezagunak egin dira gure artean. Aurretik baina, presondegian ere egon behar izan du Falcianik.
Oso jende ezaguna eta aberatsa agertzen ari da zerrenda hauetan. ARGIA aldizkariak, ahalegin berezia egin du zerrendako ustelak nor diren azaltzen.
Orain konturatu eta sona hartu arren, GARAko Alberto Pradilla kazetariak iazko maiatzean egin zion elkarrizketa Herve Falciani informatikariari.
Herve Falciani: Lo importante no son los nombres sino dónde va el dineroKutxabank afera
Gertuago, badira gai mordoa. Bidegi, Lemoa, Bakio, Errauskailuaren ingurukoak, edota duela gutxi ezagutu ditugun Kutxabank banketxeko buruak (PNV) egindako ordainketa bitxiak, nori eta Cabieces (PSOE) gobernuaren ordezkari ohi eta alkate izandako sozialistari.
Hala ere, bi astez jarraian Iñaki Anasagasti senatari jeltzaleari telebistan entzun behar izan diot, ustelkeria batipat fenomeno española zela. Aurpegia behar da gero.
Atoan etorri zitzaidan burura erantzuna: Ustelkeria eta alderdi politikoen arteko lotura; alderdiok sigletan dauzkaten P kopuruen proportzionala dela erreparatuz.#Ustelkeria hartuko dugu berbagai @PFViernesETB saioan. pic.twitter.com/pYWSAsTXdA
— gaztelumendi.eus (@iPtx) January 30, 2015
Asteon berriz ere, Por Fin Viernes telebista saioan gai hauek izango ditugu berbagai. Kanpoko aferei buruz zorrotz aritu, baina ez dakit gertukoan begirada luzatuko dugun. Saiatu beharko gertuko ustelkeriaz berba egiten, hemengoari ere, usain txarra dario eta.
-
Euskal Herria
Guk irakurri eta munduari
erakusteko moduko liburuaEuskaraz, gaztelaniaz, frantsesez eta ingelesez plazaratu da Euskal Herria izeneko liburua, eta Hektor Ortega Prest! aldizkariko kazetariak ondu du, argazki ederren laguntzarekin.
Hektor Ortega historialari eta kazetaria Sua edizioak argitaletxean ari da aspaldion lanean, Euskal Herria liburuak izeneko atalean. Aldizkarigintzan orain arte, liburu tematikoak koordinatzen ditu aspaldi honetan, eta ziurrenik aspaldian jaso duen enkargurik ederrenak ikusi du argia duela gutxi: Euskal Herria liburua. Berak aipatu digunez, Elkar fundazioak “Euskal Herria jendaurrean aurkezteko liburu baten beharra sumatu zuenâ€. Eta Sua argitaletxean hausnarketarekin bat egin, eta ekin zioten lanari. “Eta egia esan, bazen garaia horrelako argitalpen bat kaleratzeko, Euskal Herria bere osotasunean azaltzeko: lurraldeak, herriak, natura, historia, kultura, kirola eta, jakina, gure hizkuntza, euskaraâ€. Eta liburua gauzatzeko Elkar fundazioak eta Sua argitaletxeak indarrak batu zituzten.Duela zenbait urte, Sua argitaletxeak “Euskal Herria, herri bat†izeneko beste argazki liburu eder bat plazaratu zuen. Prest! aldizkariko kidea ere baden Hektor Ortegak gogorazi digunez “Liburu hori aspaldian agortu zen. Lan bikaina izan zen eta, hein handi batean, eredu izan da liburu berrirako. Esate baterako, Alex Ugaldek liburu hartarako idatzi zuen testua abiapuntu hartu dugu 2014koa idazteari ekiteko†. Urteak igaro dira ordutik, eta historia zertxobait luzatu da. Liburu modernoagoa eta edukiz hornituagoa da oraingo Euskal Herria.
Lainoak ezkutatzen dizkionean maite ditu maite poetak gure bazterrak, orduan, eta orduan baino ez, so egin lezakeelako bere buruaren baitan, horrela adierazi dute liburuaren argitaldariek, Mikel Laboaren Gure bazterrak kantua gogoraraziz. Eta gure bazterrak ezkutatzen duten hori bera da liburuan zehar aurkituko duguna.
Liburu honetan gure herriari begiratuko diogu, zuzen eta garden, paisaiari, naturari, historiari eta kulturari erreparatuta. Eta hor azalduko zaigu Euskal Herria; bere horretan, guk ikusten dugun bezala. Lainoa izan zein oskarbi izan. Guk, eta beste askok. Hemengo eta hango.
Atzerrian interesa dago
Euskal HerriarekikoLau hizkuntzatan kaleratu da liburua: euskaraz, gaztelaniaz, frantsesez eta ingelesez. Lau liburu ezberdin dira. Lau argitalpen. “Euskal Herria zertan den azaldu nahi izan du lehenengo eta bat hemen bizi garenontzat eta horregatik euskaraz eta Euskal Herrian erabiltzen diren erdara nagusietan -gaztelaniaz eta frantsesez- argitaratu duguâ€, eta ingelesez ere plazaratu dute beste edizio bat, nazioartean zabaldu edota bertora datozenei zuzenduta. Hektorrek ahopeka aitortu digunez, Durangoko azokan oso ondo saldu omen zen ingelesez plazaratutako liburua antza.
Berton irakurri eta kanpoan erakusteko moduko liburua da beraz Euskal Herria liburua, eta kanpora begira zer egiten den galdetuta, kezka ageri du historialariak: “Oraindik lehenengo urratsetan gaudela iruditzen zait. Baina atzerrian interes handia dago Euskal Herriarekiko eta komeni da guk geuk ematea gure herriaren berriâ€.
Euskal Herri fisikoa,
historia eta kulturaArgazki koloretsu ederrez hornitua hasieratik amaierara, diseinu zainduarekin, ikusgarritasuna irabazten du lan honek. Baina ez da diseinu eta argazki hutsa. Mamia ere badu bere baitan Euskal Herriak. Edukietan sakondu du Hektorrek berak: “Testuetan gure herria goitik behera korritu dugu, Euskal Herria bere aniztasunean agertzeko. Lehenengo gure herri fisikoa deskribatu dugu (mendiak, itsasoa, klima, naturaguneak…) eta ostean gure kultura eta historian murgildu gara: artea, euskara, kirolak, jaiak…â€. Liburua begietatik sartzen da, egileak berak azpimarratzen duenez, baina testuak ere laguntzen du gure herria hobeto ezagutzen. Beti daude detaile berriak, datuak, eta guztiok daukagu zer ikasi bidaia horretan, izan bertoko, euskaldun ala kanpoko, atzerritar. Munduko herri izan nahi duen leku honen lekukotasuna ematen du, ezbairik gabe.
Eta egilea bera ere, maiz harritu egin da ikasi dituenekin. “Gurea herri txikia izanagatik hamaika altxor eta harribitxi gordetzen ditu bere baitan†esanez abiatu du bere gogoeta Hektor Ortegak, “ondo ezagutzen dugula pentsatzen dugunean ere, ezustea hartuko dugu. Etengabe ikasten ari gara. Alde horretatik, Euskal Herria amaigabea daâ€. Liburu guztiek dute zerbait eskaintzeko alde horretatik. Idazten duen guztion kezka izaten da, zerbait gorde edo jaso izana irakurleak berau bukatutakoan. Ez da zaila lan honekin ordea.
Liburua egin, idatzi, diseinatu, argitaratu ez da egun batetik bestera egiten. Ez da aldizkari bat edo egunkari bat argitaratzen den moduan sortzen. Bestelako lana eta ardura dago horrelako obra baten atzean. Baina pozik ageri da Hektor, nabari zaio hori. Alde horretatik zortekoa dela deritzo berak, “Zortekoa naiz, zalantzarik gabe, horrelako lanak egitea egokitu zaizkidalako. Niretzat Euskal Herria liburua idaztea erronka izan da, zalantza barik, baina baita egundoko gozatua ereâ€, eta poz bera hartuko du irakurleak ere, sekulako lanaren aurrean aurkituko delako. Gure historia, gure kultura, jaiak, paisaiak, ohiturak, hizkuntza eta zenbait txoko ezezagun topatuko dituelako bertan, Euskal Herrian.
Prest! aldizkarian Euskal Herria liburuko argazkiak. Gure herria hobeto ezagutzeko
aukerak zabaltzenLangile nekaezina da Hektor Ortega. Ezagutzen duenak aitortuko dizu. Prest! aldizkariaren proiektuan hasiera hasieratik dago. Bere izan zen lehen arduraduna Deustualeko aldizkari honetan, 1999ko udaberrian. Santutxualdeko Berton koordinatzen be hasi zen gero. Eta bi lanak batera egin izan ditu luzaroan. Eta irratietan ematen zuen gure auzoetako berri, gure berri beste auzoetan.
Deustuko unibertsitatean Historia ikasi zuen arren, laster ekin zion prentsan idazteari. Karrera bukatu, eta Egin egunkarian hasi zen idazten. Bilboko kronikari aparta bilakatu zen. Hain zen zabala bere ezagupena, Bilbao a la deriva liburua be plazaratu zuela, Txalaparta argitaletxearekin. Bilboko trakimaneje ugariren berri eman zuen liburu horretan. Garzón epailearen aginduz Egin itxi zuen, eta lan barik geratu zen Hektor Ortega ere. Eta gogotsu hartu zuen Prest! kudeatzeko ardura. Eta berarekin lan egin dugunok, beti gogoratuko dugu batzarren animatzaile, arduratsu, zorrotz eta irizpide kritikoetan trebatua.
Nora aldizkarirako fitxatu zuten gero. Bidaiak eta lantzen zituzten Berria egunkariarekin batera argitaratutako aldizkari berezian. Euskal Herria aldizkaria, El mundo de los Pirineos eta antzeko proiektuak kudeatu dituen Sua argitaletxearen muinean. Aldizkari batzuk desagertu egin dira, tartean Nora, baina Hektorrek jarraitu du abentura, historia, Euskal Herria, mendia, txangoak eta horrelako gidak, mapak, liburuxkak argitaratzen, koordinatzen, lantzen. Eta ezagupen hobetatik, guk geuk ere gure herria hobeto ezagutzeko aukera eskaintzen digu horrelako lan bakoitzean. Eta gu, zelan ez, hori dena hobeto ezagutzeko prest. Mila esker.
Euskal Herria http://t.co/qRd0Bj9mg8 Guk irakurri eta munduari erakusteko modukoa. @arbolagana @PrestAldizkaria pic.twitter.com/7kYQkpLY1R
— gaztelumendi.eus (@iPtx) January 30, 2015
-
Hemen BAQUEari #elkarrizketa esaten diogu
kafearen epelean
Kafe asko, eta leku askotan beharko dira benetako bakea ezagutu nahi badugu. Kafe asko, eta jende askorekin hartu eta jaso beharko dira, euskal bideren batek aurrera egitea gura badugu.
Ezin imajinatu daitezke, munduan zehar lortu diren lagun guzti hauek erakartzeko, zenbat hitzordu, kafe, txosten, elkarrizketa eta hegaldi hartu dituzten hainbat eta hainbatek.
Gure belaunaldiak, atzetik datozenei egingo dien ekarpen onena hauxe izango da gainera, bakegintzarena. Borroka askotatik gatoz, mila frente eta bataila, baina orain kafearen epelean… elkarrizketarako bideak ireki behar dira mila esparru eta txokotan. Bat-Bat harremanak gero eta garrantzia gehiago daukan une historiko honetan.
Askatasuna eta bakea
Txoriak libre izan nahi du, herri honek ere bai. Guztion artean, apurka apurka lortuko dugulakoan. On egin deizuela kafeak, eta kalterik ez elkarrizketak. -
H28 aldizkaria sarean
Barre egiteko, bazilatzeko, ondo pasatzeko, kezka agertzeko, salatzeko, margotzeko, alaitzeko, edozertarako…
Faltan botatzen genuen, adierazi… eta asmatu dugu antza:Inoiz baino beharrezkoagoa ikusten dut #Napartheid bezalako komiki fantzinea. Barre egiteko bederen. Eta kezka hedatzeko…. bidenabar
— gaztelumendi.eus (@iPtx) January 19, 2015
Asteazkeneko azala. Aieteko Adierazpenaren aldeko sarea zabaldu du Ekuadorko agiriak. @H28aldizkaria-ren sorrera. pic.twitter.com/t6Lm0fgluc
— Berria.eus (@berria) January 27, 2015
Iupi! @H28aldizkaria euskal argitalpen satirikoa asteazkenean abian http://t.co/7UnkurCwIn pic.twitter.com/l69v25jXrH
— Gorka Bereziartua (@boligorria) January 27, 2015
Biñetan jarrai! duda barik.
eta bitartean, musika ona entzun gura izan ezkero… hemen nu jazz eta funky beats batzuk, lasai lasai entzuteko:
-
Adierazpen askatasunaren alde eta xenofobiaren kontrako aldarria
Aste eta egun bereziak izan dira joan zaizkigun hauek….
Bereziak; jakinminez, beldurrez, irainez, gogoetaz beteriko orenak.
Charlie Hebdo agerkariko gertaerek mundua mugitu dute. Ekintza terrorista anker horren ostean…. dena mugitu da, baita gure kontzientziak ere.
Gogoetarako, irakurketarako astea be izan da.@Iparralde_orena berezia @Charlie_Hebdo_ Itxaro Borda, Sustrai Colina, @AitorServier @gatobazka @aran_txai http://t.co/wCVxQHXemc
— Franck Dolosor (@FranckDolosor) January 19, 2015
Beste behin ere, Franck Dolosor bezalako kazetariak egiten duten lana dut azpimarratzeko. Gogoetarako orenak dira hauek:
Marko marrazkilaria -garai batean gurekin Larrabetzun bizi zena-, Arantxa Gure irratiko esatari eta kazetaria, Itxaro idazlea, Aitor eta Sustrai bertsolariak… eta beste iritzi, irudi eta ahots anitz. Oso ahots kritiko eta interesgarriak.Asteazkenean #CharlieHebdo kaleratuko dute 3 milioi aletan; hona azala pic.twitter.com/DEXXIL4aI5
— Euskal Irratiak (@euskalirratiak) January 12, 2015
Hedoi Etxarte ez da Charlie Hebdo
Hego Euskal Herrian iritzi kritikoak jasotzea apur bat gehiago kostatu zaigu. Ahotsa.info atariak heldu zion gogoeta kritikoari, eta horretan Hedoi Etxarte idazleari egindako elkarrizketa mugarri izan da.
Elkarrizketa sakona (14 minutuko erantzun ia bakarra), baina datu asko. Testuinguru bat. Arriskuak. Gogoeta.zenbait marrazki iritzi eta artikulu interesgarri
#JeSuisCharlie dessin de marko pic.twitter.com/PvU1yzlrWH
— marko (@gatobazka) January 11, 2015
@gatobazka: @berria -n agertu ez diren marrazkiak marrazkia : @zaldieroa pic.twitter.com/CVcBDlRKO2
— marko (@gatobazka) January 18, 2015
Ez naiz baina banaiz Charlie Hebdo. @pellozubiria-ren gogoeta. http://t.co/2CUTznt0a0 #CharlieHebdo
— ARGIA (@argia) January 8, 2015
Atentado de ParÃs: mucha hipocresÃa y tres hipótesis http://t.co/0cY1crIHp7 Por NazanÃn Armanian
— Publico.es (@publico_es) January 13, 2015
Maite Ubiriak gaur funtsezko artikulua argitaratu du http://t.co/DruUSr1ZtJ #JeSuisBasque @garanet @Maite_Ubiria
— gaztelumendi.eus (@iPtx) January 18, 2015
Zer da adierazpen askatasuna? Asisko Urmeneta, @zaldieroa eta Marko igandean, BERRIAn @iastiz http://t.co/6dmv0uoWvv pic.twitter.com/bA1ruOvFTY
— Berria.eus (@berria) January 16, 2015
— Maia (@maiaolhagarai) January 12, 2015
Hajar Samadi neska eibartarra eredugarri
Bestelako ikuspegi bat landu gura izan zuten ostiral gaueko Por Fin Viernes saioan: Yijadismoaren arriskua gurean. Islamaren kontra, arabiarrak oro begipuntuan jarri zituen nazioarteko agente batek -txakur batek, alegia-; magrebiar batzuk, eta beste euskaldun batzuk be izan ginen telebista saio horretan. Eskuindarren iritzien aurrean -Lander izeneko hori entzutea besterik ez zegoen-, xenofobiaren kontra aritu gura izan genuen baten batzuk. Hajar Samadi neska izan zen saio horretan argiena; euskalduna bera, unibertsitateko ikaslea, emakume islamiarren elkarteko ordezkaria eta ezagutza eta formazio handikoa. Hemen dituzue berak telebistan bikain esandakoak, eta agente sekretuak berari leporatutakoak tartean.
-
Euskal Herriko Laborantza Ganbarak 10 urte
2005eko urtarrilean sortu zuen ELB sindikatak EHLG –Euskal Herriko Laborantza Ganbara-. Behe Nafarroako Ainizan du egoitza nagusia Laborantza Ganbarak, eta bertatik Lapurdi, Behe Nafarroa eta Xiberuako laborariekin elkarlanean laborantza iraunkorraren gune estrategikoa bilakatu da.
Urteurrenaren karietara, urteroko bilkura bereziagoa izango da aurten. Besteak beste Kanaldude telebistak dokumental berezia prestatu du Laborantza Ganbararen egoitza nagusian eskaintzeko.
Euskal Herriko Laborantza Ganbarak 10 urte http://t.co/j1bAPKStHp Zorionak #EHLG! Biba zuek! pic.twitter.com/VSZ7s0uJP1
— gaztelumendi.eus (@iPtx) January 14, 2015
Euskal Herriko Laborantza Ganbara sortu zen 2005eko urtarrilaren 15ean, helburu bikoitzarekin : Iparraldeko kuadro instituzionalaren eraikuntzan parte hartzeko eta laborantza herrikoia garatzeko, laborarien, naturaren eta kontsumitzaileen errespetuan.Hamar urte berantago, Euskal Herriko Laborantza Ganbarak laborantza mundua azkarki aldatu du ; hortaz edonor ohar daiteke.
Bere indarrak eta gaitasunak laborarien eta kolektibitate publikoen esku eman ditu. Hainbat alorretan lan egin du, gazteentzat erakargarria, kalitate eta balio-erantsi sortzailea den laborantza sostengatuz.
2015eko urtarrilaren 17an, urtebetetze berezia dugu elgarrekin ospatuko Ainiza Monjolosen:
Harrera: 9ak eta laurdenetan ongi etorria eta kafea
Biltzar Nagusia: goizeko 10 ak laurden gutitan ttanko:
– Euskal Herriko Laborantza Ganbara 2014an, Iparraldeko laborantzaz estattistika lanaren aurkezpena, debatea
– EHLGren Lagunak elkartearen bilana, 2014 urteko konduak
– Euskal Herriko Laborantza Ganbararen 10 urteen filmaren proiektatzea, Aldudarrak Bideo-k eginik
– Eztabaida, hitz hartzeak eta azken hitza
Zintzur bustitzea: eguerdi eta erditan,
Bazkaria: ordu 1ak eta erditan
Barazki salda,
Oztibarreko axuria suan errea ilharrekin,
Ossau-Irati sormarkako ardi gasna,
HERRIKO irinarekin egindako bixkotxa eta ogia,
Irulegi sormarkako arnoa, kafea eta ondokoa.
Animazioneak: 5-etatik goiti, ostatua eta ogitartekoak :– KLIK-K Itsasu/txaranga
– KANTUZ Gamarte/dantzaldia
– BOB XATAR, Ziburu/rock (hemen entzungai)
– BORROKAN, Bera/rock (hemen entzungai)
– DJ XA2 Oztibarre, erori ta lokartu arte !!
Elkarrizketa eta Loturak:
- EHLG 10 ans Jakes Abeberri Enbata.info
- Mixel Berhokoirigoin: “Ainitz laborari etxen bezala, konfiantxan, senditzen dira EHLGn” Laborari / ARGIA
- Euskal laborantzaren nortasun agiria, etorkizunari so Kazeta.eus
- Euskal Herriko Laborantza Ganbara euskarazko Wikipedian
- Mixel Berhokoirigoin INFO 7 irratian [audio:http://www.info7.com/wp-content/uploads/2015/01/20150114_45810.mp3]
Mixel Berhokoirigoin #EHLG ko presidenteak bere lekua utziko du ondoko astean eginen den biltzar nagusian @GOIZBERRI pic.twitter.com/OrkCMMzE5W
— Euskal Irratiak (@euskalirratiak) January 9, 2015
-
#JesuisBasque
#abokatuakLibre #atxilotuakAskatu
-
Aner Petralanda
Lagun bat, beste lagun askorekin batera epaitzen hasiko dira gaur Madrilen.
Auzokide bat, beste herri askotako kiderekin batera Madrilen da egun.
Eta bihar, eta etzi….. eta ez dakigu noiz arte iraungo duen epaiketa honek.#AnerLibre #35akLibre #epaiketapolitikorikez pic.twitter.com/ArWZyDdamq
— #AnerLibre (@Hiro_vuelta) January 11, 2015
Epaiketa politikorik ez! dio LIBRE! afitxak. Epaiketa guztiak dira politikoak izan, guzti guztiak. Preso politikoak dira, iritzi presoak, militante politikoak direlako Aner eta beste asko…. Burgosko epaiketatik hona, auzibide handietan murgildu diren horrenbeste lagun eta kiderenak bezala. Auzia ere, politikoa delako batipat. Oraindik konpondu barik dagoen auzi bat, konflikto bat, kontu bat.
libre
Irtenbidea ere politikoa izango da, auzibideetakoa baino gehiago. Libre geratzea ez delako libre izatea, baina norabide onean, lagundu dezake. Hori da gure helburua, Aner eta beste asko, beste gu asko, libre izatea.
Adierazpena: Euskal herritarrak libre!sare sozialetan
#ANERlibre pic.twitter.com/DdPh1Vr9mL
— larrabetzunLIBRE (@LIBRElarrabetzu) January 11, 2015
Gustatuko zaizu ere
Gazte eguna nahaste gaua
13 urte blogean, ekinean, ahaleginean
zenbat da asko euskaraz?
-
jauzi kualitatiboa euskal selekzioen ofizialtasunaren alde
#oneCountryOneTeam
Euskal Selekzioak Kataluniaren aurka hainbat partida jokatu ditu asteburu honetan -emakumeek futbolean, rugbilariek Katalunian bertan, futbol sala…- eta besteak beste selekzioen aldeko aldarria izan da nagusi zelaian eta kalean.
Sare sozialetan ere, #OneCountryOneTeam mezua hedatu da lau haizetara, mundu osoan.
-
Argazki garrantzitsua
- Zer da albistea? Nork erabakitzen du?
- Noiz dakizu argazki batek muga guztiak gaindituko dituela?
- Une egokia zein da?
Gaur goizean Lezaman egotea egokitu zait, zereginak nituen. Militantziak eraman nau bertara, laguntzaile. Eta Athletic taldeko mutilek entrenamendua amaitu dutenean, prest agertu dira kamara aurrean jartzeko. Ti ta. Mugikorra prestatu, iruditeria eman, eta azalpen gutxi behar izan ditu Aduriz kapitainak jokalariekin. Prest zeuden argazkirako. Askotan egoten diren moduan. Sarea baliatuta, berehala mundu osoan bueltaka egon da argazkia eta mezua.
One country one team
Athletic Club football players supporting the official recognition of the Basque national team #onecountryoneteam pic.twitter.com/U60Z3P1jBn
— JAUZIA (@Ofizialtasunera) December 12, 2014
Euskal Herriak munduan onarpena izan dezan ekimen berri bat sortzen ari da han hemenka. Joko zelai berrietan. Kirolariak, kirolzaleak eta beste jende asko ari gara lanean. Urteootan euskal selekzioaren alde aritu direnak, haize berriek bultzatuta gogor ekin nahi diotenak, eskarmentuko jendea, gazte saiatuak… denetarik.
Sare sozialetan eta komunikazio euskarri berrienetan indarra hartzen ari da #Jauzia Ofizialtasunera ekimena.
Beharbada, bizitza honetan egin dudan argazkirik garrantzitusena izango da.
Kirolariak ofizialtasuna aldarrikatzen
#OneCountryOneTeam hainbat jokalariek, Euskal Herri osokoak, sustengua ematen Euskal selekzioei @Ofizialtasunera pic.twitter.com/d1oOrB0YkA
— titto betbeder (@TBetbeder) December 12, 2014
