Denbora azkar igaro da. 7 urte jo barik, gehiago izango dira Donostian ikusi genituenetik.

click here to see more videos like this

Twitter bidez jakin dut, boligorriak ohartarazita. Bideoa ikusi eta Euskal Herrian berriz ikusteko gogoz geratu naiz. Larrabetzun gero eta jarraitzaile gehiago dituztela ohartu naiz gainera, gazteagoekin berba egin ostean. Horregatik, Euskal Herrira, edo EHtik gertu datozen hurrengoan ikustera joateko furgoneta prest daukagu.

Munduan ari dira. Munduko dira. Nazioarteko birari ekin, eta gurera bidean dira. Berritxarrak.net gunean irakurri dugu. Irakurtzeak merezi du. Nazioartean Euskal Herriko musika egiten dute. Eta pozik daude, pozik jarraitzen dute. Alemania falta zaie, Irlanda… Europa gehiena. Eta gero berriz gurekin izango ditugu. Hemen, Euskal Herrian.

Bitartean, hegazkina hartu eta ikustera joateko gogoa ematen du…

Azpian zegoen, gerizpean. Eta halako batean mp3 bat erori zitzaion burura. Ez zuen eureka! esan, ezta euroka! ere, baina orduan konturatu zen, musika erori egiten dela, eta berriro igo… eta musikaren akordeek jendea mugitzen dutela.

Mugimenduaren teoria bat osatu gura izan zuen gero, han, sagarrondopean. Musikak mugitzen duenaz, musikak eragiten duenaren gainean… karparen azpian.

Musika bizitza da, musika kultura da.

Sagarrondotik asteburu eder bat Hernanin.  Aukera zabala eta kriterio onak.

Euskal Herriko bi talde interesgarrienetakoak Delorean eta Atom Rhumba bertan izango dira. Kanpotik ere markakoak datoz… zer gehiago behar da ba?

Aspaldiko laguna da Mikel Untzurruntzaga Makala. Musikaria, disko jartzailea, musika programatzailea, musika eroslea… eta abar. Berdin jarraitzen du, zale, erosle, jartzaile, ari eta ari… musikaren inguruan.

Hainbat disko egin ditu orain arte. Javi P3Zen doinuak nahastuz plazaratu zen, Hondartzan egin zuen gero Metak zigiluarekin, Shakalaka Boom edo holango bat egin du duela gutxi Egaztearekin. Eta ez da gelditzen.

Bira hasi du orain, eta besteak beste Berlinera ere joango da Marek bere senide txekiarrarekin. Marek ere disko jartzailea da. Eta teklak ere joko omen ditu Makala sound system horretan.

Baina polita, benetan polita Makalak youtuben jarri duen bideo hau. Izugarri gustatu zait. Eta ondoko leiho horretatik beste zarauztar hoiek kentzen ditudanean -asko gustatzen zaizkit Delorean ere- Makalaren hau jarri behar dut.
Bitartean hemen Makalaren bideoa:

Enderrock katalanez argitaratzen den musika aldizkaria da.

Conxita katalanez kantatzen duen pop taldea da.

Helena Casas trikitilaria, Pomada taldekoa izateagatik da ezagun Euskal Herrian. Bera da Conxita taldeko abeslaria.

Pop saria eman diote. Eta vilaweb.tv podcasta ikustean akordatu naiz, izan be, aspaldion behin eta berriro entzun dut disko hori etxean. Atsegin dut.

Estetikoki eskuartean izan dudan diskorik atseginena da. Biniloa eta bere diseinuen garaian, diru gutxiegi neukan diskoetarako. Orain, diskoak -CD eta DVD formatuetan- eskuratzen ditugu. Estetikak indarra hartu du, besteak beste soinu hutsa Internetetik hartzea dagoelako. Eta horixe… disko izugarri polita iruditzen zait hauena. Sobre bat da, eskuz margotua… eta diskoaren kutxa barruan. Dena kopyleft gainera.

Conxita taldearen lan hau –Amb lletra petita– Gaztelupeko Hotsak zigiluarekin plazaratu da. Plazerra baduzu, entzun. Eta esango didazue gero.

Honatx bideo ezin pop_ago bat: