-
Fermin Muguruza larriki saritua
Ez da adar jotzea! Musikaren egunarekin saritu dute. Aurretik Mikel Laboa, Benito Lertxundi eta Ruper Ordorika saritu izan dituzten moduan. Ez da zaharra saria. Juan Karlos Izagirre Donostiako alkate zela hasi ziren musikariak saritzen. Berton. Ez Madrilen, edo Parisen. Hemengo erreferentziak bultzatu eta aupatzeko.
Eta ehundaka lagun batu ginen ekainaren 21 berotsuan Victoria Egunia antzokian.
Diskurtso ofiziala > alternatiboa
2017-06-21, Donostia. Adarra saria, Fermin Muguruza
Eneko Goia alkatea izan zen diskurtso ofiziala aipatu zuena. Sariaren zioak. Arrazoiak. Ibilbidea.
Alkateari zuzen zuzendu zitzaion musikaria albotik, saria eskuetan zuela. Kortxoenea ekarri zuen gogora. Gaztetxeak. Aretoak. Bukowski bereziki.
Eta txalo zaparrada luze eta hunkigarria entzun zen publikotik. Kontzertu batekoa baino intentsidade handiagokoa.
Micaela Chalmeta sekulako neska banda
Bartzelonatik etorritako hogeikotea, sekulako haize sekzioa, bateria sendo eta bizkor bat eta arreglo oso potenteak. Muguruza berriz dena emateko prest, istorio kronologiko bizia, tartean joandako lagun asko gogoratuz -aita, musikari lagunak, eta azkenaldian joandako hiru adiskide: Jon Arretxe, Hasier Etxeberria eta Juanba Berasategi; eta une hunkigarrienetako bat bigarren lerroko kantua Amaia Apaolazari eskani zionean-.
Kontzertu intentsoa. Bakarka ibilbideko kantu esanguratsuak, Kortatu garaiko himnoak, Negu Gorriak sasoiko hiruzpalau baino ez. Baina esanguratsuak.Gora herria! Gora @muguruzafm! #AdarraSaria pic.twitter.com/fxMNF4TgT9
— Negu Gorriak (@negugorriak) 2017(e)ko ekainak 21
#adarrasaria2017 jaso eta hasi da kontzertua Donostiako V. Eugenia antzokian.#musika#ibilbidea#eh pic.twitter.com/SnLgHi8MxD
— gaztelumendi (@iPatxi) 2017(e)ko ekainak 21
Ahir #Donosti va ballar al ritme de @muguruzafm i Micaela Chalmeta Big Band! El 15/7 seran al @grecfestivalbcn ! https://t.co/JAVh7K9LUZ
— Taller de Músics (@tallerdemusics) 2017(e)ko ekainak 22
brass dub manifest!
donostia kulturak egindako txio kronika momentua
-
Txirrindularitza maite baduzu
Jesus Loroñok ezagun egin zuen gure herria hemendik kanpo. Eta herritarrak, eta euskaldun asko txirrindularitzaren jarraitzaile egin ziren. Benigno Aspururen esprintak eta balentriak be sarritan entzun ditugu gure herrian. Orduko vueltak, tourra… Parisera bizkletan joan zen gure herriko txirrindulariaren kontuak. Eta KAS txirrindulari taldea, Reynolds geroago, Marino Lejarreta eta Julian Gorosperen sasoiak. Euskaltel. Eta bertan aritu zen Mikel Artetxe larrabetzuarra.
Baina zaletasuna motelago zegoela zirudienean… 180 txirrindulariko tropela elkartu zen gurean, herriko plazatik atera eta hiru buelta eder emateko karrera antolatu genuenean. Arrakasta.Mikel Artetxe urban race lasterketa herrian
Pozik etxeko karreran eindako lanagaz, karrera gogorra baie animoak igerri dire!! Biher Gasteiz. pic.twitter.com/6xWKI0pW12
— Txomin Aiartza (@aiartza) 2017(e)ko ekainak 3
Eta gaur egun, karrera honetan aritu zen Txomin Aiartza txirrindulari gaztea animatzen dugu. Zorte on, eta txirrindularitza maitatzen jarraitu eta bide bazterretik animatzen jarraitzeko arrazoiak iraun dezatela, gure herrian, Euskal Herrian. -
New Orleanseko doinuak Nafarroan
Nafarroa berezia da. Ez dago esan beharrik.
Punk mugimendua sortu zenean, Tijuana in Blue beste banda guztietatik ezberdina zen.
Heavy banda kañeroena izan zen Txantrean sortutako Barricada, eta barrikadaren alde berean jarri ziren heavyak eta punkiak.
Urte batzuk beranduagoa Mexikoko doinuak kantatzeari ekin zioten Huajaloteek, euskaraz Napartheid eta Intsumisioaren doinuak egin zituzten.
Bizardunak taldearekin irish kutsua hartu zuen hiriburu zaharrak.
Eta orain brass band baten atzetik kalean doaz guztiak, aldarrika. Sanferminetan txarangekin bezala, umeak kiliki eta buruhandien atzetik doazen gisara.BAJAS O QUE?@Iruneanola 2017 badator!https://t.co/u5vjoQz3BL
— Broken Brothers B.B. (@BrokenBrothers) 2017(e)ko maiatzak 22
Sigue adelante
Antropologo amerikar batek idatzitako liburua argitaratu dute Katakrak-eko lagunek. Musika, soziologia, hango borrokak, bigarren lerroa eta beste zenbait kontu interesgarri orri artean. Fermin Muguruzak hitzaurre ederra eskaini dio. Gaztelaniara ekarri dute Matt Sakakeenyren lana. Arraza, boterea eta musika barra barra.
SIGUE ADELANTE
Un pepino sobre música, comunidad y gentrificación en Nueva Orleans.
de Sakakeeny &Birch
prefacio @muguruzafm
en @katakrak54 pic.twitter.com/HvtyXvABip— Iruñea NOLA (@Iruneanola) 2017(e)ko maiatzak 8
Elkarrizketa-erreportajea idatzi nuen GARA egunkarian, bi itzultzaile -Xabi Maeztu eta Luis Soldevila- eta Katakrakeko sukaldariei egindakoa.
Sigue adelante liburuari buruz Xabi Maeztu eta Luis Soldevila sukaldari/itzultzaileekin. New Orleans РIru̱ea playlist bat
-
euskal blogosfera indartsuago baten alde
sarean.eus
Ez da aspaldi blogen beharren inguruan solasaldi bat baino gehiago izan dugula, sare sozialetatik batipat.euskal blogen aldeko manifestua https://t.co/oWmzkjBera pic.twitter.com/fMUNHWDlOf
— gaztelumendi (@iPatxi) 2017(e)ko apirilak 5
Blogetan antolatu zuen Azkue fundazioak, eta inkestaren osteko datuak eman zituen:
Nik neuk kezkaz bizi dut hori, eta halako susperraldi bati ekin nion gaztelumendi.eus blog honetan bertan.
Edukiak gehitu, irudia zaindu, sareotan hedatu, eztabaida bultzatzen saiatu… eta gainera nolabaiteko oihartzuna ere izan zuen kontuak.Ekaitzaren osteko barealdia?
Baina nago, ekaitzaren ostean heldu dela barealdia. Nori axola dio euskal blogaririk baden edo ez? Orain youtuberrak daude modan, eta guk ere youtuber ezagun, arrakastatsu eta euskaldunak behar omen ditugu, aidanean.
Uste dut, inoiz ez bezalako aukera daukagula euskaldunok Interneten. Blogak dira inoiz eskura izan dugun tresnarik erraz eta eraginkorrenak. Webguneak egiteko, edukiak sortzeko, ideiak hedatzeko, irakaskuntzarako, enpresetako kontuak zabaltzeko… zernahi kontu eta aukera eskaintze dute informazioa eta edukiak kudeatzeko tresnek.
Duela hamar edo hamaika urte, gogotsu ekin genion blogak sortu eta hedatzeari. Testuak idatzi. Erantzunak utzi. Elkarren berri izan eta eztabaidak konpartitzen aritu ginen. Gaur egun sare sozialek betetzen dute gure denboraren tarte hori nagusiki.
Hala ere, bloga duenak, tresna indartsu bat du eskura. Eta merezi luke tresnok eta baliabideok batera jarri eta ezagutzera ematea. Euskal blogosfera indartsuago bat behar dugula alegia.• Eta zu zeu, irakurle, informatikari, sortzaile, zer egiteko prest zeundeke?
• Edukiak sortzearen garrantzia ikusita, euskal blogek zer ekarpen egiten dute?
• Zer gehiago egin dezakegu blogariok eta Internet euskalduna bultzatzen dugunok orohar’
• Ohiko galdera, ondo ahal goaz bide honetan?
-
Hala Bedi komunikazio libre eta alternatiboa
Hala Bedi Gasteizen sortutako irrati librea da. Baina gaur egun, irrati bat baino askoz gehiago da Hala Bedi. Proiektu komunikatibo integral eta multimedia da, dudarik gabe.
Sortu zenetik irrati librea erreferentzia izan da; ez soilik Gasteizko alde zaharrean eta inguruan, ez horixe. Arabako eskualde ezberdinetan laguntza taldeak eta antenak sortu eta jarri izan ditu. Tokian tokiko informazioa landu du. Magazineak sortu ditu goiz eta arratsaldez (Suelta la olla edota Zebrabidea), beste irratiekin franjak eta saioak konpartitu ditu, eta gaur egun herrialde ezberdinetan entzuten dira Gasteiztik ekoiztutako saioak. Etengabeko kolaborazioan ari da Euskal Herriko beste irrati euskaldun eta libreeekin.Irrati librea baino gehiago
Gaur egun Hala Bedi bat eta Hala Bedi bi -euskarazko kanala- ditu irratiak. Programa mordoa. Giro itzela. Entzungarriak diren kuñak. Saio mitikoak eta sortzen direnak. Magazine konpartituak beste irrati libreetan – Suelta la olla Bilboko 97 irratian, Hala Bedin bertan, Eguzki irratian… eskaintzen da besteak beste-, eta Zebrabidea Arrosa sareko irrati ezberdinetan entzuten ahal da.
Sarean ere aspalditik emititzen duen irratia da. Zelan ez. HalaBedi.org Interneten hastapenetan sortu zuten, eta zuzeneko emisioa eta podcastak egiten denbora dexente daramate arabarrek.Sare sozialetan bizi bizi
- 9850 jarraitzaile twitter sarean
- 9281 lagunek egiten dute bat facebook bidez
- 1288 dira instagram bidez irudiak -argazkiak / bideoak- jasotzen dituztenak
Gasteiztar ezagun ugarik babestu dute "@errekaleor-i bai" manifestua https://t.co/EUrmpf8GWH pic.twitter.com/4p5w66bPw9
— Hala Bedi Irratia (@halabedi) 2017(e)ko ekainak 1
Hala Bideo
Hala Beditarrak
Hala Bedi Rock
Ikuspegi transmedia, bizia, horizontala eta soziala
Medio alternatiboa da Hala Bedi. Herri mugimenduaren parte da. Herri mugimenduekin batera ari da, lanean, sarean, uhinetan… Baina mugimendu sozial gisa ere, aberatsa da. Taberna bat dauka Gasteizko alde zaharrean, espazio soziala. Bere kamisetekin milaka lagun ikusiko dituzu nahinon. Ekitaldiak antolatzen dituzte beste elkarte, gaztetxe eta mugimenduekin batera. Bizitza kulturala dauka.
Komunikazioa, agitazioa, kaleko espresio ezberdinen gune anitza delako. Transmedia. Horizontala. Bizia. Eta oso soziala.🎙 irrati librea
📹 Hala Bideoak
💻 https://t.co/IdXggdctL1
âœï¸ informazioa🎸Hala Bedi rock
👕 kamixetak
ðŸ·ðŸºðŸžðŸ´ Taberna pic.twitter.com/i25eLCKUlG— gaztelumendi (@iPatxi) 2017(e)ko ekainak 1
-
Errekaleor bizirik!
Errekaleor okupatutako auzo bat da, ikasleak eta gazteak nagusi diren gunea. Gune aske bezala definitzen du google maps-ek berak.
Mehatxupean da une honetan, eta sekulako elkartasuna jasotzen ari da han hemenka.
Guk ere gurea adierazi gura diogu.
errekaleor gaiari buruzko Txioak
Argi adierazi dezagun: #errekaleor bizirik pic.twitter.com/lbhZns9StS
— gaztelumendi (@iPatxi) 2017(e)ko maiatzak 30
Errekaleorren aldeko manifestua sinatu dute 150 lagunek https://t.co/GQYEAwbjXh pic.twitter.com/6RZNlp3m5r
— Arabako ALEA (@ArabakoALEA) 2017(e)ko maiatzak 31
-
Edizioa etzi
Topaketa interesgarriak Katakrak liburudendan narratiba eta saiakera eta edizioari buruz
Hamabost egunen buruan bi aldiz joan naiz Iruñeko Katakrak liburudendara. Solasaldi interegarriak suertatu dira narratiba eta saiakerari buruzkoak. Katakrak argitaletxe ere baden ezkero, arretaz ari dira so egiten literatura eta pentsamenduaren inguruan gurean egosten dena.
GARA egunkarirako kronika pare bat egin ditut ia zuzenean liburudendatik bertatik. Hitzaldiak entzun, apunteak hartu eta bukatu bezain fite idazten hasi, handik ordu erdira erredakziora bidali eta biharamuneko egunkarian argitaratzeko.
Eta ohartu naiz, bai narratiban eta baita saiakeran ere esperientzia aberatsa dagoela Euskal Herrian, argitaletxeak bizi bizi daudela, eta zailtasunak zailtasun, gure liburuek zer esana ematen dutela.Sare sozialetan oihartzun handia
Katakrak liburudenda eta etzi.pm egon dira antolaketa eta logistikan. Mahainguruak sarean daude entzungai, eta horrez gain sare sozialetan ere oihartzun dexentekoa lortu dutelakoan nago. Egia esan, gurean literaturak, idazleek eta pentsamenduaren inguruko gaiek badute sona bat. Eta feminismoa adibidez, egun bizitzen ari dena oso esanguratsua da. Horrek, zelan ez, bere islada dauka sareetan ere. Erabiltzaile oso aktiboek gainera, oihartzun hori biderkatu egin dute.
Liburugintza, ofizioa, erronkak eta etorkizuna Katakraken Elkar, Susa, Txalaparta eta Igelako editoreen eskutik. https://t.co/kJTOJsRlYG
— Gernika Liburutegia (@gernikalibu) 2017(e)ko maiatzak 12
@Idazkola @plarrion @XOlarra @AmaluFm @katakrak54 @hedoi_etxarte "Gorka Arrese on fire"
— Alberto Barandiaran (@abarandi) 2017(e)ko maiatzak 10
"Edizioa etzi: saiakera" mahai-inguruan izango gara GAUR 19:00etan @katakrak54 en. @LISIPEsusa @JuleGoi pic.twitter.com/i8iRF6VmLG
— Jakin (@jakin_eus) 2017(e)ko maiatzak 15
Euskaraz pentsamendua nehoiz baino biziago: @jakin_eus, @Eskafandra_, @LISIPEsusa, @katakrak54. @iPatxi|ren kronika https://t.co/zPE1lVaXI0 pic.twitter.com/6SjFC3XZLd
— i.aiestaran (@iaiestaran) 2017(e)ko maiatzak 16
#edizioaEtzi @katuajea @Eskafandra_ @Xabiereiza @jakin_eus @etzipm @katakrak54 pic.twitter.com/utuPylUz6B
— xare (@xare) 2017(e)ko maiatzak 15
Editoreen ustez, saiatuz argitaratuko da pentsamendua eta saiakera https://t.co/2ImVfFy5HZ Kronika, @iPatxi-ren eskutik pic.twitter.com/vsIRPIJvmE
— naiz: (@naiz_info) 2017(e)ko maiatzak 16
Bi kronika GARA egunkarian
audioak etzi.pm
informazio gehiago: etzi.pm
-
Liburuaren eguna
Kantu berri bat entzunez hasi dut eguna -besteak beste- disko denden karietara Berri Txarrak taldeak plazaratutako singlea.
Eta Frantziako hauteskundeei buruz, eta Melenchon fenomenoari buruz jarraitzeari ekin diot, bart irakurri nituen PP eta Marhuendarenak… ia gogaitu arte espainolen ustelkeri, trama eta drama guztietaz.
Eta gaur liburuaren eguna da. Eta orduan, bideoak ikusi eta sarean idazteari ekin diot. Oharkabean.Eta irakurri, noiz?
Gaur #LiburuarenEguna
📺 EZ DIZU ONIK EGINGOhttps://t.co/ExDUAzQYu6— Susa literatura (@armiarma) 2017(e)ko apirilak 23
Susan egin genuen kanpaina honetaz oroitu naiz. Ez dizu onik egingo. Debekuak gogoan. Tabakoarena bezalako kanpaina bat asmatu gura izan genuen Zarautzen egin genuen bilkura hartan. EZPOT batzuk egitea planteatu genuen. Kontrapublizity apur bat. Eta bideoak sarean zabalduz, Emailuetan eskaini. Ikaragarri ondo pasa genuen, literatura eta ikusentzunezkoak uztartuz. Gure promozio kanpaina eginez, lagun artean.
Duela 11 urte gaztelumendi blog honetan argitaratutako post bat: Ez dizu onik egingo
… edo bai
📺 https://t.co/FE2W0aafbK— Susa literatura (@armiarma) 2017(e)ko apirilak 23
Bai, duela duela 11 urte aritu ginen horretan. Eta denbora aurrera doa. Sarean. Interneten. Liburu argitalpenean. Irakurketan. Eta jarraitzen dugu oraindik bide horretan. Beharko.bakarrik egoteko modu berri bat ote?
Bideoak ikusi, sarean idatzi, musika entzun, kalean ibili eta liburua hartuko dut eskuartean. Orain. Irakurtzeko.
irakurtzea izan ere, bakarrik egoteko modu bat ere bada. mila esker Berri Txarrak.
-
Gora Euskal Herria
Historia egiten duten egunen lekukotasuna
2017ko apirilak 8. Historikoa.
Gauza asko esan daitezke iragan larunbatean Baionan bizitakoetatik. Adjetiborik gabe geratuko ginateke ziurrenik, bertan batutako milaka lagunek pentsatu sentitu eta egin zutenaren inguruan. Baina Euskal Herrian; herri mugimenduetan, elkarteetan, erakunde sozial eta politikoetan dagoen kapital publikoa azpimarratzea litzateke garrantzitsuena nire ustez. Urteetako esperientzia metatuak ekarri gaitu hona. Erakunde politikoekin, instituzioekin, nazioarteko eragileekin, elizarekin, dagokion guztiarekin eskuz esku lan egiteko gaitasuna, irmotasuna eta zentsua.
Unez une, gero eta interesgarriagoa jartzeko gai izan dira Bakearen artisauak. Konpromisoak hartuz, eta konpromiso hoiek partekatuz, olatu erraldoi bat bizi izan dugu abendutik apirilera, Luhusotik Baionara.
Bake prozesua bizitzeko aukera, lekuko izateko ardura, inplikatzeko motiboak, arduraz jokatzeko engaiamendua piztu du mugimendu berri honek. Eta biderkatu egin da. Sekulako oihartzuna ukan du. Hor dago Luhusoko ekintzaren ikusgarritasuna. Zentsua. Zentsu politiko guztia.🎥
Aprilaren 8ko egunaren bideoa – Video de la journée du 8 avril#Bakeruntz #PourLaPaix https://t.co/ncO20i8x5x— Artisans de la Paix (@Artisans_Paix) 2017(e)ko apirilak 9
Memoria ariketa bat
Memorian gordeko ditugun irudiak dira. Uneak. Sentimenduak. Eta gure errelatoan, han egon ginen bakoitzarenean, leku bat gordeko du 2017ko apirilaren 8koak. Bakoitzak bere modura biziko zuen. Bere gogoetekin. Bere kezkekin. Ardura eta konpromisoarekin. Baina dudarik gabe, zerbait handia izan behar zuenaren zantzoek eraman zuten Bakegileen plazara gutako bakoitza.
Herri honek, bere etorkizuna eraikitzeko urrats handia eman zuen, beste behin Baionan. Urratsez urrats ari da urte luzeetan, eta historia une ttiki hoiek ere egiten dutenez, herri honen etorkizuna eraikitzen du hauetako urrats bakoitzak. Pertsona bakoitzak. Gogoeta bakoitzak. Eta memoria ez ahaztea da. Gogoratzea. Kontatzea. Gordetzea. Erakustea. Munduari, eta guri guztioi azaltzea. Belaunaldiz belaunaldi gogora ekartzea.📢20.000 lagun elkartu dira #Baiona bakegileen hirian
20.000 personnes a Bayonne #pourlaPaix📷 #basquePeace https://t.co/AozdTGY5YL pic.twitter.com/u2HmRie4nk
— Artisans de la Paix (@Artisans_Paix) 2017(e)ko apirilak 8
Bakegileak, istorio eder bat
Bakearen artisauak izendatu zituzten, ETAren armak suntsitu nahi izan zituzten gau hartan berean, atxilotu eta jende oldea atera zen beraien alde. Alderdi eta pentsaera ezberdinetako milaka lagun Baionako karriketan. Euskal Herrian ez ezik, gure mugetatik kanpo ere ondorioak izan zituen ekintza ttipi eta handi hark. Eta lanean jarraitu zuten. 5 barik, ehundaka lagunekin batera, milaka mugitzeko. Eta emaitzak hor daude. Ondorioak. Ausardia eta erabakia. Gogoeta eta estrategia aparta. Irudimena eta garaipena. Gure balio erantsia. Biba zuek! Baionako karriketan, Euskal Herriko historian txalo zaparrada honek oihartzuna izango du, luzaroan.
#Baiona Bakegileen plaza#Bakeruntz #BasquePeace#HacialaPaz#PourlaPaix pic.twitter.com/jMbeaoi3El
— Artisans de la Paix (@Artisans_Paix) 2017(e)ko apirilak 8
Biharamunean
Aizkora eta arbola, Euskal Herria
Izugarri ederra Koldobika Jauregi artistak GARA egunkariarentzat egindako irudi eta lamina. Milaka etxetan ondo gordeta eta erakusgai dagoena. Historia eta etorkizuna bat eginda. Zuribeltzezkok irudi oso esanguratsu bat. Egunkari osoa grafikoki jantzi zuena. Landutako informazioari zentsu historikoago bat eman ziona, bidenabar. Ondo kontatutako istorio bat.Korrika
Etenik gabe, egunez egun Euskal Herri osotik aurrera egin zuen Korrika berak ere. Eta Iruñean, Euskal Herriko hiriburu historikoan ikusi zuen amaiera. Kantuak, musikariek eta herritarrek handiago egin zuten bere oihartzuna. Gozatu zuten. Milaka eta milaka euskaltzalek, Euskal Herri osotik, munduko bazter askotatik, gure hizkuntzaren, gure kulturaren, gure herriaren lekukoa hartu, jarraitu eta gure etorkizuna orain aldira ekarri zuen… une batez. Orain. Beste behin.Egunon!Gaur esnatzean ere ezti tanta gozo bat bezala bat somatu dut ezpainetan. Eskerrik asko #korrika20 eta @AEK_eus , eskerrik asko Sarri pic.twitter.com/IwjJuHdxSz
— Amaia Izko Aramendia (@AmaiaIzko) 2017(e)ko apirilak 10
Gustatuko zaizu ere
Telebistan
[ leihotik mundura ] 20:20
Afghanistan emakumeen eta zinemaren begiradatik
-
Korrika
Euskal Herria ezagutu, maitatu eta gozatzeko aukera
Julen Kaltzada euskaltzaleak sekulako memoria dauka. 1980an Korrika zelan asmatu eta abian jarri zuten kontatu zuen aurrekoan Hamaika telebistan. Nik bota nion gonbidapena, eta esperientzia itzela izan zen berarekin emandako ordu bakoitza.Gaur gauean Julen Kaltzada eta biok @HamaikaTb​n egongo gara #Korrika berbagai hartuta. Julenek esateko asko dituhttps://t.co/GKfLom4Kdz
— gaztelumendi (@iPatxi) 2017(e)ko apirilak 4
#Korrika20 Gaur 21:00etan ZUZENEKO saio berezia, konexioak, erreportaiak eta @iPatxi eta Julen Kaltzada zoro zoragarriari horietako bat! pic.twitter.com/2AiUtHvjLt
— Hamaika Telebista (@HamaikaTb) 2017(e)ko apirilak 4
Zehaztasun handiarekin, orduko pasarteak, zailtasunak, pozak eta bestelakoak jendaurrean jarri zituen, telebista bitarteko zela. Korrikari buruz berba egitera joan ginen biok. Hasieratik ezagutzen du berak, eta nik edizio batzuetako bitxikeriak, oroitutako kontuak eta gogoeta batzuk partekatu nituen berarekin.
Eta saioaren bukaeran esan nuen bezala Korrika bizizea Euskal Herria ezagutu, maitatu eta gozatzeko aukera paregabea da. Eta edozein unetan, edozein lekutan, guztion eskura dagoen gauza zoragarri bat. Baliatu dezagun.Korriki be #Marabilli dalako!
BiBA ZUEK! pic.twitter.com/uqgw2RAN4V— gaztelumendi (@iPatxi) 2017(e)ko apirilak 5
