-
Bisiten bizitza
Bisibilitatearen erronkak gure webguneetan | sareko hauspoa
Interneten proiekturen bat duen edonork hainbat buruhauste eta kezka ditu, bisiten gainean, bisibilitatearen inguruan.
- zelan lortu bisita gehiago?
- zer egin behar da jendearen arreta erakartzeko?
- zer da zilegi egitea? Etikoa?
- euskaldunok zelan jokatzen dugu sarean….horrelakoetan?
Friki izatetik, euskara Japonen entzutera
Aurreko astean, froga moduko bat egin genuen sarean. Galdera bat bota genuen, Sustatun lehenengo eta sare sozialetan behin eta berriro.
Albisteak 2.0 frikia iruditzen zaizu? Sustatun idatzi eta elkarrizketa sortu zen.
Sare sozialetan, galderak erantzunak, gogoetak, adibideak eta elkarrizketa sortu zuen.
#basqueFREEk etiketa asmatu eta irudi/pegata moduko bat ere egin genuen.
Argazkiak.org | are you basqueFREEk? © cc-by-sa: gaztelumendiIkusgarriagoa egitearren
Helburua xaxatzea zen, kezka eragitea… eztabaida sortu ezkero, pozik. Gainera, inguruan izandako komentario batzuen inguruan be, jendearen ikuspegia jaso nahi genuen… eta eskuartean geneukan saiorako…. giroa sortzeko aproposa. Aitzakia horrekin, aurreko Albisteak 2.0 bideoak gogoratu -aste santuko nagiak astinduz… bidenabar- eta gure telebista ekimenari ikusgarritasun apur bat eskainiz. Beste munduko ezer ez, baina ahalegin apur bat. Post horren inguruan, gauza batzuk idatzi, komentatu, tweeteatu eta jendearen erantzunei so egin. Erantzunak etorri ziren, elkarrizketa sortu zen… eta ikusten genuen jarraitu behar genuela hori elikatzen.
Tagline bezala hautatu dugun esaldiak, bere indarra erakusten du horrelakoetan, baieztatu egiten da: Internet elkarrizketak dira.Bisiten gorakada
Eta konturatzen zara, ahaztuta zaituenari gogoratu diozula zertan ari zaren. Beste batek kuriositatez eman diola klik, jendearen musturraren aurrean jarritako bideoa ikusteari ekin diotela batzuk… eta azken egunetan bisitarik gabe zegoen guneak, bizitasuna irabazi duela. Bisiten bizitzari hauspoa ematen zaio horrela.
Eta sarean, gero eta tranpa gutxiago dago. Datu asko eta asko publikoak dira.
Gure aurrek saio horrek vimeon ditu erakusgai astez asteko ikustaldiak oro.- Bideoa ostiral arratsaldean eskegitzen dugu normalean, eta asteburuan ez ditu bisita asko izaten normalean. Asteburuan ez zituen 20 ikustaldi izan.
- Hurrengo astea ere, on ona ez. Tartean oporrak, ostegun eta ostiralean.. aste santuko jai egunak… 60 ikustaldi.
- Aste santu osteko egunetan beste 25 bisita gehiago. Guztira 100 bisita inguru aste arraro eta opordun hoietan.
- Friki kontuak sartu, sare sozialetan astindu, sustatun eta blogetan idatzi eta 175 ikustaldi gehiago. Badago alderik.
- Baina bideo berria jartzean eragina biderkatu egin da. Frikiak Japonekin lotu, eta frikien elkarrizketa albistegi berrira bideratzen dugu, ia oharkabean. Elkarrizketa horrek, gehiago eragiten dio horrela, gai berriari. Eta egun gutxi batzutan 200 ikustalditik gora. Eta gora egingo du oraindik… apurka apurka.
Gaia ez da punta puntako gaia. Baina ikuspegian asmatu dugu beharbada. Japoniar tematika ez da askorik landu euskaraz, baina saio ikuspegi transbertsal batetik egiten saiatu gara, murgilduz, blog ezberdinei buruz berba eginez… loturak eskaini eta loturen logikan arakatuz. Musika eta kultura uztartuz… ikusi eta ikasi gure filosofiarekin bat eginez. Frikismoa, albistegi batera ekarriaz. Beste estilo batean. Eta sare sozialetako elkarrizketa telebista saioari lotuz. Eta ikasi gura horretan, emaitzari erreparatzen diogu. Bere txikian, interesgarria egiten zaigu. Eta oraindik hobetu beharra dagoen arren… datu esanguratsuak iruditzen zaizkigu.
Aldaba jo ezean, ez dago barrura sartzerik. Jendea erakarri egin behar da gure edukietara, eta horretarako aldaba ezberdinak, ate diferenteetan jo beharra dago. Modu eta doinu ezberdinetan. Saiatuz. Saioak eginez. Bideoetako edukiak blogetan txertatzu, sare sozialetan loturak eta galderak eginez, erantzunak profitatuz… eta txapa eman barik, baina isil isilik egon gabe. Neurri zehatzik ez dago, baina beti ikasten da zeozer.
Euskaratik, beste hizkuntzetara
Eta Japoniari buruzko saio horrek, bestelako frogak egiteko aukera eman digu. Sarea baliatuz, edukia bera azpititulatu eta bestelako publikoetara heltzeko saiakera ere egin dugu. Gaiaren unibertsaltasun horrek erakartzen duen jendearengana heltzen saiatu gara. Aipatzen ditugun blogetako egileek ere, blogetan txertatu ahal izan dute gure edukia. Eta horregatik euskaraz, gaztelaniaz eta ingelesez jarri ditugu edukiok, azpititulaturik. Eta gure isilpeko nahia zena, gauzatze bidean dagoela dirudi. Japonierazko bertsioa ikusi dezakegu aurki.Gurea ez den publikoak ikusi ditu edukiok, euskaraz mintzo ez den jendeari heldu zaio, printzipioz beraiena ez den mezu edo eduki bat. Ehundaka lagun batzuk dira hoiek ere, gurera lantzean behin erakarri gura ditugunak. Gaika.
Nork esango luke? Baina bai, euskara lehen aldiz entzun duen japoniarraren hitzak irakurri, eta ahaleginak merezi izan duelakoan gaude. Gure herri txiki baina bizi hau… munduan badela nor pentsatzen baitugu horrelakoetan. Ahaleginaren ahaleginez, ezina ekinez egitea lortzen dugulako.
-
Euskal Herria eta Japoniaren arteko linkak
Link munduan bizi gara. Loturak. Harremanak. Bidaiak. Globala eta lokala uztartzen diren sasoia. Eta horregatik Ekialderen dauden herriek eta gurea bezalako kultura txiki batek harremana izan dezakete.
Gora Japon deitu daiteke hemengo musika talde bat, eta gizon probak egingo dituzte Tokyoko kale batean bitamina iragarki baterako. Alaitz eta Maiderren doinu batek sukaldaritza progama baten sintoniarako balio dezake, eta Gosek Japoneko bideoak aurkezten dizkigu sarean.
Albisteak 2.0 saio berezia egin dugu Japon eta Euskal Herriaren artekoa. Eta ikusirik gurean, zelango zaletasuna dagoen horrelako gaiekiko, bideoa azpititulatzeari ekin diogu, eta ea lortzen dugun japonierazko bertsiora heltzea. Demasa litzateke! Euskara bezalako hizkuntza batek, aukera itzelak ditu sareari esker. Telebista saio ttiki bati, Internetek mila aukera eskaintzen dizkio. Hoiek profitatzen asmatu beharra dago. Eta asmatzea, lagunok… inbentatzea ere badenez, ea aziertaten dugun.
Gustatuko zaizu ere
Txillardegi
Hamar kantu eder, ikasturtea gogotsu hasteko
Euskaraldia | Ni prest!
-
Sarea eta euskara
360ºko kamara batek grabatuko du eztabaida
Sarean euskaraz ari garenak asko gara. Zorionez.
Lauzpabost lagun batuko gara mahai borobil batean, mahainguruan ibiltzeko. Erdian kamera bat egon bide da, guztia grabatzen, eta ez soilik berba egiten duena.
Euskara eta sarea, tresnarik aurreratuenekin.
Zuzeu.com agerkariak aurki emango du emaitza.
Bitartean… sarean euskaraz jarraitzea izango da gure apusturik sendoena, teknologiarik berriena baliatu, software librea lokalizatu eta erabiltzaile gehiago erakarriz euskarazko tresna eta gunetara.
Komunitatea sendotu eta gure gaitasunak munduan erakusteko moduan jardun.Euskarak sarean aurrera egin dezan:
- edukiak Webguneak, blogak, wikipedia, mota guztietako edukiak.
- erabiltzaileak Edukiak irakurtzeko, tresnak erabiltzeko (euskarazko nabigatzaile, joko, software, gune….), parte hartzeko, gehiago sortzeko.
- tresnak (software librea)Â Apustu garbia egin beharko luke gurea bezalako komunitate batek software librea erabiltzeko.
- komunitatea Euskaldunok osatzen dugun sarea. Globala eta lokala uztartuz. Euskal Herrian, zein munduan dauden euskaldunak oro.
- bisibilitatea. Egiten dugunari, sortzen denari, garenari eman beharreko ikusgarritasuna. Gettotik ateratzeko ahalegina, ikus gaitzaten. Bagarela esateko.
Horra hor, bost puntu edo berbetan neure esateko guztia. Ea besteok zer dioten.
-
Albisteak 2.0
Telebista eta Internet bertsio barriagoan
Eta lotsa asko barik ausartu gara gu ere. Inoren zain egon barik, ikusentzunezkoen sarean murgiltzeko beta izan dugu. Gerrilla komunikazioko ekintzetatik, iraunkorragoa izan nahi duen batera igaro gara, eta esperientzia metatzen ikasiko dugu telebistan jarduten, sarean eragiten.
Gerrilla komunikazioak hori du, ekintzetan ikasten duzula, kalean ari zarela hartzen duzula esperientzia, eta esperientziatik teorizatzen dela gero. Gogoeta batzuk abiapuntu hartu, eta beharrak erakusten dizu bidea eta norabidea.Sarea hizpide
Eta albisteak 2.0 egitarako orduan, sarea bera hartuko dugu hizpide. Euskal komunitatean sortu eta garatzen diren proiektuak hartuko ditugu gaitzat, sareko eztabaiden hariak oinarri, sorkuntzari boza ematea da helburua.TB partehartzailea
Telebista partehartzailea dugu helburu. Sareko esperientziak hori erakutsi baitigu. Baina zelan egiten da telebista partehartzailea? Guk ere ez dakigu, baina horretan saiatuko gara. Horretarako, web tb hau ikusten dutenek, mandoaren aurrean zapping egiten geratu barik, sarean sortzen jarraitu beharko dute, komunikazioan parte hartuz, hartzaile izatetatik parte hartzaile izatera….Adibideak sarean
Digg nation ezagutu dugu, sareko elkarrizketan. Irudi luke, hau hartu dugula eredu gurea egitean. Baina antza, beste askoren eredu da. Guk egin ostean jakin dugu telebista saio arrakastatsu honen berri. Zabaldu.com globala da digg eta hango albiste bozkatuenak hartzen dituzte hizpide digg nation saioko Kevin Rose eta Mickey Albrecht aurkezleek. Guk ez bezala, edaria beti eskuan dutela egiten dute saio biek. Oso sareko estetika, geek zamarra daukate, eta badirudi zintzotasun eta ondo entsaiatutako jarrera horrek laguntzen duela sarean atsegin izaten. Geek antzezpen ona egiten dute. Biek.
eduki multimedia libreak
Internet elkarrizketak direla diogunean, partehartzea, zabalkuntza, iritzi trukaketa eta erremix kultura ditugu buruan.
Hasi gara, beta saioa egin genuen eta astero emankizun bat egitea dugu orain helburu.Albisteak 2.0 Beta saioa
Albisteak 2.0Â lehen saioa:
Hemendik aurrera sareari buruzko albistegi hau, telebistan eta sarean zabalduko dugu. Herri telebistetan, blogetan, komunitatean…
-
Telebista eta Internet
Egunotan gai hauek ekarri ditugu hizpidera. Apropos? Kontestuagatik?
Esango nuke, gaiak hor daudela, eta arretaz begiratzen diegula aspaldion. Kezka sortzen dute, irrika ere bai, gogoa, ardura…
Videoweb10 burutu zen duela ez asko Bilboko eitb-ren egoitzan. Han izan ginen. Komunikaldiak dira gaur, eta lan kontuengatik bertan izango gara.
Argazkiak.org | webtv web telebista telebista Interneten
© cc-by-sa: gaztelumendiGreba Orokora | Egunkaria libre!
Ikusentzunezkoen testuingurua aztertzean baina, iaz arrakastatsuak -sarearen neurrian, beti ere- izandako bi ekimen ekarri gura nituzke hizpidera: greba orokorra eta Egunkaria libre.info. Bietan, maila aktibo batean, telebista eta ikuspegi multimedia partehartzailea, librea, irekia uztartzen saiatu ginelako. Eskura genituen tresnak baliatuta -eta ez dira gitxi, egia esan- bestelako informazioa posible dela erakutsi eta frogatu gura izan genuen. Bi adibideak, auzolanean sortutako ekimenak izan ziren. Ekimen hacktibistak, informazioaren eta adierazpen askatasunaren aldekoak. Pikete informatiboa maiatzaren 21ekoa, ozen kendu digutena salatzekoa abenduaren 17aren ingurukoa.Zu, ni, gu
Esan eta esan ari gara, ikusentzunezkoen garrantziari buruz, Telebista eta Internetaren uztarketari buruz, youtube bezalako guneek munduan sortu duten aztoraketaz. Gu geu garela informatzaileak, baita bideoen aroan ere. Baina horri gauzapen praktikoa eman behar zaio. Telebistak ez du iraultza emanen, baina guri kontatzea dagokigu. Ez du balio EITBren programazioaz edo informatiboen ildoaz kexu agertu eta ezer ez egitea. Kontatu zure inguruan gertatzen dena, parte hartu elkarrizketan, sortu bloga, utzi erantzuna…. norbanakoon indarrak ez du mugarik. Blogosferak erakutsi du, Euskal Herrian bezala, mundu zabalean ere, zertarako gai den. Denbora kontua izan da, Dan gillmor egilearen We the media eta antzeko liburuetan kontatzen zena, egiaztatzeko. Guk geuk frogatzeko. Eta urrats hori ikusentzunezkoen alorrean ere bizitzen ari gara. Aukera hori daukagu.koloretako gogoeta irratian
Eta irratiko argi gorria piztu denean, hizketaldiari ekin diogu Teketenek eta biok. Zalantzak uxatu, orain artekoak hizpidera ekarri, aukeren gainean mintzatu eta etorkizuna marrazten hasi da Gorka Julio. Koloretan atera zaio irudia, obikua da, efimeroa… joan etorriko komunikazioan. Globalizazioa bizi dugu ikusentzunezkoen kontsumoan ere, eta horri erantzun lokalak bilatu behar dizkiogu.
Musika lagun, pantaila aurrean, konektatuta, eta elkarrizketa digitaletan parte hartuta egin dugu saioa. Irratia ikusentzunezkoen laguna da, sare sozialetan mintzatu daitekena, bideoa adiskidetzat lukeena, blogariak entzule…. komunikazioaren historian, uhinek aportatu dutena ikusita… bide luzea du oraindik irratigintzak. Eta sarean ondo baino hobeto murgildu da mp3ak sortu eta RSS bidez igortzen hasi denean. Podcastinga baino gauza modernoagorik!
[audio:http://bilbohiria.com/docs/podcast/irratiacom/irratiacom100308.mp3]
Saioan zehar aipatu ditugun adibide polit batzuk:- Iparraldea XXI Dokumentala, bideo laburrak eta bloga
- ORAIN: debolex ekoiztetxearen lanak
- azpitituluak.com
Teoriatik pratikara, blogosferatik telebistara
Esan bakarrik ez, ikasitakoa frogatzea gustuko duenetakoa bazara, zu ere gutarra zara. Teoria ta pratika uztartzea, oso metodo marxista ei da. Akzioa komunikazioan. Eta horretan nahi genuke frogatu. Gauza txiki batzuk egin ostean, sareak ze aukera ematen dituen ondo asko ikasi dugu. Esanetik, eta egitetik. Bizitzetik. Eta erantzunak hor daude. Orain baina, urrats bat gehiago ematea erabaki dugu komunikazio horizontal eta libre horretan. Telebista partehartzaile bat osatzea dugu helburu orain. Eta hori zelan egiten da? Nork argituko du bidea? Zer egin daiteke?
Galdera hoiek eta gehiago guk geuk ere baditugu sorbalda gainean. Motxila bete itaun ditu gure jardunak. Baina apurka apurka, egitera goazela dirudi. Auzolanean, eragile ezberdinak inplikatuz. Telebista eta Internet uztartuz. Blogosferako esperientziak, jendea, informazioa, jakintza sozializatzera. Berriro ere gure mezuak blogosferaren bidez zabalzeko.
Horretan ari gara Albisteak 2.0 egitasmoan. Beta saio bat sarean jarri, eta elkarrizketa abiatu da. Izan ere, gaur atzo baino argiago daukagu Internet elkarrizketak direla.
albisteak 2.0
0 beta saioa
Albisteak 2.0.000 from Albisteak 2.0 on Vimeo.
Orain gurea, zurea da hitza. Bota pentsatzen duzuena, adierazi kezkak. Parte hartu elkarrizketan. Komunikazioa, azken finean elkarrizketa da.
-
Pablo Picasso eta Gernika: beste ikuspegi bat hiru dimentsiotan [erremix kultura]
Sarean zabaltzen ari da. Mezuetan, sare sozialetan. Leku eta toki ezberdinetatik heldu eta irakurri dut. Ikusi dut. Eta merezi du erakusteak.
Lena Gieseke artistak webgune berezia atondu du Pablo Picassoren lanaren gainean. Eta hiru dimentsiotako kuadroa erakusten digu gero.
[Erremix kultura]
Erremix kulturan txertatzeko moduko adibidea, duda barik, hemendik aurrera ohikoagoa izango dena.
Lan bat, kantu bat, hitz batzuk hartu eta bertsio propio eta ezberdina egitea. Sareak areagotuko duen sorkuntza.Hona hemen Lenak egindako arte lan bikaina. Musika aproposa, artelan bikaina, gogoeta bultzatzen duen obra, duda barik.
Gustatuko zaizu ere
Euskal Herria 2.0 topaketatik puntuEUS dominiora
jalgi hadi mundura!
visca zuek!
-
Liburuen poliziaz
Irati Jimenez | Berria
Liburuaz ari ginen. Liburuaren lekuaz. Ergelkeriak pentsatzen hasi naiz, as usual. Liburuak politak direla pentsatu dut, baina leku gehiegi hartzen dutela (apalategietan) eta deserosoak direla etxez aldatzeko (aurten bitan egin dut, amesgaiztoa). Liburuak maite ditut, baina nireak direnean ere ezin ditut erre jendeak gaizki begiratu gabe. Halako txotxoleriak pentsatzen nengoenean irakurri dut Victor Manuel kantariak esandakoa. «Guardia Zibilean baino ez dut sinesten», dio, musikarekin bukatzear omen dauden webgune ustez ilegalen itxiera eskatuz.
Emadazue tiro. Euskarri elektronikoa hementxe daukagunean eta jendea jo eta su dabilenean liburuak doan eskuratzen Interneten, liburu bategatik ematen didatena defenditzearren polizia etor dadila eskatzen badut, emadazue tiro.
Hara, nire ustez musikarekin miraria pasa da. Sistema horizontalagoa daukagu, abestiak doan, diskografia osoak eskura. Musikoak ezin dira kantua latan sartzetik bizi, egia. Musika zuzenean egin behar dute, antzina bezala, eta, horri esker, iaz hiru aldiz ikusi nuen Springsteen, etxetik kilometro gutxira. Diskografiken gainbehera? Baliteke. Kontzertuak antolatzen dituztenen mesedetan. Industria aldatu, moldatu edo hil egiten da. Berdin musikarena, zein liburuena, zein ontziolena. Gizakiak beti nahiko ditu ozeanoak zeharkatu eta beti nahiko ditu ipuinak entzun. Idazleoi sistema aldatuko zaigula? Hala dirudi. Beharbada poemak zuzenean irakurtzen hasi beharko dugu, herriz herri, pintxoak eman eta sarrera kobratuz. Beharbada, egunen baten, dena horizontal, dena doan, dena Sarean jarriko duen balizko etorkizunean, inor ezingo da kultura sortzetik bizi, inork ezingo duelako kultura kobratu.
Beharbada ez da hain etorkizun distopikoa. Jendea Interneten nire liburuak elkar trukatzen eta bilatzen, nire lanen gosez? Utopia da! Beharbada utopia horretan kulturaren profesionalak desagertu dira edozein erabiltzaile sortzaile delako, irakurle eta blogari, iritzi emale eta biltzaile. Eta?
Gutenbergen asmakizunak liburua fraideen eta artisauen eskuetatik askatu zuen duela mende batzuk, eta gizartearen esku zikinagoetara bota. Beste iraultza batek liburua liburutik askatuko du, beharbada. Eta pantailaren begira bota. Ipuinak iraunbiziko duela, horixe baino ez dakit. Eta kulturaren izenean Guardia Zibilari deitzen diotenen lanak ez ditudala Sarean bilatuko. Ezta doan ere.
pott datak: Artikulua irakurri eta blogean zabaltzea otu, dana bat. Berriatik sarera, pentsatuaz egilea bat datorrela edukiak holan barra barra zabaltzearekin. Edukia interesgarria da. Inor konforme ez balego esan beza… ez diogu eta jaramon askorik egingo. Distopia, ze ona!
Idazle bat liburuen poliziaz zabaldu gura baduzue.
-
Biba zuek! zuzeu.com proiektuan idazten
Biba zuek!
Argazkiak.org | biba zuek! © cc-by-sa: zuzeu.com
Interneten, kalean, herrian, hemendik eta handik ikusi eta ezagututakoen gainean aupamenak egiteko txokoa.
Biba zuek! zuzeu.com proiektuan idatziko ditudan lerroak izango dira.
Biba zuek! ekimen xumea baino ez da izango, aipamen hutsa. Eta gauza askori bisualizazioa eskaintzeko saiakera. Jendeari erakustea beste errealitate hori be. Idatziz ikusteko. -
Jabetza industria
Mikel Elorza | Berria
Bolo-bolo ibili da gaia, Durangoko Azokan aurreneko aldiz liburu-e dei dezakeguna ikusgai zegoela. Eta atentzioa eman dit hainbat argitaldarik jabego intelektualaz azaldu duten kezka, eztabaidaren zurrunbiloan ene ustez astakeriak esateraino (lapurretarekin alderatuz artxibo baten deskarga…). Sortzaileen eskubideak errespetatu behar dira, horretan ados gaude guztiok, eta bilatu behar ditugu formulak horretarako; baina horrek ez du esan nahi beste batzuen negozioak errespetu maila bera behar duenik. Zeren eta batzuek negozioak egiten dituzte nekez aberasten diren sortzaileen eskubideen kontura, pentsua besteen pentzura maiz, eta negozioak negozio izaten jarrai dezan dute borroka latza. Eskubide, pirata eta antzeko hitzekin batera, esanguratsua da holakoetan azaltzen den beste bat: industria. Hori da indartu eta zaindu eta gorde behar dena, eta horri egiten dio, itxuraz, kalte, morroiloak kentzeak. Ez onartu nahian teknologiak aldaketak ekarri dituela, ekoizpen eta banaketa moldeak aldatzen ari direla, kontsumo eta partekatze ereduak ere bai, hedadura moldeak desberdinak direla eta horretara denok egokitu beharko dugula, baita industriak ere. Negozioa galtzeko bada ere. Baina ai, lagunok, eskubide horiek jabetza eskubideak dira, eta horien funtsa antzinako erromatarrek zuzenbidea finkatu zutenetik muinean ez dira askorik aldatu. Eta kostako da, gaur egungo erromatarrok ere —hau da, zibilizazio menperatzaile nagusia, bizimodua arautzen duena— jabetza eskubidea bizimodu eta zibilizazio horren zimentarri baitugu.
Gaztelaniaz bada esamoldea, ezin zaizkiola zelaiari ateak jarri. Beti pentsatu dut esan nahi ederra duela, eta horren alde borrokatu behar dugula, baina mendiak atakez josita daudela, langa eta txarrantxez beteak. Interneten ere berdin: jarri nahi dizkiote morroilo eta kisketak, ari dira horretan, eta segitu beharko dugu horiek gainditze lanean.
Ateak uste ez duzunean topatzen baitituzu. Ez dute gaurko BECeko finalean jarriko, gaia, hauxe: “Zu Amets, bertsozale porrokatua eta kazetaria zara, Interneten aritzen dena, eta kronika eder bategaz batera finaleko saioa zure webean eskegitzeko asmoa duzu. Baina Sustraik, elkarte antolatzaileko bozeramaileak, e-maila bidali dizu zeinak dioen, “Bergara eta Donostiako saioak oso osorik zintzilikatu dozuzala badakigu. Finalera begira, akreditazioa jasotzeko hitzarmena sinatzea eta bidaltzea eskatuko dizugu aurrez”. Hitzarmen horrek, jakin dezazuela biok, debekatu egiten du saiorik osorik eskegitzea, 6 bertsoaldi eskegitzen baino ez du uzten. Hiruna bertso nahi duzuen doinu eta neurrian”. Ez dute gaur horretaz kantatuko, ezta beharrik ere, baina proposatzen dut hurrengo saio baterako, txapelketatik at. Nire lagun bati gertatua baita, e-mail hori jaso egin du. Imajinatzen dut iritziak elkartean ere asko eta diferenteak izango direla, eta eztabaidak, baina hainbat lan eta ekimenetan eredugarria den eta lan eskerga egiten ari den Bertsozale Elkartearen aldetik asko harritu nau, egiaz diotsuet. Saioen erretransmisioa ere baimendu izan duelarik. Elkarteak noski ez du saioak eskegi izanagatik kazetariaren aurka deus egingo, baina abisua bera eta hitzarmenaren baldintzak…
Ez diezaiola honek, hala ere, bertsoaren festa nagusiko argiari itzalik egin. Jabetza eskubideen harira kontatzekoa zen, ustez. Gaur besterik da: 14.000 lagun entzun eta ikusten, zortzi lagun oholtzan. Ez da iazko haizea. -
Bertso txapelketarik ez dago sarean
#btn09 etiketa on bat izan zitekeen, baina ez da askorik ageri inon.
Sare sozialen garaiotan, bertsoak ondo hartu zezakeen olatu hau, baina keba! Ez gabiltza/dabiltza asmatzen, inondik inora.
Txapelketak nahikoa du, aretoak bete eta areto handiagoak bilatzearekin antza…
Argazkiak.org | bertsolari txapelketa © cc-by-sa: gaztelumendiTxapelketa hutsa
Bertsozaletasuna hedatzen eta indartzen ari den honetan, webgune ia estatiko bat sortzearekin dena egin dugula pentsatzen badugu, jai daukagu!
Txapelketatik txapelketera berrikuntzak izaten dira, jendartean bezala, teknologietan be. Bertsoaren munduak, hoietako asko harrapatzen jakiten du, inbertsioa egiten du… teknologia berrien inguruan dabilen jendeak ere aukera izaten du bertsogintzarekin aurrerapenok uztartzeko.sare sozialak bertsogintzan
Baina aurtengoan txasko handia hartu dut. Pentsatzen nuen, twitter txapelketa bat izango zela, sare sozialetan aipamen hutsa baino zeozertxo gehiago egingo zela… baina poto! beti gauza berdinak errepikatzen ari gara, ez gara gai horrelako ekimen erraldoietan, irudimen apur bat gehiago jartzeko, eta sarea bertsoaren gune natural bilakatzeko.edukien sozializazioaz, bi puntu
Zer esan hedabide eta sareko tresnen gainean? Telebista eta irratiz jarraitu daiteke txapelketa, tarteka. Info7 zuzenean ari da saioz saio, Euskadi Irratiak saio bereziak egiten ditu domeketan, ETBk bere Hitzetik Hortzera dauka. Baina adibidez, domekako Gasteizko saioa entzun gura baduzu, non dago?- Non daude aurreko saioetako bertsorik onenak?
- Saioak osorik entzuterik bai?
Sareak horretarako behar du izan. Artxibo digital erraldoia batetik, unean uneko aukerak bestetik. Uztartu beharra dago. Atzera begira bezala, aurrera begira. Unean unekoa. Artxibo bezala, gordailutzat dute batzuk sarea. Momentuko tresna besteek. Propagandarako lanabes. Nik uste funtzio guztiak bete ditzakela, baina horretarako planteamendu komunikatibo zehatza behar du, eta ematen du une honetan ez duela. Eta akats larria, larriegia iruditzen zait.
Sarean egote hutsa ez da nahikoa. Baina lau urtean behin egiten den horrelako ekimen batek, kulturgintzarako ere eredu behar luke, ez soilik sarrerak modu digitalean saltzeko ahaleginaren gainean, baizik eta bertsoaren funtsa lantzeko moduan ere. Bertsoa bizitzeko aukera berriak eskaintzen baitizkigu Internetek.
Norena da bertsoa?
Azkenik anekdotatxo bat. Jakingo dozue agian, baina Bergarako saioan une batez argia joan zen. Bertsolariek bere jardunean jarraitu zuten. Entzulegoak ondo erantzun zuen. Ozen abestu, isil isilik entzun. Giroa sekulakoa izan zen, errepikaezina. Telebistak off, mikrofonak huts, aparagailu elektriko guztiak itzalita. Une hori, haizeak eroan behar zuen. Bertso itzelak izan ziren gainera.
larrabetzu.org egiten dugunok, han geunden. Gure bertsozaletasuna bermatzen, jarraitzen, grabatzen, gozatzen… une hori ere historikoa izan zen. Guk, elkarteak baliatzen duen mahaitik barik, eskenatokian bertan jarrita geneukan gure mp3 grabagailu txikia. Bere bateriatxoarekin, pilekin… 12 bat orduko autonomiagaz. Bertsoak osorik eta txukun txukun grabatu zituen.
Jon Martin eta Maialen Lujanbio zortziko txikian
[audio:http://larrabetzu.org/bloga/audio/btn09/bergara/bergara_lujanbio_martin.mp3]Gure copyleft pentsakera eta jarrerak, saioa bukatu eta atoan Bertsozale elkarteko lagunengana eroan gintuen. Xenpelar dokumentazio zentruari eskainiaz grabazioa. Bere horretan, asko eskertu zuten. Gu ere pozik. Deusen truk. Musutruk. Bertsoa norena da? Kantatu duenarena? Elkartearena? Grabatu duenarena…. guk uste, bertsozale, kulturzale eta euskaldun guztiona dela, ezta?
Biharamunean bertsook jarri zituzten Euskadi Irratian adibidez, baina aipamenik ez. Ez dute copyleft ulertu, ulertzen, ulertuko….. baina guk ere hobeto azaldu beharko diegu.
